السكه شمال بقلم / لولو_محمد ( كامله )

الحلقه ٨٢

(((((((((السكة شمال ))))))))))))
#لولو_محمد
الحلقه الثانيه و الثمانون
مازن / المهم كنت بقولك الصور مش دايما بتقول الحقيقه ممكن تكون كانت بتعرض عليه يبيعك و هو رفض انتى اتكلمتى معاه فى الموضوع مينفعش تحكمى عليه منغير متسمعى دفاعه
مرام / انت ليه بتدافع عنه دا عمره معاملك حلو
مازن / عشانك بدافع عنه عشانك عشان هو اخوكى و غالى عندك و اى حد هيفكر ياذيكى لازم الاول ياخد منك ضهرك اللى هتتسندى عليه لو وقعتى
مرام تبصله
مازن / محمود مبيحبنيش بس بيحبك انتى
مرام / واضح
مازن / انا عارف الاشكال دى كويس انا متاكد انهم ضحكوا عليه و خدعوه انا عارف انه ميعملش كدا و القرار فى الاول و الاخر ليكى
..............................
مرام / هو احنا رايحين فين
مازن / هخطفك
مرام / لا بجد هنروح فين
مازن / النادى
مرام / هنعمل ايه هناك
مازن / قربنا نوصل لما نوصل هتشوفى
......................
فى شقه سميحه
سميحه / مبتردش مبتردش
محمود / انا هنزل ادور عليها
مديحه / هتدور عليها فين دا ايه الغلب دا بس ياربى
محمود / معرفش هسال فى المستشفيات و الاقسام يمكن
مديحه / طب استنوا بس اما نجرب تانى يمكن ترد
سميحه / انتصار انا هكلم انتصار يمكن راحت الدار
مديحه / صح ممكن برده كلميها
........................
فى النادى فصاله ملاكمه
مرام / هو احنا هنعمل ايه هنا
مازن / هاى شباب
الشباب يشاوروا لمازن و هو بياخد مرام عند كيس ملاكمه كبير يحط موبايله و يقلع ساعته و يحطها على ترابيزه و يديها جلوفزات ملاكمه و يساعدها تلبسها
مازن / فشى غلك و انطرى الطاقه السلبيه اللى جواكى
مرام / ايه ؟؟؟
مازن / متخيبش صدقينى
مرام تبص يمين و شمال
مازن / محدش له عندك حاجه يلا تعالى انا همسكهولك
مرام تبص لايديها و تبص لمازن يشاورلها يلا مرام تبص للكيس و تضربه بوكس
مازن / افندم يعنى دانتى بتضربينى اكتر من كدا
مرام تضرب اجمد شويه
مازن / تخيليه الناس اللى بتدايقك و اضربى جامد
مرام تضرب مره و اتنين و تلاته و تندمج و تنزل فيه ضرب و وشها يحمر و مازن ماسك الكيس لحد مهى تتعب و تروح تقعد فى الارض بتنهج مازن يروحلها و يقلعها الجلوفزات
مازن / لا ليكى مستقبل فى اللعبه فكرينى بعد الجواز متخانقش معاكى
مازن يقوم و يروح يلبس الساعه و ياخد موبايله و مرام بصاله باندهاش
مازن / ايه هتفضلى قاعده عندك كتير يلا نشوف لعبه تانيه
مرام لسه قاعده يروح يقعد جنبها
مازن / ايه مالك
مرام / مفيش
مازن يبص لمرام يلاقى تليفونها بيرن فايدها صامت يلاقى تيته
مازن / انتوا متخانقين
مرام / هرد عليها اقولها ايه دى ممكن تموت فيها
مازن ياخد الموبايل و يرد
مازن / ايوه يا تيته ازيك 
سميحه / مين ... مازن
مازن / ايوه ازيك
سميحه / حبيبى قد ايه مبسوطه انى سمعت صوتك مرام معاك
مازن / ايوه
سميحه / الحمد لله الف حمد و شكر ليك يارب الف حمد و شكر ليك
مازن / هى كويسه متقلقيش عليها مدايقه شويه بس هتفك دلوقت الا صحيح يا تيته هو انتى ناويه تعزمينى على حاجه حلوه و لا ناويين تاكلوا عليا الحلاوه
سميحه / انا كلى ليك يا حبيبى بس حلاوه ايه
مازن / حلاوه ان مرام طلعت الاولى عالدفعه
مرام تبصله و عنيها تتملى دموع
مازن / انا جبتهالها النهرده مالكونترول
سميحه / الف حمد و شكر ليك يارب ياما انت كريم يارب ياما انت كريم يارب و انت يا حبيبى عملت ايه
مازن / يعنى هعمل ايه جبت مقبول بس باذن الله ناوى اشد الترم ده
سميحه / الف مبروك يا حبيبى الف مبروك قولى نفسك فى ايه و انا اعملهولك
مازن / طب خلاص اعمليلنا لقمتين حلوين على منيجى بقى
سميحه / من عنيا يا حبيبى خلوا بالكوا من نفسكوا
مازن / سلام يا تيته
مازن يقفل و يدى الموبايل لمرام
مرام / انت
مازن / انا ايه
مرام / انت جبتها ازاى دى الكليه مقلوبه انا مليش نتيجه حتى ورق امتحاناتى اختفى انا حتى معدتش متسجله فى السجل المدنى
مازن / انتى عرفتى ؟؟؟ على العموم كل ده اتصلح و اللى عملوا كدا و كل اللى اشتركوا فيه هيتحاسبوا
مرام / ازاى
مازن / مش مهم ازاى المهم اننا نلحق نروح بقى عشان انا واقع مالجوع ممكن تقومى بقى بدل والله ابيعك و اروح اكل لوحدى انا اصلا واحشنى اكل تيته اوى
مازن يقوم و مرام تقوم
مرام / انت اللى عملت كدا انت الى ساعدتنى
مازن / مش لوحدى خالو و شريف و كام حد كدا متعرفيهوش
مرام / شكرا
مازن / بعدين بعدين ممكن نروح ناكل بقى
مرام تبتسم و تمشى معاه
................................
فى البيت عند مرام
مازن / الله شامه الريحه
مرام / ههههههههههههه اكل الحجه سميحه يتشم من على بعد كيلو
مازن / امال انا بحبها من شويه
مرام / مصلحنجى
مرام و مازن طالعين عالسلم يقابلوا محمود نازل
محمود / مرام ازيك عامله ايه قلقتينى عليكى
مرام / كويسه الحمد لله
مازن / ازيك يا محمود
محمود / و طبعا البطل هو اللى حل الموضوع صح
مرام / محمود
محمود / لا لا متقلقيش انا اصلا قررت انى مدخلش تانى
مازن / انا هسيبكوا تتكلموا
مازن يطلع
مرام / محمود لو عاوز تشرحلى الصوره اللى جتلى دى فرصتك الاخيره
محمود / خوفت عليكى خوفت منه احنا مش قده لبنى قالتلى على اللى عمله فى نيفين و كمان ماهى ازاى رماهم لما شبع منهم و ادتنى رقم ماهى و اتكلمت معاها و وعدتنى انها هتبعد مازن بس مش هتاذيكى هى وعدتنى مش هتاذيكى انا مكنتش اعرف انها هتعمل كدا انا اصلا كل اللى عملته انى اديتك الورقه اللى فيها التحليل و دورى خلص
مرام / و الفلوس
محمود / كانت غلطه بس مكنتش ببيعك مكنتش اعرف انها شطانه زيهم كنت فاكرها ضحيه لمازن
مرام / على العموم الحمد لله مازن حل الموضوع
محمود / عرفت
مرام / ايه مش هتشغل نظريه المؤامره بتاعتك و تقول انه هو اللى عمل كدا عشان يصلح الموضوع و يبان بطل و نرجع لبعض
محمود / لا مش هقول
مرام / تمام
محمود / انتوا هترجعوا لبعض
مرام / انا محتاجه لمازن كصديق حتى لو مفيش نصيب يعنى
محمود /معقول .. طيب هتعوزى حاجه
مرام / شكرا
محمود يمشى و مرام تطلع فوق تلاقى مازن بياكل محشى تجرى تروح تقعد جنبه و تقعد تاكل و هى مبسوطه
.........................
فى المحل عند اسعد
اسعد / مالك يا حوده مش مظبوط ليه
محمود / معلم هو انا ممكن اتكلم مع حضرتك يعنى
اسعد / طبعا امال دانت ابنى اللى مخلفتوش يا محمود
محمود / بص يا معلم انت عارف ظروفى من زمان و عارف انى محلتيش حاجه و ابويا الله يرحمه مسبلناش حاجه بس الحمد لله عايشين فشقه ملك و مليش اخوات يعنى مش هدخل جيش
اسعد / ايه الكلام ده دانتوا احسن ناس يابنى كفايا انك بتاكل من عرق جبينك لقمه شريفه احسن من عشره فالحرام
محمود / بصراحه انا اترددت كتير اوى قبل مكلمك و خصوصا يعنى انى لسه بدرس بس
اسعد / يابنى انت تؤمر قولى عاوز ايه عاوز فلوس
محمود / لا يا معلم كتر خيرك الحمد لله انا شغلى فالاجازات بيجيب قرشين كويسين اصرفهم على الكليه و شغل ماما مكفينا و زياده بس اصلا كل ده مؤقت عشان انا كلها سنه و نص و اتخرج و اتعين معيد و الوضع كله هيتغير للاحسن باذن الله
اسعد / باذن الله والله انت جدع طيب و تستاهل كل خير
محمود / المهم يا معلم انا هطلب منك حاجه بس خايف لو رفضت تاثر على اللى بنا
اسعد / يابنى مفيش حاجه فالدنيا هتاثر بس قول
محمود / انا عاوز اطلب القرب منك عاوز اخطب مروه
اسعد يتفاجئ
محمود / انا عارف انى لسه بدرس و هى كمان بتدرس بس احنا ممكن نمشيها خطوبه دلوقت لحد ماتخرج و ظروفى تتحسن و الشقه قدامك يعنى مش هتبعد عن عنيك و انا اوعدك انى هعاملها بما يرضى الله
اسعد / والله يا محمود يابنى انت فاجئتنى بالموضوع ده بس مبدئيا انا طبعا يشرفنى انى اناسبك بس الراى فى الاول و الاخر ليها هى
محمود / طبعا طبعا يا معلم و ايا كان قراراها انا برده ابنك و عمرى مهزعل
اسعد / لا ان شاء الله ربنا ميجبش زعل
................................
فى شقه مرام
مرام / ياااه انا كلت لما اتلكمت الحمد لله هقوم اعملكوا شاى
سميحه / قومى
مازن / تسلم ايدك يا ست الكل اكلك مبيتشبعش منه
سميحه / الف هنا كل و اجيبلك تانى
مازن / لا تانى ايه انا بس اخلص ده
سميحه / الف هنا
تليفون مازن عالترابيزه ينور برساله الخلفيه صورته هو و مرام باصين لبعض و هو ماسك دقنها و عنيها فعنيه سميحه تشوفها مازن ياخد الموبايل بسرعه و يقوم
مازن / شبعت الحمد لله تسلم ايدك يا تيته هغسل ايدى
مازن يقوم يدخل الحمام يغسل ايده و بعدين يطلع عالبلكونه يتكلم فى التليفون مرام تجيب الشاى تحطه عالترابيزه و تشيل الاكل و تدخل المطبخ مازن يدخل مالبلكونه
مازن / انا هستاذن انا بقى
مرام تطلع من جوه و تقف ساكته
سميحه / بدرى كدا طب عالاقل اشرب الشاى
مازن / غصب عنى والله لو عليا ممشيش بس زياد عنده حوار كدا و عاوزنى
سميحه / ابقى كررها
مازن يبتسم و يهز راسه و يبص على مرام واقفه بعيد يشاورلها باى و يمشى و هى عينها معاه لحد ميقفل الباب
سميحه / لسه لابس دبلتك فى الشمال برده
مرام تدخل الاوضه سميحه تتنهد و تقوم وراها تقعد جنبها
سميحه / محكتليش انتى عن الصوره دى
مرام تبص لسميحه
مرام / صوره ايه
سميحه / اللى متصوراها مع مازن و هو ماسك دقنك
مرام تنكسف ووشها يحمر
سميحه / انا مش هسالك انتى لما هتعوزى تحكى هتجيلى مش كدا يا مرام
مرام / مفيش حاجه يا تيته اخر مره كنا مع بعض قالى متصورناش للخطوبه يعنى و اتصورنا و هى الصوره دى بس اللى كنا مع بعض فيها الباقى بقى ماسكلى ورد او انا مسكاله مسدس
سميحه / و ليه مقولتليش
مرام / يوميها كل حاجه اتلخبطت و انا مكنتش مظبوطه و لا عاوزه اتكلم عنه كدا يعنى
سميحه / كان شكلكوا حلو اوى فى الصوره دى
مرام تبصلها
سميحه / هو انتى مشوفتيهاش
مرام تهز راسها لا
سميحه / عاملها خلفيه لموبايله
مرام /مشوفتهاش لا بس المفروض يمسحها يعنى المفروض اننا سبنا بعض مش من حقه يحتفظ بصورى صح
سميحه / ابقى كلميه فى الموضوع ده
مرام تبصلها و بعدين تبص قدامها و تهز راسها حاضر سميحه تقوم و تسيب مرام لوحدها
........................
فى شقه مديحه
مديحه / لولولولولولولولولولى
محمود / بس بس انتى بتزرغطى على ايه هما لسه وافقوا الناس تقول علينا ايه
مديحه / و هما هيلاقوا احسن منك فين
محمود / مهياش بالاحسن و الاوحش بالاغنى و الافقر
مديحه تبص لمحمود
مديحه / مروه بنت حلوه و لونه و هتنسيك مرام دى خالص
محمود يبصلها و يهز راسه تبوس راسه و تمشى
................................
فى الفيلا عند زياد
مازن يدخل زياد يجرى عليه
زياد / انت عملت ايه ابوك خوتنى و الدنيا مقلوبه
مازن / هو ده موضوع الحياه او موت اللى انت منادينى عشانه
زياد / ابوك بيكلمنى كل ربع ساعه هو فى ايه
مازن /فين الاموره بتاعتك
زياد / تقصد مين
مازن / لبنى هانم فين
زياد / عند مامتها ليه و بعدين متغيرش الموضوع كلم ابوك
مازن / بص يا زياد انت اخويا و حبيبى بس لو ملمتش لبنى عنى انا و مرام متلومنيش عاللى هعمله
زياد / هتعمل ايه يعنى
مازن / انت عاوز تعرف بجد
زياد / و بعدين انتوا مش كل واحد راح لحاله و خلصنا مالهم ده راجعله تانى ليه
مازن / انا و مرام عمرنا مهنسيب بعض لانا هكون لغيرها و لا هقبل تكون لغيرى حطها حلقه فى ودن لبنى و قولها انى عرفت باللى عملته و قولها قبل متكرريها تانى ابقى اسالى احمد و ماهى مازن عمل معاهم ايه
زياد / هقولها حاضر حاجه تانى
مازن / شكرا
زياد / مازن
مازن / نعم
زياد / انا و انت اخوات
مازن / و الباقى علاقات قولها لنفسك
مازن يسيب المكان و يمشى و زياد واقف مبتسم
................................
فى شقه سميحه
سميحه / و هما هيلاقوا احسن منه
مديحه / من بقك لباب السما صحيح مبروك لمرام فرحت اوى ان الموضوع اتحل
سميحه / الحمد لله محمود عمل ايه
مديحه / الحمد لله جايب امتياز هو كمان
سميحه / الف مبروك والله اليوم ده يستحق ندبحله حاجه
مديحه / على قولك والله داحنا دمنا نشف
سميحه / انا اصلا كنت عامله حسابى ندبح سلامه محمود بس كل حاجه اتلخبطت و اتلخمنا
مديحه / اجليها بقى ندبحه بمناسبه خطوبته
سميحه / على قولك قول ميوافقوا ندبح عجل و نوزعه
مديحه / الا قوليلى هو مازن كدا خلاص رجع لمرام
سميحه / لا ليه بتقولى كدا
مديحه / اصلى لمحت الدبله فى ايده
سميحه تهز ايديها هنعمل ايه بس و تتنهد و تسكت مرام تطلع مالاوضه تسلم على مديحه و تبوسها
مديحه / الف مليون مبروك يا ست العرايس
مرام / الله يبارك فيكى يا عمتى ازيك
مديحه / الحمد لله يا قلبى مالك يا بت وشك منور كدا ليه هاه ؟؟؟
مرام / ههههههههههههه  عن اذنكوا
مرام تدخل المطبخ
مديحه / ياختى عسل
سميحه / هههههههههههههههههههه
....................................
فى شقه مازن
مازن قاعد بيحفظ تليفونه يرن باسم مرام يتنفض و يقوم يرد
مازن / الو ازيك
مرام / الحمد لله بقولك انت جاى الكليه بكره صح
مازن / مكنتش ناوى بس لو عوزانى فحاجه
مرام / اه الشركه الله يعينك طبعا
مازن / يعنى مش بالظبط
مرام / اه على العموم انت ادرى بوقتك يعنى بس ياريت متجيش اخر الترم و تقولى ساعدينى عشان يمكن مكنش فاضيه ساعتها
مازن / لا متقلقيش انا بزاكر اول باول بس مبروحش الا لو كويز او حاجه مهمه غير كدا قاعد فالبيت
مرام / براحتك يعنى الموضوع انى كنت عامله تارت و انت مشيت قبل متدوقه و كدا فقولت اجيبلك معايا بكره واحده يعنى انا عارفه انك بتحبه
مازن / تسلم ايدك دانا كدا ممكن مقدرش استنى لبكره و اجيلك دلوقت
مرام / تنور اكيد يعنى
مازن / يعنى ايه اجى
مرام / هاه ؟؟
مازن / ههههههههههههههه خلاص اشوفك بكره فى الكليه بس اوعى تطمعى فيها و تكليها انا عارفك طفسه
مرام / لا متخفش هعينهاك ... مازن
مازن / نعم
مرام / تيته كلمتنى يعنى انها شافت صورتنا على موبايلك
مازن / اه حلوين اوى هبعتهالك
مرام / هو مش المفروض تمسحها
مازن / ايه ؟؟؟
مرام / يعنى مازن انا قولتلك مفيش نصيب
مازن / بس انا بحفظ فى السوره و قريب اوى هخلصها
مرام / مازن
مازن / انا مبعملش حاجه غير انى احفظ هى طويله اوى بس هخلصها هجيلك يوم و اخليكى تسمعيهالى
مرام / مازن
مازن / دا مهرك اللى انتى حددتيه و انا هدفعه و لعلمك لو طلبتى القران كله هحفظه لو طلبتى نجمه مالسما هجيبهالك بس متسبنيش
صمت
مازن / انا عمرى محبيت غيرك و لا هحب ادينى فرصه ارجوكى ادينى فرصه
مرام / مازن
مازن / بصى من هنا لوقتها فكرى
مرام / زى التلت ايام و هاجى اقولك مفيش نصيب ليه اعشمك ليه اديك امل فى حاجه نهايتها معروفه
مازن / انا كدا كدا هحفظ السوره و ساعتها براحتك اللى يريحك اعمليه
مرام / مازن خلينا اصدقاء احسن
مازن / هدحك عليكى و لا على نفسى انا بحبك و عاوزك و مينفعش اكون اى حاجه تانيه غير كدا
مرام / مازن
مازن / انا هبعتلك صورنا سوا شوفى لو فى اتنين لايقين على بعض اكتر من كدا قوليلى
مرام / يا مازن لو سمحت
مازن يبعت الصور لمرام صمت
مازن / ساكته يعنى ... على العموم انا قولتلك كدا كدا هحفظ السوره و لما اجى اتقدملك تانى و اسمعها ابقى ارفضينى و هتقدملك تانى و ارفضينى و هفضل اتقدملك و ترفضينى لحد متستسلمى و توافقى
مرام / اللى يريحك انا هقفل بقى عشان ورايا مزاكره
مازن / ماشى مع السلامه
مازن يقفل و يقعد يحفظ
.............................