السكه شمال بقلم / لولو_محمد ( كامله )

الحلقه ١٢٣

(((((السكة شمال ))))))
#لولو_محمد
الحلقه ١٢٣
باب الشقه يتفتح و مجدى يدخل يفك الكلبش لاخوه يقوم يدخل الحمام اميره تدخل المطبخ
الست / كفايا بقى يا مجدى الحال ده ميرضيش ربنا
مجدى / اعمله ايه يعنى اسيبه يضيع نفسه و يضيعنا معاه الباشا الكبير رفع عننا الحمايه ياما اى حركه هبل هتضيعنا انا حتى شغلى مبقتش عارف امشيه عشان عين الحكومه اللى بقت عليا قد كدا و كل ده ليه عشان خاطر المحروس ابنك و جنانه
توفيق يرجع يقعد عالسرير مجدى يجى يمسك ايده يشدها
...................................
توفيق / بقولك ايه انا لسه مصطبحتش اهدى على نفسك كدا بدل متغابى عليك
مجدى / تتغابى على مين ياله انت هتنسى نفسك و لا ايه
توفيق / دانت لو قابض من ابن الكلب ده مش هتذلنى كدا دانا اخوك يا جدع
مجدى / ياريتنى قابض منه و لا قابض من اى حد لكن الباشا مش حاسس مانت مش فالح غير فى الاكل و الضرب و النوم
توفيق / و كان ايه اللى جابرك تستحملنى فكنى خلينى امشى
مجدى / لما تقولى انك عقلت و شلت البت من نفوخك
توفيق /شلتها شلنى انت بقى من دماغك
مجدى / الباشا اللى انت كنت فاكره هيحميك صفى كل املاكه فمصر و خلع عارف ليه عشان الباشا اللى انت وقفت قصاده حط جزمته فوق دماغ سى زفت بتاعك و احنا لا قد ده و لا قد ده فخلينا فمصلحتنا تمشى اتفقنا يا تيفا
توفيق / اتفقنا
مجدى / قوم اتشطف و احلق و تعال انزل معايا الورشه
توفيق / لا انا خارج
مجدى / براحتك بس مدام فكيت عنك الحبسه هفك عنك المصروف فبشوقك بقى
مجدى يجى ماشى اميره تجرى وراه عالسلم
اميره / مجدى مجدى
مجدى / فى ايه
اميره / انت هتفكه بجد
مجدى / امال هفضل رابطه العمر كله يعنى
اميره / ايوه بس افرض
مجدى / بقولك ايه انا سايب الورشه و الشغل اللى ورايا و مش فاضى لوجع الدماغ ده خليكى فحالك يا بنت الناس و كتر خيرك على كل اللى عملتيه الفتره اللى فاتت انا عارف انى تقلت عليكى
اميره / كنت عاوزه اروح عند امى
مجدى / و انا من امتى منعتك عن امك شوفى امى لو مش عوزاكى فحاجه روحى
اميره / كتير خيرك
مجدى / مع انك هتوحشينى اوى
مجدى يطلع الكام سلمه اللى نزلهم و يقرب من اميره صوت الست من جوه تناديها
صوت الست / اميره انتى يا هبابه البرك
اميره / جايه جايه
مجدى يبتسم و ينزل و اميره تدخل و تقفل الباب
.............
فى المنتجع
الاستاف شايلين الشنط مدخلينها و مرام داخله ماسكه فايد مازن ووراها شريف و صافى يقابلوا لبنى و زياد وانس و مونيكا و انجى و كامل و اتنين شباب و تلت بنات مرام تجرى تاخد مونيكا بالحضن
مونى / وحشتينى جدااااا
مرام / انتى اكتر اسالى مازن انا اصلا جايه عشانك 
مازن / حقيقى ...صباح الخير
مازن يحضن مونى و يسلم على كامل
مونيكا / انجى صديقه عمرى و اخت كامل خطيبى انتى اتعرفتى عليه فخطوبتكوا فاكره
مرام / اهلا
لبنى / ايه شفافه انا
مرام / ازيك يا لبنى معلش
لبنى / تعالى اعرفك على باقى الشله انس طبعا عرفاه سوزى و مارينا و هانيا و فادى يبقى جوز مارينا و مروان
مرام / تشرفنا
هانيا / الشرف لينا احنا
مارينا / على فكره انا حضرت كتب الكتاب مش عارفه انتى فاكرانى و لا لا
مرام تبتسم
مارينا / ماشى نتعرف تانى مارينا و لو هتعملى زيهم بقى و تالسى و مارينا و الساحل و الجو ده اقطعى معايا من دلوقت
مازن / لا متقلقيش محدش هيالس عليكى غيرى يا جمصه
مارينا / اتفضلى اتلم بقى انت بقيت متجوز عيب اشتمك قدامها
مازن /  و لا تقدرى صحيح يا مرام مارينا من اوائل الناس اللى اشتغلوا معايا فى التصوير بس حظك مشوفتيهاش و لا مره عشان فالمرتين اللى جيتى فيهم كانت مسافره
مرام / اهلا و سهلا
صافى / انتى مش متخيله يا مرام مارينا من اعظم مصممى الافتر افكت فى مصر يعنى الجرافيكس و الحركات تخفيكى و تظهرك و تطيرك و تولع فيكى و كل الخدع بتاعه السينما دى
مارينا / انا اللى علمت مازن الفوتوشوب
مازن / و اتفوقت عليكى متنسيش
مارينا / انت ركزت فيه بس انا كان طموحى اعلى هو فادى فين
مازن يبص يلاقى فادى و مروان واقفين مع زياد و انس و شريف يروحلهم
زياد / طب كنت كلمنى يابنى كنت جيتلك
شريف / مش مشكله مهو مازن كان قدامنا بالظبط و بعدين الحمد لله انا مكنتش سايق بسرعه و عرفت اللم الموقف
انس / فدى معاك حق دانت كان ممكن تتقلب انت و صافى كنت هزعل عليها اوى الصراحه
مازن / اتلم يا حبيبى عشان تروح النهرده 
انس / حبيب قلبى انت جيت امتى بقولكوا ايه خلصولنا موضوع الشيك ان ده عشان فى وفد روسى رايح جاى حاجه استغفر الله العظيم
زياد / خلاص يا فاضحنا المفاتيح اهى .... مازن حجزتلك انت و مرام جناح دبل و ده بتاعك يا اتش و ده بتاع صافى
مازن / جناح دبل ازاى يا زياد طب محجزتش اوضتين ليه
زياد / و فيها ايه يعنى مانتوا متجوزين عدنها الفيلا عندنا و لا عندكوا يعنى فرقت فى ايه انا حاجز تلت اجنحه جنب بعض انا و لبنى و فادى و مارينا و انت و مرام و الدور اللى تحتيه حاجز تسع اوض جنب بعض و الريزورت كلو كومبليت اديك شايف
شريف / لو فيها مشكله ممكن صافى تبدل معاك صافى و مرام بيتفقوا سوا كويس
مونى تدخل
مونى / بتتفقوا على مين
مازن / مفيش يا قلبى بنوزع الاوض
مونى / طب يلا بقى هنقضى اليوم كله هنا و لا ايه
مازن / لا ازاى ... ظبطها يا زيزو زى مشريف قال و احنا هنروح نفطر لحسن انا جعان جدااااا
مازن و مونى و شريف يروحوا ناحيه مرام و البنات و زياد واقف بيبص على شريف بغل
مروان / مالك يا زوز
زياد / مفيش هروح اظبط حوار الاوض و ارجعلك انت كدا معاك مفتاحك تقدر تطلع
...............................
ناحيه مرام
مرام / بصراحه اه انا اول مره اجى هنا بس حلوه اوى فعلا
لبنى / مشوفتيش انتى بقى دبى دى جنبها و لا حاجه
مونى / صحيح يا صافى سمعت انك هتسافرى لندن هبقى اشوفك كتير بقى
صافى /اكيد طبعا
زياد يدخل
زياد / ايه يا شباب انتوا لسه هنا انت مش قولت هتروحوا تفطروا يابنى
مونى / انا مخصماك على فكره انا عاوزه ابقى مع مرام فى الاوضه على فكره
صافى / انسى دى بتاعتى
زياد / عاجبك كدا يا سيدى ايه يا لبنى مش عاوزه تبقى معاهم انتى كمان
لبنى / لا مبحبش افرض نفسى على حد اخاف يدايقوا
مرام / لو هترتاحى وسطينا هندايق من ايه
صافى / المرادى هنعمل سليب اوفر عدل بدل المره اللى فاتت اصلا وجود مروه وسطينا كانت فكره مش تمام
مرام / عدت
مازن / خلصت و لا لسه يابنى جعان والله
زياد / اتفضلوا المفاتيح اهى
..................................
فى شقه توفيق
توفيق يدخل المطبخ و فى سجاره فبقه يعرى الحلل و يبص فيها اميره تدخل تلاقيه جوه تطلع بره تانى يطلع
توفيق / اعمليلى قهوه
اميره / حاضر
اميره تدخل المطبخ و توفيق يروح يقعد جنب امه بتتفرج عالتليفزون
توفيق / بقولك ياما
الست / ايوه يا قلبى خير
توفيق / شوفيلى معاكى كدا اى حاجه لحسن انا قعده البيت قشفرتنى
الست / معييش غير ميه جنيه خدها لحد ميجى اخوك اخد منه
توفيق ياخدها و يبوس ايد امه و يدخل يلبس
............................
فى اوضه مرام
مرام منبهره جدا الباب يخبط صافى تفتح لابسه بدى حمالات على منى جيب على هيل تلاقى مازن
صافى / ندمان طبعا
مازن / من خاف سلم يا بنتى انتى متعرفيهاش نومها وحش اوى
مرام / سمعتك على فكره
مازن / قلبى يا ناس
مرام / هههههههههههههههه
مازن / ايه مش هنفطر و لا ايه مش هاين انزل منغيرك
مرام / انا خلاص حطيت كل حاجه فمكانها بجد المكان هنا فظيع و الاوضه روعه دى اكبر من شقتنا
مازن / اهم حاجه تكون عجبتك
صافى / طب يلا و لا ايه
مازن / يلا
مازن و مرام يسبقو و صافى تجيب برنيطه و تلبسها و تقفل الباب و مازن و مرام و صافى يركبوا الاسانسير و ينزلوا يلاقوا شريف واقف مستنى لما يشوف صافى يبص الناحيه التانيه
مازن / فين الباقيين
شريف / سبقونا يلا
شريف يسبقهم و مازن و مرام و صافى يروحوا وراه
.....................................
فى اوضه توفيق
اميره بتخبط توفيق يفتح الباب و هو لابس
اميره / القهوه
توفيق / كنتى شمتانه فيا انتى الفتره اللى فاتت و قولتلك مفيش حاجه بتدوم على حالها و ادينى اتفكيت
اميره / اللى فكك قادر يربطك تانى يا تيفا متنساش
توفيق / ساعتها كنت مكسور لكن دلوقت زى مانتى شايفه واقف على رجلى
اميره / مهو اللى كسر رجلك مره قادر يكسرها تانى صحيح عرفت ان مرام راحت تعيش مع مازن بيه من يوم سفر جدتها
توفيق / عرفت
اميره / طب ايه هتاخد القهوه و لا هتفضل تتفرج عليها
توفيق / انا بتفرج عليكى انتى
اميره / و ماله اتفرج مانت بقيت فرجه الحته كلها عن اذنك
اميره تمشى و تسيب توفيق واقف بيبص عليها
.............................
فى المطعم
مرام تدخل تروح تقعد مع الجروب
لبنى / ايه يا بنتى مجبتيش اكلك ليه على فكره هنا اوبن بوفيه و انتى بتخدمى نفسك
مرام / بيتهيالى انى شايفه ده بس مازن قالى اقعد و هو هيجيبلى
زياد / انتى مغيرتيش هدومك ليه ايه مش هتنزلى المايه
مرام / مانت عارف يا زياد انا مبعرفش اعوم
انس / يعنى هتسيبى مازن ينزل المايه لوحده مع الروس يا قلبك يا شيخه
مرام / مينزل يعنى فيها ايه
شريف يجيب طبق ويقعد
مروان / مش عوايدك يا اتش طبقك فاضى يعنى
شريف / و انت خليت لباقى الفندق حاجه
فادى / هههههههههههههههههههه لا حلوه
صافى تدخل و تقعد جنب شريف
صافى / بتدحكوا على ايه
لبنى / العادى يا صافى بين شريف و مروان يعنى
مازن يدخل شايل طبقين و يحطهم
زياد / فى بالليل فى الديسكوا حفله جامده انا حجزتلنا ترابيزه
مرام / ديسكو
لبنى / مش زى مانتى فاكره متقلقيش هتنبسطى
مرام / مفيش مشكله
شريف يعمل لنفسه ساندوتش و ياخده و يقوم
مروان / متقولوش بقى ان دا العادى من شريف
مازن / فعلا عن اذنكوا
مازن يقوم يروح ورا شريف يلحقه على باب المطعم
مازن / قولى انك فطرت قبل متيجى عشان ادخل اكمل فطارى
شريف / فطرت قبل ماجى خش كمل اكلك
مازن / لا زمانك جوعت فى ايه
شريف يبتسم
مازن / كل الجروب بيحقد عليك عشان انت بتاكل زى الخرتيت و مبيبانش عليك و شهيتك علاطول مفتوحه
شريف / مفيش حاجه مطبق من امبارح و النوم كبس عليا
مازن / انت هتصيع انت مش نايم مالمغرب و انا اللى متصل مصحيك
شريف / انا دخلت انام المغرب بس منمتش
صافى تدخل
صافى / مازن شوف مرام لحسن الحفله عليك هناك اوفر و هى لوحدها
مازن يبص لشريف
مازن / متسبيهوش الا لما ارجعله
مازن يمشى
صافى / مش هتصدق اصلا مبيصدقوا يلاقوا فرصه يقعدوا يرموا كلام على مرام
شريف يبصلها و ساكت
صافى / هو انت قفشت مع مروان ليه هو انت لسه هتعرفه النهرده
شريف / ماله مروان
صافى / بيقولوا انك قفشت عشان قال ان طبقك فاضى او حاجه كدا
شريف / انتى ايه اللى انتى لبساه ده يا صافى
صافى / مايوه مالو
شريف / اه لا بتاكد بس
صافى / هو طلعت انا سبب القفله دى مش مروان و لا ايه
شريف / انا مش مقفول انا بس مصدع
صافى / احنا هنا مش فالحاره يا شريف يعنى مش هتدينى محاضره ان ازاى اللبس حاجه زى دى فمكان زى ده بص حواليك كل البنات لابسين مايوهات بص كدا هتلاقي كل الناس بتبص على مرام مش عليا لانها المختلفه
شريف / انتى بتقوليلى الكلام ده ليه انا محاسبتكيش و لا كلمتك انا كنت بسال للعلم بالشئ يعنى انتى عارفه انى على قدى فموضوع الموضه و اللبس و الحاجات دى يعنى
صافى / يا سلام ماشى براحتك يا شريف عن اذنك
صافى تطلع بره المطعم شريف يمسك ايدها
شريف / انتى رايحه فين
صافى / لقيت نفسى مصدعه قولت اطلع انام فيها حاجه
شريف / على فكره انا اللى مصدع و هطلع انام
صافى / ههههههههههههههه ايه شغل العيال ده
شريف / دا انا !!!
صافى / انت عاوز تتخانق و خلاص
صوت من وراهم
شاب / ايه المفاجاه الجامده دى
شريف يبصله باستغراب
شاب / ايه الجمال ده يا صافى وحشتينى اوى
صافى / عن اذنكوا
صافى تيجى تعدي ترجع المطعم الشاب يمسك ايدها
الشاب / للدرجادى زعلانه منى
شريف يفك ايدهم من بعض
الشاب / فى حاجه يا شريف
صافى / اسمع يا شهاب انا جايه هنا مع صحابى انبسط اوك بليز غور فداهيه يلا يا شريف
صافى تمسك ايد شريف و يدخلوا جوه
شهاب / اغور فداهيه !!! و يلا يا شريف .... لا دى ظاطت اوى
عالترابيزه صافى ترجع وشها مقلوب
زياد / انتوا اتخانقتوا و لا ايه
الكل باصص على شريف و صافى و الكل ساكت ثوانى يدخل شهاب و شادى مع بعض يروحوا يسلموا عليهم
شادى / ايه المفاجاه الجامده دى لما شهاب قالى انكوا هنا مصدقتش
زياد / هو وجودك مع شهاب هو اللى ميتصدقش بصراحه
شهاب / هاى شباب لما عرف انى طالع مع وفد روسى شبط
شادى / اصل شهاب اشترك عندى فى الجيم الصيف بقى و لازم يظبط الفرمه عقبالك يا زيزو قولتلك سبلى نفسك اظبطك
زياد / لا شكرا متشغلش انت بالك
شادى / صحيح يا ميزو مقدرتش اطمن عليك و انشغلت اعزرنى حبيبى عشان حوار ضرب النار اللى حصل يوم الحفله ده
مازن / متشغلش بالك
شادى / ايه ده مونى هنا وحشتينى يا بنت الايه
شادى رايح ناحيه مونى زياد ياخده فى حضنه
شادى / هههههههههههههههههه ايه يا جدعان والله كنت هسلم بس ازيك يا انس
انس / اهلا
شهاب / محدش عرفنا عالوجه الجديد يعنى
شادى / دى مرام مراه مازن خط احمر خط احمر
شهاب / اهلا وسهلا
مرام / اهلا
شادى / شوفتى انا لسه فاكرك ازاى انا اصلى مبنساش الناس الحلوه
مازن / هو احنا مش شبعنا و لا هنقضى اليوم فالاكل و لا ايه يا شباب
انس / اه انا شبعت جدا
فادى / و انا هموت من كتر الاكل
زياد / طب يا شباب سعيد جدا انى اتعرفت عليكوا و نسيبكوا بقى تفطروا و نروح احنا عالبول بقى
شادى / نفطر ايه الروس بيفطروا الساعه سبعه الصبح و هما هناك عالبول دلوقت تعالوا هوريكوا فين بالظبط دا فيهم شويه صواريخ خسارتك يا مازن انك تفوتهم
مازن / سبتهملك نقوم بقى و لا ايه
انس / طب انا هستاذنكوا انا هروح اطمن عالسلاح الروسى و انتوا خدوا راحتكوا تعال يا شادى معايا ورينى الجروب فين
شادى / حبيبى يا انوس ههههههههههههههههههه
انس ياخد شادى و شهاب و يمشوا و كل شويه يبص على زياد و زياد يفطس مالدحك
زياد / ههههههههههههههه قال يعنى على عينه رايح معاهم ... على فكره والله العظيم مكنت اعرف انهم هنا كنت روحت حته تانيه
مازن / بقولكوا ايه احنا لسه فيها لو عاوزين نروح مكان تانى بسيطه
صافى / و ليه يعنى عادى على فكره وجودهم زى عدمه
لبنى / متاكده يا صافى زياد كان بيتكلم عشانك
صافى / اه متاكده دا اخر اسبوع ليا فى مصر و انا جيت هنا عشان انبسط مع صحابى و مش هسمح لاتنين زى دول يبوظوا فسحتنا تمام شوفوا هنروح فين
زياد / طب تمام انا كلم انس اشوف قعدوا فين و نشوفلنا احنا حته تانيه بعيد
الكل يقوم و يطلعوا بره مرام تشد ايد مازن يوطى عليها
مرام / هو مين شهاب ده
مازن / الاكس بتاع صافى
مرام تهز راسها و تمشى مع مازن الكل يطلع مالمطعم صافى تمسك ايد شريف يبصلها
صافى / انا نسيت حاجه فاوضتى فوق ممكن تيجى معايا اجيبها بسرعه
شريف / اكيد اتفضلى
صافى و شريف يمشوا الناحيه التانيه مازن يبص يلاقيهم ماشيين بعيد يكمل مشى
مرام / هما رايحين فين
مازن / ملناش دعوه سبيهم لما يرجعوا نبقى نرخم عليهم و نسالهم
مرام تبتسم يغمزلها
........................................
قدام اوضه صافى
صافى / ممكن تستنانى هنا عشر دقايق
شريف / اكيد خدى راحتك
صافى تدخل جوه و تقفل الباب و تفتح الدولاب و تطلع فستان طويل ماكس و تقلع الجيب و تلبسه فوق المايوه و تطلع لشريف يتفاجئ و يبتسم
صافى / اتاخرت ؟؟
شريف / لا خالص بالعكس مكملتيش تلت دقايق اصلا بس ليه يعنى ؟
..................................