السكه شمال بقلم / لولو_محمد ( كامله )

الجزء السابع عشر

(((((((((السكه شمال ))))))))))
#لولو_محمد
الحلقه السابعه عشر
زياد / اثبت انها احسن مننا حط صابعك فى عين الطخين
لبنى / صدقنى هتتفاجئ
مازن / على ايه
زياد / ايوه يا ميزو يا جامد
انس و نورا يروحوا جرى ليهم
لبنى / دادى هيجبلى عربيه جديده فعيد ميلادى هو وعدنى هديهالك لو كسبت و لو خسرت هتدينى شقتك
مازن / انسى
لبنى / لازم اضمن انك هتعمل كل اللى تقدر عليه عشان تكسب
مازن / اتفقنا
...........................

لبنى / فى حاجه كمان فى ديد لاين عيد ميلادى لسه قدامك وقت طويل
مازن / هبتدى اللم حاجتى من دلوقت سلام
مازن يسيبهم و يمشى و ابتسامه انتصار على وش لبنى و زياد و نظره دهشه على وش نورا
.........................
في قاعه
بنت / احنا متاخرين جدا الحفله الاسبوع الجاي و احنا لسه محجزناش اي حاجه
محمود / الميزانيه محدوده جدا و مش هتكفي كل البنود و عمالين نلف يمكن نلاقي عروض ارخص
ولد / انا رايي اننا نشوف سبونسرز للحفله
مرام / دلوقت قبل الحفله باسبوع مستحيل هتلاقي حد
البنت / طب بالنسبه لكومبليمو الدكاتره
مرام / عصاير فريش و كب كيك و ميني بيتزا و ساليزونات
البنت / ينفع نخفض ميزانيتها
مرام / قللي الكميه دي بسعر التكلفه
محمود / طب منلم تبرعات من الطلبه
البنت / محدش هيدفع جنيه زياده احنا لمينا الاشتراكات بالعافيه
محمود / ناس غريبه اوي هي حفله تخرج ابونا عشان نصرف عليها من جيبنا مش حفله تخرجهم ميدفعوا
مرام / مش كل الناس عندها تدفع و كدا كدا اتخرجوا
محمود / طب و العمل
مرام / انا شايفه ان الوقت ازف و مينفعش نضيع وقت اكتر من كدا و نقلل الفقرات و المعازيم و نلتزم بالميزانيه الاولانيه
بنت 2 / قولت كدا مالاول قولتوا عاوزين نعمل حاجه جديده و مش عارف ايه
بنت 1 / خلاص امرنا لله بكره نتجمع بالعروض الفينل و تستلموا الفلوس و نحجز بامر الله
مرام / علي بركه الله
................
في شقه مازن بالليل
مازن ماسك الورق وعمال يبص فيه جرس الباب يضرب يقوم يفتح يلاقي نورا
نورا / انت مبتردش عالتليفون ليه
مازن / عامله صامت خير
نورا تزقه و تدخل
نورا / في حد عندك
مازن / لا مالك في حد مدايقك
نورا / انت انت مدايقني و حارق دمي انت ايه اللي جرالك
مازن / طب اقعدي هجيبلك حاجه تشربيها
نورا / مش عاوزه
مازن / لا عاوزه انتي بس مش عارفه ههههههه
نورا / انت ليك نفس تهزر
مازن / حقك عليا انا اسف اي كان اللي عملته دايقك اوي كدا انا اكيد مكنتش اقصد
نورا / ليه سمحتلهم يدخلوا مرام اللعبه دي انت عارف كويس انها
مازن يطلع ملف و يديه لنورا
نورا / ايه ده ...  عقد بيع الشقه !!! دا بجد مش فاهمه
مازن / انا عارف اني هخسر
نورا / انت مش هتحاول اصلا
مازن / لا هحاول هعمل كل اللي اقدر عليه
نورا / انت هتجنني
مازن / ههههههههههههههه ايه الثقه الرهيبه دي انا نفسي مبثقش فيا كدا
نورا / مازن انا اعرفك من سنين هي مش
مازن / انا مش سيدنا يوسف عشان البنات كلها تحبني نورا قلبي بصي كل البنات اللي عرفتهم كانوا ساهلين هما عاوزين ده يمكن عشان الفلوس يمكن الشكل يمكن الاهتمام يمكن الشهره حاجات كتير بس كلهم كان عندهم الاستعداد
نورا / و في منهم اللي حبتك بجد علي فكره
مازن / مفيش غبيه غيرك ممكن تحبني
نورا / شكرا
نورا تقعد زعلانه يروح يقعد جنبها و يمسك ايدها
نورا / هتقبل تكون اول واحد فحياتها دا القرف اللي احنا كلنا فيه بسبب لبني عشان انت رفضت تكون اول واحد فحياتها
مازن / لا القرف ده عشان هي بغبائها راحت لخويا و فاكره اني ممكن ابصلها بعد كدا
نورا / غير الموضوع
مازن / شوفتي الورق ده زياد كان عامله لما كان عاوز يتجوزها تعرفي ليه مرام واثقه فنفسها اوي كدا و شخصيه
نورا / ليه
مازن / انها اندبندنت مفيش اب و لا ام عندها صفحه عالفيس بتبيع فيها اكل و حلويات الناس بتشكر فيها و بتدي دروس للعيال الصغيره فمنطقتها الاولي عالدفعه فالاتحاد فاضل ايه معملتوش
نورا / طب مانت كمان لا اب و لا ام و عندك شركاتك دا غير هوايه التصوير بتاعتك و مشهور عالسوشيال ميديا و كل البنات بتحبك فاضل ايه معملتوش
جرس الباب يضرب
نورا / مستني حد
مازن يفتح البواب شايل كيس مازن ياخده و يمشي
نورا / ايه ده
مازن / مكرونه بشاميل و فراخ مشويه و فادج هجيب اطباق كلي معايا
مازن يدخل نورا تفتح الكيس و تطلع العلب تلاقي فاتوره مازن يطلع شايل طبقين و شوكتين
نورا / مني منصور يا مازن دي محصلتش من ثانوي
مازن / هههههههههههههههه اقعدي اقعدي
نورا / دا بقي جروب مرام
مازن / اه سعد اللي بيوصل الدليفري
نورا / عرفت منين
مازن / ادتني رقم تليفونه عشان اتابع معاه الاوردر
نورا / طب ليه مطلبتش باكونت مازن اصلا مدام كدا كدا هتكلم سعد و ....
مازن / و انا مالي  هو انا اللي استلمت الاوردر منه
نورا / طب الخطه ايه بقي
مازن / كالعاده هخلق سكه اتعامل معاها بيها تاني
نورا / مازن بقي و لا مني
مازن / هههههههههههههههه انتي عارفه انا ليه مش قادر استغني عنك
نورا/ عشان انا مش هسمحلك مثلا
مازن / هههههههه ايوه دا غير اني مبنكسفش اعرفك ادق تفاصيل حياتي المخجله
نورا / ماشي .... المهم لقيت سكه و لا لسه بتدور
مازن / في كام حاجه فدماغي و ربنا يسهل
مسدج توصل تليفون مازن يمسك الموبايل و يبص
مازن / حلو اوي
نورا / هو ايه اللي حلو
مازن يوري نورا الرساله
مازن / اول سكه اتفتحت
...................
في الفيلا
لبني بتبرد ضوافرها قدام التليفزيون و زياد ماسك موبايله
زياد / ايه رايك نقضي شهر العسل في روما
لبني / لا
زياد / فرنسا
لبني / لا
زياد / طب ايه رايك نلف الدنيا كلها بفكر ناخذ فوتجرافر معانا يصورنا فكل حته والله فكره حلوه
لبني / زياد انت ليه عمال تتكلم عن الفرح و شهر العسل كانهم بكره لسه بدري اوي
زياد / عشان انا عاوز فرحنا يبقي اجمل فرح فالدنيا عاوز ابقي مجهز كل حاجه و منساش اي حاجه
لبني / تعرف نيفر مايند انا طالعه انام
زياد / ايه ده مش هتكملي الفيلم
لبني / مصدعه شويه يا بيبي مش مشكله تصبح علي خير
زياد / ماشي اللي تشوفيه يلا بينا
لبني / خليك انت لسه بدري خلص اللي بتعمله
زياد / اوك يا بيبي
زياد يبوس ايدها تبتسمله و تطلع فوق
................
في الكليه
مرام و محمود و الشباب بتوع الحفله قاعدين
بنت 1 / تمام محمود دي فلوس الفوتجرافر هتديله عربون و الباقي لما نستلم الصور و مرام دي ميزانيه الاكل كامله و دي فلوس الفيديو و الدي جاي يا كرم نفس اللي قولته لمحمود و انا و اريج هننزل نشتري البالونات و الزينه و عادل و مجدي هتوزعوا الدعوات عالدكاتره كدا كل واحد عرف دوره
مرام / طب و البانرات مين
الباب يخبط و شاب يدخل ووراه مازن محمود ينفخ
بنت 1 / ابن حلال كنت لسه هقول لمرام انك انت اللي هتمسك البنرات
الشاب / اعرفكوا ببعض مازن مرام محمود اريج اسراء كرم عادل مجدي مازن يا شباب هيبقي معانا ففريق الحفله
اسراء / بس احنا وزعنا كل حاجه
الشاب / اقعد يا مازن
مازن والشاب يقعدوا مازن يبص علي مرام يلاقيها بتنفخ و تهز القلم بين صوابعها بسرعه و تهز رجلها بسرعه و بتبص بعيد يبتسم
الشاب / مازن اتبرع انه يصور الحفله بنفسه
محمود / انا اتفقت مع الراجل خلاص و النهرده هروح اديله العربون
مازن ماسك الموبايل بيلعب بيه
مازن / اعتزرله
محمود / اعتزر لواحد انا واثقين فشغله عشان واحد الله اعلم هيعمل ايه
مازن يلف موبايله صوره مرام من الجنب و معمول ايديت للخلفيه و فوكس علي وشها
مازن / دا شغلي فثانيه و من عالموبايل تخيلوا شغلي بكاميرا بروفيشنال و علي الابتوب بتاعي
مرام / امسحها
اريج / الصوره حلوه اوي يا مرام
مرام / بقولك امسحها
مرام تقوم ناحيه مازن
مازن يعملها دليت
مازن / مسحتها خلاص حاضر
الشاب / اهدي يا مرام هو مكنش يقصد
محمود / يا سلام و بين كل اللي قاعدين اشمعن صورت مرام يعني
مازن / الحقيقه صورتكوا كلكوا بس ملحقتش اعمل الايديت غير لصوره مرام
مازن يقلب فالصور كل اللي قدامه متصورين
مازن / تاني انا اسف و مسحتها و همسح صوركوا كلكوا انا اسف
محمود / ايوه بس مش كل من كانت كاميره موبايله حلوه بقي فوتجرافر يعني
الشاب / محمود ممكن تهدي اولا مازن فوتجرافر معروف و تقدر تشوف الصور علي صفحته ثانيا و ده الاهم مازن هيعمل ده تبرع منه و الفيديو كمان
مرام / صاحب بالين كداب
مازن / انا معايا كرو بعدته كامله و في حاجه كمان اقدر اعملها
مرام تبرطم / ياريت تكون بتعرف تختفي
مازن / انا عندي كونكشنز لحد رئيس الوزرا
محمود / الف مبروك
مازن / اللي عاوز اقوله اني ممكن اخلي وزير التعليم العالي يحضر حفله التخرج دي بنفسه و شخصه و مش بس كدا المحافظ و كبار المستثمرين في البلد كمان و هكون اسبونسر للحفله دي
اسراء / انت رفعت سقف الحفله اوي كدا كل حاجه اتغيرت
مرام / بس ليه
اسراء / كدا ممكن نجيب الاكل من لبوار او ساليه سوكريه عشان يليق بالوزير و المحافظ
مرام / نعم
الشاب / اسراء لو سمحتي مازن هيمسك التنظيم ياريت كلكو تساعدوه
اسراء / نعم
مرام / مفتكرش انه محتاج مساعدتنا البركه في الكرو بتاعه
مازن / لا الحقيقه انا محتاج مساعده كل واحد فيكوا و اه تنظيم الحفله دي هتديكوا فرصه تتصوروا شخصيا مع الوزير و المحافظ و تتعرفوا علي اكبر رجال الاعمال فمصر بيتهيالي دي ممكن تفيدكوا
الشاب / في حد عنده اعتراض
محمود يجي يمشي مرام تمسك ايده يبصلها تهز راسها بالراحه يبص الناحيه التانيه مازن متابعهم يبتسم
الشاب / تمام هستاذن انا عشان اتاخرت عالمحاضره
الشاب يمشي
اسراء / تمام كدا كل الميزانيه هتتغير
مازن / مرام كنتي هتعملي اكل قد ايه
محمود / هنعمل ميه علبه للدكاتره
مازن / تقدري تزوديها
محمود / عاوز كام يعني
مازن / ههههه بفكر فبوفيه علي باب القاعه بيقدم ابيتايزرز و درينك
مرام / يعني ايه
مازن / ميني بيتزا ساليزون باتون ساليه باتيهات حاجات من دي و عصاير بانواعها و شاي و قهوه و مايه ساقعه و كدا يعني
مرام / انت متخيل الدفعه كام شخص باهاليهم
اكرم / معلش يعني انت متخيل شكل البوفيه ده هيبقي عامل ازاي دي هتبقي معجنه هههههههههههه
مازن / دا دورنا ننظمه
محمود / انت بتحلم
مازن يفتح كشكول المحاضرات و يرسم مربع
مازن / دي الهول قدام القاعه دا باب القاعه وهنا البوفيه هنا هنعمل تراك زجزاج كدا الناس تمشي فيه و احنا هنظمهم و هنا هيبقي في ترابيزه كبيره للشركات و اي شاب عاوز يسيب السي في بتاعه فشركه منهم و دورنا نبلغ الخريجين بان ده هيحصل
مرام / انا مش هقدر
مازن / افندم
مرام / انا معنديش الامكانيات اني اوفي الكميات دي كلها
مازن / خلاص ظبطي اللي تقدري عليه و هاتي الباقي جاهز
اريج / متجيب كلو جاهز و خلاص 
مرام / انا عندي سيكشن
مازن / و انا بصوا ده ايميلي ابعتولي سوفت كوبي من الانفتاشن و البانرات
كرم / طب هنعمل ايه بالفلوس دي
مازن / ادوها لمرام تحطها علي ميزانيه الاكل و انت كمان يا محمود مرام الميزانيه مفتوحه معاكي ظبطي اللي تشوفيه مناسب و بلغيني محتاجه كام
مرام / انا محتاجه امشي عن اذنكوا
مرام و محمود يمشوا و مازن يبتسم للباقي
مازن / بكره فنفس المعاد نكمل سلام
مازن يمشي
اسراء / ايه الهبل ده و احنا هنعمل ايه بقي
كرم / اربط الحمار مطرح ميعوز صاحبه يلا سلام انا هروح
كرم يمشى و الباقى يقوموا يمشوا
......................
فى السيكشن
المعيد / اللى يعرف الحل هديله درجات اعمال السنه كامله
مرام ترفع ايدها وراها مازن و اتنين كمان
المعيد / مازن
مازن / 80%
المعيد / غلط قولى يا مرام
مرام / 78%
المعيد صح
مازن / اهو التدقيق ده اللى بيكره العيال فى التعليم
السيكشن يدحك
المعيد / اطلع بره يا مازن
مازن / يعنى يوم محضر اضطرد ماشى
مازن يطلع و السيكشن يدحك
المعيد / نكمل و لا فى حد تانى عاوز ينطرد
.........................
فى شقه مديحه
مديحه / ياربى اخيرا خلصنا انا ضهرى اتقطم
سميحه / قولتلك ريحى و كفايه انتى اللى صممتى تخلصى
مديحه / هروح احط الحاجات دى فى الفريزر و اجى اساعدك فى الغدى
سميحه / انا خلصت اما عملت شويه كفته رز يستاهلوا بقك
مديحه تدخل المطبخ الباب يتفتح و محمود يدخل
محمود / انا جيت يا ماما انتى هنا يا ست الكل
سميحه / اهلا يا حبيبى امال مرام فين
محمود / عندكوا
سميحه / اما اقوم اسخنلها تاكل
محمود / و تتعبى نفسك ليه هى لما مش هتلاقيكى هناك هتغير و تيجى لوحدها عن اذنك هغير هدومى اصلى واقع مالجوع
سميحه / خد راحتك يا قلبى
مديحه تطلع مالمطبخ و فايدها صينيه
مديحه / عملالك الجلاش اللى بتحبه غير و تعال
سميحه / البت مرام مجتش ليه اما اتصل بيها
سميحه تتصل يديها مشغول
سميحه / مشغول بتكلم مين دى ... رجلى وجعانى مش قادره اقوملها
مديحه / اناديهالك
سميحه/ دلوقت تخلص مكالمه ارتاحى تعبتى النهرده اوى
مديحه / تاكلى عالسفره و لا اجيبلك عندك
سميحه / ياختى استنى اما البت تجيب الكفته و الرز و نتلم كلنا
مديحه / طب هدخل احمر الفراخ
سميحه / خدى راحتك
............................
فى شقه مرام
مرام بتتكلم فى التليفون و مسيبه شعرها 
مرام / ههههههههههههههههه احسن تستاهلى
صوت بنت / انتى فرحانه فيا يا جزمه انتى
مرام / والله انتى مش وش نعمه دول عسل
صوت البنت / ياختى تعالى اقعدى بيهم العيال قلبوا الاوضه عليها واطيها مسابوش حاجه مكانها
مرام / ربنا يقوملهم امهم بالسلامه
صوت البنت / امين والله كان نفسى اقلق عليها بس العيال مش مدينى فرصه خالص
مرام / ههههههههههههههههههه يخرب عقلك
صوت البنت / متيجى تقعدى معايا بدل مانا قاعده لوحدى
مرام تدخل المطبخ
مرام / الله الله
صوت البنت / ايه
مرام / تيته عامله كفته رز تهبل
صوت البنت / بالبطاطس
مرام / هههههههههههههههههه اه و البسله و الجزر
صوت البنت / بس بقى انا متغديه شيبسى ماما ملحقتش تعمل اكل قبل متنزل بتقولى اتصرفى فاى حاجه
مرام / طب متجيبى العيال و تيجى
صوت البنت / اتحايلى عليا شويه عزه نفسى منعانى ههههههههههههههههههه
مرام / يارب ان مجيتى اسيا تبوظلك كل الروجات بتاعتك و المكياجات
صوت البنت / ايه دى فلوس ناس اللى بتدعى عليها دى
مرام / هسخن الاكل على متيجى
صوت البنت / هلبس العبايه و اجيبهم و اجى
مرام / مستنياكى سلام
مرام تقفل السكه تليفونها يرن
مرام / ايه لحقت اوحشك و لا ايه هههههههههههههههههههه
صوت محمود / و انا اقدر اعيش منغيرك كنتى بتكلمى مين
مرام / بكلم البت ولاء اختها بتولد و سايبن ولاد اختها معاها
صوت محمود / و دى تعرف تقعد بحد دى دى عاوزه اللى يقعد بيها
مرام / مانا قولتلها هاتيهم و تعالى
صوت محمود / طب مش هتتغدى
مرام / لما تيجى بقى هتغدى معاها
مرام تدخل المطبخ تغرف و تحول الاطباق عالترابيزه
محمود / ماما عامله جلاش بالجبنه و فراخ محمره ماللى قلبك يحبه
مرام / الف هنا
صوت خبط عالباب
محمود / شكلها جت
مرام / هروح افتحلها يلا سلام
محمود / سلام
مرام تفتح الباب تلاقى مازن فوشها شايل العلبه بتاعتها ترزع الباب فوشه
...........................