السكه شمال بقلم / لولو_محمد ( كامله )

الحلقه ١٧٣

(((((((((((السكة شمال ))))))))))))
#لولو_محمد
الحلقه 173
صافى / ياااااااهو ايوه بقى ازيك يا مازن هاى شيكو
شريف / اهلا
مرام / انت هتفضل واقف يابنى هات الحله يلا احط للناس ايه
شريف / من عنيا
شريف يدخل ياخد الحله و ينزل
مازن / ايه شاف العروسه
..........................................
صافى / عروسه ايه
مرام / شيماء استغلت اننا عاملين ليله بمناسبه النجاح و عزمت صحبتها الانتيم عشان شريف يشوفها
صافى ملامحها تقلب
صافى / بجد
مرام / ههههههههههههههههههههه شريف هيطق مننا
مازن / محمود لما قالى كنت هموت مالدحك و طلعت اجرى ادى دقنى لو طلع الطحينه اصلا هيبعتها مع اى حد
صافى / اصلا هو فى حد لسه بيتجوز بالطريقه دى اصلا
مازن / امه عاوزه تفرح بيه نعمل ايه بقى
صافى / حقها طبعا حقها
مرام / تعالى هوريهالك
صافى / و توريهانى ليه يعنى عادى يعنى مفيهاش حاجه
مرام تطلع بره
مرام / بنات صافى معايا
البنات يجروا
شيماء / عامله ايه يا صافى اخبارك وحشتينى موت
صافى / و انتى كمان امال ايه
مرام / استنى اعرفك مى صافى صافى مى مى تبقى صاحبه شيماء و زميلتها فى الكليه و صافى بقى موديل و فاشون ديزاينر
مى / غنيه عن التعريف دا شيماء طول الوقت بتتكلم عنك
صافى / بجد ميرسى اوى يا شيماء
مى / على فكره احنا روحنا البوتيك بتاعك مره بس انتى مكنتيش هناك بجد الموديلات بتاعتك حلوه اوى
صافى / كنتى كلمتينى يا شوشو كنت عملتلها ديسكاوند كويس او اديتها كادوه منى كفايا اوى انها صحبتك يعنى و لا ايه يا مرام
مرام / طبعا طبعا دانتى صحبه واجب
مازن واقف من بعيد متابع و بيدحك محمود يدخل شايل حله الطحينه
محمود / هو فى ايه شريف شاط و حلف مليون يمين مهو مطلع الحله
مازن / بصراحه حقه البنات دول يا اخى صحيح ان كيدهن عظيم اتفرج اتفرج
مرام / هو شريف راح فين يا محمود
محمود / تحت مشغول مع الرجاله
مرام / اه الله يعينه بقى
صافى / انا هقفل بقى يا مريومتى سلام يا بنات مبروك يا مرام مبروك يا مازن و متنسوش تباركوا لشريف هاه يلا سلام
مرام / سلام يا قلبى
مرام تاخد الموبايل و تروح ناحيه مازن
مازن / شريره اوى
مرام / خليهم يتحركوا شويه بقى
مازن / هههههههههههههههه على رايك انا هنزل اولعها شويه تحت
مرام / ايوه بقى
محمود / و اخرتها ايه يعنى
مرام / ادينا بنعمل اللى علينا و هنشوف
محمود / ماشى
مروه تشوف محمود و مرام بيتودودوا تقوم تروحلهم و تبتسم
مروه / ايه الاخبار
محمود / متروحى تشوفى كدا لو فى حاجه ناقصه فى المطبخ يا مرام اجيبها بدل مقعد اطلع و انزل
مرام / اتوزعنا ههههههههههههههههههههه
مرام تمشى محمود يبص لمروه و يبتسم
مروه / لحد دلوقت و ملقتش فرصه اقولك مبروك
محمود / و انتى هتبركيلى هنا برده
مروه / قال يعنى انا لاقيه مكان تانى
محمود / امممم طب ايه رايك اخدك اخر الاسبوع و نروح السيما و نتغدى سوا و نتفسح انا و انتى و بس
مروه / بتقول كدا و بعدين بيطلعلك شغل
محمود / طب جربيني المرادى
مروه / و انا يعنى اقدر اقولك لا
محمود / خلاص اتفقنا
مروه / على فكره انا فخوره بيك اوى
محمود / بجد
مروه / اه بجد متتخيلش فرحتى فوسط الناس كلها و انا بقول ان خطيبى الاول عالكليه بتاعته و بكره يتعين معيد محدش اصلا مصدق انك بتشتغل فى الكليه و بتعمل كل الحاجات دى بيفتكرونى بكدب ميعرفوش انك قدها
محمود / طب كفايا لاتغر
مروه / اتغر المهم متتغرش علينا
محمود / و انا اقدر برده دانتى الخير و البركه
مروه تبتسم بخجل
مديحه / متعمليلنا شاى يا مروه و انتى واقفه
مروه / هعملهم شاى
محمود / و انا هنزل اساعدهم تحت
مروه تبتسم لمحمود
...................................
فى الحاره
شريف / انت بتدحك انت عاوز تجننى
مازن / يا عم و انا مالى هو مقدرش عالحمار هو انا اللى عزمتها
شريف / معاك حق والله معاك حق حسابى معاهم فى البيت لما نروح
مازن / ههههههههههههههههههه طب تبقى تكلمهم
شريف / دانت لو واكل زغازيغ مش هتدحك كدا يا اخى دا ايه حرقه الدم دى
محمود يدخل
محمود / ايه يا عم نويت على ايه
شريف / فى ايه
محمود / الله مش اللى فوق دى العروسه ايه شوفتها و لا ايه البت هتمشى
شريف / ما تمشى و لا تروح فداهيه انا مالى هو انا خلفتها و نسيتها
مازن / ايه يا شيكو الكلام ده هى دى الرجوله
شيماء تنزل هى و مى تشاور لشريف يعمل مش شايفها
مازن / هتسيبهم واقفين فنص الحاره كدا اللى رايح و اللى جاى يبص عليهم و لا ايه
شريف ينفخ و يروحلهم
شيماء / احنا ماشيين هتعوز حاجه ماما قالتلى اقولك تطلعنا مالحاره
شريف / اتفضلوا
شريف يمشى قدامهم و يسبقهم و مازن و محمود فطسانين دحك و الناحيه التانيه توفيق عينه على مازن
.....................................
فى شقه مازن بالليل
زياد / و هو سكت على كدا
مازن / سكت ؟؟ بص هو كل اللى اقدر اقوله انه لحد دلوقت مفتحش بقه مع اى حد فينا مبيكلمناش كلنا و لا حتى امه و اخواته هههههههههههههههههههه
زياد / ههههههههههههههههههه هى البت كانت وحشه اوى كدا
مازن / لا والله البنت حلوه و كل حاجه و اخته كمان بتشكر فى اخلاقها اوى بس هو يا سيدى مش عاجبه حوار التدبيس ده سيبك انت ... تعرف انا النهرده كنت فرحان اوى انا اخدت بالى من حاجه مهمه جدا يا زيزو
زياد / خير
مازن / انا ببقى فرحان فى الحاجات اللى زى دى انى ادبح و الناس تاكل و تدعيلك ببقى فرحان اوى لما بشارك فى الحاجات دى فى الاول كنت بدفع بس لكن المرادى انا كنت بشيل و بحط و بساعد بحاجات تانيه غير الفلوس المرادى بجد كنت فرحان اكتر من كل مره و انا بشوف نظره الفرح فى عنيهم او و هما بيدعولى
زياد / ههههههههههههههههه انت اتغيرت كتير
مازن / فعلا بس للاحسن
زياد / للاحسن
مازن / انا لاول مره بعيش يا زياد بعيش بجد لاول مره اعرف انا عاوز ايه بس انت مجتش ليه يا جزمه والله كنت هتنبسط انت كمان
زياد / يعنى انت مش عارف
مازن / ياعم انت اوفر اوى خلاص غلطه و عدت على خير مش هنعدمك يعنى
زياد / الكلام ده لو كان اى حد غيرى اللى غلط و لو كان اى حد غير شريف اللى انقذ الوضع بس انت عارف الدنيا بينى و بين شريف
مازن / عمركوا مهتتفقوا انا عارف ده بس فنفس الوقت انا مليش غيركوا و مقدرش استغنى عن اى واحد فيكوا
زياد / اكيد و خصوصا بعد اللى حصل شريف دوره مهم جدا فى الشركه دلوقت و خصوصا بقى لما الدراسه تبدا و تتلخم انت و الجروب اللذيذ بتاعك فى الدراسه مش هيبقى فى غير شريف يمشى الشغل كلو
مازن / ليه يعنى اكيد هنروح الشركه و نتابع برده
زياد / ايوه بس برده شريف له دور الاسد فى الموضوع
مازن / هو قدها عالعموم و انا بثق فيه جدا شريف تلميذ خالو و انا متاكد انه احسن واحد يعمل الموضوع ده
زياد / اساسى
مازن / مالك انت لسه معرفتش تصالح لبنى و لا ايه
زياد / بالعكس انا و لبنى علاقتنا اتحسنت كدا هى بس موضوع تغير الكالون ده جه على كرامتها شويه
مازن / بس دا وضع طبيعى يا زياد انا حتى المفاتيح الجديده مدتهاش لحد و بلغت شريف و عم خليفه بكدا
زياد / فاهم خلاص بقى الوضع اتغير دى هتبقى شقه الزوجيه
مازن / ايوه
زياد / مين كان يصدق ان المكان اللى شاف ايامك اياها هو نفسه اللى هيشوف هى مرام بتتعمل مع الموضوع ده ازاى
مازن / عادى طلبت اغير اوضه النوم و بس
زياد / دا على اساس ان مجهوداتك الفزه كانت محصوره فى اوضه النوم بس ههههههههههههههههههههه
مازن / متفكرنيش بقى دى كانت ايام زباله ياريتنى ما عيشتها
زياد / شوف يا اخى دا نص شباب مصر كانوا يتمنوا يبقوا مازن منتصر بس عشان يعيشوا الايام دى
مازن / غير السيره انا مبسوط و مش عاوز حاجه تنكد عليا
زياد / حقك طبعا .... ينهار ابيض ايه ده الوقت سرقنا دانا يادوب اروح
مازن / هههههههههههههههههه ليه يا عم لبنى هترفعلك الشبشب و لا ايه
زياد / ياريت ياعم ترفعلى اى حاجه انا راضى بس تخرج من اوضتها دى الوضع كل يوم اسوء لما هنفجر
مازن / لو بتحبها هتستحمل و يمكن فعلا بتتغير يا زياد متساعدها يا اخى
زياد / طب اعمل ايه اكتر من كدا هدوم محجبات و اشترينا سبتها قاعده فى جناح لوحدها و حطيتلها فيه كل حاجه ممكن تحتاجها حتى الاكل بيطلعلها فوق قولى اعمل ايه تانى و انا اعمله
مازن / مش عارف
زياد / هههههههههههههههههه جبتك يا عبد المعين يلا مش مهم انا همشى انا بقى
مازن / هههههههههههههههههههه سلام
زياد يقوم و مازن يجى يقوم زياد يشاورله يقعد تانى
زياد / خليك خليك
زياد يمشى و يقفل الباب وراه و يفتح الاسانسير و يركب و هو بيلعب فى ميداليه المفاتيح بتاعته و مبتسم
...........................
فى شقه شريف
الست / هتفضل قافل على نفسك الباب كدا يعنى
شيماء / سيبيه براحته يا ماما يمكن عملنا جريمه و لا حاجه
رؤى / طب والله مى دى عسل و دمها خفيف خالص و على فكره شطره اوى فى المطبخ
تقى / متسبوه فى حاله دلوقت يفك تلاقيه شبعان و لا الاكل كاتم على نفسه لما يجوع هيخرج لوحده
الست تبص لتقى
الست / لسانك ده اللى عاوز قطعه
تقى / هو اللى يقول كلمه الحق فى البلد دى تزعقوا فيه انا داخله انام
الست / اتخمدى
شيماء / يا ابيه على فكره مى مكنتش تعرف حاجه هى كانت جايه تاخدنى و نخرج بس والله
الست / يا سيدى مش عاجباك خلاص هو حد هيغصبك على حاجه
شيماء / و بعدين انت قافش اوى يعنى تقولش البت هتموت عليك
الست / شيماء
شيماء / ايه يا ماما عمال يتامر كان البت موافقه اصلا ميمكن بعد كل ده ترفضه
رؤى / مين دى اللى ترفض ابيه طب دا الف بنت تتمناه
شيماء / بجد طيب تصبحوا على خير تصبح على خير يا ابيه
رؤى / انا بقول ندخل ننام احنا كمان اليوم كان طويل و هو شكله نام اساسا
رؤى و شيماء يمشوا
الست / كدا يا شريف توقف امك عالباب كدا اخص عليك
شريف يفتح و يدخلها و يقفل الباب وراها
الست / و هما اخواتك يعنى وحشين
شريف / انا مكنتش هفتحلك بس انتى عارفه انى مقدرش على زعلك
الست / و هو يعنى زعلك انت اللى شويه عندنا طب والله ربنا وحده اللى يعلم اخواتك عاملين ازاى بس الموضوع ميستاهلش كل ده
شريف / يا ماما انا مش هتجوز دلوقت و لا بالطريقه دى انا فى ورايا حاجات اهم فى عندى اخوات لازم اطمن عليهم الاول
الست / يا سلام الله يرحم اما روحت اتقدمت لاريج ايه مكنش عندك مسؤليات وقتها
شريف / دى حاجه و دى حاجه و بعدين الحمد لله مرحله و عدت منكررش الغلط تانى بقى
الست / براحتك مع ان البت كانت حلوه و بتحب اخواتك و انا بحبها اوى دى بتعمل حته صينيه كنافه
شريف / يا ماما
الست / بالكاستر يا وله
شريف / يارب
الست / خلاص خلاص انت حر اصلا انت الخسران
شريف / فعلا انا الخسران سبونى فى حالى بقى
الست / المهم متكونش زعلان
شريف / مش زعلان انا اصلا تعبان و هنام
الست / تصبح على خير يا حبيبى
شريف / تصبحى على خير يا ست الكل
شريف يقوم يفتح الباب يلاقى اخواته التلاته واقفين يتسنطوا عالباب يبص لامه
شريف / اتفضلى
شيماء / هههههههههههههههههههه معرفناش ننام و انت زعلان
شريف / مش زعلان و شكرا عالحفله اللذيذه
رؤى تحضن شريف يبتسم و يدى لتقى قلم بالراحه على رقبتها
تقى / انا عملت ايه انا
شريف / عملتى ايه تلاقيه شبعان هاه لما يجوع هيخرج هاه
تقى / بهزر يا ابيه الله
شريف يوسع رؤى من حضنه و تقى تطلع تجرى و شريف يجرى وراها
شريف / استنى اعلمك الهزار ازاى
تقى / يا ماااااامااااا
.............................
فى الشركه بعد يومين 
شريف بيشتغل فى المكتب مرام تخبط و تدخل
مرام / احم احم
شريف / تعالى خير
مرام / يعنى بستاذن لتكون لسه زعلان منى و لا حاجه
شريف / ها ها ها خفه زى جوزك بالظبط
مرام / هههههههههههههههههههه عامل ايه
شريف / تمام اوضه النوم وصلت ؟
مرام / اه مازن لسه مكلمنى من هناك فرشوها خلاص و جاى فى الطريق
شريف /مبروك مع ان كان رايى كنتى استنيتى شويه عشان متتبهدلش من دلوقت
مرام / استنى امتى لما الدراسه تبدا و انشغل كدا تمام مش فاضل غير هدومى ابقى اروح احطها بقى قبل الفرح بكام يوم مش هتاخد حاجه و الحمد لله الشقه كامله مش ناقصه حاجه و نسمه كدا كدا بتنضفها كل شويه فمش محتاجه شغل يعنى
شريف / عالبركه
مرام / عقبالك
شريف / ابتدينا
مرام / لا يا عم انت طلعت بتتقمص مش ههزر معاك تانى
شريف / انتى لو مكانى مش هتزعلى
مرام / لو مكانك حضرتك انا كنت مكانك ديشيزليونات المرات
شريف / يا شيخه
مرام / طبعا انا من يوم موعيت عالدنيا و انا مكانك بس مش ببقى اوفر زيك كدا عادى يعنى
شريف / لا داحنا نطلب اتنين قهوه بقى و تحكيلى كنتى بتعملى ايه فى المواقف دى
مرام / بعمل من بنها و الموضوع غالبا كان بيبوظ لوحده اصل شباب اليومين دول بيدوروا عالبنت اللى بتعرف تدلع و تهزر و انت عارف انى مليش فى السكه دى خالص فالعريس كان بيطفش دا غير ان طموحى و دراستى كانت برده مشكله كبيره بتبوظ مرات كتير
شريف / الحمد لله انها باظت
مرام / الحمد لله
شريف / انا بقى الوضع بالنسبالى مختلف
مرام / عارفه
شريف / يا شيخه
مرام / غالبا كلنا عارفين
شريف / صافى صح دى السكه اللى انتى بتحاولى تخشيها مالصبح صح
مرام / انت ايه مشكلتك
شريف / انا معنديش مشكله المشكله عندكوا انتوا كانى لو متجوزتش بكره هعنس مثلا او هيحصلى حاجه
مرام / عاوزين نفرح بيك يا شريف
شريف / و انا كمان والله نفسى افرح بيا اوى نفسى جدا كمان
مرام / هههههههههههههههههه
شريف / بس الموضوع مش زى مانتى فاهمه الدنيا بالنسبالى مش بالبساطه دى
مرام / عشان اخواتك
شريف / ايوه انا مينفعش اطلب منها انها تيجى تعيش معايا انا و اخواتى و مينفعش اسيبهم برده
مرام / خد شقه جنبهم
شريف / و المصاريف يا مرام انتى عارفه دوا ماما بيكلف كام و جهاز اخواتى بعد كدا و مصاريفهم و دراستهم و مصاريف صافى لوحدها و استايل حياتها تفتكرى هقدر عليه
مرام / ياااه دانت قفلتها اوى بس هى مبتتحسبش كدا انا متاكده ان صافى حتى لو قولتها هعيش مع ماما مش هتقول لا و كمان صافى بتشتغل و هتساعدك
شريف / والله يعنى اتجوزها تصرف عليا
مرام / مسمهاش كدا اسمها انكوا تقفوا جنب بعض لحد مربنا يسهلك انت ليه واخد الموضوع بحساسيه اوى كدا
شريف / مفيهاش حساسيه هى كدا
مرام / انت عارف انت هتتعدل امتى لما تلاقي جايلها عريس بالظبط زى محصل مع اريج
شريف / و هو ايه اللى حصل مع اريج يا مرام قلبت الدنيا و رميت كل مسؤلياتى ورا ضهرى عشان متروحش لغيرى ايه بقى اللى حصل هى سابتنى وراحت لغيرى يا مرام و هو ده بالظبط
مرام / صافى مش زى اريج صافى مطمعتش و عنيها قلبت حرفين اس بتوع الدولار دول لما عرفت انك بتقبض عشر تلاف و لا جريت وراك و لا عملت المستحيل عشان توصلك صافى عارفه ظروفك كويس و عارفه كل حاجه عنك
شريف / و مش يمكن ده يكون سبب فى ان هى نفسها ترفضنى
مرام / مش هترفضك
مازن يدخل
مازن / اخيرا دانا قلبت عليكوا الدنيا
مرام / ازيك عملت ايه
مازن / اخيرا خلصوا العمال دول بجد حاجه صعبه اوى دول كانوا هيكسروا الشقه عشان يدخلوا الاوضه هما علاطول كدا و لا انا اللى مبعرفش اتعامل
شريف / لا علاطول كدا
مازن / و مدام انت عارف كدا مروحتش انت اتعاملت معاهم ليه
شريف / عشان كدا كدا لازم هتيجى انت ناسى انك غيرت الكالون هروح اعمل ايه
مازن / اه صح
شريف / احسن حاجه عملتها من يوم معرفتك حكايه الكالون دى
مازن / على فكره تقريبا كانت اول حاجه اتفقنا عليها لما اتخطبنا فكدا كدا كنت هعملها يعنى مش حوار
تليفون شريف يرن صافى مرام و مازن يبصوا لبعض
مرام / طب هنستاذن احنا بقى عشان فى موضوع كدا كنت عاوزه مازن فيه
شريف يبتسم و مرام و مازن يطلعوا بره و مازن يقفل الباب و يغمز لشريف شريف يرد و يفتح الكام صافى عامله شعرها و مكياج و زى القمر
صافى / ازيك
شريف / الحمد لله بقالى كتير مشوفتكيش بمكياج
صافى / كان عندى فوتوسيشن بس انا حلوه حتى من غيره و لا ايه
شريف / هههههههههههههههه اكيد طبعا
صافى / الموديل الجزمه اعتزرت فى اخر ثانيه و كنت محتاسه اخر مزهقت لبست انا و قولت بناقص
شريف / اكيد انتى هتبقى احلى منها يعنى
صافى / ميرسى
شريف / كلمتك كتير قبل كدا مكنتيش بتردى
صافى / كنت بسيبه سايلانت عشان مشغوله و لما كنت بشوفه كان بيبقى الوقت مش مناسب انت عارف ان فى فرق توقيت و كدا اكيد مش هتصل بيك الفجر مثلا
شريف / كنتى اتصلى مكنتش هدايق والله
صافى / انا بعتلك هديه بما انك مجبتش سيرتها تبقى لسه موصلتش
شريف / عالشركه و لا عالبيت
صافى / عالبيت ايه ده انت فى الشركه صح ؟؟ بتعمل ايه فى الشركه لحد دلوقت
......................................