السكه شمال بقلم / لولو_محمد ( كامله )

الجزء العشرون

((((((((((((((السكة شمال )))))))))))
#لولو_محمد
الحلقه العشرون
شريف / هو قالي هيقابلكم هنا دا كل اللي اعرفه عن اذنكم ثواني
شريف يطلع بره و مرام تفتح الدعوات و تطلع اللسته و اسراء تقوم تفتح التلاجه اريج تالس عليها
اريج / ميرسي مفيش داعي تعالي هتفضحينا
اسراء / بتفرج بس
كرم / علي الله يكون في كاميرا هنا و لا هنا هههههههه
اسراء تقفل التلاجه و تروح تقعد
........................
مرام / بس الشركه حلوه
محمود / عاديه يعني
اسراء / ياراجل انت تعرف تتعين هنا اصلا
محمود / مش عايز اصلا
محمود و مرام يتودودوا
مرام / انت مدايق ليه الراجل عاوز يقابلنا
محمود / لا عاوزين يتنطتوا علينا
مرام / محدش كاسر عينك بحاجه ماشي اتعامل عالاساس ده
محمود يهز راسه الباب يتفتح صفوت يدخل و وراه شريف
صفوت / اسف يا شباب اتاخرت عليكوا
كرم / لا مفيش حاجه حضرتك
صفوت / ايه يا شريف الشباب مفيش قدامهم عصير و لا قهوه و لا حاجه ليه يقولوا علينا بخله و لا انا بقول نطلب غدي ههههههههههه
الباب يتفتح و مازن يدخل
مازن / اسف عالتاخير
صفوت / دا اعجاز انك جيت اصلا
مازن يدخل يسلم علي خاله
صفوت / مازن حكالي عن الحفله اللي بتنظموها و الافكار بتاعتكوا عجبتني كلها عشان كدا كنت عاوز اشوفكوا و اتكلم معاكوا ايه مش هتعرفوني بنفسكوا و لا ايه
كرم / انا كرم عبد المغني رابعه اداره اعمال
اسراء / اسراء المنصوري رابعه محاسبه
مرام / مرام نور الدين تالته اداره اعمال
صفوت / مع مازن
مازن / مرام الاولي عالدفعه و محمود التاني
اريج / وانا معاهم برده هههههههههههه
اسراء / هو كان معانا ناس تانين بس مقدروش يجوا
صفوت / اكيد هتعرف عليهم يوم الحفله مش انا معزوم برده
اسراء / اكيد اتفضل
اسراء تدي صفوت دعوه
صفوت / شكرا ... بصوا يا شباب اصعب حاجه فالدنيا هي التيم ورك انك تشتغل وسط فريق مش دايما بتخلي الشغل احسن و يخلص اسرع ساعات كتير بتكون عقبه فطريقك خصوصا لو مفيش اداره كويسه
محمود / حضرتك معاك حق بس ممكن يكون في اداره كويسه بس بسبب نقص الموارد الشغل يقف و تضطر تجيب اداره سيئه تمول الشغل بتاعك
صفوت / الفلوس او الموارد عمرها مهتنجح مشروعك او فكرتك لوحدها هديك مثال انا هديك مليون جنيه و اقولك خدهم و اشتري ماتريالز و تعال غيرلي ديكورات المكتب ده هتعمل ايه
محمود / اول حاجه هجيب مهندس ديكور يشوف المكان و يقدملي تصور للمكان و اشرف عالشغل
صفوت / طب و انا مليش راى فى الموضوع
محمود يبص لمرام و يسكت
صفوت / مش المفروض بعد متجيب مهندس الديكور و تتفق معاه تعرض عليا التصور بتاعه للمكتب يمكن ميعجبنيش و لا بعد متهدر الموارد او الفلوس اقولك وحش كئيب مش ماشى مع زوقى فتقوم انت تهد كل ده و ترمى الفلوس فى الارض و تبنى غيره دى بقى يا محمود ... محمود صح
محمود يهز راسه
صفوت / دى اهميه الاداره الناجحه عرفت بقى ان الفلوس مش اهم حاجه انا مش هعطلكوا و هسيبكوا تشتغلوا و هروح انا كمان اشوف شغلى ... مازن خد بالك مالشباب ها ... عن اذنكوا
صفوت يقوم و يمشى
مازن / شتمنى فى غيابى قال ايه بقى
اسراء / ههههههههههههه خالص بصراحه محدش يصدق انه خالك اخره اخوك الكبير
مازن / عشان عازب
اسراء / قصدك ايه بقى
مازن / قصدى ان الجواز بيخلى الراجل يعجز بدرى
محمود / فى حاجات كتير غير الجواز بتخلى الراجل يعجز بدرى زى الهم و الفقر
مرام / انا مع محمود ممكن يكون انسان متجوز و مراته مهنياه و مش مخلياه شايل الهم و ممكن عاذب و شايل هم الدنيا و الاخره و الشغل و الفلوس و القرف
مازن / كانت ارجيو و يذ ذات 
الباب يخبط و بنوته جميله تدخل
البنت / انسه مرام صفوت بيه عاوز حضرتك
مرام تبص لمحمود
مازن / عاوزها ليه
البنت / معرفش والله مازن بيه صفوت بيه طلب منى انى اناديها عنده فى المكتب
مرام تقوم تقف
مازن / هاجى معاكى
البنت / صفوت بيه عاوزها على انفراد مازن بيه ارجوك
مرام / مفيش مشكله اتفضلى
مرام تروح مع البنت محمود يبص لمازن
محمود / و انت طبعا متعرفش عاوزها فى ايه
مازن ينفخ و يسيبه و يمشى يرجع يشتغل مع المجموعه
................................
فى شقه نيفين
نيفين /  بجد مش عارفه اعمل ايه
لبنى / انتى مكبره الموضوع ليه ميمكن تاخير عادى
نيفين / تفتكرى
لبنى / بتحصل
نيفين / انا بقول كدا برده
لبنى / هو ده بقى الموضوع الخطير اللى انتى عوزانى فيه انا قولت حاجه مهمه و لا حاجه
نيفين / اصلها اول مره تحصلى
لبنى / اقولك انا هاخدك بكره و نروح نكشف و انا متاكده انه هيكون تاخير عادى
نيفين / و لو مطلعش
لبنى / قصدك يعنى تكونى حامل
نيفين تهز راسها اه بخوف
.............................
فى مكتب صفوت
البنت تدخل و مرام وراها
البنت / الانسه مرام صفوت بيه
صفوت / اتفضلى يا بنتى اقعدى
مرام تقعد و علامات الاستفهام ماليه وشها صفوت يبتسم
صفوت / مالك قلقانه ليه كدا تشربى حاجه
مرام / ميرسى ملوش لزوم
صفوت / تعرفى فى فكافيتريا الشركه بودنج ممتاز انا هخليهم يبعتولنا اتنين بتحبى الشيكولاته
مرام تبتسم صفوت يرفع التليفون
صفوت / خليهم يبعتولنا اتنين بودينج شيكولاته من الكافيتريا لو سمحتى يا سوزان ... شكرا
صفوت يقفل التليفون
صفوت / هيعجبك اوى ... طبعا انتى مستغربه انا ليه طلبت اقعد معاكى
مرام / فى الحقيقه اه
صفوت / انا راجل اعمال ناجح جدا و بدير الشركه دى من اكتر من عشرين سنه مفيش اى مشروع دخلته و خسرت فيه مفيش حاجه راهنت عليها و خسرتها و دا عشان انا بعرف اقدر قيمه الحاجه و الناس كويس
مرام / الحقيقه انا مش فاهمه برده
صفوت / كل واحد فى الدنيا عنده حلم نفسه يحققه حلم مستعد يعمل اى حاجه يتعب ليل نهار يبيع اللى وراه و اللى قدامه عشان يوصله عندك حلم زى ده يا مرام
مرام تبتسم
مرام / اكيد
صفوت / انا اقدر احققلك الحلم ده
مرام / انا اسفه بس انا برده لسه مش فاهمه حضرتك عاوز توصل لايه
صفوت / انا اول مره اعرف ان الاول على دفعه مازن بنت بس مش دى المشكله لما دخلت القاعه عليكوا انتى الوحيده اللى كنتى بتشتغلى و الكل كان بيتكلم او بيعمل اى حاجه و انا قولتلك انى بعرف احكم عالناس كويس
الباب يخبط و يتفتح و تدخل البنت و شايله صينيه عليها طبقين بودينج تحط واحد قدام مرام و التانى قدام صفوت و تمشى
صفوت / شكرا سوزان ... المهم انتى فتالته يعنى كلها سنتين و تبقى معيده كل سنه بيبقى عندى حلم واحد بس انى اشوف مازن متخرج و طبعا مش محتاج اوضح كل سنه اقدم وظايف و رشاوى بالهبل للدكاتره و المعيدين عشان انجحه بس مفيش فايده
مرام / و حضرتك شايف انى اقدر اغير ده
صفوت / بيوتى و يذ براين امبريسف الحقيقه ايوه يا مرام انا عاوزك تساعدينى
مرام / صدقنى معنديش فكره اقدر اساعد حضرتك ازاى
صفوت / فى العادى المعيد بيقعد معاه يزاكرله يحلله اى حاجه يلم بيها اعمال السنه كدا يعنى المشكله ان مازن مبيحترمش اى حد بيشتغل عندنا و بلاقى نفسي بدفع فلوس فالارض
مرام / حضرتك عاوزنى ازاكر لمازن
صفوت / انا بعرض عليكى وظيفه بالمرتب اللى تحدديه
مرام / و المقابل انى اضيع فرصتى انى اكون معيده اضيع ترتيبى و حلمى الحقيقى اللى بتعب عشانه طول السنين دى عشان يا عالم مازن هينجح و لا لا و مع احترامى لحضرتك ايه يضمنلى انى مش هترفد بعد شهر و لا اتنين و ابقى خسرت كل حاجه اصلا ايه اللى مخلى حضرتك واثق اصلا او حتى تحط امل عليا ان مازن ممكن يعمل معايا اللى مقدرش باقى المعيدين يعملوه معاه
صفوت / اعتبرينى يائس اعتبرى انى جربت كل حاجه و فشلت
مرام / و ايه الجديد عندى
صفوت /  ان يكون حد من زمايله مش المعيد عليه
مرام / حضرتك شوفت محمود هو شاطر جدا و التانى عالدفعه
صفوت / محمود مع مازن هتنتهى بان مازن يضرب محمود
مرام تبص الناحيه التانيه تدارى دحكتها
صفوت / معقول ضربه خلاص ههههههههههههههههههههههه
مرام / انا كان نفسى اقدر اساعد حضرتك بس حضرتك طلبت منى طلب مش هعرف احققه مش عشان انا مش عاوزه بس عشان اى مجهود هبذله فى السكه دى مش هتجيب اى نتيجه مع مازن و الاكتر انها هتضرنى
صفوت / للدرجادى
مرام / انا اسفه اوى
صفوت / فكرى تانى يا مرام دى مش حتى مجازفه دا مكسب مضمون حتى لو عطلك و ضيع عليكى التعيين انا بعرض عليكى
مرام / اسفه انى اقاطع حضرتك بس الحقيقه الموضوع بالنسبالى مش فلوس انا عاوزه اكون دكتوره فى الجامعه بس هو ليه حضرتك متحولوش جامعه خاصه يمكن الوضع هناك ممكن يكون اسهل
صفوت / مش عاوز عرضت عليه مازن مش عاوز حتى يدير شركته و رامى كل شغله عليا
مرام / الله يعين حضرتك
صفوت / بصى يا مرام متستعجليش و اتكلمى مع اهلك فى الموضوع و خدى رايهم و خليهم يردوا عليا
مرام / موعدش حضرتك ان فى اى تغير ممكن يحصل فى رايي
صفوت / خدى وقتك السنه لسه طويله
مرام / حاجه تانى حضرتك ؟؟؟
صفوت / شكرا تقدرى تتفضلى و اسف انى عطلتك عن شغلك
مرام / مفيش مشكله اصلا شرف انى اتعرفت على حضرتك عن اذنك
مرام تطلع مالمكتب تلاقى محمود و مازن
مرام / انت اللى طلبت منه يطلب منى كدا
مازن / انا معرفش اصلا طلب منك ايه و لولا قطع عيش الغلبانه دى كنت دخلت
مرام / فى جميع الاحوال انا رفضت ... يلا يا محمود خلينا نخلص عشان نروح
مرام تمشى مع محمود و مازن يدخل لصفوت
........................
فى القاعه
اسراء / ايه كلكوا اختفيتوا روحتوا فين
مرام / حوار كدا ملوش لازمه
اسراء / ملوش لازمه !!! طويب
كرم / مش هنخلص النهرده احنا صح ناويين على بيات مش كدا
اريج / هو مش فيها غدى بيات بيات ههههههههههههههه
كرم / ياخوفى ياختى نبئك يطلع على شونه
اريج / متنبرش انت فيها بس و هيبقى زى الفل
مرام و محمود ياخدوا مجموعه من الدعوات و يبداو يشتغلوا و محمود بيبص لمرام يوشوشها
محمود / مش هتقوليلى ايه اللى حصل
مرام / وقته ده
محمود / ماشى .. ماشى يا مرام
..........................
فى مكتب صفوت
مازن / مش مصدقك والله مقادر اصدقك
صفوت / ليه طلبت منها حاجه عيب و لا حرام مهو كلو شغل
مازن / مرام ملقتش غير مرام اهى احرجتك مهو لو كنت سالتنى
صفوت / و انا هحتاج اذنك و لا ايه
مازن / تصدق انها مش فكره وحشه
صفوت / هى ايه دى
مازن / بس هى مش هتوافق هههههههه عمرها مهتوافق يا خالو
صفوت / انت بتكلم نفسك يا مازن انا عارف انك لاسع بس كدا بقت رسمى حبيبى خد بالك
مازن / انت عارف يا خالو انا بحبك ليه
صفوت / انت لو بتحبنى تنجح يا مازن تتخرج و تمسك الشركه و تبقى راجل اعتمد عليه
مازن / بحبك و هتشوف عن اذنك
مازن يمشى و صفوت يخبط كف على كف
................................
فى الشقه عند مرام
محمود / دا راجل مهبوش زى ابن اخته هى عيله كلها مجانين اصلا ايه القرف ده هما فاكرين نفسهم يقدروا يشترونا بفلوسهم يعنى انا لو كنت مكانك كنت والله العظيم كنت
سميحه / لما يخلص ابقى صحينى
مرام / هههههههههههههههههههههههه
محمود / ايه انا دمى محروق و انتوا بتدحكوا
مديحه / اقولكوا حاجه انتى غلطانه يا مرام انا لو منك كنت هوافق بصراحه دى فرصه العمر
محمود / بتقولى ايه يا ماما
مديحه / بقول ان مرام لسه قدامها السنادى و السنه الجايه عشان تبقى معيده و مش بعيد فبلد الكوسه دى تتظلم عشان يجيبوا واحد من ولاد الحبايب ياخد مكانها بلاش مرام اتعينت معيده هتاخد كام دا الواد المخدماتى بس اللى حكيتوا عنه اللى اسمه شريف بياخد عشر تلاف جنيه فى الشهر بيعمل ايه وداكوا و جابكوا و راح بالعربيه كام مشوار امال لو كان شغال بعربيته كانوا ادولو كام
مرام / مبتتحسبش كدا يا عمتى
مديحه / لا هى بتتحسب كدا و بعدين انتى تتفقى مع الراجل انك هتاخدى فلوسك كامله نجح منجحش بقى مش شغلك و الاحسن تاخديها مقدم كمان
سميحه / دا على اساس ان الراجل اهبل
مديحه / عاجبك عاجبك مش عاجبك نكمل فى سكه الكليه
محمود / انا نازل عند المعلم اسعد اخلصله الحسابات
مرام / بدرى كدا
محمود / مانا لو قعدت اكتر من كدا ممكن مقدرش انزل خالص عشان هكون مشلووول
محمود يمشى و يرزع الباب وراه
مديحه / شايفين الواد و قله ادبه
سميحه / هههههههههههههههههههه والله الواد ده غلبان
مديحه / مده اللى قاهرنى و الغلب فى الزمن ده بيودى فداهيه
مرام / محمود مش غلبان على فكره و بكره تشوفو انا هقوم اجيب الموبايل اشوف الصفحه يمكن فى اوردرات جديده و لا حاجه
مديحه / على الله هو حد يكره
.....................................
فى محل جزاره
راجل كبير لابس جلبيه
اسعد / بدرى يعنى يا سى الاستاذ حوده
محمود يقعد و يفتح الدفتر
محمود / البيت بقى مرستان يا حج
اسعد / ههههههههههههههههههه لسه بدرى اوى عالجمله دى امال بقى لما تتجوز و تملا البيت عيال و اللى يعيط و اللى يزن و اللى يسرخ هتعمل ايه
محمود / اهم فالاول و الاخر عيال محدش بياخد على كلامهم
اسعد / انت شديت مع ست مديحه و لا ايه طب والله تبقى غلطان هو فى زى الست مديحه دى ست كومل
محمود / يكرم اصلك يا معلم بس
اسعد / تعرف يا حوده الوليه ام مروه مراتى كل يوم قبل منام تدعى ان ربنا يجعل يومها قبل يومى قال ايه عشان متحتاسش من بعدى بالعيال اهو شوف الست مديحه ربتك و طلعتك راجل ملو هدومك بعد المرحوم ابوك لا قالت اتجوز و لا قالت اشوف نفسى تعرف على يدى كان الرجاله على باب بيتكوا طوابير يستمنوا بس نظره منها اصل لامؤاخذه يعنى انت كنت صغير و هى لا كان باينلها اهل و لا حد بيطل عليها
محمود / مهى الحجه سميحه
اسعد / الحجه سميحه ست كبيره مين هيبصلها و لا مؤاخده مفيهاش الطمع عشان كدا بقولك انك متزعلش من الست مديحه و قدر اللى عملته
محمود / مش زعلان منها انا نزلت بس عشان
شاب صايع يقف قدام صبى المعلم و هو بيقطع اللحمه
الشاب / اوزنلى اتنين كيلو بس تكون ملبسه
الصبى / حاضر
اسعد / هتدفع يا تيفا و لا الحساب يجمع
تيفا / و ايه لزمته الكلام ده يا معلم
اسعد / اصلى سمعت انك مبلطج فى ورقتين بميه من عند الحجه ام سمر
تيفا / كدابه فاصل وشها انا مبخدش حاجه شكك
اسعد / يعنى البت بتتبلى عليك
تيفا / وربنا يا معلم لجيبلك البت دى من شعرها تقولك انها واخده الفلوس
اسعد/ تبقا تقرب مالبت و لا امها يا تيفا وربنا شوف وربنا لعلقك مكان الدبيحه دى
تيفا / سك عاللحمه يا صاصا ... تعلق مين يا معلم هو اكمنى بكلمك بادب و عاملك قيمه و سيما هتفكرنى لحمه طريقه تعلقها و لا ايه لا اصحى انا تيفا
اسعد / تيفا على نفسك يا روح امك اتكلم بادب ياض بدل موريك الوش التانى
راجل يدخل
الراجل / واد يا تيفا اتلم ... حقك عليا يا معلم
اسعد / انا عاملك اعتبار يا مجدى و قسما بالله الواد ده لو قل ادبه تانى على اى واحده من نسوان الحته
تيفا / هو فى ايه هو كل واحده تيجى ترمى بلاها عليا و انتوا تصدقوا هو فى حد ياخد مالوليه دى خضار و فاكهه بمتين جنيه نوبه واحده طب متكلمتش ليه اول مره و لا هى بتحوشهوملى داخل جمعيه انا و لا اكونش لامؤاخذه خطفت البوك من صدرها
مجدى يلطش تيفا قلم
مجدى / لما المعلمين يتكلموا تقطم انت خالص فاهم و لا لا
تيفا / انت بتضربنى طب والله لقول لامى
تيفا يمشى
مجدى / حقك عليا يا معلم امسحها فيا عيل و غلط
اسعد / اسمع يا مجدى ابوك الله يرحمه طول عمره راجل انا مش عارف اخوك ده طالع كدا لمين الوليه حقها يرجع مش امك تطبخ و هو يضرب عالفلوس دا شقى ولايا
مجدي / و احنا مندخلش بتنا لقمه حرام يا معلم و ادى المتين جنيه اهى و لو فى حد مالحاره ليه جنيه عندنا يجى ياخده مدام بالادب هياخده انما لامؤاخذه التهديد و شغل العوء فالكل عارف مبياكلش معانا
اسعد / اصلى يا مجدى
مجدى / بالاذن
مجدى يمشى
اسعد / واض يا صاصا ودى الفلوس دى للست ام سمر و قولها المعلم مجدى باعتلك دول و بيقولك حقك علينا
الصبى ياخد الفلوس و يجرى
محمود / ربنا يخليك للغلابه يا معلم
اسعد / الواد تيفا ده واد لاسع البورشام لحس عقله الله يحرقه البورشام و اللى اخترعوه و اللى بيوزعوه عالعيال ابوه الله يرحمه كان احسن ميكانيكى فيكى يا بلد كانت العربيه بتدخل تزك تطلع عروسه
محمود / الله يرحمه
اسعد / زمان كانت الحاره ليها كبير و الكل بيخاف على بعضه و الجيران لبعضيها و الناس اصيله انما دلوقت الصوت العالى و الدراع هما اللى ممشين الكل تقولش غابه يا اخى
محمود / طول مفي لسه رجاله فى الحته
اسعد / رجاله هأأأو دول كل واحد منهم عامل لامؤاخذه زى الحمار مربوط فساقيه و مغمى عنيه عشان يمشى جنب الحيط بص عالناصيه شايف العيال اللى هناك دى شامم رحتهم اللى واصله لحد هنا حد بيقولهم بتعملوا ايه و لا حتى بيكلمهم لا و لما تيجى تتكلم كل واحد يجرى يقفل على روحه الباب لما الواحد بطل يدخل لحد هو راخر فين اهاليهم طب دانا كنت اخاف بس اولع عقب السجاره قدام ابويا الله يرحمه ينهار مش فايت طب دانا لسه جسمي بيوجعنى مالعلقه اللى خدتها لما ابويا بس شم ريحه السجاير فهدومى
محمود / بس انت بتشرب شيشه يا معلم
اسعد / ههههههههههههه الكيف بقى يا محمود تعرف البت مروه بنتى ينهار يا جدع كل يوم تدينى موشح الشيشه بتجيب مش عارف ايه السجاير بتجيب اللهم احفظنا ايه لما خلت الواحد كره النعمه يا اخى
محمود / و هى الحاجات دى نعمه
اسعد / اهو حاجه الواحد بينفخ فيها همه
محمود / و انت ايه همك يا معلم
اسعد / البنات و خلفه البنات الواحد لو كان بس عنده حته واد يتسند عليه مش كان هتبقى حياته اريح
محمود / تسمع منى يا حج
اسعد / قول يابو الاساتيذ
محمود / هههههههههههههههه البت فى الزمن ده مش محتاجه راجل تتسند عليه البت دلوقت هى اللى بتسند ابوها و اخوها و عيلتها كلها عندك تيفا مثلا اكيد ابوه لما خلفه كان فرحان بيه و كان فاكر انه هيسنده
..........................