السكه شمال بقلم / لولو_محمد ( كامله )

الحلقه ١٧٦

((((((((((السكة شمال ))))))))
#لولو_محمد
الحلقه 176
صافى / اول ما استلمت الصور مقدرتش امنع نفسى ابعتهالك علاطول ايه رايك بزمتك مش انفع ملكه جمال
شريف / تنفعى و نص طبعا
صافى / تعرف اول مسلمتها البروفيسور هنا طلب منى اعدى عليه فى الشركه بتاعته عاوزنى اشتغل معاه دا تانى اوفر يجيلى موديلينج فاسبوع واحد شوفت مش قولتلك انا هنا فدانيه تانيه خالص يابنى
شريف / ربنا يوفقك بجد فرحتلك اوى
صافى / بس للاسف برده رفضت قولتله انا عاوزه اركز فى دراستى و فى الديزاينينج الموديلينج دى هوايه لكن مش كارير و عرض عليا انى اتمرن عنده
شريف / ما دا كويس جدا برده
صافى / ايوه بس هنا فى مشكله انا وعدت مدام شنايا انى هتمرن عندها
شريف / انا بقول تستنى يومين تلاته يمكن تلاقى عروض احسن و لا حاجه بقالك كام يوم هناك و بيقطعوا بعض عليكى امال لو كملتى سنه هيعملوا ايه هتقوم حرب عالميه تالته بسببك
..........................
صافى / لا سنه ايه انا عمرى مكنت اتخيل ان مصر هتوحشنى اوى كدا دانا مستنيه الاجازه بفارغ الصبر
شريف / مفيش اخبار هتبقى امتى
صافى / يعنى فى كلام بس مفيش حاجه اكيده المهم قولى اعمل ايه انا كلمتك عشان انا مليش حد تانى اخد رايه ماما قالتلى شوفى مين هيدى عائد مادى اكبر لكن انا مش مقتنعه
شريف / طب مين فيهم اشهر يعنى هتضيف للسى فى بتاعك اكتر
صافى / الاتنين كبار جدا و اسمهم من اكبر الاسامى فى العالم انا هنا فى دنيا تانيه خالص يابنى انا حاسه انى بيبى وسط الاسامى الكبيره اوى دى
شريف / لا فوقى لنفسك كدا دانتى بنت النيل فين شمخه الفراعنه
صافى / ههههههههههههههه ايوه انا كنت عارفه ان انت الوحيد اللى هتنفعنى فى المواقف اللى زي دى
شريف / ربنا يخليكى لينا يا ستى و ننفعك كمان و كمان
صافى / و يخليك ليا انت بتعمل ايه دلوقت
شريف / والله فى اجتماع مهم جوه بس مقدرتش اركز اول مشوفت صورك الموبايل هنج منى
صافى / يا سلام
شريف / انتى مستقليه بنفسك و لا ايه الرامات مستحملتش يا بنتى
صافى / طب يا سيدى سورى بجد خلاص خش كمل الميتنج بتاعك و نبقى نتكلم لما تخلص
شريف / اوك تمام
صافى / باى
شريف يقفل و يفتح صوره صافى يبص فيها محمود يدخل يخبطه على كتفه
محمود / انتوا خلصتوا و لا ايه
شريف / هاه ؟ لا شغالين انا كان معايا تليفون بس داخل اهو داخل يلا يلا
شريف ينفخ و يدخل ورا محمود
......................
فى فيلا دبى
ابراهيم / ساكت ليه الموضوع مش محتاج التفكير دا كله
مازن / المفروض اقول ايه
ابراهيم / تختار
مازن / و انا ايه فى الدنيا ممكن يجبرنى انى اختار يعنى؟ اختار بين مراتى و فلوسى ؟اختار بين حاجتين الاتنين اصلا بتوعى؟ ليه ؟
ابراهيم / انا بعرض عليك مليارات مليارات يا متخلف
مازن / تعرف يا بابا لما حضرتك كنت بتتصل تطمن عليا الفتره اللى فاتت كنت ببقى فرحان اوى بس كنت فى نفس الوقت جوايا احساس قوى ان فى حاجه غلط ان اكيد محدش بيتغير فجاه مستحيل فجاه كدا تفتكر ان ليك ابن حضرتك جايبنى هنا تخيرنى بين انى اطلق مراتى او اتنازل عن ورثى
ابراهيم / انت اللى فتحت صدرك قدامها فى مصر و قولت انك مستعد تتنازل عن كل فلوسك عشان تعيش معاها ورينى هتستحمل عشانك قد ايه اثبتلى انها بتحبك اثبت لنفسك انك بتحبها لدرجه انك مستعد تكح تراب عشان خاطرها انا مش هسمحلك تضيع شقايا و تعبى على واحده زى دى
مازن / احرمنى من الميراث
ابراهيم / انت قليل الادب
مازن / المفروض ارد اقول ايه و انا اقوله انا فلوسى مفيهاش جنيه واحد من حضرتك دا ورثى من امى و من خالى الله يرحمهم حضرتك ملكش فضل عليا فيهم نهائى اقولك حاجه انا عندى فكره حلوه اوى انا هتنازلك فعلا حضرتك عاوز فلوس انا هديك انا هديك كل جنيه انا ورثته من امى و هتنازل لمرام عن كل جنيه ورثته من خالى
ابراهيم / انت بتخرف بتقول ايه
مازن / هى دى كانت رغبه خالى فى حياته و لولا ان مرام رفضت كان هينفذها انا بقى هنفذها انا هتنازل لمرام عن كل جنيه خالى كان بيملكه بما فيها الاسهم اللى اشتريتها الفتره اللى فاتت
ابراهيم / انت بتتحدانى يا ولد
ابراهيم يقوم يقف و مازن يقوم يقف و بيتكلم بنفس الهدوء
مازن / حضرتك عاوزنى افلس انا هفلس هثبتلك ان لو الوضع معكوس و الفلوس مع مرام و انا اللى محلتيش جنيه مرام مش هتسيبنى و ساعتها بقى مش هاجى و اقولك انا كسبت الرهان رجعلى فلوسى زى محضرتك بتقترح انك ترجعهالى لما مرام تسيبنى لا انا مش عاوزهم
ابراهيم / انا عاوزلك واحده بنت ناس تسندك و تقويك و تكبر امبراطوريه منتصر
مازن / الشرع محللك اربعه متتجوز حضرتك ايه اللى منعك
ابراهيم / انت فعلا ولد عديم الربايه
مازن / انا فرحى على مرام فى اجازه نص السنه يشرفنى ان حضرتك تحضر
ابراهيم / لو عملتها لا انت ابنى و لا اعرفك
مازن / عن اذنك
مازن يروح يفتح الباب يلاقى فريده واقفه عالباب يبتسم
مازن / عن اذنك
مازن يمشى و ابراهيم واقف بيغلى
فريده / ايه باعك و اشتراها
ابراهيم يبصلها
فريده / شوفت بقى ده اللى انت كنت عاوز تستامنه على شقاك و تعبك هو ده اللى هيكمل مسيرتك من بعدك
ابراهيم / انا مش قادر افهم
فريده / تدفع كام و انا اخرج البنت دى من حياته للابد
ابراهيم يبصلها
فريده / متبصليش كدا اكيد مش هقتلها يعنى انا بس هستعين بمجموعه من اصدقائى متميزين جدا فى حل المشاكل اللى زى دى
ابراهيم / ازاى
فريده / تدفع كام الاول الناس دى مبتشتغلش لله و للوطن
ابراهيم / اللى يقوله عليه اى مبلغ المهم البنت دى تخرج من حياه ابنى للابد
فريده / خلاص تمام هكلمهم بس اى كان اللى هيطلبوه منك هتنفذه مش هتحرجنى مع الناس
ابراهيم / و انا من امتى قولت كلمه و رجعت فيها
فريده / خلاص اعتبر ورقه طلاقها فى ايدك
ابراهيم يهز راسه و هو بيغلى فريده تروح تقعد تبص علي الورق اللى كان عالترابيزه و ترميه على اخر دراعها تانى
.....................................
فى الجنينه فى فيلا دبى
زياد يجرى ورا مازن يحصله
زياد / هو فى ايه يابنى ايه اللى حصل كان عاوزك فى ايه
مازن / بيقولى يا اتنازل عن كل فلوسى يا اطلق مرام
زياد / ايه ده هو لسه بيفكر فى الهبل ده
مازن / انت عارف ؟؟
زياد / ايوه دا كان مجهزه تقريبا من يوم عزومه مرام فى الفيلا لما انت اقترحت الموضوع فوسط الكلام هو بقى مسك الكلمه و شبط مانت عارف ابوك فى موضوع الفلوس بس انت غبى يا مازن
مازن / يا سلام
زياد / دى فرصه العمر تعرف انا لو منك كنت عملت تمثيليه صغيره مع مرام اخدت من ابويا كل حاجه و بعدين رديتها
مازن / و انا اعمل كدا ليه
زياد / هتكسر شوكه ابوك
مازن / انت بتهزر يا زياد مهما كان اللى بينى و بينه انا عمرى مهرضاله حاجه زى دى ابدا عمرى مهدحك عليه و لا اغشه
زياد / و دا اب ده فى اب فى الدنيا يعمل فى ابنه اللى ابوك بيعمله فيك دا لو جوز امك كان هيبقى احن عليك من كدا كل حاجه عنده الفلوس حتى مونى تفتكر كان هيجوزها لكامل لو مكنش غنى
مازن /و مين فينا كامل يا زياد كلنا مليانين عيوب
زياد / بس محدش بيرمى ضناه يا مازن
مازن / بكره ربنا يهديه
زياد / هتعمل ايه دلوقت
مازن / هنزل مصر طبعا
زياد / يعنى تيجى دبى و ترجع علاطول كدا
مازن / هقعد اعمل ايه
زياد / يعنى على الاقل اشتريلك شويه هدايا للناس اللى فمصر
مازن / تصدق كانت هتفوتنى دى ربنا يخليلى دماغك دى يا اخى
زياد / امين هههههههههههههههههههههههههه
.................................
فى شقه مرام
تليفون مرام يرن ترد
مرام / الو
مازن /نموسيتك كحلى ايه يا بنتى كل ده نوم
مرام/  لا صاحيه اهو
مازن / بتعملى ايه
مرام / قاعده بتفرج عالتليفزيون عادى يعنى
مازن / الله هو ان غاب القط اللعب يا فار و لا ايه مش كان المفروض تروحى الشركه و لا انتى ايه نظامك بالظبط
مرام / معلش حسيت انى مصدعه شويه فمروحتش
مازن / مالك يا مرام
مرام / انا كويسه قولى بقى انت بتعمل ايه دلوقت
مازن / بشترى شويه حاجات الا قوليلى فى اى حاجه نفسك فيها اجيبهالك من هنا
مرام / لا شكرا
مازن / على العموم انا اصلا جبتلك شويه حاجات انا متاكد انها هتعجبنى اوى
مرام / ههههههههههههههههه هتعجبك انت
مازن / اكيد
مرام / تمام بس متكترش
مازن / ليه
مرام / يعنى انت عارف تيته لسه شاريه و كدا
مازن / مش هيخسروا
مرام / ماشى
مازن / مالك يا بت فى ايه
مرام / مفيش هتيجى امتى
مازن / بكره الصبح
مرام / عملت ايه عندك عرفت باباك كان عاوزك فى ايه
مازن / عادى كان عاوز يشوفنى و شافنى الحمد لله و ادينى بشترى شويه هدايا و نازل بصراحه ياريتنى ما جيت
مرام / ليه شديتوا مع بعض
مازن / العادى من بابا بس العيب مش عليه العيب عليا انا انا اللى افتكرته اتغير
مرام / تحب تحكى
مازن / لا ... على الاقل مش دلوقت ممكن لما ارجع و ممكن انسى اللى حصل خالص كانه محصلش
مرام / احسن برده
مازن / انا بحبك اوى يا مرام
مرام / و انا كمان
مازن / مفيش اى حاجه نقصاكى اجيبهالك
مرام / مش ناقصنى غيرك جنبى
مازن / راجعلك بكره الصبح هتلاقينى بخبط عالباب اصحيكى اول حاجه هعملها لما انزل مصر هعدى عليكى هاخدك فى حضنى و اعوض الساعات اللى ضاعت من عمرى بعيد عنك دى
مرام / انا متاكده ان دى فكره هتعجبنى
مازن / ههههههههههههههههههههه بصى انا جبت هدايا ليكى و لتيته و لعمتو و محمود و شريف و اهله فى حد تانى انا ناسيه
مرام / لا بيتهيالى حلو اوى كدا
مازن / متاكده
مرام / اه هو انت ماينفعش تيجى النهرده
مازن / وحشتك اوى كدا
مرام / اوى
مازن / قلبى يا ناس
مرام / سيب الهدايا محدش فينا مستنى منك حاجه انا مستنياك
مازن / هحاول
مرام / هستناك
مازن / سلام
مرام تقفل و هى مبتسمه سميحه تطلع من المطبخ ايديها متعاصه عجين
سميحه / روحى لعمتك يا مرام شوفى عندها دقيق كدا العجين ساب منى مش عارفه عمل معايا ليه  كدا المراى
مرام / حاضر
سميحه / كلمك ؟
مرام تهز راسها و هى مبتسمه سميحه تبتسم
سميحه / هاتى الدقيق اما اعمله حاجه حلوه
مرام تهز راسها و تحط الطرحه على راسها و تمشى
..............................
فى شقه شريف
شريف نايم فى السرير امه تفتح الباب و تدخل تمدد جنبه يفتح عينه و يبتسملها
الست / البت تقى ماسكه الموبايل و تيكتيك تيك تيكتيك تيك نازله رغى مع صحباتها لمت الدنيا كلها و رايحين بكره يدفعوا الفلوس
شريف / الفلوس فى الدرج
الست / لا انا مش جايه عشان كدا انا معايا
شريف / استر يارب
الست / هههههههههههههههههه اخص عليك يا وله
شريف / لا مانا عارفك
شريف يقوم يقعد
الست / لا نام نام خلينى اللعب فى شعرك بقالى ياما اوى ملعبتش فى شعرك و انت نايم
شريف ينام على رجلها
شريف / فلى فلى
الست / هههههههههههه تعرف يا وله اهو دمك الخفيف داهو احلى حاجه فيك بتفكرنى بابوك الله يرحمه كان دمه خفيف موت قعدته مكانتش يتشبع منها ميقعدش فى حته الا لما تقلب مسخره و صوت الدحك يجيب اخر الدنيا
شريف / الله يرحمه
الست / تعرف ان ده كان سبب جوازى من ابوك
شريف / يا شيخه
الست / اه والله اكتر حاجه كنت بحبها فيها دمه الخفيف ابقى مش طايقه روحى و عفاريت الدنيا بتنطت فى وشى و ماشيه اهرى و انكت و اتنطت كداهو و فجاه الاقينى مسخسخه مالدحك لحد ملقيت نفسى بدحك بس لما بشوفه منغير حتى ميتكلم و لا يفتح بقه اشوفه بس انبسط و افرح حبيته و اتجوزته و حبيته اكتر لما انت اتولدت ياااااه على فرحته بيك يا شريف
شريف مبتسم
شريف / فرح بيا زى مفرح بتقى كدا
الست / و اكتر دانت البكرى اول فرحته الكتف اللى هيتسند عليه لما يكبر الله يرحمه بقى
الست تمسح دموعها شريف يقوم يقعد تبتسمله
الست / بتحبها ؟؟
شريف / هى مين
الست / صافى
شريف / لفيتى لفيتى و رجعتى لنفس الموضوع و كان مفيش حاجه نقصانا غير انى اتجوز
الست / صافى حلوه و البنات الحلوه مبتقعدش فثانيه هتلاقيها بتعزمك على خطوبتها مستنى ايه لو بتحبها كلمها
شريف / ابوس ايدك يا امى ابوس ايدك سبينى فى حالى و اقفلى عالسيره دى تمام ابوس ايدك
الست / لو عالمصاريف تدبر انا عينالك حتتين دهب جوه و فى جمعيه هقبضها اول الشهر و بكره واحده واحده الظروف تتحسن و هى شكلها بنت اصول و شرياك و بتحب اخواتك و احنا كلنا حبيناها
شريف / مصممه يعنى
الست / طب فهمنى قولى مهى لو كانت وحشه و لا معيوبه مكنتش هتدخلها بيتنا و تبيتها مع اخواتك قولى يعيبها ايه صافى
شريف / ميعيبهاش صافى ميبعبهاش اى حاجه مفيهاش غلطه انا اللى معيوب انا اللى كلى عيوب ارتاحتى 
الست / متقولش على نفسك كدا
شريف / ليه مقولش ليه ياما مش دى الحقيقه انتى عارفه الجزمه اللى فرجل صافى بكام عارفه قلم الروج اللى بتحط منه و ترميه فى شنطتها بكام عارفه بتكسب كام فى الشهر بتاكل ايه بتصرف ازاى عايشه ازاى ... مالها صافى؟؟ مالهاش .. بنت زى الملاك حاجه كدا تحرك الحجر نظره واحده بس فى عنيها ممكن تشقلب كيانى عليها حته دحكه محصلتش و لا هتحصل بس اخرى ابص عليها من بعيد و اقول الله سبحانه من ابدع و صور نجمه عاليه اوى مقدرش اهوب ناحيتها مهما مديت ايدى مهما نطيت مش هطولها تعرفى حتى لو جبت صاروخ و طلعتلها بمعجزه من السما اتحرق
الست / بعد الشر عنك ليه كل ده على فكره بقى
شريف / على فكره بقى حكايات الشاطر حسن و الكلام ده انتهت من زمان اخرها تكون قصص اطفال و انا خلاص كبرت
شريف يقعد على طرف السنين و يمسح الدموع اللى اتجمعت فى عنيه و هو بيهز فى رجله الست تحاول تطيب خاطره
الست / هو يعنى الواحد بيشترى جزمه كل يوم و ماله تلبس و تدلع و تعيش و تجبلها ست العرايس مرات ابنى بنتى اللى مخلفتهاش بكره كل دول يتجوزوا و يمشوا و هى اللى تقعد معايا و تونسنى و تاخد بالها منى نجيبلها نجوم السما لو نقدر مش خساره فيها
شريف يغمض عنيه و يكتم جواه
الست / الفلوس امرها سهل اصلا تقى لسه بدرى عليها خد الفلوس اللى حوشتها لجهازها و انا هدخل فى جمعيه تانيه بعد دى هدخل بنفرين
شريف / كفايا يا ماما ابوس ايدك غيرى السيره دى و لا اسيب البيت و انام فى الشارع عشان ترتاحوا كلكوا و تسبونى فى حالى
الست / و على ايه خليك انا هقوم
شريف يتنهد و هو كاتم جواه امه تقوم توصل لحد الباب و ترجع تبصله
الست / طب لعلمك بقى الجزم الغاليه دى كلها اى كلام و بتبوظ بسرعه و بتعور الرجلين من تحت
شريف يدحك و يبص فى الارض و يرجع يبص لامه
الست / اه والله و حتى الكعب ده غلط بياثر عالضهر و بيتعب و بعدين اكل ايه اللى هى بتاكله دى قد البقسماطه و منغير سمسم كمان طب دانا هاكلها اكل عمرها مكلته فى حياتها هسمنها و اخليها تبان كداهو هو فى زى محشى امك يا وله
شريف يقوم يحضنها الست تعيط
الست / مفيش حاجه تغلى على ابنى مفيش حاجه تقهره و تخليه يشيل فى قلبه كدا انت مش قليل الف من تتمناك هى بذات روحها تتمناك بس انت تشاور بس
شريف يبوس راسها و يمسح دموعها
الست / مفيش حاجه تقهر ابنى
شريف / تمام تمام خلاص اهدى حقك عليا
الست / هو فى ايه مالك كدا وشك مصفر كدا ليه انا هروح اشوفلك حاجه فى المطبخ تاكلها ترم بيها عضمك و بالمره اكل معاك انا شكلى جعانه باين
شريف / روحى
الست / هروح
الست تطلع من الاوضه و شريف يتنهد
...................................
فى شقه مرام
مرام نايمه عالسرير فى الصاله الباب يتفتح بالراحه و مازن يدخل و معاه شنطه يدخلها من الباب و يجى يقفل الباب مرام تتفزع
مازن / انا انا اهدى اهدى انا
مرام تترمى فى حضنه
مرام / حمد الله عالسلامه اتاخرت كدا ليه
مازن / انا مش جاى من اسكندريه انا جاى من دبى فى مواعيد طياران غصب عنى طبعا والله حجزت على اول طياره راجعه و جيت من المطار على هنا علاطول
مرام / وحشتنى اوى
مازن / انتى اكتر ... مش هتشوفى الحاجات اللى جبتهالك
مرام / لا بعدين الاول هجبلك لقمه تاكلها تلاقيك جعان
مازن / بصراحه واقع
مرام / يا قلبى ثوانى حالا
مرام تقوم تجرى عالمطبخ يدخل وراها و يحضنها من ضهرها
مرام / مازن
مازن / ايه هتضربينى المرادى كمان
مرام / لا
مازن / امال هتعملى ايه
مرام / ههههههههههههه هعمل ايه يعنى هسخنلك تاكل
مازن / وحشانى
مرام / انت اكتر
مازن / الحنه هتبقى اخر يوم فى الامتحانات و الفرح هيبقى تانى يوم هيبقى فرح واحد كبير فى اكبر قاعه فى مصر اللى عاوز يجى يجى وزير غفير اهلا وسهلا الاكل هيبقى وجبات مش اوبن بوفيه و هاكل فى الحنه هنا فى الشارع كمان هجيب اكبر المغنين فى البلد و لو عاوزه اجيبلك حد من بره اجبلك
مرام / مش فارق معايا غير انى ابقى معاك
مازن يلف مرام تبص فى عنيه
مازن / انتى بس اتمنى
مرام / مش عاوزه غيرك عاوزه ابقى معاك و جنبك متبعدش عنى تانى يا مازن
مازن /مش هبعد من النهرده رجلى على رجلك اللى عاوزنى يجيلى انتى اللى ليا فى الدنيا دى يا مرام و مفيش غيرك يلزمنى
مرام / ايه اللى حصل هناك
مازن / كلام فاضى ملوش لازمه نتكلم فيه
مرام / طلب منك تطلقنى
مازن / مفيش قوه فى الدنيا هتفرق بنا مفيش مخلوق هيقدر يبعدنا عن بعض
مرام تبتسم
مازن / انا بحبك
مازن يزنق مرام عند الرخامه رصه حلل اللومنيا تقع فى الارض تعمل صوت يتعدلوا فوقفتهم و هما بيدحكوا
مرام / زمان تيته صحيت هروح اطمنها هى متعرفش انك جيت
مازن يدحك و يكتمها
صوت سميحه / مرام مرام
مرام تروح لسميحه تقابلها فى الصاله
سميحه / فى ايه يا مرام
مرام / مفيش يا تيته وقعت الحلل و انا بسخن لما مازن الاكل
سميحه تبص تلاقى مازن خارج من المطبخ يروح يحضنها
سميحه / حمد الله عالسلامه
مازن / الله يسلمك يا ست الكل اما انا بقى جبتلك شويه هدايا هتشوفى بقى الواد مازن بيحبك قد ايه
مازن قعد فى الارض و فتح الشنطه و طلع الهدايه و سميحه و مرام واقفين يبصوا لبعض و مبسوطين
.......................................................