السكه شمال بقلم / لولو_محمد ( كامله )

الحلقه ٩٠

((((((((((((((((السكة شمال )))))))
#لولو_محمد
الحلقه التسعون
الباب يخبط مرام تحط الطرحه و تروح تفتح تلاقى محمود
محمود / مساء الخير
مرام / تعال ادخل
محمود / لا انا نازل انا بس كنت جايبلك حسابات الشهر و نصيبكوا رجعيهم لو في حاجه
مرام / ماشى شكرا
محمود / سلام
مرام / سلام
مرام تقفل الباب
سميحه / الواد ده بقى غريب غريب يعنى انا مش عارفه ايه اللى جراله
مازن / سبيه على راحته بيتهيالى كدا احسن للكل
..................................
سميحه / بس انا مش واخده على كده الطبيعى كان على الاقل يدخل يسلم عليا
مرام / اكيد احرج من مازن يعنى او خاف يحصل تاتش او حاجه
سميحه / يلا ربنا يهدى
مرام تحط الورقه عالعسكرى و تعد فلوس و تاخد منها و تلف الباقى تانى فالورقه
مازن / شوفتك
مرام / دا حقى على فكره شغلى انت فاكر ايه
مازن / لا يا شيخه
مرام تروح تقعد جنب مازن
مرام / نصيبى الشهر ده تلتميه جنيه
مازن يسقفلها
مرام / طبعا الشغل تعبان بسبب انى اتلخمت فجنابك و قبل كدا فاحمد لكن قبل كدا بقى كنت ممكن اقفل باكو و لا حاجه
مازن / و بتعملى ايه بقى بالفلوس دى كلها
مرام / بصرف منها لحد اول الشهر اللى بعده و بعدين اروح احط الباقى فى البنك
مازن / لا و كمان بتحوشى ما شاء الله
مرام / معايا خمستاشر الف و تلتميه و سبعين جنيه فى البنك
مازن / بتتكلمى جد و لا بتهزرى
مرام / انت مستشويهم و لا ايه على فكره دى فلوسى انا تعبى انا
مازن / و عشان كدا انا منبهر بقالك قد ايه بتحوشى فيهم
مرام / تلت سنين
مازن / واو بمعدل حوالى .... ربعميه جنيه فى الشهر يعنى
مرام / اها و الباقى بقى بجيب بيه لنفسى لبسى و موصلاتى و كتبى
مازن / شابو بجد
مرام / ميرسى تعرف حتى دبلتك دى انا جبتها من معايا
مازن / لا بقى وسعت منك دى وريهانى كدا
مرام / والله جيباها من معايا اسال تيته
سميحه / والله من معاها
مرام تقوم تفتح شنطتها و تطلع الدبله
مازن / ورينى كدا
مرام تديهاله يلبسها
مازن / الله دى حلوه اوى شكلها غاليه
مرام / عجبتك انا طلبتها مخصوص
مازن / جدا ميرسى اوى دى احلى هديه جاتلى
مرام تبتسم و فجاه الابتسامه تروح و مازن منشكح
مرام / انت دحكت عليا هات الدبله
مازن / هو اي كلام و لا ايه انتى اديتهانى
مرام / لا محصلش كنت هديهالك لما تجيب تقدير
مازن / لا اديتهانى خلاص مش هقلعها عيب اوى تدى لحد هديه و ترجعى تاخديها
مرام / انت دحكت عليا
مازن / معلش معلش متكبريش الموضوع بتحصل فى احسن العائلات
مرام تبصله يبتسملها تقعد جنبه و تربع ايديها و هو عمال يلعب فيها
مرام / مبروك عليك
مازن / ميرسى
مرام / لما تلبسها فتره و تيجى تقلعها هتلاقى اسمى محفور على صابعك
مازن / و هيفرق فى ايه صابعى اذا كان اصلا محفور فقلبى
سميحه / انا بقول اقوم اشوف اى حاجه اعملها بدل مانا حاسه انى عامله زى البقدونس كدا
مازن / و هى السلطه يبقالها طعم منغيره يا جميل انت
سميحه / ههههههههههههههههه الله يعينك يا مرام
مرام / امين
سميحه تسيبهم و تقوم تدخل المطبخ 
مازن / تيته دى عسل اوى
مرام / ايوه فعلا
مازن / سبايتنا لوحدنا حبه
الابتسامه من على وش مرام تروح و ترفع حاجبها و تبصله بحزر
مرام / قصدك ايه يعنى
مازن / قصدى ان يعنى مدام انا و انتى و تالتنا الشيطان يبقى نستغل الوقت ده فحاجه مفيده
مرام / اقسم بالله لو قربت منى
مازن يدحك بصوت عالى
مازن / هههههههههههههه خلاص خلاص صعبتى عليا انا بلعب معاكى بس انا اقصد تجيبى الكتب و نقعد نزاكر اى حاجه
مرام / دمك خفيف اوى
مازن/ عاسسل انا واد عسل
..........................
فى دبى
ابراهيم قاعد عالمكتب فى شركته بيكلم السكرتيره
ابراهيم / انا عاوز تقارير كل الشغل فى الشهر اللى فات تكون عندى 
الينت / حالا يا فندم
البنت تمشى و فريده تدخل
فريده / صباح الخير
ابراهيم / و هيجى منين الخير
فريده تقوم تجرى و تبدا تعمل مساج لابراهيم تهديه
فريده / ليه بس يا حبيبى مالك
ابراهيم / ممدوح الكلب سحب كل الشغل بتاعه مننا بيقول ان وجودنا قريبين من بعض بيدى امل لماهى و هو عاوز يبعد ببنته عن كل التوتر ده
فريده / ابراهيم لو عاوز رايي انا بقول تنسى ممدوح الشربتلى خالص ارميه ورا ضهرك هو بيحاول يضغط عليه عشان هو طمعان فيك
ابراهيم / انتى بتقولى ايه انتى
فريده / حبيبى بس اسمعنى انت قدامك مشروع العمر حاجه صغيره اوى تكسب منها مليارات و تنقل نفسك فى مستوى تانى خالص بس انت سايبها و عمال تجرى ورا شويه فكه
ابراهيم / تقصدى ايه
فريده / مازن
ابراهيم / شوفيلنا سيره عدله
فريده / صفوت هيكتب كل حاجه باسم مرام و مازن هيتجوز مرام يعنى كل حاجه هتبقى بتاعه مازن
ابراهيم / مهى فكل الاحوال بتاعه مازن اصلا ايه الجديد يعنى
فريده / الجديد ان صفوت كان هو اللى بيتحكم فمازن دلوقت الوضع هيختلف خالص مازن هو اللى هيتحكم فى صفوت
ابراهيم يبصلها
فريده / دورك بقى الفتره دى تقرب من مازن و تحتويه و تكسبه فى صفك
ابراهيم / انتى عوزانى اوافق على جوازه من الوصوليه دى ناقص تقوليلى اروح اراضيهم
فريده / لا خالص انت هتبعد خالص عن الصوره هى اصلا علاقتها بمونى كويسه اوى انا بقى هستغل ده و اقرب منها انا كمان و هخلى زياد يقرب و احنا بقى التلاته هنجيبهالك لحد عندك تبوس ايديك و رجليك و تطلب بركه حماها و موافقته عالجوازه
ابراهيم يبصلها
فريده / و بكدا تبقى كسبت مازن تانى و كدا كدا هيزهق منها بس هيعرف ان ابوه باقى عليه و بالمره نضرمن انه مش هيرميها الا لما ياخد منها كل اللى اداهولها
ابراهيم / انتى مستقليه بمازن اوى ان مكنش مازن ابن ابوه فاللى مربيه خاله و بيتهيالى انتى عارفه مين ابوه و مين خاله الحركات دى مش هتخيل عليه
فريده / ههههههههههههههههههههه يا حبيبى مازن دلوقت غرقان لشوشته فى الحب و انا و انت عارفين كويس ان اللى بيحب كفته معوجه سبلى انت بس نفسك و انت تكسب
ابراهيم / مانا من يوم مشوفتك و انا سايبلك نفسى
فريده / ههههههههههههههههههههههه مانت من يومها بتكسب يا ابراهيم
ابراهيم / حياتى انا
..................................
فى شقه مرام بالليل مرام نايمه عالسرير عماله تقلب فى صور مازن عالفيس القديمه تعمل لايك على واحده بالغلط و تشيله بسرعه تليفونها يرن
مرام / هو انت قاعد عالتليفون هو خلاص يعنى حبكت
مرام ترد
مرام / صباح الخير صحيت امتى
مازن / منمتش اصلا
مرام / انت ايه حكايتك منمتش منمتش انت بتنام امتى يابنى انا كل مكلمك تقولى منمتش
مازن / هههههههههههههههه مهو انا مبنامش بسهوله قولتلك و نومى خفيف جدا اقل حركه او اقل صوت حتى لو فالشارع بصحى اعمل ايه
مرام / و دا من ايه ده تتعب كدا
مازن / لا عادى بالعكس واخد عالموضوع
مرام / تعرف انت لو تسبح كدا قبل متنام هتنام علاطول
مازن / هبقى اجربها المهم حوبى كانت صاحيه بتقلب فى صورى القديمه ليه
مرام / لا عادى يعنى انا قولت اتفرج على صورتك الشخصيه يعنى و بعدين يعنى صوره تجر التانيه و بعدين ايه الصور دى كلها هو الباشا كان فاكر نفسه ممثل و لا حتى موديلز
مازن / موديلز ... اه كنت موديل كنت ناوى يعنى بس فتره و عدت مراهق بقى و كدا
مرام / انت بتتكلم جد و لا بتهزر
مازن / لا طبعا بتكلم جد مهى صافى موديل و فاشون ديزاينر كمان بس عشان خاطرى بتبقى مايكب ارتيست و هاير استايليس
مرام ساكته
مازن / صافى بتصمم ازياء و كوافيره بنفس ذات الوقت و كمان موديل
مرام / فهمت على فكره انا مش حماره يعنى انا بس مش عارفه بتعمل كل ده ازاى فوقت واحد
مازن / صافى سوبر جيرل على فكره عقلها كمان رهيب مقولكيش منصحكيش تلاعبيها شطرنج هتبهدلك
مرام / هههههههههههه مبعرفش اللعبه اصلا
مازن / بتهزرى
مرام / بتعرف
مازن / محترف على فكره هبقى اعلمهولك و اللاعبك
مرام / تمام
مازن / هبقى ابعتلك ابليكاشن تنزليه و نلعب سوا
مرام / محمود عنده واحد هبقى اجيبه و نلعب بيه سوا لما تيجى
مازن / كدا هخسر
مرام / ليه اشمعن يعنى
مازن / عشان اكيد مش هسيب عنيكى و اركز فى اللعب
مرام / هاه ؟؟
مازن / صباح الخير
مرام / صا صباح النور
مازن / نمتى كويس
مرام / اه و حلمت كمان
مازن / حلمتى ؟؟
مرام / اه حلمت ايه مبتحلمش
مازن / لا ابدا
مرام / معقول فى حد مبيحلمش
مازن / هههههههه انا اهو لا مبحلمش
مرام / و لا حتى كوابيس
مازن / لا مش فاكر ممكن مره او اتنين بس حاجه بسيطه يعنى و بعدين الواحد عشان يحلم لازم يكون رايح فالنوم انا نومى خفيف جدا و متقطع كمان
مرام / اها
مازن / سيبك انتى كنتى بتحلمى بمين
مرام / الاحلام مبتتحكيش على فكره
مازن / ليه
مرام / كدا لو اتحكت هتتحقق
مازن / الله و فيها ايه هو حلم و لا كابوس
مرام / حلم بس انا مبفهمش فتفسيره ممكن يكون تفسيره حاجه وحشه
مازن / اوفر فكل حاجه حتى فالاحلام
مرام / بقولك ايه انت هتقعد ترغى يلا اللبس و تعال عشان ورانا كليه
مازن / طب مانا لابس
مرام / طب خلاص اقفل عشان اروح اللبس
مازن / ههههههههههههههههههه ماشى مسافه السكه و اكون عندك سلام
مرام / سلام
............................
فى الشركه
شريف شغال عاللاب تليفونه يرن
شريف / الو
صافى / هاى ازيك
شريف / تمام اخبارك رجعتى مصر امتى
صافى/ لسه واصله
شريف / اتارى البلد نورت
صافى / ميرسى بقولك انا مش عارفه اوصل لمازن خالص
شريف / هتلاقيه فمحاضره و قافله
صافى / بليز يا شريف لو عرفت توصله قوله انى عوزاه ضرورى جدا
شريف / خير فى حاجه
صافى / كارثه يا شريف كارثه و مش عارفه هعمل ايه
شريف / طب قوليلى بس فى ايه و انا باذن الله هحاول اساعدك
صافى / انت عارف انى مقدمه فى الرويال كوليدج اوف ارت عشان ادرس اكتر الفاشون ديزاينينج بس لقتهم باعتينلى ايميل عاوزين صور لشغلى و لازم ابعتها بكره بالكتير قبل معاد التسجيل ميقفل
شريف / و دا اللى هو يعنى
صافى / محتاجه مازن يصور الكولكشن بتاعتى عشان ابعتها للكليه فلندن عشان تقبل الملف بتاعى
شريف / اه فهمت طب تمام انا هوصله و ابلغه و باذن الله خير و على العموم حتى لو معرفتش انا ممكن ابعتلك حد من الكرو
صافى / لا طبعا انا عاوزه مازن
شريف / تمام مفيش مشكله حاضر هوصله حاضر متقلقيش انتى بس و باذن الله هتتحل
صافى / بجد يا شريف بجد انت اصلك والله مش عارف انا من ساعه مجالى الايميل و انا عماله اعيط على اخرى و ركبت اول طياره و جيت و كمان مش عارفه اوصل لمازن و بجد مش عارفه اعمل ايه انا غلطانه اصلا مكنش المفروض استنى
شريف / طب بس اهدى و باذن الله هتتحل انتى بس اهدى و انا هجيبهولك والله هلاقيه و اجيبه متقلقيش
صافى / ميرسى اوى يا شريف انا مش هعطلك عشان كمان اروح اجهز الحاجه
شريف / تمام تمام و انا شويه باذن الله هكلمك اطمنك
صافى / ميرسى سلام
صافى تقفل و شريف قاعد مش عارف يعمل ايه يمسك الموبايل و يتصل بمرام
....................
فى الكليه
مازن / انا بكره الراجل ده
مرام / مش مطلوب منك تحبه المطلوب تحضرله و تركز
مازن / مانا مبفهمش منه حاجه
مرام / احضر عشان الغياب
مازن / فكك مالهبل ده الدكتور ده بالذات بيتظبط يعنى حتى امتحانه ممكن اخده منه بقرشين
مرام / فتره و عدت و لازم تنساها انا جوزى لاهو غشاش و لا ... و لا
مازن / و لا ايه
مرام / مش عارفه بيقولوا عنه ايه اللى بياخد حق غيره بالفلوس
مازن / غشاش
مرام / لا
مازن / مشيها غشاش عشان نخلص
مرام / ماشى جوزى مش غشاش
مازن / خلاص حاضر اهم حاجه انك تحبى جوزك
مرام / ان شاء الله
مازن / هو ايه اللى ان شاء الله
مرام / ان شاء الله هحبه حاضر فى ايه
مازن / مفيش
مرام / خلاص يا بيضه متزعليش
مازن / لا زعلان
مرام / امممم خلاص هصالحك
مازن يديها خده تزقه
مرام / مش كدا
مازن / انا مبتصالحش الا بكدا
مرام / يبقى اتفلق يا حبيبى
مازن / ماشى ماشى
تليفون مرام يرن
مرام / دا شريف ... الو
شريف / ازيك يا مرام مشوفتيش مازن
مرام / جنبى اهو ثوانى
مرام تدى لمازن الموبايل
مازن / اهلا اتش خير
شريف / تليفونك مقفول و عمالين نحاول نتصل بيك مش عارفين انت فين
مازن يبص عالموبايل
مازن / اه فصل منى مخدتش بالى فى ايه خير
شريف / صافى عوزاك تصورلها معرفش ايه بسرعه عشان عاوزه تقدم فى الجامعه
مازن / مانا قولتلها هى اللى رفضت البنات دول يا اخى لازم يسيبوا كل حاجه لاخر ثانيه بص كلمها و قولها تبعت الحاجه عالاستوديو و انا هقابلها هناك
شريف / ماشى سلام
مازن / سلام
مرام / فى ايه
مازن / صافى محتاجه منى خدمه هوصلك و اروحلها
مرام / خير خدمه ايه
مازن / مش انا قولتلك انها بتصمم ازياء هى كمان مقدمه فى جامعه فلندن عشان تدرس الموضوع باحتراف اكتر و محتجه تصور الكولكشن ده
مرام / هو انا هتطفل لو قولت اجى اتفرج
مازن / هتطلعى الاستوديو
مرام / ايه بلاش ؟؟
مازن / بلاش ليه اتفضلى
............................
فى الاوستوديو
شريف شايل فستان فرح فكيسه يحدفه على كرسى
شريف / البتاع ده تقيل اوى
صافى / حاسب عليه انا تعبت فيه جدا
شريف / و انهى رافعه اثقال هتشيله ان شاء الله
صافى / خليك فحالك تعرف هتلبسه و هتلبس عليه هيل كمان
شريف / اه بس يكون اى حد غير جيمى شوز عشان جزمه بتتكسر بسرعه
صافى / ههههههههههههه شو جيمى شو
شريف / انا عارفلكوا بقى
مازن و مرام يدخلوا
صافى / ميرسى انك جيت
مازن / دماغ الناشفه دى انا هكسرهالك فيوم مالايام الموديلز جهزوا
صافى / اه فى اتنين جوه بيلبسوا
مازن / اتنين بس دول اربعه و عشرين فستان حضرتك كدا مش هنلحق
صافى / اللى لقيتهم فاضيين
مرام / طب مش انت قولت ان صافى هى كمان موديل
صافى / ازيك يا مرام سورى مسلمتش عليكى
مازن / فكره خشى اللبسى على مظبط كام حاجه
صافى / مش هينفع مين هيظبط الشعر و الاكسيسوريز و المايكاب
شريف / اقعدى انتى اندبى حظك والله لو اشتغلتى هتنجزى
مرام / اقدر اساعد فى حاجه
صافى / تعالى
مرام و صافى يدخلوا جوه و مازن يظبط الكرومه و الكشافات و الكاميره
شريف / الله يعينك يابنى
مازن / على ايه
شريف / يعنى تيجى على ملا وشك عشان حاجه تافهه زى دى
مازن / طب انا بحب التصوير و صافى من اعز صحباتى انت بقى ايه اللى جابك عشان حاجه تافهه زى دى
شريف / يعنى لما كلمتها عرفت انها بتدور على حد يشيل معاها قولت اساعد يعنى
مازن / طول عمرك جدع
موديل تدخل لابسه فستان
البنت / اوك انا جاهزه
صافى و مرام يدخلوا صافى لابسه فستان بس مش عامله مايك اب و لا شعرها و يدخل وراهم موديل تانيه تروح على مازن عشان تبوسه يرجع خطوه لوره بابتسامه
البنت2  / واو دا الجواز صحيح بيغير ههههههههههههههههه
مازن يبتسم و صافى تظبطهم
صافى / تمام مفيش حاجه ناقصه عيشوا بقى على مكمل لبس
صافى تمشى و البنتين كل واحده تقف و مازن يصورهم و يروح يعدل البوزز و مرام تساعده فى عدل الفساتين و بعدين يقعد يفرج مرام عالصور
........................