السكه شمال بقلم / لولو_محمد ( كامله )

الجزء الخامس

(((((((((((((((((((((السكة شمال ))))))))))))
#لولو_محمد
الحلقه الخامسه
المذيعة / ايوه بس احنا مش بنهتم عشان يجيلنا عريس احنا بنهتم عشان احنا بنحب الجمال
مازن / دي حقيقه بس فكري معايا كدا ثانيه ايه كان هيحصل لو مفيش منتجات تجميل او عناية بالبشره كانت كل واحده هتعتمد علي جمالها اللي خلقه ربنا و ثقتها فنفسها هتزيد لان دي حقيقتها ربنا خلقك حلوه و خلينا واقعين شويه انتي لو بتعملي كل ده عشان بتحبي الجمال بتبقي جميله بره البيت بس ليه يعنى انا كزوج امشي مع مراتي فالشارع مزه الكل يتفرج عليها و لما ادخل البيت و انا و هي لوحدينا بقي ترعبينى بربطه شعرك و ماسك الفحم دا حتى الخضه مش حلوه عشانى
.............................
المذيعه / ههههههههههه
مازن / انا اسف اني طولت بس مدام فتحنا الموضوع انا اكتر جمله بحبها بنات مصر غفر
المذيعة / الجمله دي بتستفز بنات كتير اوي
مازن / عشان مش فاهمينها صح الجمله دي مدح علي فكره ايوه بنات مصر غفر لانهم مش المفروض يمشوا يقلعوا و يترقصوا فالشارع و متخلقوش عشان يعجبوا جنابك انت مش جوزها و انا عندي ان البنت تكون مزه لجوزها و غفر بره هي دي البنت المصريه الاصيله هي دي الزوجه اللي تصون و ام لاولادك و الشاب اللي يقولك غير كدا بيدحك عليكي و يستغلك ياما هو بقي شاب سوري يعني لامؤاخذه
المذيعة / من اكتر الحوارات اللي استمتعت بيها حقيقي و اتمنيت ان الوقت يقف عشان نكمل فيها بجد كان حوار ممتع و افكارك عجبتني و انا متاكده اننا لازم نتقابل اكتر
مازن / ميرسي لحضرتك و انا اتشرفت اني اكون معاكوا و اتمني اني اكون ضيف خفيف عليكوا
مرام / سم
الست / الواد مقالش حاجه غلط بالعكس راجل اوي فكلامه
مرام / انتي صدقتي يا تيته دا بيعمل كدا عشان يتشهر و البنات تتلم حواليه انتي لو شوفتي اشكال البنات اللي حواليه هتعرفي انه بيقول اي هبل لبس زي الزفت و مكياج اوفر و شعر و حتي اخلاق حدث و لا حرج
الست / ايوه يابنتي و هو مقالش غير كدا هو قال لما هيجي يتجوز هيختار واحده محترمه و فدي هو مكدبش
مرام / انتي بتدافعي عنه ليه يا تيته الله انا خلصت هقوم اغسل ايدي و انام
مرام تقوم و الست قاعده تدحك
..................
في الفيلا
مازن قاعد فاوضته عالتابلت و بيقلب فبروفايل مرام
مازن / مانتي دمك خفيف اهو امال بقي
الباب يخبط و زياد يدخل
زياد / بتعمل اية
مازن / و لا حاجه تعال
زياد / مصطفي بعت حل البروجكتات
مازن / لحق
زياد / الفلوس بتحرك الحجر
مازن / ناولني اللاب
زياد يدى اللاب لمازن بعد ميحط فيه الفلاشه
مازن / دا التلت بروجكتات
زياد/ اه قال كل واحد ينقل الجزء بتاعه عشان منتقفش
مازن / ماشي
زياد يبص عالسرير يلاقي التابلت يفتحه
زياد / الله الله
مازن يشد منه التاب
زياد / الظاهر في حد كل عقلك
مازن / متسرحش بخيالك دي دراع محمود اللي ماسكه منه
زياد / طويب
مازن / بتكلم جد
زياد / و انا مصدقك ... انا هروح انقل الجزء بتاعي انا و لبني و انت ابعت الفيلات عالميل للباقيين
مازن / ماشي
زياد / علي فكره كانت حلوه و هي صغيره
مازن / اطلع بره
زياد / ههههههههههه خلاص خلاص سلام
زياد يطلع  مازن يبص عالتابلت مفتوح علي صوره مرام و هي صغيره بتدحك  و يبتسم
مازن / و لساها حلوه
..............
تاني يوم فالكليه
في المكتبه الكل متجمع كل فريق علي ترابيزه ماعدا مازن
محمود / والله تمام ننقل بقي عالجزء اللي بعده
مازن يدخل و يسحب كرسي و يقعد
محمود / اهلا
مازن يفتح شنطته و يطلع ورق مطبوع عالكومبيوتر و يحطه عالترابيزه و يزقه قدام محمود و يبص علي ترابيزه مرام يلاقيها مركزه معاهم يحييها محمود يبص يدايق
مازن / ايه عرفت تمسك عليا غلطه
محمود / عاوز تفهمني انك خلصت و كتبته عالكومبيوتر كمان
مازن / في ناس بتسهر تزاكر و ناس بتسهر عالفيس
محمود / انا هراجعهم فالبيت ممكن نبدا بقي الجزء اللي بعده
مازن/ لا
محمود / نعم
مازن / قولت لا مينفعش ننقل عالجزء اللي بعده الا لما نخلص ده و نتاكد انه تمام عشان زي مانت اكيد عارف ما بني علي باطل يبقي ايه ؟؟؟
محمود / ماشي
محمود يطلع الاله الحاسبه مازن يروح ناحيه مرام و ياخد الاله بتاعتها تبصله يبتسم و يرجع مكانه و يشد الفيل بتاع محمود و يبدا يراجعه
محمود / انت بتعمل ايه ان شاء الله
مازن / انت مش بتراجع شغلي براجع شغلك
محمود / والله
مرام تقوم تجري تروح لمازن
مازن / ايه البيه لا ينطق عن الهوى مبيغلطش
مرام / قوم معايا
محمود / علي فين
مرام / صوتك احنا فمكتبه ... قوم
مازن / تحت امرك
مازن يقوم مرام تاخد الفيل و الاله الحاسبة  و محمود بيبص بعصبيه مرام تاخده لترابيزه زياد
مرام / ممكن يقعد معاكوا
مازن / و اشمعن انا اللي اتعاقب انا مغلطتش
مرام / عارفه انت بس بتحاول تركبه الغلط ... انا مش عارفه انت عاوز توصل لايه بس ده مستقبل ناس ناس بتعب بجد لو سمحت ده مش لعبه
مازن / دول خمستاشر درجه
امينه المكتبه / ششششششش
مازن يمسك ايد مرام و يطلع بره المكتبه و محمود يجري وراه و الكل وراهم
مرام / سيب ايدي انت اتجننت و لا انت ايه حكايتك بالظبط
مازن / اسمعي شويه و انتوا كلكوا اسمعوا البروجكت عليه خمستاشر درجه
مرام / بيفرقوا معانا اوي فالترتيب و التعيين احنا معندناش شركه بابي نشتغل فيها
مازن / و يفرقوا معايا فالنجاح انا كمان عاوز الخمستاشر درجه دول انتي متعرفيش عني حاجه لو كان اشتغل معايا عدل مالاول مكنش شاف الوش ده بس البيه بيتنطت عليا و انا الموضوع ده بيعصبني
مرام / ماشي نقطه و من اول السطر كلنا جينا و كل ولحد عامل اللي عليه بلاش نضيع ده
لبني / حاضر يا ابله
مرام / يلا خلونا نخلص
الكل يدخل و محمود و مازن بيبصوا لبعض
محمود / لو مسكت ايدها بالطريقه دي
مازن يقرب منه
مازن / هتعمل ايه ولا حاجه بالظبط زى مشاعرك نحيتها هتفضل واقف مستنى لما تطير من ايدك
محمود / تعرف تخليك فحالك
مازن يطلع موبايله
مازن / انا اعرف فالحاجات دى اكتر منك ... مرام.لقيت الصوره دى ...عطر الياسمين.مين القمر ده ..مرام.انا خليت تيته تحلف تلت مرات ان دى انا ..عطر.امال ايه اللى جرالك ..مرام. مش عارفه دى حادثه موتسكل و لا الزمن جار عليا ...عطر. لا دا باينه غباء مالاخرين ...سعاتك.ايه يا ياسمين مرام طول عمرها حلوه ...التقيله بقي ....مرام .ربنا يخليك يا رافع من معدنياتى يا احسن اخ فالدنيا ....هو في قفله اسوء من كدا
محمود / خلصت
مازن / انا عاوز مصلحتك
محمود / بمناسبه ايه
مازن / عشان انت هتصونها هى تستاهل حد كويس
محمود / انا مش فاهمك
الكل يطلع من جوه
مرام / شكلكوا عرفتوا تحلو اموركوا كويس
محمود / انتوا خلصتوا و لا ايه
انس/ كلنا جعنا و محدش مركز
نورا / و بعدين مكل واحد خلص شغله فبيته ملهاش لزمه التزنيبه يعنى
مرام / كل واحد هيخلص فبيته و نيجى بكره نكمل
محمود / تمام
سعد / حاجتك
محمود ياخد منه
مرام / اه انا خدت اللتى
مازن  / و الفيل
زياد / معايا
محمود / راجعه و هاته بكره
مازن / تمام
سعد / يلا ..سلام
محمود و سعد و مرام يمشوا خطوتين
مازن / بقولكوا ايه
الكل يبص
مازن / ايه رايكوا يعني اعزمكوا عالغدي كاعتزار يعني
لبني / ريلي
مازن يبصلها
محمود / مره تانيه
مازن / مش هنتاخر يعني عيش و ملح نيو ستارت
مرام / انا مش هينفع سوري
مازن / ليه احنا كتير و في تلت بنات غيرك كلميهم فالبيت يمكن يوافقوا و هخليكوا تختاروا المكان اللي تحبوه
سعد / مفيهاش حاجه تيته مش هتقول حاجه محمود معاكي
مرام / تيته عامله محشي كرنب
سعد / لا باص النهرده يا جماعه انا هروح ازاكر عند محمود هههههههههههههههههههه
نيفين / انتوا ساكنين سوا
محمود / جيران الشقه اللي قصادهم
سعد / بس ايه تيته بتظبطه اي اكله حلوه تبعتله
محمود / اكل تيته كله حلو فاكر الرقاق
سعد / لا ياعم رقاق ايه الحمام كان جامد
لبني / ايه ده انتي بتاكلي حمام
مرام / و ماكلوش ليه يعني
نورا/ بس بقي جريتوا ريقي انا عايشه علي اكل الشارع
مرام / ايه رايك تيجي تتغدي عندنا
لبني / مفتكرش هتسيب عزومه مازن و تيجي تاكل عندك يعني
مازن / انا نفسي مستعد اروح ده محشي كرنب بس للاسف متعزمتش
مرام / احنا فيها كلكوا معزومين و اهو يبقي عيش و ملح بجد
لبني / متحطيش نفسك فموقف محرج
نورا / هي تقصد احنا كتير و انتوا اكيد مش عاملين حسابكوا
لبني / دا غير اننا مش هننبسط لما نخلصلكوا خزين الشهر فيوم يعني
مرام / لا متخافيش عندنا اكل كتير ويكفي خصوصا واحده زيك
لبني / قصدك ايه
مرام تبصلها من فوق لتحت
مرام / قصدي واضح بس سمعت انك عامله دايت
مازن / هههههههههههه
زياد / مازن
مازن / ايه ؟؟؟؟؟
لبني / يلا يا جماعه احنا بنضيع وقت هنا
مازن / انا معزوم انا رايح معاهم و العربيه معايا فاضيه هتيجي يا نورا
نورا تبص للبني
نيفين / انا اكيد هاجي
سعد / و انا كمان هاجي
مازن / هتيجي يا نورا
نورا /  هاجي
زياد / اوك نتقابل فالبيت سلام
مازن / لا معلش يا زيزو انا هروح شقتي النهرده
زياد / ليه
مازن / عادي حبه يعني
زياد / ماشي
مازن  / البنات مع نورا و محمود معايا و انس مع سعد يلا انا جعان
الكل يمشي الا زياد و لبنى
لبنى / شوفت
زياد / انتى رفضتى تروحي
لبنى / طبعا دى تلاقيها ساكنه فالعشوائيات انت مش شايف بتتكلم ازاى
زياد / طب زعلانه ليه بصي انا هاخدك فاحسن مطعم و نخرج و نتفسح فسحه لما تنزلي صورها عالفيس هيتقهروا انهم سابونا تمام
لبنى / قصدك باعونا الطفسين دول ايه امال لو كانت اكله عليها القيمه بقي كنا عملنا ايه
زياد / متدايقيش نفسك بقي يا بيبى
لبنى / اسمع اتصل بمازن و قوله زى مهقولك بالظبط
................
في عربيه مازن
مازن / انا فهمت دلوقت انت ليه خايف تفاتحها
محمود / هو انا مش قولتلك متفتحش الموضوع ده تاني
مازن / الباب فالباب و طبعا خايف تقفلك او تبعتك الفرند زون فتضيع انت ساعتها
محمود / معاها حق والله انت بتستمتع باستفزاز الناس
مازن / دي حقيقه بس المرادي مش بحاول استفزك انا بحاول اساعدك
محمود / متحاولش و خليك فحالك و خليك بعيد عنها و خلي البروجكت ده يعدي علي خير و ننسي اننا اتعاملنا مع بعض اصلا ماشي
مازن / انت عندك كام سنه عالسزاجه دي يابني احنا رايحين بيتكوا يعني هنقابل باباك و مامتك وباباها و مامتها و جدتها اللي واضح اكلها فاجر
محمود / مامتى و جدتها بس عشان متروحش هناك و تستظرف و تسال عنهم و تقلب القاعده غم الباقي ماتوا
مازن / انا اسف
محمود / خش يمين و اقعد ساكت بقي ياريتنى مركبت معاك
...............
فى عربيه نورا
نورا / انا قولتلك و خلاص
مرام / اعلي مفخيلها تركبه
نورا / براحتك بس لبنى نابها ازرق و لما بتحط حد فدماغها بتحول حياته جحيم و انا معاهم فتره طويله انى اشوف ناس حياتها بتدمر
مرام / متعودتش اخاف غير من ربنا بس هنركن هنا عشان الحاره ضيقه
نورا / ايه ده مازن و انس سبقونا
الكل ينزل
مازن / زياد اتصل و بيقول انه عاتبها جامد و دى حاجه انا شخصيا اشك فيها و انه اقنعها بمعجزه من السما انهم يجوا عشان زى مبدات انا و محمود صفحه جديده هى و انتى تبداو صفحه جديده وربنا يستر
مرام / ينوروا يلا تيته مستنيانا
مازن / هستناهم انا و سعد هنا عشان ميتوهوش
مرام / ماشي
...................
في شقه محمود
محمود / اهلا وسهلا اتفضلوا
مرام / هستاذنكوا ابص علي تيته
مرام تمشي و الكل يدخل يقعد ست تطلع من المطبخ تسلم و تبوس و تحضن
الست / اهلا وسهلا اهلا وسهلا
محمود / ماما ... انس نيفين و نورا
الست / امال سعد فين
محمود / عالناصيه مستنين الباقي
الست / اهلا و سهلا تعال يا محمود ثواني
محمود يروح معاها
نورا / حلو جو الاوريانتال ده
نيفين / هو احنا ليه فبيت محمود مش المفروض مرام اللي عزمانا
انس / مش عارف
مرام تدخل شايله سيرفيس كبير عليه فراخ محمره و تحطه عالسفره
نورا / ايه الريحه دي اساعدك
مرام / ارتاحي انتي
محمود يطلع من جوه
محمود / هنزل اجيب حاجه و اجي فالسريع خدوا راحتكوا
محمود ينزل يقابل سعد ووراه مازن و لبني و زياد
مازن / علي فين
محمود / هجيب حاجه وراجع البيت بيتكوا
محمود ينزل
مازن / بدات احس انها مكنتش فكره كويسه
لبني / قولتلكوا طلعتوني انا الوحشه
سعد / علي فكره طنط مديحه الكرم كله ان كان هي و لا تيته سميحه فمتعملوش تكليف انا عن نفسي مقيم هنا اي يوم امي تعمل اكل ميعجبنيش باجي اتلاجئ عليهم هههههههههه اتفضلوا اتفضلوا
الكل يدخل
مازن / ايه الروايح دي لا ليك حق تقيم هنا فعلا
صوت مديحه / انت جيت يا سعد
سعد / ثواني
سعد يدخل جوه
مازن / منورين يا شباب
لبني / هو احنا هناكل هنا
مازن / احنا فبيت الناس و مدام وافقتي تيجي هنا
زياد / هي بتسال بس مش قصدها
مازن / الناس فاتحولنا بيتهم نحترمهم عالاقل
لبني / انا قولت ايه لكل ده
مرام تدخل شايله سيرفيس عليه محشي كرنب مازن يجري يشيل عنها
مازن / عنك
مرام / شكرا
سعد يطلع مالمطبخ شايل سيرفيس عليه هرم خورط رقاق
مازن يرص معاه يبص ميلاقيش مرام
سعد/ ثواني هجيب البشاميل
مازن / لا واضح اننا خدنا القرار الصح
سعد يمشي و مازن يبص عالباب من بره يلاقي الشقه التانيه مفتوحه يخبط بالراحه محدش يرد يتحرك بالراحه يدخل المطبخ يلاقي مرام بتصب بولات شوربه و سميحه بتعمل بقلاوه
مازن / انا اسف الباب مفتوح اقدر اساعد فحاجه
مرام / انت
سميحه / ايه ده انت ازيك يا حبيبي عامل ايه
مازن / الحمد لله ازي حضرتك يا تيته ايه الروايح الجامده دي
سميحه / الف هنا
مرام / كفاية شوربه كدا يا تيته
سميحه / اه كفايه صبي ملوخيه بقي
مازن / مين هياكل كل ده
سميحه / الف هنا
مازن / طب اساعد
مرام / شكرا روح اقعد مع صحابك
سميحه / خد الصينيه دي ودي الشوربه و تعال خد الملوخيه
مازن / حاضر
مرام / مش هيعرف
مازن / ليه يعني هعرف علي فكره
مرام / و لو دلقتها
سميحه / فداه في ايه يا مرام
مازن / ايوه في ايه يا مرام
مازن ياخد الصينيه و يوديها يقابل محمود عالسلم شايل كيسين كبار محمود يحط الاكياس عالارض و يروح يساعد مازن فرص الشوربه
لبني / انت بتعمل ايه يا مازن
مازن / انتي شايفه ايه
..................................