السكه شمال بقلم / لولو_محمد ( كامله )

الحلقه ١٩٥

(((((((السكة شمال ))))))))
#لولو_محمد
الحلقه 195
مرام / ايوه يا شريف ازيك ... بجد ... اه فهمت ... لا تمام تمام ... اه هكلمه ... تمام متقلقش انا هعرف اتصرف ... شكرا ... سلام
مرام تقفل سميحه تبصلها
سميحه / مالك يا مرام مال وشك قلب كدا ليه
مرام تبص لسميحه و تتنهد
...............................
فى شقه على
ام سعيد / حقك عليا ياختى والله العظيم وشى منك فى الارض
ماجده مبتردش و باصه الناحيه التانيه
ام سعيد / قوليلى بس اراضيكى ازاى و انا هعمل احنا بنلم حاجتنا و ماشيين و دا عقد الشقه اهو
ماجده / شقه ايه هو اللى ابنك عمله ده
ام سعيد / مش كفايا انا عارفه والله مش كفايا بس قوليلى اعمل ايه و انا اعمله الواد حيله و جه بعد شوقه و ابوه مبيستحملش عليه الهوى و بالنسبالى انتى عارفه انه تعويض من ربنا عن انى مبخلفش دلعناه لما بوظناه و جت فيكوا معلش انتى عارفه غلاوتك عندى حقك عليا والله متعرفى ابوه عامل ازاى تحت الراجل ضغطه عالى و مش طايق نفسه
ماجده / انا مش عاوزه منكوا حاجه و كفايا اوى انكوا تبعدوا عننا حسبى الله و نعم الوكيل فيكوا
ام سعيد / حقك عليا ياختى
ماجده / خلاص تقدرى تشوفى وراكى ايه انا مش فاضيه
ام سعيد تبص فى الارض و تنزل و ماجده تروح تفتح الاوضه تلاقى اسراء لسه بتعيط تبص لنورا
ماجده / انا عوزاكى فى اوضتى يا نورا
اسراء / ماما انا
ماجده تقفل الباب و تمشى اسراء تعيط
...........................
فى شقه مرام
مازن قاعد عالكنبه جنب سميحه
مازن / هو فى ايه يا تيته
سميحه / والله ما اعرف كل اللى اعرفه ان قلبى عندك يا حبيبى
مازن / تمام ماشى يا تيته
مرام تطلع من جوه معاها صينيه شاى تحطها
سميحه / هقوم انا بقى ابص على عمتك
مازن / تيته
سميحه / مليش دعوه
مازن / كدا برده يا تيته
سميحه تفتح الباب و تمشى و تقفل الباب وراها
مرام / اول مره تمسك فى تيته يعنى يا ترى خير
مازن / شريف كلمك صح
مرام / اه كلمنى
مازن / بصى قبل اى حاجه
مرام / بص انت اوعى تفتكر انى مش واثقه فيك او انى جيباك هنا اتخانق معاك بالعكس
مازن يبان على وشه علامات الراحه
مرام / بص يا مازن انا جيباك عشان انا عاوزه اتكلم معاك
مازن / بصى موضوع نورا اتقفل خلاص اطمنت عليها و خلاص
مرام / نورا ربنا كرمها و اتخطبت وبدات حياه جديده زيى انا و انت و دورنا اننا نشجعها على ده هى طلبت من شريف انك متعرفش انها رجعت فانت مش هتعرف انها رجعت و هتتعامل على اساس انك متعرفش انها رجعت تمام
مازن / تمام
مرام / اوعدنى
مازن / اوعدك
مرام / مازن
مازن / والله مهحاول اكلمها خلاص بجد وعدتك
مرام / تمام خلاص
مرام تقوم تقعد جنب مازن و تبتسمله
مازن / الله امال جو الرعب اللى كان فى الاول ده كان ايه لزمته بقى
مرام / مش عيب من خاف سلم و لا ايه
مازن / اموت انا فى الواد الخطر
مازن يحط ايده حوالين وسط مرام جرس الباب يضرب
مازن / انا بقول نطلق بقى عشان انا تعبت اقسم بالله
مرام / هههههههههههههههههههههههههه
...............................
فى شقه على
فى اوضه ماجده ماجده و نورا قاعدين عالسرير ماجده تفتح الدرج و تطلع كريم و تدهن منه لنورا
ماجده / الكريم ده حلو اوى
نورا / تسلم ايدك
ماجده / انا مش عارفه اقولك ايه
نورا / متقوليش موقف و اتنسى
ماجده / اللى اتكسر عمره مبيتصلح
نورا / و الحمد لله مفيش حاجه اتكسرت
ماجده / ازاى بس ثقتى فى بنتى و علاقتها باخوها كل حاجه باظت و لسه لما على يعرف
نورا / مش لازم على يعرف كل حاجه موقف و اتنسى خلاص ملوش لزمه نقلقه و هو فى الغربه
ماجده / اعمل ايه بس
نورا / عاوزه نصيحتى
ماجده / ياريت لو فى ايدك اى حاجه دلينى
نورا / روحى لاسراء و خديها فى حضنك حسسيها انك فى ضهرها متسبيهاش هى ملهاش غيرك فيوم من الايام كنت فى سنها بوست رجليها عشان تقف جنبى بقيت بصرخ بعلو صوتى و مكنتش سمعانى ضيرت وشها و عملت مش شيفانى سابتنى فى اكتر وقت كنت محتاجاها فيه لو كنت خدتنى فى حضنها مره واحده بس لو كانت وقفت فى ضهرى مره واحده بس
نورا تعيط ماجده تاخدها فى حضنها
نورا / اسراء ملهاش غيرك صاحبيها و اتكلمى معاها عرفيها انها وقت مهتحتاجك هتلاقيكى حضنك اولى بيها مالغريب
ماجده تمسح دموع نورا و تبتسملها نورا تبتسم بعين مليانه دموع
................................
فى شقه سعيد
ام سعيد / انا لميت كل حاجه فى الشنط و الكراتين
الراجل / قولى للمحروق يشيلهم و ينزلهم فى العربيه
ام سعيد / هنروح فين يا حج
الراجل / هنرجع بيتنا القديم ملناش مكان تانى غيره و حسبى الله و نعم الوكيل فى اللى كان السبب
ام سعيد / متكلم البوليس يا حج قولهم انك مضيت غصب عنك
الراجل / و اقولهم مضيت ليه عشان ابنى خطف بنتين و لا عشان اتحرش و لعب ببنات ناس ملو فيديو عمال يحكى و يوصف اوديه فى ستين داهيه بايدى
ام سعيد / يعنى خلاص كدا
الراجل / والله نفسى يتربى و يتلم و يبقى خلاص انما لو كررها تانى انا و هو هنبات عالبورش على الله يتربى بقى و يتهد
الراجل يزعق و الست تطبطب عليه
...............................
فى الكليه بعد فتره
مازن / ازرغط يا ناس اتحزم و ارقص
مرام / هههههههههههههههه اول مره اشوف حد فرحان ان جدول الامتحانات نزل
مازن / امال عوزانى اعمل ايه بس دانا خلاص كنت فقدت الامل انى ادخل قبل ما اموت
مرام / بعد الشر عنك يا حبيبى الف بعد الشر عنك
مازن / قلبى يا ناس ... بصى بقى انا هكلم شريف يرتب القاعه و كل حاجه و انتى الحمد لله فستانك جاهز و الشقه مفروشه نطلع مالامتحان عالكوافير تلبسى الفستان و نعمل الفرح و نروح
مرام / ههههههههههههههههههه طب و الحنه
مازن / يادى الحنه حاضر نعمل حنه
زياد و لبنى يدخلوا
زياد / يا صباح الصباح
مازن / اهلا باللهو الخفى فينك يا عم محدش بيشوفك
زياد / معلش اصل الشركه مش مخليانى شايف قدامى
مازن / من امتى الكلام ده
زياد / يا عم انت معرفتش مش الجدع ابن الكلب اللى اسمه عبد الرؤؤف ابوك رفده
مازن / يا سلام دا كان بيثق فيه اكتر منى
زياد / انا قولت محدش صدقنى بقالى قد ايه بقولكوا الراجل ده مش مظبوط
مازن / المهم يعنى عمل ايه
زياد / طلع مظبط كام صفقه كدا باسم الشركه لحسابه و وواخد كوميشونات بالهبل دا غير انه مختلس تلاته مليون جنيه و مفرقهم فى بنود عجيبه كدا و شارى بيهم فيلا صغيره فى التجمع بس الحمد لله غلطه صغيره فى الحسابات كشفته و لما نخوروا وراه طلعوا بلاوى
مازن / يلا بالشفا تلاقى ابويا نفخه
زياد / اقل واجب اما انا شمتان فيه شماته كان عامل عليا مثال للشرف و الاستقامه ابن اللذينه
لبنى / مخلاص بقى يا جماعه لحسن مرام تزهق و لا حاجه
مرام / و ازهق من ايه خدوا راحتكوا
لبنى / صحيح يا مرام اما انا اشتريت حته فستان لفرح مونيكا يجنن
مرام / ايوه بقى
لبنى / و انتى هتعملى ايه
مرام / والله لسه مقررتش بس عادى اكيد صافى هتظبطنى
لبنى / وحشتنى البت دى ايه يا ميزو مفيش مفاجاه جديده كدا من مفاجاتك الجامده
مازن / والله احنا بس نحدد معاد الفرح و ربنا يسهل مهو الفرح مش هيكمل اكيد منغير صحبه العروسه الانتيم
لبنى / طبعا هو امتى بقى
مازن / اول يوم فى الاجازه
زياد / دانت داخل سخن اوى هههههههههههههههههه
مازن / دانا استويت اقسم بالله
زياد / ههههههههههههههههه يا ضنايا والله صعبت عليا
لبنى / احنا هنفضل واقفين فى البرد كدا رجليا تلجت مندخل تقعد فى حته و لا نروح و لا تشوفوا هنعمل ايه الجو صعب اوى
مرام / فعلا النهرده برد جدا
.....................................
فى شقه مديحه بعد فتره
مديحه / يعنى هو مكنش ينفع يستنى يوم و لا اتنين على الاقل كنا روقنا البيت
سميحه / والله ولا جرؤت افتح بقى دا رضى يسيب النهرده للحنه بالعافيه الحمد لله اننا كنا مرتبين كل حاجه
مديحه / على رايك بس اهو برده اللهوجه دى بتعصبنى
سميحه / و احنا هنعمل ايه يعنى مهو شريف و المعلم اسعد و رجاله الحاره بيظبطوا كل حاجه تحت و احنا ما علينا غير اننا نزرغط و نسقف
مديحه / بقولك ايه يا حجه
سميحه / قولى يا مديحه
مديحه / هو انتى صحيح هتروحى تعيشى معاهم
سميحه / يادى الموضوع اللى مش هنخلص منه لا يا مديحه مش هروح انا قولتلهم كدا بس عشان يبطلوا زن و لما يبقوا يرجعوا من شهر العسل بتاعهم ده يبقى يحلها حلال اسيب بيتى و اروح فين
مديحه / احسن برده من قفلتها
الباب يخبط مديحه تقوم تفتح تلاقى شريف و معاه اتنين شباب
شريف / هنعلق النور مالبلكونه
مديحه / يا اهلا وسهلا اتفضلوا البلكونه من الناحيادى الاتنين شباب يعدوا
سميحه / صحيح صافى جايه يا شريف
شريف / اه باذن الله طيارتها هتوصل الساعه خمسه
مديحه / مش كنت اتجدعنت و جوزناكوا معاهم بالمره
شريف / اتجدعن ازاى بس يا عمتوا انا لسه فاضلى حاجات كتير اوى اهمها الشقه و كمان دراسه صافى و كدا يعنى
مديحه / دراسه ايه و كلام فاضى ايه البت ملهاش غير بيت جوزها هى يعنى هتعلق الشهاده اللى بتاخدها من بلاد بره دى فى المطبخ
شريف / هى بس تدخل المطبخ و بعدين يحلها حلال
مديحه / يا مصيبتى للدرجادى
الشباب يطلعوا مالبلكونه
شريف / عن اذنكوا انا بقى عشان اللحق اخلص
سميحه / ربنا يقويك يابنى بالسلامه
شريف ينزل و مديحه تروح تقعد جنب سميحه
مديحه / والله فرحت اوى انها جايه اهو بدل مضرب مشوار للكوافيره صافى بقى تظبطنى
سميحه / شوف الوليه بتفكر فى ايه ههههههههههههههههههههههههه
مديحه / الله مش فرح بنتى يا حجه
سميحه / لا ان كان كدا ماشى حقك تتغندرى يام العروسه
مديحه / عقبال ليلتك يا حوده
سميحه / امين يا مديحه امين
..........................
فى شقه مرام
مرام بتلبس و اخوات شريف و مروه و اخواتها حواليها صافى تدخل الاوضه الكل يصرخ و يحضنوا فى بعض و مروه تقفل الباب
مرام / اتاخرتى كدا ليه
صافى / حاله الجو الطياره اتاخرت انا كنت حاطه ايدى على قلبى طول الطريق والله
مروه / طب ايه مش هتلبسى
شريف يخبط على باب الاوضه
شريف / الشنطه
مروه تفتح متلاقيش حد و تلاقى شنطه صافى تسحبها لجوه و يحطوها عالسرير صافى تفتحها و تطلع منها فستان مقفول و تفرده عالسرير و بوكس المكياج
صافى / تمام نبدا بالعروسه و بعدين الباقى بالدور تمام
مروه / انا بعدها ماشى
صافى / كلو هيعمل مش هلبس الا لما كلو يتظبط
مرام تقعد عالسرير و صافى تفتح البوكس و تطلع الفرش بتاعتها
...............................
فى الشارع تحت
المسرح منصوب و النور معمول و شريف واقف مع الرجاله محمود يدخل
محمود / كلو تمام عند الطباخ
شريف / امال مازن فين مجاش يعنى لحد دلوقت
محمود / كلمته من شويه كان عند الحلاق بيظبط نفسه
شريف / قولتله ياجلها لبكره
محمود / ياعم يبقى يظبط تانى هو يعنى العروسه جهزت
شريف / لا بس الناس بدات تيجى
محمود / انا ملبستش
شريف / و لا انا اطلع انت اللبس و انا هستقبلهم و لما تنزل اطلع انا
محمود / قشطات
محمود يطلع و زياد و لبنى و انس و هانيا و سوزى يدخلوا يسلموا على زياد لبنى تاخد هانيا و سوزى و يطلعوا فوق 
زياد / ايه الحلاوه دى الله ينور يا شيكوا
شريف / عقبال فرحك
زياد / قريب قريب اوى كمان احنا تقريبا حددنا المعاد خلاص
شريف / يا راجل كدا منغير متعزمنى
زياد / عيب عليك دانت اول المعازيم بس الكروت تتطبع بس و هتشوف
شريف / عالبركه
انس / امال العريس فين يعنى مش باين ليكون خلع و لا حاجه
زياد / دانا اقتله داحنا مصدقنا
انس / هههههههههههههههههههه والله فرحان فيه فرحه
المعلم اسعد يدخل
اسعد / ايه يا رجاله هتفضلوا واقفين كدا الترابيزات اترصت يا شريف يابنى
شريف / طب خلى الناس تبدا يا معلم متخليهمش يستنوا لحسن الاكل يبرد
اسعد / عالبركه
شريف / العشا اتحط يلا تعالوا
زياد / عشا ايه لا انسانى انا باس
شريف / بتقرف و لا ايه على فكره الحاجه نضيفه جدا
زياد / يا عم انت اقرف ايه بس الموضوع انى لسه متغدى قبل منزل علاطول ممكن على اخر السهره مش احنا مطولين برده و لا ايه النظام
مازن يدخل
مازن / للصبح ... حبيب قلبى
مازن يحضن زياد
زياد / العريس الجامد اووووووىىىىىىىىىىىىىىىىىى
مازن / عقبالك
زياد / اسرع مما تتخيل
مازن / اما نشوف
شريف / استلم انت بقى هطلع اللبس انا
مازن / قشطات ايه يا انوس امال فين باقى العصابه
انس /  هيجوا عالفرح بقى و عليك خير
مازن / تمام قشطه طب اقعدوا بقى واقفين ليه
مازن يشاور للدى جاى يبدا يشغل اغانى
.................................
فى اوضه مرام
مرام لابسه فستان بتنجانى و طرحه فضى و صافى بتمكيج شيماء
تقى / خلصى بقى الاغانى اشتغلت و انا لسه متظبطتش
رؤى / يا جدعان صافى اصلا لسه ملبستش
لبنى / ههههههههههههههههه والله شكلكوا عسل اوى اوعوا اوعوا اما اساعد
صافى تبص للبنى
لبنى / ايه مش هعرف تعالى يا تقى انا همكيجك انا عشان ننجز فى الوقت
سميحه تدخل
سميحه / يلا يا بنات انتوا لسه ملبستوش
صافى / خلاص اهو
سميحه / طب يلا اللى لبسوا ينزلوا بقى الناس كلها بتسال عالعروسه
مرام / خلاص والله صافى بس تلبس و هننزل علاطول
صافى / لا انزلى انتى متستنينيش انا خلاص بفنش شوشو اهو و هلبس و انزل علاطول
لبنى / ايه رايكوا بقى
رؤى / حلو اوى يا تقى
تقى تبص فى المرايه و تنزل
صافى / انا كمان خلصت انزلوا بقى و انا ربعايه و هحصلكوا
مرام / تمام تمام يلا بينا
الكل يتلم حوالين مرام و ينزلوا كلهم واحده ورا التانيه يطلعوا الشارع يلاقوا الرجاله عماله ترقص و مازن وسطيهم و محمود و شريف بيرقصوا معاه و زياد واقف بيسقف الستات تشوف مرام ينزلوا فيها احضان و بوس كتير و تعدى تسلم عليهم واحده ورا التانيه زياد يشوفها يروح يوشوش الدى جاى
الدى جاى / طب سقفه كبيره بقى لعروستنا
الكل يسقف و يصفر مازن يروح يمسك ايدها
الدى جاى / هات عروستك بقى يا عريس
الدى جاى يشغل اغنيه سلو و مازن و مرام يرقصوا عليها
مازن / المفروض كنا نشغل قران النهرده مش اغانى
مرام / هههههههههههههه اشمعن
مازن / خايف يحسدونا الليله تنضرب بكره لاى سبب
مرام / ههههههههههههههه لا ان شاء الله خير بقى تفائل كدا
مازن / اصلى بصراحه لو كان ايه حصل مش هقدر على تاجيل تانى انا جبت اخرى خصوصا بعد مشوفتك و انتى قمر كدا
مرام / هههههههههههههههههههههه
زياد يروح يمسك ايد لبنى
لبنى / انت بتعمل ايه
زياد / قومى ارقصى معايا
لبنى / هنا
زياد / هنا و فى اى حته و فى كل مكان اللى غيران مننا يعمل زينا قومى
لبنى تقوم مع زياد و يطلعوا المسرح و يرقصوا سلو هما كمان مروه تروح تقف جنب محمود
مروه / هو انت هتفضل تخدم عالناس كدا طول الليل
محمود / اخو العروسه بقى هعمل ايه
مروه / يعنى مفيش عشر دقايق لعروستك
محمود / امممم لا فى اتفضلى
محمود ياخد مروه من ايدها و يطلعوا عالمسرح و يرقصوا هما كمان شريف يروح يقف مكان محمود سعد يدخل
شريف / اتاخرت ليه يا سعد
سعد / غصب عنى والله معلش الحلاق طلع عينى
شريف / طب تعال اتعشى يلا
سعد / و لا اقدر احط لقمه امى كانت عامله محشى النهرده مقدرتش اقاوم
شريف / طب كنت اعزمنى
سعد / هههههههههههههههه ملحوقه
شريف / طب روح اقعد يلا الشله كلها هنا
سعد يروح يقابل زمايله فى الكليه و يسلم عليهم رؤى تعدى من جنبه تروح ناحيه الدى جاى و سعد عينه معاها
الدى جاى ينادى صحبات العروسه عالمسرح البنات كلهم يطلعوا و يعملوا دايره حوالين مرام و يرقصوا معاها و مازن و الشباب ينزلوا يرقصوا تحت صافى تطلع مالعماره تبص يمين و شمال شريف يجى من ضهرها
شريف / ايه الحلاوه دى
صافى / مقفول اهو
شريف / قمر
صافى / وحشتنى اوى اوى اوى على فكره
شريف / نبعت نجيب الماذون و لا ايه
..............................