السكه شمال بقلم / لولو_محمد ( كامله )

الحلقه ١١١

(((((((((((السكة شمال ))))))))))))
#لولو_محمد
الحلقه 111
مرام / يارب انا عمرى مطلبت منك حاجه كنت علاطول كريم عليا و بتدينى منغير مطلب يارب انا مش عاوزه غيره اجمعنى بيه يارب اسعدنا يارب و اقفل علينا باب هو اتغير بقى كويس و بيصلى سامحه و متاخدناش بذنب اللى كان بيعمله هو تاب يارب هو مش عاوز غير الحلال دلوقت يارب متفرقش بنا و لا تمتحنى فيه يارب انت الوحيد القادر على كل شئ انت اللى زرعته جوايا متوجعنيش فيه يارب متحرمنيش منه يارب مش هقدر والله مهقدر
سميحه تفتح الباب تلاقى مرام قاعده بتعيط عالسجاده
................................
سميحه / مالك يا مرام
مرام تمسح دموعها و تقوم تحضن سميحه اوى
سميحه / الله الله الله للدرجادى دا الحاله صعبه اوى
مرام تبصلها
سميحه / تعرفى من اول مره مازن دخل بتنا و شوفت بيبصلك ازاى و انا عارفه ان اليوم ده هيجى
مرام تبتسم
سميحه / ربنا يسعدكوا
مرام / ادعيلنا يا تيته عشان خاطرى ادعيلنا
سميحه / بدعى و انا فايدى ايه اعمله غير الدعا بدعى فكل صلاه بعد كل ورد بدعى بدعيلك و بدعيله اوعى اما اروح اصلى مش كفايا مصحتنيش و قعدتى تصلى لوحدك اوعى كدا اوعى
.............................
يوم السفر
مازن قاعد هو و شريف و صافى مرام تفتح باب الاوضه و تطلع ووراها سميحه و مرام بتمسح دموعها مازن يدخل جوه يجيب الشنطه
مازن / مش ناقص اى حاجه صح
سميحه / لا يا حبيبى كلو تمام
مازن / انتى بتعيطى ليه
مرام / اول مره تسيبنى لوحدى
شريف / ايه لوحدك دى يا مرام والله نزعل
صافى / متزعليش تيته بقى يا مرام بليز يا تيته تدعيلى
سميحه / هدعيلكوا واحد واحد
شريف / اه وانا بالله عليكى يا تيته اتوصى بيا
سميحه / دا كلو الا انت يا شريف
شريف / ربنا يخليكى يا تيته
الباب يخبط صافى تفتح تلاقى محمود
محمود / احنا جاهزين
مازن / يلا
الكل ينزل يركبوا عربيه مازن و شريف و يمشوا
.........................
فى فيلا مازن
زياد / يا ماما انتى ليه مش واثقه فيا مش قولتلك هى اللى هتيجى تتعرف عليكى
فريده / و هو الباشا هيسمحلها برده
زياد / هيسمحلها و هيجيبها لحد عندك كمان
فريده / انت بتقول ايه انت
لبنى / متقلقيش يا طنط زيزو مرتب كل حاجه انا حتى خليت امانى ترتب الاوضه بتاعه مازن و اللى جنبه عشان تيجى تقعد فيها
فريده / مش فاهمه
زياد / لبنى هتشرحلك لانى لازم امشى دلوقت
زياد يبوس مامته و يمشى
فريده / هو فى ايه ؟؟
.........................
فى المطار
سميحه / خدوا بالكوا منها يا عيال
مازن / متقلقيش يا تيته انتى بتوصينى على مراتى
سميحه / قلبى مش مطاوعنى اسيبها
مازن / مش هنسكتها هى هتفتحى انتى يا تيته دول اسبوعين و مش هسيبها فيهم غير عالنوم متقلقيش بقى
صافى / متخافيش يا تيته احنا هنلزقلها زى ضلها لحد متزهق هى مننا
سميحه تبتسم
مديحه/ يلا يا حجه مشتاقه لسيدنا النبى يلا بقى
سميحه / يلا يا مديحه
مديحه / خدى بالك من اخوكى و استحمليه هو مجنون بس والله مفى اغلب منه
محمود / انتى بتوصى مين على مين يا حجه
مديحه / من بقك لباب السما
زياد يدخل جرى
زياد / اسف عالتاخير الحمد لله لحقتكم ازيك يا تيته ازيك يا عمتو ايه الاخبار
مديحه / الحمد لله كلنا زى الفل يا غالى ياخو الغالى
زياد / تيته بليز اوعى تنسى تدعيلى انا زى مرام برضه
سميحه / هدعيلك متخافش هدعيلكوا كلكوا
مازن / طب يلا لحسن تتاخروا بقى
سميحه / مرام يا مازن
مازن / فعنيا يا تيته متخافيش ترجعيلنا انتى بس بالسلامه
مازن يبوس راسها و سميحه تحضن مرام و تبوسها و الكل يسلم على مديحه و سميحه و مديحه و سميحه يدخلوا جوه و مرام تعيط
مازن / الله الله بقى فى ايه يا مرام
مرام تمسح دموعها
مرام / لا خلاص تمام
زياد / على فكره لبنى كانت هتيجى بس ماما عملتلنا مفاجاه و جت النهرده الصبح فمكنش ينفع تسيبها لوحدها
مازن / حمد الله عالسلامه
زياد / الله يسلمك مرام ماما عزماكى بكره عالغدى عشان تتعرف عليكى انتى خلاص بقيتى مالعيله
مرام تبص لمازن
زياد / متبصيلوش دى ام مازن و لازم تتعرفى عليها مينفعش الناس تقول ايه يعنى
مازن / هيقولوا ايه يا زياد يعنى
زياد / متاخدش ماما بذنب بابا ماشى ربنا وحده اللى يعلم ماما عملت ايه عشان تقنع بابا و لسه بتعمل و هتعمل و بعدين دى امى يا مازن و زى مبتحب لبنى اكيد هتحب مرام ماما بتحبنا و بتحب اللى بيحبنا
مازن / ربنا يسهل من هنا لبكره يحلها حلال
تليفون زياد يرن
زياد / انا لازم امشى هبقى اكلمك بعدين اشوف الاخبار تمام
مازن / تمام سلام
مرام / مع السلامه
زياد يمشى
صافى / انا رايي انك تتعرفى عليها مش هتخسرى حاجه
شريف / و انا كمان
مازن يبص لمحمود
محمود / انا مليش رايى انت ادرى بيها منى بس الاصول انها تتعرف عليها بس بقى لو هتعمل زى مابوك عمل يبقى انت ادرى بقى
مرام / هقابلها مش هخسر حاجه
مازن / طب احنا هنفضل هنا و لا ايه يلا نروح اى حته ناكل لقمه و نغير جو
مرام / ياريت لحسن انا مخنوقه اوى
مازن / لا مدام مخنوقه بقى يبقى نطلع على محل العصير اياه
مرام تبتسم بخجل
شريف / عصير ايه
مازن / انت مالك انت هو كل حاجه تحشر نفسك فيها
شريف / انت اللى هتعزم
مازن / اه
شريف / خلاص ان شالله نروح فداهيه حتى اتفضل
مازن / هههههههههههههههههههههه امشى يا اخره صبرى
صافى / ههههههههههههههههه
مازن / شوفى قارفنى بس بحبه
مرام / ربنا يخليكوا لبعض
الكل يمشى و محمود متاخر شويه
مازن / حوده مش جاى و لا ايه
مرام / تعال يا محمود هننبسط
محمود يهز راسه و يروح معاهم
.................................
فى محل العصير
محمود / يعنى انتى كمان هتسافرى
مرام / هتوحشينى اوى يا صافى
صافى / لسه فاضل شهر بحاله وفرى الميلودراما دى لوقتها ماشى دلوقت خلونا ننبسط مع بعض اوك
تليفون محمود يرن
محمود / دا سعد تلاقيه بيطمن على ماما و تيته
مرام / رد عليه و خليه يجى هننبسط اكتر
محمود/ انا بقول نروح عندنا و بالمره انادى على مروه هتفرح لما تقعد معاكوا
صافى / والله فكره و خليها تيجى تبات معانا كمان
محمود / متتعشميش اوى كدا مفتكرش ابوها هيوافق
صافى / ليه ماحنا بنات مع بعض
محمود / معندناش بنات تبات بره بيتها
مازن / و دا راي كونته بناء عن تجربه و لا انت بتقول كدا و خلاص
محمود يبصله
مازن / سبهم يجربوا هيحصل ايه يعنى تسهر معاهم شويه و بعدين تستاذن باباها الا اذا كنت انت بقى مش موافق
محمود / و انا هرفض ليه بس انا بوفر عليهم الاحراج يعنى
مرام / خلاص خلونا نجيب عشوه حلوه و نروح نلعب و نسهر و ننبسط و نجرب هنخسر ايه
محمود / والله براحتكوا بس مفتكرش هيوافقوا على العموم انا هتصل بسعد اخليه يسبقنا عالبيت هناك
مازن / تمام يلا يا شباب
.............................
فى شقه مروه
مروه / عشان خاطرى يا ماما عشان خاطرى
الست / يا بنتى الناس تقول ايه
مروه / يا ماما انا هبات مع مرام و صافى فى شقتها بنات مع بعض نلعب و ننبسط عشان خاطرى
الست / لما يجى ابوكى استاذنيه
مروه /  استاذنته كلمته فى التليفون و قالى شوفى امك هتقول ايه متقعدوش بقى تحدفونى لبعض
الست / خلاص روحى بس خلى تليفونك مشحون جنبك لو اتصلت لقيتك غير متاح هاجى اجيبك من شعرك انا قولت اهو
مروه تبوس امها و تجرى
الست / اهو ده اللى بناخده منكوا
..........................
فى شقه محمود
مروه / بصراحه انا عمرى مسهرت لحد دلوقت
مرام تطلع من اوضه
مازن / كلمتيها
مرام / اه وصلوا الفندق بالسلامه و مبسوطين اوى و هيناموا دلوقت
مازن / شوفتى بقى
محمود / حد يشرب شاى قهوه نسكافيه اى حاجه
مازن / قهوه ممكن
مرام / و انتى يا مروه
مروه / مروه مين انا مليش فى الحاجات دى خالص انا اصلا خلاص بسقط لسه بقول عمرى مسهرت لحد دلوقت
محمود / طب متروحى تنامى يا بنتى
مروه / هنام لوحدى و اسيبكوا لا خلينى قاعده
مرام / خلاص روحى معاها يا صافى هعمل القهوه لمازن و احصلكوا
مازن / خلاص يا قلبى مش لازم اصلا هروح و لما اروح هبقى اكلمك ماشى
مرام / تمام
مازن / صافى .. مش هوصيكى هاه
صافى / متقلقش
مازن / هكلمك
صافى / مش هتبقى فاضيه بطلو تطفل بقى
مازن يبص لصافى و يمشى و هو بيضرب كف على كف و مرام بتدحك شريف يمشى وراه
مرام / تصبح على خير يا محمود سلام يا سعد
مرام و صافى و مروه يمشوا
سعد / مش خساره الاكل الحلو ده يترمى
محمود / كله الف هنا تصبح على خير
محمود يدخل اوضته و يقفل الباب
......................
عالناصيه عند مازن
مازن / امال انا مدايق ليه يا اخى
شريف / انت بس كان نفسك يعملها
مازن / يعنى كان هيخسر ايه لو قالى خليك بات احنا هنسهر دا ايه البنيادم ده يا اخى
شريف / متقلقش هيحصل ايه يعنى معاها صافى و مروه لو احتاجت اى حاجه هتبقى تكلمك
مازن / و بعدين دا سواد الليل صح
شريف / اه هيعدوا هوا علاطول يعنى
مازن / صح اصلا يادوب اروح اغير و اخد دوش سريع و اصلى يكون النهار طلع اجيلها
شريف / شوفت يلا
مازن / خلى تليفونك جنبك ماشى
شريف / كنا اجرنا شقه فى الحاره يمكن ترتاح
مازن / مفكرتش فام الفكره دى من بدرى ليه هاه عبقريتك جايه دلوقت و تشتغل امشى يا ناقطنى امشى
شريف / دا ايه الصحبيه المنيله بستين نيله دى مفيش حاجه بتعجبك ابدا زى القطط بالظبط عارف انت لو قدتلك صوابعى العشره شمع هتعمل ايه عارف
مازن / ههف فيهم يلا يابنى روح بدل مفش غلى فيك هنا يلا روح امك عوزاك
شريف / مروح مهى كدا خلصت حاجتى من عند جارتى
مازن / متمشى ياله ناقص تقول اخدتك لحم و رميتك عضم امشى
شريف / ماشى
شريف يركب العربيه و يمشى و مازن واقف يبص على بيت مرام و يتنهد
مازن / سواد الليل يعنى هيحصل ايه محمود هناك و سعد هناك و صافى و مروه هيحصل ايه يعنى و لا حاجه سواد الليل بس
مازن يركب العربيه و يمشى
.................................
فى شقه مرام
مرام و صافى و مروه نايمين فنفس السرير
مرام / لو مدايقين ممكن انام فى الصاله
صافى / يا سلام تنامى فى الصاله و لا ترغى مع حبيب القلب
مرام / اهو قرك ده اللى جايبنا لورا
صافى / قرى انا لا يا حبيبتى تتهنى بيه انا افرحلكوا
مرام / عارفه
مروه / تلاقى محمود مكسوف يتصل بيا وسطيكوا
مرام / ههههههههههههه يا سيدى يا سيدى
صافى / صحيح يا مروه انتى بتتعاملى مع محمود ازاى
مروه / يعنى ايه
صافى / بحسه جد كدا و قفيل معرفش
مروه / حرام عليكى دا محمود طيب خالص و دمه خفيف جدا
مرام / فدى معاها حق
صافى / شوفوا انا جيت البيت كام مره عمرى مشوفته بيدحك و لا ردوده
مرام / يمكن عشان ميعرفكيش لكن هو طيب اوى و غلبان
مروه / و جدع اوى كمان
صافى / يمكن
مروه / هو يمكن مبيعرفش يقول كلام حب بس تصرفاته كلها بتقول
مرام / ازاى احكيلى
مرام تقعد و تربع و مروه و صافى يتعدلوا
مروه / يعنى انا اول حب فحياته فالاول كان لما يشوفنى يبتسم و ساعات كان بيشاورلى من بعيد كدا بايده بس عمره محاول يقرب منى كان عاوزنى حلاله و لما اتخطبنا بقى بيكلمنى كل يوم مبيقولش بحبك بس بيغير عليا موت مبيحبنيش اتفرج عالتركى قال يعنى هحب بطل منهم و كدا هو مبيقولش بس بيان عليه
مرام / ربنا يهنيكوا ببعض
مروه / و انتى يا صافى حبيتى قبل كدا
مرام تزغد مروه
صافى / مره بس مكنش فى نصيب
مروه / ليه
مرام / مروه
مروه / فى ايه
صافى / الحب مش كل حاجه يا مروه احنا نقدر نعيش منغير حب بس منقدرش نعيش منغير كرامتنا
مروه / مفيش كرامه فى الحب
صافى / تقبلى ترتبطى بواحد باعك فوقت ضعفك
مروه / مدام بحبه اقبل اكون اى حاجه مدام معاه
مرام / عشان انتى صغيره يا مروه
مروه / لا مش صغيره انا الحاجات دى مبتفرقش معايا حوار الاهتمام مبينطلبش و الكلام ده ميهمنيش فيها ايه يعنى لو انا اللى اتصلت الاول فيها ايه لو انا اللى قولتله بحبك فيها ايه يعنى الحب عطاء على فكره الست هى اللى فايدها تنجح اى علاقه و فايدها تخليها تفشل اللى بيحب حد بيتمسك بيه مهما كانت الظروف
صافى / طب لو هو باعك لو سابك و راح لغيرك هتبقى انتى الغلطانه برده
مروه / ميمكن انا قصرت فحاجه
صافى / هههههههههههههه هو انتى مالنوع اللى لو جوزها خانها تصبغ شعرها اصفر و تقول ان هو السبب انتى مالنوع اللى بيشيل الست مسؤليه كل حاجه و الراجل ملاك مبيغلطش
مروه / انا مالنوع اللى بتحافظ على بيتها لاخر نفس
مرام / اهدى يا مروه هى قصتها مختلفه خالص
مروه / انا مليش دعوه بقصتها انا بتكلم بوجه عام
صافى / يعنى لو محمود سابك قبل فرحك باسبوع وراح خطب صحبتك فنفس الاسبوع هتبقى انتى الغلطانه
مروه / ميمكن خاف
صافى / خاف ؟؟
مروه / ايوه فى رجاله كتير بتخاف مالمسؤليه يمكن كان فى حد من اهله ضاغط عليه يمكن يمكن يمكن كان فى حاجه متعرفيهاش
صافى / زى ايه مثلا
مروه / معرفش لو كنتى بتحبيه
صافى / كنت عملت ايه كنت اترجيته يتجوزنى كنت بوست رجله عشان يخلينى فحياته
مروه / يمكن البنت التانيه كانت نزوه فحياته يمكن دحكت عليه
صافى / لا ياربى مش قادره اصدق ان فى لسه حد بالعقليه دى
مرام / اهدى يا صافى هى صغيره و مش فاهمه
مروه/ اللى بتحب حد لازم تدافع عن حبها لاخر نفس فيها
صافى / انهى حب اللى ادافع عنه ادافع عن واحد سابنى فاكتر وقت احتجتله فيه سابنى و شمت الكل فيا اتمسك بيه ازاى اعمل ايه
مروه / الحب مفيهوش كرامه
صافى / ليه انا اللى اتنازل عن كرامتى و عشان مين عشان واحد محبنيش عشان واحد مكنش راجل معايا مكنش قد كلمته اتنازل ليه و لمين لواحد خان ثقتى فيه هعيش معاه ازاى و انا عارفه انه ممكن فاى وقت واحده تانيه تدحك عليه و تجرجره زى الخروف وراها و يسبنى مهو مطمن انه هيرجع يلاقينى مستنياه زى الكلبه
مروه / مسمهاش كلبه اسمها ست بتحافظ على بيتها و عيالها
مرام / ارجوكوا كفايه
صافى / الحمد لله ان مكنش لسه جمعنا بيت و لا عيال
صافى تقوم تدخل الحمام و تقفل على نفسها
مرام / ليه كدا يا مروه ليه
مروه  / ايه انا قولت رايي
صافى تطلع مالحمام لابسه
مرام / رايحه فين يا بنتى
صافى / هتمشى شويه
مرام / دلوقت و هنا
صافى / مش طايقه نفسى
مروه / على فكره انا ممكن امشى
صافى / عن اذنكوا
صافى تمشى و ترزع الباب وراها
مرام تجرى تجيب التليفون
مروه / صحيح من خرج من داره اتقل مقداره انا مروحه
مرام بصت لمروه و مروه دخلت تلبس مرام تتكلم فى التليفون
مرام / ايوه يا شريف روحت
شريف / لا لسه فى ايه خير
مرام / مروه شدت مع صافى و صافى نزلت معيطه و انا خايفه عليها اوى و مش عارفه اعمل ايه
شريف / متعمليش اى حاجه انا هلف و ارجع و هكلم صافى و هنشوف هنعمل ايه
مرام / تمام يا شريف ارجوك تطمنى ماشى
شريف / ماشى سلام سلام
مروه تطلع من جوه لابسه
مرام / انتى رايحه فين دلوقت
مروه / هروح بيتى هروح فين يعنى انا اصلا غلطانه انى جيت
...............................