السكه شمال بقلم / لولو_محمد ( كامله )

الحلقه الواحد و الثلاثون

(((السكة شمال )))))))
#لولو_محمد
الحلقه 31
مازن / ايوه بالظبط كدا و انت مالك اصلا بس انا هسالك سؤال لو مرام حصلتلها ظروف و خسرت بيتها لاي سبب هتقولها مينفعش تقعد معاك عشان انت متخلف و رجعي
محمود / هههههههههههه انت مصدق بقك تعملوا الغلط و تقولوا عالصح تخلف و رجعيه واحده غريبه عنك تيجي تعيش معاك بمناسبه ايه طب لو كانت مامتك معاك كنا قولنا ماشي نبلعها لكن لوحدكوا ياعم ربنا يسهلك انا مالي
مازن يبصله و هو ساكت و محمود يلعب فالموبايل
محمود / ايه مش هتكمل
مازن / لا انا ماشي
مازن يلم حاجته و يمشي محمود يشد الورق اللي كان بيكتب فيها و يقراها
................
تاني يوم فالمنتدي
ناس كتير قاعدين و بنت عالمسرح بتتكلم
البنت / المهم مسكتش و قررت اجازف و امن بموهبتي و بعت الغويشه و اشتريت مكنه خياطه و اشتغلت عليها و يوم ورا يوم بدا شغلي يتكلم عني عرضت الشغل علي المحلات فبداو يعرضوا شغلي و بعد كام شهر جبت مكنه تانيه و تالته و رابعه لحد مبقي عندي دلوقت براند باسمي و مصنع كامل للملابس الحريمي فخلال اربع سنين بس و السنادي الحمد لله بدانا نصدر للسعوديه و الكويت و قريب اوي هنصدر لباقي الدول العربيه و مين عارف يمكن اوروبا كمان ههههههههههههه
شاب / فعلا الواحد لما بيكون عنده هدف لازم هيوصل و دلوقت هنسمع كلمه من راجل الاعمال احمد الذهبي صاحب واحده من اكبر شركات الاستيراد و التصدير
احمد يقوم يتكلم و البنت تروح تقعد
احمد / صباح الخير يا شباب انا احمد الذهبي اولا احب اشكر كل اللي نظم الملتقي ده فعلا صوره مشرفه جدا بس الحقيقه انا كنت مجهز كلام كتير اوي اقوله
احمد يرفع ورقتين و يوريهم للناس و بعدين يرميهم ورا ضهره
احمد / بس الحقيقه بعد الكلام اللي قالوه زمايلي و زميلاتي اللي اتشرفت جدا اني قابلت نماذج زي دي فمصر هيبقي تكرار و تحصيل حاصل بانا مش هتكلم عن نفسي و لا عن حياتي انا هتكلم عن الفتره اللي عشتها بره مصر و هديكوا كام نصيحه كدا اولا الفرق بينا و بينهم في الطاقه البشريه مش كبير بالعكس احنا احسن منهم المشكله عندنا اننا مبنوجهش الطاقه دي من الصغر صح بره الطفل من اول ميبدا يفهم بيبقي ليه دور فالاسره مهما كان صغير ترويق اوضته انه يطلع كيس الزباله بره انه يلم لعبه ياخد هدومه المتوسخه اوضه الغسيل كدا يعني يكبر شويه دوره يكبر يغسل مواعين ينضف سواء ولد او بنت معندهمش الفرق ده زي عندنا يكبر حبه يروح يشتغل في سوبر ماركت مطعم يجيب مصاريفه يكبر حبه لازم يشوف بيت تاني و ينفصل برده سواء ولد او بنت عندنا العكس انت بتفضل طفل لحد متتجوز و فجاه تشيل مسؤليه فجاه لازم ادور علي شغل فجاه ليا مرتب طب مانا باخد مصروف و باكل و اشرب و انام ببلاش اتعب ليه و لو قبضت قيمه الفلوس دي ايه فتلاقي معظم الشباب عندنا عالقهوه
صمت همهمه عالى
احمد / طبعا كلامي دايق ناس كتير باين علي وشوشكوا فاسمحولي اصالحكوا انا قررت اني هستضيف عندي اي شاب او بنت يحبوا يتمرنوا فاي قسم طب هنستفيد ايه اقولكوا بره الشباب بيدفعوا فلوس للشركات الكبيره عشان يتمرنوا و يكسبوا خبره و يضيفوا للسي في بتاعهم انا هديك ده ببلاش عشان تبدا من حيث انتهي الاخرون متتخرجش صفر و تحتاس هتبدا منين و اهو بالمره تستغل اجازتك فحاجه مفيده و اسف لو كنت طولت عليكوا شكرا
احمد يمشي و الشاب التاني يطلع
الشاب / دي ببادر حلوه جدا احمد بيه استمارات التقديم عالكونتر بره يا شباب بس دلوقت هنسمع كلمه من رئيس الجامعه اتفضل استاذ عمر
..................
بره القاعه
مرام واقفه عند ترابيزه عليها بروشورات كتير  تمسك بروشور بتاع شركه و بتبص فيه احمد يجي من وراها و يكلمها
احمد / مرام صح
مرام تبصله باستغراب وتهز راسها
احمد / احمد الذهبي انا كنت حاضر الحفله اللي نظمتيها بتاعه الخريجين
مرام تبتسم
احمد / متاخديش فبالك نتعرف من جديد ... احمد الذهبي بيقولوا عليا رجل اعمال
مرام تبتسم
مرام / مرام نور الدين بيقولوا عليا طالبه هههههههههه
احمد / ايه مضيتي استماره
مرام / الحقيقه لا
احمد / ليه انا اكيد هستفيد من واحده زيك عندي فالشركه
مرام / شكرا عالمجامله الظريفه دي بس انا لسه سنه تالته
احمد / الحقيقه مش مجامله تشربي عصير
مرام تبصله باستغراب يشاور لبنت واقفه ورا الكونتر تجيب كبايتين عصير يدي لمرام واحده
احمد / طبعا مش حلو زي بتاع الحفله بتاعتك بس
مرام / هو الحقيقه انا منظمتش الحفله لوحدي انا كنت جزء صغير اوي من فريق كبير
احمد / التواضع صفه العظماء و انا فالمجال بقالي كتير و اقدر احكم عالناس اللي ليها مستقبل بمجرد النظر
مرام / ميرسي تاني عالمجامله دي
مازن يدخل
مازن / ازيك يا احمد
احمد / ايه ده ازيك يا مازن عاش من شافك يا راجل ايه بتعمل ايه هنا
مازن / كنت فاضي قولت اجي اتسلي بس الاغرب انت بتعمل ايه هنا
احمد / اللجنه المنظمه بعتتلي دعوه عشان ادي كلمه للشباب انت عارف بقي هههههههههههه
مازن / مهو عشان انا عارف مستغرب انت بتعمل ايه هنا
مرام / عن اذنكوا
احمد / بس احنا مخلصناش كلامنا
مازن / صحيح عجبتني اوي الكلمه اللي قولتها يا احمد طول عمرك بتعرف تتصرف لما تتزنق
احمد / مش فاهم قصدك
مازن / اصل المفروض تدي كلمه تشجيعيه للشباب و كل اللي قبلكوا بدؤا مالصفر او اقل كمان لكن اللي زيك اللي اتولدوا لقوا كل حاجه و سافر بره درس علي حسابه و نزل مصر مسك شركات دادي فين الكفاح و القدوه فالموضوع
احمد /تعرفي يا مرام انا و مازن كنا دفعه واحده دخلنا الكليه مع بعض انا اتخرجت و سافرت بره و خلصت الماستر بتاعي و رجعت مسكت شغل والدي الا صحيح انت فسنه كام دلوقت
مازن / فتالته
احمد / هانت شد حيلك بيتهيالي انت رديت علي سؤالك مش كدا مانت كمان عندك كل حاجه و برده معملتش اي حاجه انا سعيد اني اتعرفت عليكي يا مرام ده الكارت بتاعي انا متاكد اننا هنعمل شغل حلو اوي مع بعض ...سلام يا مازن معلش كان نفسي نكمل كلامنا بس انت عارف انا مش فاضي عن اذنكم
احمد يدي كارت لمرام و يمشي مازن يشده من ايدها و يقطعه و يرميه ورا ضهره و هي بتبصله باستغراب
مازن / مفتكرش انك هتحتاجيه
مرام / ماشي المهم محمود قالي انكوا خلصتوا تلت شباتر امبارح
مازن / هو قالك كدا طب والله كويس
مرام / مخلصتوش ؟؟؟ دا جبلي ورقه اسئله انت اللي حلتها
مازن / ماشي
مرام / هو ايه الاسلوب ده انا بتنرفز بسرعه علي فكره
مازن / علي فكره بس انا لولا شوفت سي احمد ده بيكلمك مكنتش جيت كلمتك اصلا
مرام / والله دي حاجه ترجعلك اتفضل امشي
مازن / همشي
مازن يمشي مرام تناديله
مرام / مازن استني
مازن / نعم
مرام / ايه اللي حصل
مازن / مفيش هو زي محكالك بالظبط
مرام / طب زاكرت حاجه جديده
مازن / خلصت اول شبترين فماده دكتوره نسرين علي فكره ورقك جميل فعلا شارح كل حاجه
مرام / كويس اتفقت مع محمود هتقعدوا امتي
مازن / مش هنقعد بصي في كام نقطه كدا عاوزك تفهميهم انا اكتر حاجه تدايقني اني ابقي فارض نفسي علي حد دا اولا ثانيا انتي طلبتي مني حاجه انا مكنتش مستني منك مقابل علي فكره و لحد النهرده مش مستني منك حاجه انا حاولت عشان هي ليها حق ثانيا عشان كنتي بتعيطي
مرام / انا مكنتش بعيط
مازن / ماشي
مرام / اولا انا اللي عرضت عليك ثانيا
مازن / ثانيا مش من حق اي حد يحكم عليا او علي صحابي كلنا فينا عيوب ماحناش شياطين و لا انتوا ملايكه و نورا عندها ظروف ممكن اي حد يتعرضلها
مرام / نورا
مازن / خلاص كبري مخك الموضوع مش مستاهل انا معايا الورق و هو شارح نفسه و انا هخلص لوحدي
مرام / خلاص تمام انا بكره هستناك فالمكتبه الساعه واحده قبل السيكشن نقعد ساعه ايه رايك
مازن / لا شكرا
مرام / تمام انا هكون في المكتبه جيت تمام مجتش تمام خلاص عن اذنك بقي
مازن / مش هاجي
مرام / دي حاجه ترجعلك سلام
مرام تمشي
...................
بره المبنى
احمد رايح ناحيه عربيته يلاقى بنت قاعده عليها يفتح اللوك بالمفتاح تبصله يلاقيها لبنى
احمد /  ايه ده ازيك يا لولا عاش من شافك 
لبنى / حبيبى عامل ايه عجبتنى اوى كلمتك فى المؤتمر ده جوه
احمد / ايه ده انتى بتدورى على شغل و لا ايه
لبنى / هههههههههههههههههههههههههههه
احمد / حوبى انتى
لبنى / لا انا كنت فاضيه قولت اجى اتفرج بس بصراحه انبسطت اوى لما شوفتك
احمد / انا بقول منضيعش بقى الفرصه دى و نروح نشرب اى حاجه فاى حته
لبنى / فرصه تانيه اصل زياد هيعدى ياخدنى كمان شويه 
احمد / ايه ده انتى لسه مع الواد الاهبل ده مش مقامك يا لولا
لبنى تحرك ايدها اليمين
احمد / اخص على كدا يابخته ابن المحظوظه مع انك لسه عالبر و تقدرى تلحقى نفسك
لبنى / هههههههههههههههههه بطل بقى على العموم انا كمان انبسطت اوى انى شوفتك و اكيد هتتكرر و لا انت غيرت رقمك
احمد/ لا زى مهو
لبنى / تمام هبقى اكلمك بقى و نظبط 
لبنى تقوم من على العربيه
لبنى / اه صحيح شوفت كنت هنسى انا كنت شوفتك واقف جوه مع اللى اسمها مرام دى ... بص انا لو منك افكنى منها مش هيجيلك من وراها غير المشاكل اصل مازن حاطت عينه عليها و انت عارف مازن بيدايق قد ايه لو حد قرب من حاجته مش عاوزين اللى حصل بينكوا فى الكليه يتكرر تانى و لا ايه انا قولت اقولك بس يلا سى يو بقى عشان زياد جه سلام
لبنى تعدى الشارع و تركب مع زياد و يمشوا و احمد واقف مبتسم و بيبص عالمبنى
..................................
في البيت عند محمود
محمود و مرام قاعدين يزاكروا عالسفره و مديحه و سميحه بيصبعوا كفته رز قدام التليفزيون
محمود / والله كنت عارف انه هيجي يعيطلك
مرام / يعني حصل و لا لا
محمود / لا طبعا انا كل اللي قولته انه يجي عندى هنا بالليل النهرده بدل الصبح عشان هنروح المنتدي
مرام / بس
محمود / اه بس هو بقي قفش عشان مرضتش اروح عنده و ليه و ليه قولتله ان نورا بايته عنده اصلا هو ملوش حق يدايق ايه البكاسه دي بني ادم بجح اقسم بالله
مرام / احنا مالنا
محمود / والله قولي لنفسك ينجح و لا يسقط مالاول احنا مالنا بس انتي اللي مصممه تقرفينا
مرام / ماشي يا محمود شكرا
محمود / صحيح انا ملتلك استماره النهرده عشان نتمرن فاجازه نص السنه دا كان ضرب نار
مرام / اه فكرتني مش احمد الدهبي ده جه كلمني
محمود / لا والله
مرام / اه اتاريه كان حاضر الحفله بتاعه الخريجين
محمود / مانا كنت حاضر انا كمان
مرام / اداني الكرت بتاعه بس مازن خده قطعه
محمود / ايه الهبل ده
مرام / كبر مخك بقي خلينا نخلص
محمود / انتي بجد هتقعدي مع مازن بكره
مرام / اه
محمود / هاجي معاكي
مرام / مفتكرش انها فكره كويسه
محمود / مش بمزاجك علي فكره
مرام / سيب بكره لبكره ركز بقي
.................
في عياده
نيفين قاعده تعيط و انس و لبني جنبها
نيفين / انا خايفه اوي
انس / دي شكه ابره متخافيش
نيفين / بالله عليكي يا لبني متسبيني
لبني / يا بنتي متخافيش انا ماما قيلالي ان الدكتوره دي شاطره و نضيفه اوي
انس / و انتي امك عرفتها منين
لبني / واحده صحبتها مجرباها
انس/ صحبتها طيب
نيفين / انت السبب فاللي انا فيه ده
انس / انا هسكت عشان انا مقدر ظروفك
نيفين / لا اتكلم خد راحتك
انس / بصي يا نيفين انا مجبرتكيش علي حاجه كلو بمزاجك و انتي عارفه ان ده كان هيحصل مالاول سنه و نص اشمعن دلوقت يحصل حمل يعني
نيفين / قصدك ايه
انس/ قصدي انها مش غلطه انتي لما لقيتي الحوار طول و مفيش امل اني اتجوزك قولتي تدبسيني بس ربنا نجاني و فشكلنا فروحتي رميتي بلاكي علي مازن لما حلقلك رجعتيلي
نيفين / انا مكنتش عارفه انك حيوان اوي كدا
انس / نخلص مالهم ده و كل واحد يروح لحاله
نيفين / انا مش هنزله
لبني / اعقلي يا نيفين مش وقته
انس / سبيها اقولك براحتك تنزليه تخلليه براحتك انا ماشي
لبني / انس استني انس انس اه يا جزمه
نيفين تقعد تعيط
لبني/ خلاص اهدي احسن برده
نيفين / ازاي كنت بحب الحيوان ده
لبني / مرحله وعدت ركزي عالجديد بقي اصلا انا قولتلك ان مفيش منه فايده عشان كدا كنت بقولك تكلمي مازن
نيفين / كتر خيرها نورا بقي
لبني / هههههههههههههههههه مانا كنت فاكره زيك كدا برده
نيفين تبصلها
لبني / انتي مخدتيش بالك ان مازن اتغير خالص بيحضر و يزاكر هو حد بيشوفه خالص
نيفين / قصدك ايه
لبني / مازن بيحاول يقرب من مرام انتي مش واخده بالك و لا ايه
نيفين / لا
لبني/ زياد ماكدلي دا بيعمل المستحيل عشان يقربلها عشان كدا كان بيبعد عنك و مش راضي يقابلك حتي اربطي الاحداث كدا هو سابك امتي مش يوم ممرام دخلت حياتكوا لما كنا جروب دا من يومها و هو لازقلها زي فرقع لوز
نيفين تبص في الارض و تسكت
لبني / عادي بكره يسيبها زي غيرها هو مازن كدا
الممرضه / اتفضلي يا مدام
لبني / قومي قومي خلينا نخلص
..............
في المكتبه تاني يوم
مرام قاعده فى المكتبه مازن يحط حاجته عالترابيزه تبصله
مازن / مكنتش جاي
مرام / و ايه اللي جابك
مازن / مش عارف حاجه قرف
مازن يقعد
مرام / اخبار نورا ايه احسن
مازن / طيارتها الفجر
مرام / مفيش حاجه نقدر نعملهالها
مازن / في بس بعد متسافر
مرام / انت بتشجعها عالسفر و السنه
مازن / السنه دي تفرق مع حد زيك انتي او محمود لكن احنا عادي اصلا التعليم فمصر فاشل و الشهاده دي تبليها و تشربي ميتها مش معترف بيها بره اساسا
مرام / طب و تاعب نفسك و بتزاكر ليه
مازن / عشان ميجيش واحد زي الزفت ده يعلي عليا قدامك و معرفش ارد عليه
مرام / طب تمام كدا لقينا الحافز نشتغل بقي عشان منتاخرش ممكن عندك اساله
مازن / لا
مرام / طب خد حل الامتحان ده
مازن / ايه الزهق ده
مرام / انت مش قولت عاوز تنجح و زاكرت طبق بقي و شوف هتعرف تحل و لا لا
مازن / اخبار امل ايه
مرام / لو حليت صح هجاوبك
مازن / دا اللي هو ايه ده يعني
مرام / بص هنلعب لعبه انا امتحنك و انت امتحني كل سؤال صح هتجاوب عليه فول مارك هخليك تسالني سؤال فالمنهج او بره حلوه اللعبه دي
مازن / ههههههههههه هي حلوه بس محسساني اني عيل صغير بصراحه
مرام / طب حل متضيعش الوقت
مازن ياخد الورق و يحل
...................
في شقه مازن
لبني / ازاي يعني فجاه كدا
نورا / عادي بقي
لبني / طب ايه السبب فهميني
نورا / مفيش سبب زهقت قولت اسافر اغير جو
زياد/ دلوقت و لوحدك طب استني اسبوعين و نسافر سوا كلنا
نورا / هسافر و بعدين ابقوا حصلوني
باب الشقه يتفتح و مازن يدخل
زياد / انت ازاي متقولناش ان نورا مسافره
لبني / معدش فاضيلنا بقي
مازن / الحقيقه اه مش فاضيلك
نورا / انا عاوزه اقضي اخر يوم مع صحابي ممكن
زياد / ممكن طبعا بس انا مش موافق متقول حاجه يا مازن
لبني / انتي اتخانقتي مع اونكل وليد انس قالي انه كان عندك
مازن / و انس عرف منين
نورا / انس كان عندي لما جه بس نزل علاطول مقعدش معانا
مازن / من يومه زي قلته
لبني / علي فكره خلاص نيفين حلينا الموضوع و نزلته امبارح
مازن / و المفروض افرح يعني
لبني / انت غريب اوي كنت عاوز ايه يعني
مازن / مش عاوز حاجه
زياد / ايه هي المكتبه كانت وحشه النهرده و لا ايه
لبني / متحرجوش بقي انت عارفه بتاع افعال مش اقوال ههههههههه
مازن / هو الغدي كان عسل و لا حاجه
نورا / قوموا روحوا انا مش عاوزه حد جنبي خلاص
مازن / هقوم اشوف حاجه اكولها انا جعان
نورا / خليك هقوم اسخنلك
زياد / مبلاش انتي
نورا / ها ها ها ڤيري ڤاني
نورا تقوم و زياد و لبني يبصوا لمازن بابتسامه
مازن / هقوم اساعدها بدل متحرق الاكل
مازن يقوم
...........
في شقه مرام
محمود / مدام هو شاطر اوي كدا متسبيه بقي عاوز ايه
مرام / لسه عنده نقط واقعه منه
محمود / بس هينجح تلاته من سته ناجح
مرام / طب معمل اللي عليا للاخر
محمود / علي حساب ايه
مرام / مش هخسر حاجه و لو لنت كنت ربطت لسانك
محمود / بلاش بس تركبيني انا الغلط و هو معمول منه ماشي
مرام / ماشي
محمود / هتقعدوا تاني بكره اقعد معاكم
مرام / اه بس انت مش هتقعد
محمود / طبعا لو اتنرفزت دلوقت هتقوليلي اسلوبك و اتكلم عدل و برده انا الغلطان يبقي علي ايه هسكت
مرام / ههههههههههههه والله انت عسل
محمود / و انتي فجل
مرام / ههههههههههه و هو الفجل وحش طب دانا بموت فيه
محمود / انا هنزل بدل مموت انا سلام
محمود ينزل و مرام بتدحك
................
في شقه مازن
لبني / فكرى تاني يا بنتي
نورا / خلاص بقي انتي مبتزهقيش
لبني / تصدقي انا غلطانه اصلا الشلا عمرها مهترجع زي مكانت انتي هتسافري و مازن قافش مع انس اتفرقنا بجد
مازن / ميمكن دي حاجه كويسه
زياد / يابني انت بتقول ايه
مازن / اصلا الواحد زهق كل يوم نفس العيشه نفس التفاهه فالاخر تبص وراك تلاقي نفسك معملتش اي حاجه
........................................