السكه شمال بقلم / لولو_محمد ( كامله )

الحلقه ١٤٢

(((((((((((((السكة شمال )))))))))))))
#لولو_محمد
الحلقه 142
شيماء / ده اللى خلانى كنت مقهوره اوى فالاول بس لما شريف عرف الحقيقه و قالى انه سابنى عشان جاتله وظيفه تانيه بره مصر استغربت جدا يعنى ايه المشكله لما تلاقى وظيفه بمرتب اكبر ايه المشكله يعنى يعنى لما كنت على قدك كنت مناسبه ليك و لما ربنا كرمك بقيت قليله عليك
صافى / واطى فالحالتين واطى ان كان سابك عشان ده او ده فالحالتين ربنا نجاكى منه
شيماء / عارفه بس قلبى برده لسه واجعنى يا صافى يعنى احنا مع بعض بقالنا فتره فيها زكريات كتير حلوه احلام اتبنت يعنى كل ده اتهد فثانيه عقلى لسه مش مستوعب اصلا
صافى / فتره و هتعدى صدقينى هتعدى و مش بعيد يرجع ندمان كمان و ساعتها هترزعى الباب فوشه
مرام و تقى يدخلوا
مرام / اتاخرتوا كدا ليه بتعملوا ايه من ورانا هاه اعترفوا
.............................
صافى / عادى بنلوك
مرام / منغيرى يا اندال
شيماء / صحيح يا مرام كنت عاوزه اقولك حاجه
مرام / خير يا شوشو فى ايه
شيماء / حوار الشغل ده فكك منه فكرى مثلا فى نشاط اجتماعى مثلا يعنى الجمعيات الخيريه و الحاجات دى انتى دلوقت تقدرى تخدمى ناس كتير اوى و فنفس الوقت هتحققى ذاتك
مرام / دى فكره كويسه اوى يا شوشو اكيد هحاول اعمل كدا
صافى / ايه اللى حصل فى الحفله تقلوا عليكى جامد
مرام / عاوزه اقولك ان اللقمه اللى كلتها كانت متغمسه بالسم بتقطع فبطنى لحد دلوقت
صافى / ياربى للدرجادى
مرام / الحاجه الوحيده العدله اللى حصلت انى قدرت امسك دموعى هناك و لسانى و ده الاهم
شيماء / هههههههههههههههههههههههه
مرام / ههههههههههههه والله كان فى مليون لفظ خارج محشورين فزورى بس ساعتها كنت هبقى بهين مين مازن و لا اهله
صافى / عدت عدت
مرام / تفتكرى يا صافى فعلا عدت تفتكرى الموضوع خلص على كدا الراجل بيكلمنى كان ابنه بيتجوزنى تصحيح غلطه لا سمح الله و لا الزفته اللى اسمها لبنى دى
شيماء / يا باااااى
مرام / مكنتش قادره تدارى شماتتها فيا و لا يمكن مكنتش بتحاول اصلا كانت مركزه فى الاستمتاع باللحظه فرصه جتلها على طبق من دهب
صافى تطبطب على مرام مرام تعيط
مرام / انا مش الام اللى بيتمناها لاحفاده نسب ميشرفش لكن ماهينور هانم تتشال عالراس لكن انا اخيى يع ايه القرف ده نسب يعر
تقى / و انتى تسكتيله ليه دانا لو
شيماء / تقى
مرام / كامل و مونى دافعوا عنى الراجل بيقول لمازن هكتبلك كل ما املك و طلقها فوشى كدا اللى هو يشحت و لا انيش اكون مرات ابنه
شيماء / متزعليش نفسك
مرام / و لما الاكل اتحط بيقوله نضفلها يا مازن اكيد اول مره تشوف الاكل ده طب على فكره بقى طعمه كان وحش جدا و على فكره مكنتش امله اوى يعنى دا فرده حمام مع صابعين محشي برقبته و هما يعنى بياكلوا كدا كل يوم سى فود مانا من يوم معرفت مازن و هو بياكل اكل عادى من بتاعنا ده لكن ازاى لازم نتنطت على مرام
صافى / متحطيش فبالك خلاص انسى موقف و عدى و ياما الحموات بيعملوا
تقى / انتى هتقوليلى دا حماه اختى
شيماء / مش قولت بس يا تقى
تقى / يووووه انا هروح اكمل الكيكه بتاعتى احسن
تقى تمشى
شيماء / مازن يستاهل
مرام / عارفه و عشان كدا سكت
صافى / ايه رايك بكره اخدك و نروح الاسبا و نبدا فى تجهيزات العروسه هتنسى الدنيا فاكره فالريزورت
مرام / انا محتاجه معجزه عشان انسى اللى حصل
شيماء / تعرفى قولى حسبى الله و نعم الوكيل ربنا بس اللى هيجيبلك حقك
مرام / حسبى الله و نعم الوكيل فيهم بعيد عنى انا و مازن
شيماء / متزعليش نفسك و اغسلى وشك كدا و فكيها
مرام / صافى كنت عاوزه اطلب منك خدمه
صافى / تؤمرى
مرام / عاوزه اخرج انا و انتى فالخباثه يوم تعلمينى اكل السيفود و الحاجات دى يعنى و ياريت كمان تعلمينى اكل بالشوكه و السكينه و الحاجات بتاعتكوا دى مش عاوزه اتحط فى الموقف ده تانى
صافى / سهله حاضر على فكره فى مدرسه بتعلم الاتيكيت كويسه اوى
مرام / لا انا مش عاوزه حد يعرف مش عاوزاهم يقولوا ان الموضوع فارق معايا و كدا اصل انا عارفه حتى لو اتعلمت هيقولوا نسيت اصلها انا بس
صافى / فهماكى
مرام / شكرا ... صحيح يا شوشو انتى عامله ايه
شيماء / هههههههههههههههه ايه يعنى اول واحده افسخ
مرام / هههههههههههههههه تعرفى ان مازن تانى خطوبه ليا
شيماء / بتهزرى
مرام / لا احنا التلاته زى بعض تقريبا على راي المثل اتلم المتعوس على خايب الرجا
شيماء / هههههههههههههه على رايك
مرام تفتح الحنفيه و تغسل وشها و تسحب منديل و تنشف و تعدل طرحتها
مرام / كدا هيفتكروا ان فى حفره فى الحمام و بلعتنا داحنا استعوقناكوا قلت اجى اطمن اتبلعت انا رخره
صافى / طب يلا نروحلهم
مرام و صافى و شيماء يطلعوا يلاقوا مازن مستنى ناحيه الحمام و ساند عالحيطه يتعدل لما يشوفهم خارجين صافى و شيماء يرجعوا الترابيزه و مرام تقف مع مازن
مرام / ايه ؟
مازن / ايه يا بيبى انتى فى ايه لسه زعلانه
مرام / لا يا حبيبى مفيش حاجه .. بقولك صافى بتقول نروح بكره الاسبا عشان يعنى لزوم الفرح و كدا ايه رايك
مازن / رايي فى ايه عادى يعنى روحى و ادلعى و انبسطى هعوز ايه اكتر من كدا
مرام / ربنا يخليك ليا كان فى حاجه فدماغى كدا
مازن ينتبه
مرام / كنت بفكر اخد شيماء معايا تغير جو و بعدين قولت اكيد اخواتها هيزعلوا و بعدين قولت
مازن / خديهم معاكى
مرام / بجد
مازن / و فيها ايه بنات محترمه و طيبين و يستاهلوا كل خير
مرام / شكرا
مازن / على ايه
مرام / انك فحياتى
مازن يبتسم / لا شكرا ان انتى اللى فحياتى و ياريت نحافظ عالوضع ده و منسمحش لاى حاجه فالدنيا تغيره عشان انا والله مهستحمل
مرام / و لا انا يلا بينا نروح نقعد معاهم
مازن / ياريت يلا
..............................
تانى يوم فى الفندق
شهاب / انا فكرت فى اللى انت قولته
احمد / ووصلت لايه
شهاب / انا معاك
احمد / عين العقل
شهاب / بس انا ليا شرط
احمد / انت هتتشرط من اولها قول يا سيدى و سمعنى
شهاب / شريف
احمد / ماله
شهاب / بتاعى
احمد / و زياد
شهاب / بيتهيالى ان تاره عندك اكبر منه عندى و كدا كدا مش هتسمح ان نهايته تكون على ايد حد غيرك
احمد / انا لو عاوز اخد حقى من زياد هاخده و انت عارف ده كويس
شهاب / كمل الجمله بس و مش و مازن عايش عشان اكيد عمره مهيسمحلك
احمد  / و مين قالك ان مازن هيقف فى طريقى هههههههههههههههه دانت طيب اوى احب ما على قلب مازن ان لبنى تخرج من حياه زياد مش هيفرق معاه هتروح لمين المهم انها تبعد عنهم
شهاب / و ده اللى مخلى لبنى متمسكه بزياد اكتر غبيه
احمد / سيبك انت تحب تشرب حاجه
شهاب / ياريت
احمد / ثوانى
احمد يقوم ناحيه البار
شهاب / امال جميله فين
احمد / فى الشركه
شهاب / شركه ايه
احمد / ههههههههههههههههه مش بقولك انت طيب اوى خد خد اشرب
................................
قدام شركه مازن
مازن / معلش يا قلبى فى ورق مهم لازم امضيه همضيه الاول و بعدين هوصلك الاسبا
مرام / مكنت ركبت اى حاجه بقى 
مازن / يا ستى هتروحى تستنى كتير لحد مصافى تجهز الباكدج بتاعتك خليهم يوضبوا كل حاجه و روحى انتى عالدلع علاطول و بعدين انا مش هتاخر هما خمس دقايق
مرام تبص عالشمس فى السما
مرام / طب متتاخرش
مازن / و انتى هتستنى هنا لوحدك يا بنتى تعالى معايا فوق لحد منخلص
مرام / اوك حاضر
مرام تاخد شنطتها و تنزل مع مازن و يطلعوا فوق فى مكتب صفوت
صفوت / الله ايه المفاجاه الحلوه دى
مرام / ازيك يا خالو
صفوت / الحمد لله عاملين ايه كويس انك جيت عندنا ميتنج مهم جدا مع شركه اجنبيه جايه تستثمر فى مصر
مازن / امتى
صفوت / كمان ساعه
مازن /لا مش هلحق انا يادوب امضى شويه ورق و بعدين اوصل مرام للاسبا عند صافى
صفوت / تمام مفيش مشكله احنا معندناش اهم مالعروسه
مرام تبتسم
مازن / سلام يا خالو
مازن يروح مكتبه شريف يدخل و معاه ملف
شريف / نموسيتك كحلى
مازن / خلص يابنى خلينا نمشى هنتاخر عليهم
شريف / ازيك يا مرام غريب انى شوفتك هنا مش المفروض تبقى فمكان تانى دلوقت
مرام / اعمل ايه فصاحبك ماخرنى الصبح ساعه بيلبس و يتحنتف تقولش عريس
مازن / طب مانا عريس فعلا و لا ايه النظام
مرام / ماشى يا سيدى صحيح عملتوا ايه امبارح
شريف / و لا اعرف انا وصلتهم البيت و طلعت على شقه مازن نمت فيها بس سمعت انهم خربوها رقص البت تقى فتنت عليهم
مرام / هههههههههههههههههه ربنا يسعدهم
شريف / مش كنتى روحتى معاهم احسن
مازن / خلصت يا خفه قومى يا مرام خلينا نمشى
شريف / تمشى فين و البريزنتاشن 
مازن / بريزنتاشن ايه 
شريف /  فى ايه يابنى دانا قايلك عليه من اسبوع
مازن / اااااه افتكرت افتكرت شوفه انت بقى يا شريف و عادى يعنى
شريف / يابنى كدا كدا هما فى الميتنج روم عشر دقايق بس عشر دقايق يعنى الناس هنا مستنينك مالصبح عيب بقى قولى حاجه يا مرام
مرام / مش هيحصل حاجه يعنى مدام الناس جاهزه حرام الناس تعبت و جهزت و جت مينفعش
مازن / تمام اتفضل يا سيدى تعالى يا مرام
مرام / طب ماستنى هنا
مازن / تعالى قولى رايك
مرام / فى ايه
مازن / دا نظام تمويل عقارى جديد يعنى احنا هنطرح وحدات سكنيه بنظام تقسيط لمحدودى الدخل
مرام / دا تبع مشروع الاسكان اللى حضرناه
مازن / لا التانى تبع الحكومه ده تبعنا احنا
مرام/ تمام هى اكيد فكره حلوه اوى
مازن / تعالى بقى قوليلى رايك تمام
مرام / تمام
مازن يدخل المايتنج روم ووراه شريف و مرام فى الاخر
مازن / انا اسف جدا يا شباب بس انا قدامى عشر دقايق بس و لازم امشى فياريت المختصر المفيد جدا اتفضلوا ابدئو
الكل يتعدل فى قعدته و مازن يعدل لمرام الكرسى و يقعدها و بعدين يقعد ناحيه المونيتور شاب واقف و عينه على مرام و مرام لما تشوفه ترتبك مازن يقعد و متابع رده الفعل
مازن / ايه يابنى انا مش لسه قايل ورايا معاد و هما عشر دقايق بس ايه مستنى عزومه متبدا
مرام تبص لمازن و تبص للشاب
الشاب / احم اسف انا سامح شكشك مدير مشروع كومباوند مودرن لايف اللى بتقوم بيه شركه ام اى سى التابعه لمنتصر جروب
مرام تبص لمازن مركز جدا مع سامح
سامح / احنا الحمد لله انجزنا المرحله الاولى و اتسلمت بالكامل و حاليا بنشتغل فالمرحله التانيه و فاتحين باب الحجوزات للمرحله التالته بالنسبه للجدول الزمنى فاحنا الحمد لله سابقين بشهرين كاملين و هعرض لحضرتك فيديو فيه صور حيه للوحدات اثناء التنفيذ و الوحدات و مراحل التنفيذ من اول بدايه المشروع و لحد مخلصت و اتسلمت
سامح يقعد و عينه على مرام و الفيديو يشتغل مازن يعدى ايده على ضهر كرسى مرام و يشدها عليه و يوشوها
مازن / المشروع ده انا خدت فكرته منك لما كنا بنعمل مشروع الاسكان بتاع الحكومه
مرام تهز راسها
مازن / بصراحه مكنتش متخيل انهم هينجزوا فيه بالسرعه دى الناس دى كانت شغاله دبل شفت عشان المشروع ده
مرام / واضح انهم تعبوا اوى فيه فعلا بس انا مسمعتش عن المشروع ده هو ليه متعلنش عنه و لا الشقق دى اتوزعت ازاى يعنى عالناس يعنى مش المفروض كان اتعمل اعلان فى التليفزيون او اى حاجه يعنى اقصد مين اشترى الشقق دى و عرف عن المشروع منين بتقولوا بتحجزوا فى المرحله التالته يعنى فى مرحلتين اتباعوا اتباعوا لمين اذا كانت مسمعتش عن المشروع اصلا فاهمنى
مازن / وجه نظر كويسه جدا هساله فيها شوفتى بقى ليا حق اخدك معايا ازاى
مازن يبص لسامح يلاقيه مركز معاهم
مازن / شغل ممتاز جدا بس الحقيقه فى نقطه مهمه جدا لفتت نظرى ليها استاذه مرام دلوقت و هى ان ايه هى اليه بيع او توزيع الشقق دى و ليه مفيش دعايا كويسه اتعملت للمشروع
سامح / احم هو حضرتك المشروع ده كانت الدعايا بتاعته بتعتمد على الاعلانات الداخليه فى المصالح الحكوميه و الجمعيات الخيريه و كان فى فريق كامل مختص بفرز الحالات و استكشافها و التاكد من استحقاقها للشقق دى عشان نضمن ان الشقق دى تتسلم بالكامل لمحدودى الدخل من الشباب اللى دخلهم ميزدش عن تلت تلاف جنيه و ميملكش شقه و فعلا بنسبه ميه فى الميه من اللى استلموا الشقق دى تنطبق عليهم المواصفات دى حضرتك
مرام تخبط بضافرها عالترابيزه مازن يبصلها
مازن / فى حاجه عاوزه تسالى فيها
مرام / ينفع ؟؟
مازن / اكيد طبعا اتفضلى
مرام / طب لو شاب بيشتغل فى قطاع خاص و ملوش علاقه بالجمعيات الخيريه ليه ميكنش ليه فرصه انه يقدم و ياخد شقه يعنى ليه برضه متعملش دعايا للمشروع يعنى ايه اللى يضمن للناس فعلا ان المشروع ده فعلا اتسلم لمستحقيه
سامح / احم هو الحقيقه المشروع معروض للبيع بزياده عن سعر التكلفه  بنسبه قليله جدا لا تتعدى العشره فى الميه و دا مش صافى ربح دا شامل اجور عمال و موظفين و تراخيص يعنى تقريبا صافى الربح للشركه صفر فالميزانيه المعموله للدعايا قليله جدا تكاد تكون منعدمه اللى هى اعتمدت كليا على الفلايرز اللى اتعلقت فى الجمعيات الخيريه و المصالح الحكوميه خصوصا ان حضرتك اكيد عارفه ان اقل اعلان فى التليفزيون دلوقت بيكلف مبلغ و قدره
مرام / ايوه بس حضرتك عندك وسيله دعايا مهمه جدا دلوقت و مش هتكلفك جنيه هى السوشيال ميديا ليه حضرتك منزلتش الاعلان على صفحات الجروب و انا متاكده ان الناس هتشير و هيوصل لاكبر عدد ممكن من الشباب فخلال يومين
سامح باصصلها و ساكت
مازن / انا منتظر رد حضرتك ساكت ليه
سامح / احم اوعد حضرتك اننا هناخد المقترح ده فى الحسبان بعد كدا و هنشتغل عليه فى المراحل اللى جايه مالمشروع
مرام / هو بعد اذنك المشروع ده كام مرحله
سامح / عشره
مرام / كويس متاخرناش كتير طب معلش اخر سؤال بجد
مازن / عادى يا قلبى قولى
سامح يبص لمازن
مرام / هو ايه نظام الدفع يعنى شاب مرتبه ميزدش عن تلت تلاف جنيه بيدفع قسط ازاى او مقدم او ايه النظام يعنى
سامح / هو الحقيقه احنا عندنا نظم تقسيط مختلفه بمقدم يبدا من 30% و على قسط يوصل لسبع سنين
مرام / يعنى حوالى كام المقدم ده القسط كام تقريبا
سامح / بيبدا من خمسين الف جنيه و القسط شهريا ممكن يبدا من الف و نص و طبعا كل ده بدون اى فوائد
مرام / حلو جدا طب معلش المساحات
سامح / بتبدا من 80 متر
مرام / صافى ؟؟
سامح / صافى حوالى خمسين متر اوضتين و صاله و مطبخ و حمام
مرام / طب الكومباوند ده فى اى كماليات زى اللى بنسمع عنها فى التليفزيون
سامح / حضرتك احنا عندنا لاند سكيب متميز جواه تراك عجل و جنينه اللعاب للاطفال
مرام / طب فى محلات جوه
سامح / اكيد حضرتك بس دى هتتعرض فى مناقصه لوحدها
مرام / و هتسرى عليها نفس الشروط
سامح / باذن الله حضرتك
مرام / المشروع ده حلو جدا مش هتصدق قد ايه انا فرحانه بيه
مازن / و دا اهم حاجه عندى طب ايه فى اى اساله تانيه
مرام / لا كدا حلو جدا
مازن / تمام الحقيقه طبعا انا فخور جدا بالانجاز اللى حققتوه وزى موعدتكوا فى مكافاه عالتعب ده و مستر شريف هيشرف عالموضوع ده بنفسه دلوقت انا لازم استاذن لان زى محضراتكوا شايفين العشر دقايق فتحت مننا اوى عن اذنكوا
مازن يقوم و ماسك ايد مرام و بتتحرك وراه بخطوه يطلعوا بره بنت تقابل مازن
مازن / لا بقى ارجوكى
البنت / والله انا دايخه بالورق ده مالصبح روحت لصفوت بيه قالولى نزل ميتنج مهم و بالصدفه عرفت ان حضرتك هنا و الكونتينرات دى واقفه فى المينا عالامضا عشان تتحول عالمخازن و العمال هناك مالصبح
مازن / طب متشوفى شريف يا بنتى و لا محمود يروحوا معاكى يخلصوا الموضوع
البنت / مستر محمود مجاش لسه
مرام / محمود فى الفيلا مع العمال
مازن / اه صح امال شريف فين
مرام / متمضيلها يا مازن و خلاص حرام فعلا شكلها دايخه مالصبح
البنت تبتسم لمرام
مازن / تمام اتفضلى جوه اما اشوف الورق ده اتفضلى
مرام / اسبقنى هكلم صافى اشوف عملوا ايه
مازن / تمام
مازن و البنت يدخلوا جوه مرام واقفه بره بتتكلم فى التليفون
مرام / اوعوا تكونوا بعتونى
صافى / انتى فين يا بتاعه انتى
مرام / فى الشركه مع مازن كان جاى يمضى ورق و استلموه مش عارف يخلع
صافى / ههههههههههههههههههه ياربى طب مكنتى جيتى مع مونى و انجى دول وصلوا من بدرى
مرام / يعنى كلكوا هناك الا انا يعنى
صوت سامح / ازيك يا مرام
مرام تبص وراها تلاقى سامح
مرام / هكلمك بعدين
صافى / متتاخريش احنا مش هنستناكى اليوم كلو
مرام / حاضر سلام سلام
مرام تقفل
سامح / انتى كنتى بتحاولى تعملى ايه جوه بقى بالظبط
مرام / افهم
سامح / والله بصفتك ايه ان شاء الله
صوت مازن / بصفتها مراتى مثلا
سامح و مرام يبصوا لمازن
مازن / فى حاجه يا استاذ .. سامح صح
سامح / ايوه حضرتك
مازن / خير فى حاجه
سامح / اصل انا و الاستاذه مرام معرفه قديمه فكنت بطمن عليها بس
مازن / بجد اهلا وسهلا امال مشوفتكش فكتب الكتاب ليه يا راجل
سامح /  معلش اصلنا متقابلناش من فتره طويله على العموم فرصه سعيده و سعيد جدا انى قابلت حضرتك يعنى
مازن / انا سعيد جدا بالشغل اللى انتوا عملتوه و قايل لمستر شريف يصرفلكوا مكافاه كويسه انا اصلا عامل المشروع ده عشان خاطر مرام اصلها بتهتم اوى بالشباب محدود الدخل
سامح يبتسم من تحت الدرس 
مرام / كلهم هناك
مازن / اااااه انا اسف جدا يا قلبى حاضر والله يلا .. هستاذنك احنا
سامح / اتفضل حضرتك
مازن يمسك ايد مرام و يمشوا و سامح عينه عليهم
.............................
فى شركه تانيه
جميله قاعده عالمكتب تليفون يرن
جميله / ايوه ... خليه يتفضل طبعا
الباب يتفتح و صفوت يدخل و جميله تقوم عشان تسلم عليه
جميله / اهلا و سهلا يا صفوت بيه انا سعيده جدا ان حضرتك قبلت دعوتى
صفوت / و انا اقدر ارفض
جميله / اتفضل حضرتك .. تشرب ايه
جميله و صفوت يقعدوا
......................................