السكه شمال بقلم / لولو_محمد ( كامله )

الحلقه ٣٤

(((((((((((السكة شمال )
#لولو_محمد
الحلقه الرابعه و الثلاثون
مجدى / احسن اياكش يتربى كام مره قولتلك متعاكسش بنات الحته ها كام مره خلتنى فوسط هدومى
الست / نهارك اسود و منيل يا مجدى اخوك ينضرب بالشكل ده و بدل متجيبله حقه جاى تتكلم معاه
مجدى / ناس مين اللى ضربوه دا واحد بس
اميره تدحك الكل يبصلها
اميره/ عن اذنكوا هبص عالاكل اللى عالنار لحسن يشيط هههههههههه
اميره تكتمها و تدخل
تيفا / وربنا ياما خدنى على خوانه بس قسما بالله مهسيبه
...................................
الست / و انت عملت ايه يا سيد الرجاله لما عرفت ان فى واحد استجرى و رفع ايده على اخوك
مجدى / انتى عارفه المحروس كان بيعاكس مين مرام بنت الحجه سميحه يعنى الحته كلها هتقفله
الست / يخيبك وله
تيفا / هو فى ايه ياما هو كلكوا عليا و لا ايه انا بس كنت بسالها مين اللى راكبه معاه ده و التانى ده فهمها غلط
مجدى / هو مين مازن بيه دا يلا شكله مش غريب
تيفا / دا صاحب الواد اللى اسمه محمود جاله كذا مره هنا و مره جم و كان معاهم مزتين انما ايه
مجدى / لا بس شكله واد واصل اوى شوفت ياض الظابط لما شافه ضربله تعظيم سلام صحيح الجنيه غلب الكرنيه دا راكب حته عربيه يلا اه لو تيجى تحت ايدى
تيفا / اللى على على امال بقى لو شوفت العربيه اللى نازله منها مرام ... عشان تعزرنى انا اصلا الفار دخل فى عبى قولت اللهم اغزيك يا شطان ان بعض الظن اثم
الست / عربيه ايه دى يا وله اللى نزلت منها تعال احكيلى
تيفا / عربيه من بتوع السيما يا اما اللى تسد الحاره دى ولا المكروباص فحجمها اقلق و لا مقلقش
مجدى / يا عم خليك فحالك ادى الحاره كلها قلبت علينا
تيفا / انا مش فارسنى الا الجدع اللى اسمه خيرى ده صوته على بيتحامى فالناس ابن ال ...
مجدى / انا نازل الورشه تترزع هنا و حسك عينك تجيلى ببلوه جديده
الست / يا سلام ده اللى ربنا قدرك عليه دا بدل متجيبله حقه ماللى ضربه
مجدى / اولع فروحى ياما عشان ترتاحى ابنك الغلطان ابنك الغلطان مهو كل يوم صايع فى الحوارى التانيه حد اتكلم
تيفا / دلوقت بقيت الغلطان لما الحكومه كبست جبت ورا
مجدى / متلم نفسك يابن الكلب مين ده اللى جاب ورا ...اقولك انا نازل
مجدى يرزع الباب وراه
الست / و انت يابن الكلب متلاقيش غير بت الحجه سميحه اللى تعاكسها
تيفا / ياما احلفلك بايه عشان تصدقينى معكستهاش انا مسكت ايدها بس ...كنت بسالها مين اللى نازله من عربيته ده
الست / و انت مال امك يا موكوس يابن الموكوسه
تيفا / غرت ياما الله
الست / غرت على مين يابن الورمه دا الحاره بتناديلها يا دكتوره
تيفا / دكتوره ايه ياما دى تجاره
الست / تجاره اه يا روح امك بس بكره تتعين و تبقى دكتوره فى الكليه
تيفا / يا سلام و ايه يعنى
الست / يعنى انت دبلون يا قلب امك متنفعلكش
تيفا / جرا ايه ياما والله حرام عليكى هو ايه انا بشر برده من لحم و دم حرام عليكى ياما والله حرام هو يعنى لو كان ابويا عايش و انا كملت تعليمى عدل مش كان زمانى بيه عليه القيمه دلوقت والله حرام عليكى ياما
الست / طب بس بس بقى يا وله انت هتعيط زى الحريم و لا ايه
تيفا / لا ياما مكنش العشم
الست / و انا قولت ايه يا ولا و بعدين مالك يعنى مانت ميكانيكى قد الدنيا و بيتعملك حساب فالحاره ان كنت انت و لا اخوك و على راى اخوك الجنيه غلب الكرنيه
تيفا / بجد ياما
الست / هو ايه اللى بجد يا وله
تيفا / هتخطبيهالى
الست / اخطبلك مين يا وله
تيفا / مرام ياما الله امال احنا بنتكلم عن مين
الست / هى جت على مرام و حبكت يعنى
تيفا / جرا ايه يا اما بقالك سنه عماله تزنى على ودانى اتجوز اتجوز و تجبيلى فبنات اشكال و اللوان و تقوليلى نقى اللى تعجبك طب شاور و يوم منقى تقوليلى حبكت اه حبكت ياما خلاص
الست / مش هترضى يا بنى
تيفا / و هى تطول بنت السباك دى طب دانا بجيب فاليوم اكتر من شهر بشغله الطبيخ بتاعتهم بصى ياما مالاخر كدا روحى كلميهم
الست / طب سبنى اشور اخوك الاول و نرتب نفسنا عشان نروح ماللين ايدينا
تيفا / ماشى اما نشوف انا نازل الورشه
الست / خليك النهرده خش ناملك شويه و ابقى انزل بالليل
تيفا / هو فى ايه هو انا هتحبس فالبيت و لا ايه
الست / يابنى اقصر الشر الله
تيفا / انا نازل ياما سلام
تيفا ينزل و يرزع الباب وراه البنت تطلع مالمطبخ
البنت / الاكل جاهز هتاكلى
الست / لا مليش نفس
البنت / طب انا هدخل افرد ضهرى حبه هتعوزى حاجه
الست / كتر خيرك خشى
...........................
فى شقه مرام
سميحه تدخل الاوضه تلاقى مرام نايمه و مستغطيه و بتعيط تحضنها مرام تمسح دموعها
سميحه / حقك عليا
مرام / على ايه يا تيته
سميحه / انا مش عارفه اقولك ايه بس احنا مش هنغير الكون و لا نمشى الناس على مزاجنا
مرام تقوم تقعد و تبصلها
مرام / لكن احنا عادى نمشى على مزاج الناس مش كدا
سميحه / محدش قال كدا و بعدين مانتى بتعملى اللى فدماغك فالاخر الفكره بس ان الواحد لازم ياخد باله من كلام الناس
مرام / مش انتى اللى قولتى ان الناس كدا كدا مش بتبطل كلام و المهم نركز فى مستقبلنا و طريقنا
سميحه / اه قولت بس دى حاجه و دى حاجه تانيه يا مرام
مرام / يعنى هو شعبطتى فى المواصلات و بهدلتى و ده يلزق و ده يزق هى اللى كانت هتعجبكوا
سميحه / يا بنتى انا مقولتش كدا و بكره ربنا يفرجها و تتعينى و تجبيلك عربيه و تسوقيها و لا مواصلات و لا بهدله انتى بس اصبرى
مرام / مش فاهمه يعنى
سميحه تتنهد
سميحه / الناس مبتعملش الخير لوجه الله و فاكرين ان الناس كلهم كدا يعنى هما ميعرفوش ان الاستاذ احمد ده مديرك فى الشغل هما شافوكى راكبه مع راجل غريب عربيه و موصلك لحد البيت
مرام / مكل واحد يخليه فحاله
سميحه / مينفعش مبيعرفوش
مرام / الله و انا ذنبى ايه
سميحه / مش ذنبك يا بنتى و لا ذنبى و لا ذنب اى حد هما الناس كدا
مرام / انا زهقت
سميحه / خلاص موقف و عدى ها مش هتحكيلى عملتى ايه مع اللى اسمه احمد ده
مرام تفتح شنطتها و تدى لسميحه العقد
مرام / دا عقد شغل اسبوعين اجازه نص السنه ب 1000 جنيه
سميحه / 1000 جنيه فاسبوعين ؟؟ ليه هتشتغلى ايه
مرام / هتمرن فى السيكرتاريا
سميحه تقلب فى العقد
سميحه / دا اجازه نص السنه كمان الشهر ب2000 لحد التخرج و بعد كدا 4000 جنيه
مرام / اه قريته بس فى شرط جزائى تلاتين الف لو سبت الشغل قبل العقد مينتهى الا لو بلغتهم قبلها بشهرين يجيبوا بديل
سميحه / فين ده
مرام تبص فى الورق و تشاورلها
سميحه / اه شوفته
مرام / انا مرضتش امضي الا لما اسالك
سميحه / مش مكتوب هنا مواعيد الشغل و لا اى حاجه
مرام / عارفه الشغل ملوش مواعيد
سميحه / طب هو مينفعش اكلمه استفسر منه
مرام / معرفش يا تيته
سميحه / طب هو المفروض هتبتدى من اجازه نص السنه صح
مرام / اه
سميحه / طب و محمود
مرام / معرفش هو قالى ان الملفات متفرزتش اصلا بس اكيد على اجازه نص السنه هتكون اتفرزت و هيتاخد يعنى هما هيلاقوا احسن منه
سميحه / لا بصى صلى استخاره و شوفى هتعملى ايه بس دلوقت قومى عشان تتغدى
مرام / مش جعانه
سميحه / دانا عملالك شويه ملوخيه تاكلى صوابعك وراهم ها اغرفلك
مرام تبتسم و تهز راسها اه
سميحه / ماشى قومى كدا اغسلى وشك على مغرف
مرام تقوم تليفونها يرن تبص فيه
مرام / دا مازن ... عاوز ايه ده
سميحه / هاتى انا هكلمه
مرام تبصلها سميحه تمدلها ايدها مرام تديها الموبايل و ترد
سميحه / ايوه يا مازن يابنى ازيك
مازن / تيته ؟؟ ازيك انا الحمد لله
سميحه / انا كويسه الحمد لله خير يا بنى
مازن / كنت متصل عشان اطمن يعنى و كمان عشان متفقناش انا و مرام هنقعد امتى بكره
سميحه / بص يا مازن يابنى انا عارفه ان مرام وعدتك بس اديك شوفت الظروف اتغيرت و احنا بنقول يعنى
مازن / مفيش مشكله يا تيته
سميحه / اسمع انت زاكر زى مانت و اللى يقف قدامك كلمها فى التليفون و هى تشرحهالك
مازن / مفيش مشكله بجد يا تيته عادى
سميحه / انا اسفه يا مازن بس احنا مش هنزلها مالبيت الفتره دى
مازن / ليه يعنى
سميحه / اهو نعمل ايه بقى
مازن / بصى يا تيته انا بعتلك رقم معتز الصيفى الظابط بتاع القسم اللى جنبكوا انا كلمته اى حاجه تحصل كلميه علاطول ماشى
سميحه / كتر خيرك يا مازن
مازن / ماشى يا تيته مبسوط انى سمعت صوتك
سميحه / تسلم يا حبيبى مع السلامه
مازن / سلام
سميحه تقفل السكه و تحط الموبايل و تبص لمرام
سميحه / ايه واقفه ليه متروحى تغسلى وشك
مرام تبصلها ثوانى و تمشى
....................................
فى الورشه
مجدى / يا معلم والله شديتله ودانه و سايبه فالبيت لامى بتتكلم معاه
اسعد / يا مجدى المرادى عدت على خير و لمناها منا فبعضينا بس اهل الحته قالوا لو عمل اى حركه تانيه مع اى حد هنعمل بلاغ فى القسم
مجدى / حقكوا يا معلم اسعد بس انا متاكد انه مش هيعمل حاجه تانى
تيفا يدخل
تيفا / ميا مسا يا سيد المعلمين
اسعد / بالاذن يا مجدى
مجدى / نورت يا معلم
اسعد يقوم و يمشى
تيفا / دا ماله ده
مجدى / عادى كبر مخك المهم لم نفسك اليومين دول لحد مالهوجه دى تتفض و كل واحد ينشغل فحاله و بعد كدا نفوقلهم
تيفا / نسيو نفسهم باين ولاد ال ..
مجدى / توفيق لم نفسك اليومين دول مش هكررها لحد عالاقل منعرف مين الواد ده و نشوفلنا صرفه معاه
تيفا / هصبر بس يكون فعلمك حقى مش هسيبه
مجدى / قول يارب
...................................
فى شقه مازن
شريف / مالك زعلان كدا ليه
مازن / مش زعلان قرفان
شريف / هى الفتره دى دايما كانت بتبقى مقرفه بس انا لو منك استغلها انت كدا كدا مش محتاجها يعنى
مازن / انت غبى ياله انا مش فارق معايا الكليه و لا الامتحانات من اصله انا مدايق بس عشان ... مش عارف هو انا اتصرفت غلط يعنى كان المفروض اسيبه طب انا اللى عملتلها المشكله
شريف / لا انت مالك كتر خيرك اصلا و المفروض يبقوا شيلينهالك اصلا
مازن / الله امال انا مدايق ليه ايه القرف ده ايه الناس دى
شريف / عادى يا مازن مصر و كدا مقدروش عالحمار اتشطروا عالبردعه
مازن / عاوزك فى موضوع كدا لو خلصتهولى هحبك اوى
شريف / نهارى ابيض مدام فيها الجمله دى تبقى بلوه جديده اتفضل يا باشا قول خير
مازن يدحك
.....................................
فى شقه مرام بالليل
مرام قاعده بتزاكر جرس الباب يضرب تقوم تلبس الطرحه و تفتح تلاقى محمود
محمود / بتعملى ايه
مرام / بزاكر خير
محمود / ايه القافله دى مالك
مرام / مليش تعال ادخل
محمود / تيته فين
مرام / فى المطبخ .... تيته محمود هنا
محمود / عملتى ايه عند الدهبى
مرام / عرض عليا شغل بس لسه موافقتش
محمود / شغل ايه ده
مرام / فى السكرتاريا هتمرن
سميحه تطلع
سميحه / ازيك يا محمود ... اديلو العقد يا مرام يبص عليه
مرام تدخل الاوضه تجيبه
سميحه / عاملها مرتب 500 جنيه فى الاسبوع و لما تتخرج هيبقى الضعف
مرام تطلع بالعقد
محمود / هو مش كان عمال يقول بره بيدفعوا فلوس عالتدريب هنا هيمرنا ببلاش امال ايه الفلوس دى
مرام / معرفش يمكن مواصلاتى المكان بعيد فعلا عن هنا
محمود / اه مش عارف و هتعملى ايه
مرام / معرفش
صوت نوتفيكاشن فموبايل مرام محدش يهتم
محمود / متيجى تزاكرى معايا
مرام / لا هزاكر لوحدى النهرده و بكره نقعد سوا لو تحب
محمود / ماشى يلا هتعوزوا حاجه
سميحه / متخليك شويه
محمود / بكره بقى سلام
مرام / سلام
محمود يمشى و مرام تكمل مزاكره
.....................................
فى شقه مازن
مازن / هما واخدين التليفون و لا ايه
تليفون مازن يرن رقم غريب
مازن / الو .. مين معايا
صوت بنت / ازيك يا مازن عامل ايه
مازن / مين معايا
البنت / ليك حق تنسى صوتى بقالنا كتير اوى متكلمناش انا ماهينور يا مازن
مازن / اه اهلا ازيك
ماهى / انا تمام الحمد لله و انت عامل ايه
مازن / بزاكر
ماهى / ههههههههههههه بتعمل ايه
مازن / بزاكر عندى امتحانات الاسبوع الجاى
ماهى / اه طيب ربنا يوفقك
مازن / خير يا ماهى كنتى عاوزه حاجه
ماهى / لا بطمن عليك بس اصلى قابلت مونيكا فى المول يعنى يو نو
مازن / اه طب كويس انا كويس الحمد لله
ماهى / انا هنزل مصر الاسبوع الجاى ايه رايك نتقابل
مازن / مقولتلك عندى امتحانات
ماهى / على العموم لما اوصل هكلمك يمكن ساعتها ظروفك تتغير
مازن / ماشى
ماهى / اوك يلا باى
مازن / باى
مازن يقفل و يحط الموبايل جنبه و ثوانى و يمسكه تانى و يفتح الفيس
مازن / مغلق للامتحانات ايه القرف ده
مازن يحدف الموبايل جنبه و يمسك الورق و يزاكر
...........................
فى شقه مرام
مرام تدخل السرير جنب سميحه
سميحه / تصبحى على خير يا حوبى
مرام / و انتى من اهله يا تيته
مرام تمسك الموبايل
سميحه / الله انتى مش هتنامى
مرام / خمس دقايق بس
سميحه / براحتك
سميحه تنام مرام تقلب فى الرسايل تلاقى رساله مازن تبص على سميحه و تقوم
سميحه / رايحه فين
مرام / ثوانى ثوانى
مرام تجيب ورقه و قلم و تكتب حاجات و بعدين تصورها بالموبايل و بعدين تقفل الحاجه و تيجى تدخل الاوضه تجيلها رساله تفتحها و تبتسم و بعدين تقفل الموبايل و تدخل تنام
............................
فى جنينه فيلا فخمه
راجل ياخد مجدى و يوصله لراجل قاعد عند حمام السباحه
مجدى / صباح الفل يا باشا
الراجل / صباح الخير يا مجدى اقعد خير
مجدى / يا باشا الظابط معتز ده حاطتنا فى دماغه و دا ميصحش احنا رجالتك برده
الراجل / ليه عمل ايه
مجدى / كل يومين ينطلنا فى الحته و يعمل قلق و الواحد مبقاش له كلمه فى المكان دا الهفاء صوتهم على يا باشا
الراجل / انا هشوف الموضوع ده
مجدى / كتر خيرك يا باشا منتحرمش منك
الراجل / بقولك يا مجدى كانت فى صديق عزيز عليا اوى معايا فى الحزب عاوزنى اشوفله حد يخلصله موضوع كدا
مجدى / موضوع ايه دا يا باشا
الراجل / بت شمال يا سيدى ماسكه عليه صور و فيديوهات و كل يومين تسحب منه قرشين و انت عارف الصحافه اليومين دول شاده حيلها علينا و مهتصدق تلاقى لحد غلطه
مجدى / انت بس قولى المطلوب و انا هنفذ يا باشا
الراجل / عاطف هيديك عنوانها عاوز حد من رجالتك يقطرها لحد متنزل و تبعت حد يكون عارف بيعمل ايه يقلبلى البيت عليه واطيه لحد ميجيب الصور و الفيديوهات تجبهوملى و تيجى
مجدى / دا حوار ساهل يا باشا
الراجل / اسمع يا مجدى البت دى مش سهله و احنا منضمنش تكون شيلاهم فى البيت اصلا اللى يدخل و يخرج كانه لا دخل و لا خرج
مجدى / عيب يا باشا و لا خربوش حتى
الراجل / انا هقوم عشان ورايا شغل شوف هو محتاج ايه يا عاطف و سهلهوله عالاخر
الراجل يمشى و الراجل التانى يقف يبتسم لمجدى
..........................
فى شقه مازن الصبح
مازن نايم زياد يدخل الاوضه و يقلب فى الورق اللى جنبه مازن يقلق
مازن / انت مش هتبطل تتسحب زى الحرميه كدا
زياد / انت بتزاكر بجد
مازن / بحاول
زياد / وحشتنى قولت اجى اسال عليك مدام انت مش عاوز تعبرنى
مازن / والله مشغول
زياد / باين باين ايه الاخبار
مازن / الحمد لله انت عامل ايه
زياد / ماما اتصلت بيا هارمونى لسه زعلانه و انا مش عارف اصالحها ازاى بعتلها هديه بس مبصتلهاش حتى
مازن / انت ليه بتتعامل معاها على انها مستنيه منك حاجه
زياد / طب لو مكانى هتعمل ايه
مازن / لو مكانك مكنتش هرفع ايدى عليها مهما كان السبب
زياد / الله دا بدل متحلهالى ايه ده
مازن / بص لما الامتحانات تخلص سافرلها
زياد / لا ابوك هناك و هيقرفنى
..............................