السكه شمال بقلم / لولو_محمد ( كامله )

الحلقه ٨٨

(((((((السكة شمال)))))))))
#لولو_محمد
الحلقه الثامنه و الثمانون
ميار / حبيبتى اهدى مفيش حاجه تستاهل
لبنى / مش قادره انتوا ليه مش حاسين بيا بموت والله يا ماما بموت
ميار / بعد الشر يا قلبى ان شالله هما
لبنى / هى دى هى دى اللى فضلها عليا هى دى اللى ملت عينه بعد كل السنين دى بعد كل ده هى دى
ميار / فوقى لنفسك مازن مش هينفعك
لبنى / انا بحبه بحب مازن مازن و بس انتى اللى اجبرتينى على زياد انتى اللى اجبرتينى
...............................
ميار / مازن رماكى فاكره مبصلكيش وصلك قدام الباب و مستناش حتى تدخلى و مشى سال عنك بعدها عبرك
لبنى / اسكتى بقى اسكتى
ميار / لا مش هسكت مازن ميستاهلكيش عمل ايه عشانك و لا حاجه بيهينك فكل فرصه تجيله حتى يوم متجوز جاب البنت اللى هانتك مازن مش حبيبك مازن هو عدوك الاول
لبنى / مازن هو حبيبى
ميار / زياد يا لبنى زياد يتمنالك الرضا ترضى
لبنى / بكرهه بحتقره مش قادره ابصله لما ببقى معاه ببقى عاوزه ارجع من كتر القرف اللى بحس بيه
ميار / عشان فاكره ان مازن احسن منه كلهم زى بعض يا حبيبتى اسالينى انا والله كلهم زى بعض
لبنى / لا مازن مش زي حد مازن ملوش زى
ميار / فوقى لمصلحتك فوقى بصيلها اتعلمى منها شوفتى جابته ازاى جابته بنفس الطريقه اللى جبتيها مع زياد
لبنى تبصلها
ميار / هما الرجاله كدا بيحبوا اللى رمياهم بيجروا ورا اللى بيعاهم لكن اللى بتحبهم و تتمنالهم الرضا يرضوا مبتملاش عينهم اسالينى انا عن الرجاله كلهم عينه واحده
لبنى / لا
ميار/ هيفضل يجرى وراها لحد متحبه و يمتلكها و التحدى و الصعوبه اللى فيها يروحوا و تبقى ممله زيها زى اى واحده تانيه هيزهق صدقينى اللى زى مازن لازم هيجى يوم و يزهق بيصطادوا للمتعه مش للاكل
لبنى تمسح دموعها
ميار / و لحد ميزهق منها خليكى جنب زياد خدى منه كل اللى تقدرى عليه عبى جيوبك على اخرها هى دى الحاجه الوحيده اللى هتنفعك الفلوس مفيش حاجه تانيه بتنفع الست قد الفلوس الفلوس و بس هى اللى هتخلى الكل تحت رجليكى منغير الفلوس هيدوسوكى بالجزم فوقى يا حبيبتى لنفسك دا حياله حته راجل
لبنى / والله لاحرق قلبه زى محرق قلبى والله لاندمه لاخليه يبكى بدل الدموع دم هحسره على عمره و شبابه هاخد منه اغلى ما عنده و بكره يشوف
...............................
فى شقه مرام بعد الفرح
مازن قاعد هو و صفوت و مرام و سميحه و محمود و مديحه بيدحكوا
صفوت / تصدقوا و تؤمنوا بايه
سميحه / لا اله الا الله
صفوت / لو حلفولى عالميه تجمد ان مازن هيجى عليا اليوم اللى احضر فرحه مكنت صدقت
مازن / و لا انا والله
الكل يدحك ماعدا محمود
مازن / بس نعمل ايه بقى
محمود / ساعه القدر
مديحه تدحك و مازن يبصله
مرام / انا وحشه اوى كدا يا محمود
محمود / شهادتى فيكى مجروحه
مازن / طبعا مانت اخوها مين يشهد للعروسه مش كدا و لا ايه
مرام / قصدك ايه بقى
صفوت / قصده اننا نقوم نروح بقى عشان انا كبرت عالسهر ده
مازن / ههههههههههههههه لا والله
صفوت / مرام انا عاوزك فى الشركه بكره تجيبلى الواد ده من قفاه و تيجوا عشان تمسكوا معايا الشغل و كل يوم ميبقاش فى كليه تصحى الصبح و تجيبيه و تيجوا
مرام / حاضر يا خالو
صفوت / انا زهقت من كلمه خالو دى من النهرده تقوليلى يا بابا
مازن / الطمع وحش يا خالو بابا دى بتاعتى انا
صفوت / ياض خلى عندك دم خت المزه سبلى اللقب
مازن / مبسبش
صفوت / كدا طب قوم ياخويا انجر قدامى وصلنى خلينى اروح
صفوت يقوم يقف و يشد مازن يوقفه و هو بيدحك
سميحه / مانت منورنا يا صفوت بيه الليل لسه فاوله
صفوت / هانت كلها كام شهر و الاجازه تيجى و نعمل الفرح و تيجوا تعيشوا معانا فى الفيلا و نزهق من بعض
مرام تبص لمازن يبتسملها
صفوت / يلا نستاذن احنا
صفوت و مازن يمشوا و مرام تروح توصلهم مازن يوشوشها
مازن / متناميش هكلمك
مرام تهز راسها يبتسم و يمشى مع خاله تبص وراها تلاقى محمود و مديحه معديين
مديحه / تصبحى على خير يا عروسه
مرام / و انتى من اهله يا عمتى .... عقبالك يا محمود
محمود يبتسم و يدخلوا شقتهم و تدخل هى شقتها و تقفل الباب
سميحه / انا هموت مالتعب
مرام / و انا كمان والله
سميحه / فرحتلك اوى يا مرام
مرام تبتسم
سميحه / شاحنه الموبايل و لا ايه النظام
مرام / انا داخله اغير هدومى تصبحى على خير
مرام تبوس سميحه و تدخل جوه
سميحه / ههههههههههه و ماله يا ست مرام بكره يا ملوخيه تيجى تحت المخرطه
مرام من جوه
مرام / سمعتك
..................................
فى الفيلا عند زياد
زياد يدخل يبص يمين و شمال و يطلع اوضته يفتحها ميلاقيش لبنى ينفخ و يروح يقعد عالسرير و يقلع الجاكت بتاع بدلته و يتصل بالتليفون متردش يتصل تانى متردش يحدف التليفون عالسرير
زياد / للدرجادى ... ماشى
زياد يقوم يدخل الحمام
.........................
فى الفيلا عند صفوت
مازن يطلع مالحمام بالبرنص و بينشف شعره بالفوطه يقعد عالسرير و يحط الفوطه جنبه و يمسك الموبايل و يتصل بمرام متردش
مازن / لا نمتى و لا ايه
يتصل تانى ترد
مرام / على فكره كنت خلاص هروح فى النوم و انام
مازن / اهون عليكى تسبينى اسهر لوحدى
مرام / يا سلام مانت اتاخرت اوى 
مازن /  سيبك انتى النهرده كنتى حلوه اوى
مرام/ كل بعقلى حلاوه كل
مازن / وحشتينى
مرام / متشوفش وحش
مازن / مش كنتى روحتى معايا حتى الجو النهرده حر و الاوضه هنا فيها تكييف
مرام / لسه بدرى اوى عالكلام ده
مازن / الا صحيح انتى بتتعاملى مع الحر ازاى لابسه ايه يعنى
مرام / ملكش دعوه بلبس ايه و بعدين عادى يعنى بشغل المروحه
مازن / اصل انا مبستحملوش اصلى مالنوع اللى بيصهد دفايه فى الشتا فرن فى الصيف
مرام / يا حلاوه طب فكرنى بقى نتجوز فى الشتا
مازن / فى تكييف متتحججيش
مرام / ههههههههههه ماشى
مازن/ متيجى نفتح الكاميرا و نتكلم فيديو عاوز اشوفك
مرام / لا كدا احسن
مازن / ليه يعنى
مرام / عادى يعنى
مازن / شكلك لابسه حاجه هتعجبنى
مرام / شكلك هتاخد الحوار فى سكه مش هتعجبنى و هتزعل
مازن / بتستحمى بمايه ساقعه و لا دافيه
مرام / متبطل قله ادب بقى ايه السؤال ده
مازن / فى ايه دا من باب العلم بالشئ يعنى
مرام / هو انا سالتك انت بتستحمى بايه
مازن / انا بستحمى بمايه ساقعه فى الصيف و دافيه فالشتا و انتى
مرام / بستحمى بمايه سخنه بتغلى صيف و شتا ان مكنش البخار يعبى الحمام متشوفش منه ايديك مقلعش اصلا
صمت
مازن / انتى بتكدبى بتقولى كدا و خلاص
مرام / لا والله حتى ابقى اسال تيته
مازن / بس دا غلط ممكن تتخنقى
مرام / لا مانا بسيب حته فالشباك مفتوحه
مازن / بتستحمى و الشباك مفتوح
مرام / الازاز بس لكن الشيش بيبقى مقفول والله
مازن / طيب مش هتقوليلى بحبك بقى
مرام / مش لما تصالحنى الاول
مازن / كم انتى قاسيه يا امراءه
مرام / ههههههههههههههههه تستاهل عشان تبقى تعمل كدا تانى
مازن / مقولنا هعمل تانى و تالت و عاشر و خشروميه
مرام / ايه خشروميه ده
مازن / دا بعد الانفينتى بشارعين
مرام / دا اللى هو ورا الشمس صح
مازن / ايوه هو ده ههههههههههههههه
مرام / اه عرفته عرفته بروح هناك انا كتير
مازن / و ايه اللى بيوديكى هناك لوحدك دى حته وحشه و ممكن حد يتعرضلك
مرام / خايف عليا و لا ايه
مازن / و انا عندى مين اغلى منك اخاف عليه
صمت
مرام / عارف اليوم ده ناقصه مونىكا
مازن / عارف كلمتنى الصبح و كانت زعلانه انى مقولتلهاش من بدرى و حكيتلها اللى حصل كلو قالتلى تروح تكتب عليها حالا قبل متغير رايها تانى
مرام / هههههههههههههههههههههه
مازن / بتقولى واضح ان مرام مبتمشيش غير بالتدبيس و بصراحه معاها حق حتى انتى قولتى كدا
مرام / بس انت وعدتنى
مازن / مونيكا بتقول انك هتربينى بس انا لازم احذرك ان الموضوع مش هيكون سهل مش هيكون سهل ابدا
مرام / لا متقولش كدا انت ولد كويس و هتسمع الكلام صح يا مازن
مازن / قوليلى بحبك و انا اسمع الكلام
مرام / الله بقى بطل زن هقولها فوقتها
مازن / و ادينى مستنى
مرام / شاطر
مازن / طب بالنسبه للدبله بتاعتى اللى عندك مش هتديهانى و لا ايه
مرام / هديهالك لو جبت تقدير الترم ده
مازن / وثقتى فيا و لا لسه يا مرام
مرام / انا مراتك يا مازن
مازن / و مدام انتى عارفه انك مراتى منشفاها عليا ليه يا قادره و كل شويه تقولى بطل قله ادب بطل قله ادب على فكره بقى انا اصلا عيل قليل الادب انا اساسا مشوفتش خمس ثوانى تربيه
مرام / هههههههههههههههههههه
مازن / قلبى يا ناس
مرام / بتعرف تعوم
مازن / اه ليه
مرام / انا مبعرفش و بخاف مالميه عمرى منزلت لا بحر و لا حتى حمام سباحه
مازن / بتهزرى خلاص احنا فيها اعلمك العوم
مرام / طب هتعلمنى ازاى هتاخدنى واحده واحده و لا هتحدفنى فى وسط الميه علاطول تغرقنى
مازن / فهمت عاوزه تقولى ايه
مرام / و ناوى تعمل ايه
مازن / ناوى اغرقك واحده واحده ههههههههههههههههه
مرام / جزمه
مازن / فى مزه حلوه اوى زيك كدا تقول لجوزها حبيبها ابو عيالها مستقبلا يعنى ان شاء الله جزمه
مرام / انت زعلت و لا ايه طب والله دى مبتتقالش الا للغاليين بس
مازن / لا يا شيخه ههههههههههههه امال لما تحبى تشتمى حد بتقوليله ايه
مرام / مبقولش اصل الواحد مبيشتمش الا اللى بينا و بينهم عشم يعنى لكن لو حد وحش و كدا مبشتموش بتجاهله
مازن / استاذ
مرام / بس لو بتدايق
مازن / لا مبدايقش خدى راحتك اى حاجه منك حلوه
مرام / طب بما اننا متجوزين بقى
مازن / ايوه
مرام / عاوزك تاخدنى يوم كدا تخطفنى فيه
مازن / قلبى يا ناس
مرام / و تخلينى اعيش يوم من حياتك يعنى بتحب تروح فين هواياتك اجى معاك اتفرج عليه و انت بتصور كدا عاوزه اعرفك اكتر اقرب منك اكتر عاوزه اعرف بتحب ايه بتكره ايه فاهمنى
مازن / بس كدا من عنيا
مرام / تسلملى عنيك
مازن / يلهوى يا جدعان دا الجواز طلع بيلين الحجر
مرام / هههههههههههههههه ايه الاوفر ده
مازن / مرام انا عاوزك تيجى معايا شقتى اوريكى حاجه
صمت
مازن / ورحمه امى هبقى مؤدب والله مهعمل حاجه هوريكى حاجه و ننزل علاطول
مرام / طب الحاجه دى مينفعش تنزل
مازن / لا مينفعش للاسف دى حيطه عندى فى الاوضه هوريهالك و انزلى علاطول
مرام / طب متصورهالى فى الموبايل
مازن / لا مش حاسسها خلاص سيبها لوقتها
مرام / ادايقت
مازن / لا عادى
مرام / انا اسفه
مازن / على ايه والله عادى هيجى وقتها و هتطلعى و تشوفيها النهرده بكره بعده هتروحى منى فين يعنى مانتى تعملى حسابك انى لزقه و مش هسيبك
مرام / و مين قالك انى عوزاك تسبنى
مازن / قلبى الصغير لا يحتمل
مرام / سلامه قلبك
مازن / بحبك يا جزمه
مرام / هههههههههههههههههههه
مازن / لا جزمه فعلا ماشى ماشى واحده واحده اللى نطقك كل ده بكره ينطقك باكتر من بحبك كمان
مرام / انت عارف انك اول راجل يقولى بحبك
مازن / بتهزرى
مرام / لا مبهزرش انت عارف ان بابا و خالو و جدو ماتوا و انا صغيره اوى فانا موعاش عليهم و كنت فمدرسه بنات لحد الجامعه و فى الدروس بقى مكنش فى اى مخلوق يجرؤ يكلمنى اصلا
مازن / كنتى بتعضى و لا ايه
مرام / بطل قله ادب
مازن / لا اله الا انت سبحانك انى كنت من الظالمين
مرام / انت عارف ان محمود كان معايا فكل الدروس و كمان انا مكنتش اصلا بكلم ولاد خالص و اى حد كان بيحاول يقرب منى كنت بمسح بكرامته الارض
مازن / سمعتك سبقاكى
مرام / حتى لما دخلت الكليه مكنتش بتعامل مع حد اوى كل علاقاتى سطحيه و اى حد كان بيحاول ياخد عليا شويه او يعنى انت فاهم كنت بقطع علاقتى بيه علاطول حتى لو منغير سبب
مازن / طب و الاكس خطيبك اللى فات اقصد
مرام / لا مقالهاش مقولتلك ملحقناش
مازن / واضح ان ماما دعتلى قبل متموت دعوه حلوه بيقولوا اول حب فى حياه اى بنت مبيتنسيش
مرام / اسمع كدا برضه
مازن / و انا الحب ده
مرام / تقدر تقول كدا
صمت
مازن / سكتى ليه
مرام / مانت كمان سكت
مازن / انتى عارفه انتى قولتى ايه دلوقت
مرام / مقولتش حاجه على فكره
مازن / لا قولتى
مرام / مقولتش انت هتقولنى بالعافيه مقولتش
مازن / قولتى انى اول حب فحياتك
مرام / مش فاكره انى قولت حاجه زى كدا  
مازن / ههههههههههههههههههه كم انتى
مرام / قاسيه يا امراءه حفظتها حفظتهاااااااااااااااااا
مازن / هههههههههههههههههههههههه
اذان الفجر
مرام/ هتفضل كل يوم تسهرنى للفجر كدا
مازن / مانتى لو جنبى كان زمانا نايمين فحضن بعض دلوقت
مرام / بطل قله ادب
مازن / اقفلى يا جزمه و روحى اتوضى و صلى بدل ما .. اقفلى يا مرام اقفلى
مرام / هههههههههههه طيب طيب متزوقش سلام
مازن / سلام
مرام / سلام
مازن / متقفلى يا بت
مرام / اقفل يعنى
مازن / طب نروح نتوضى و نصلى و نرجع نكمل
مرام / لا خلاص ننام شويه عشان نصحى نشوف خالو كان عاوز ايه ماحنا مش عاوزين نزعله كفايا انت زعلته و انت بتقولى مقولوش يا بابا
مازن / بابا دى بتاعتى
مرام / بس هو اكيد نفسه يسمعها يعنى و بصراحه انا كمان عمرى مقولتها لحد
مازن / طب مانا قدامك اهو يا قلبى قوليهالى
مرام / مش عارفه
مازن / ههههههههههههههههههههههههههه بصى خلينا نقول ننطقك بحبك و بعدين بابا هتيجى لوحدها علاطول ماشى
مرام / ههههههههههههههه ماشى يلا روح بقى هيقيموا
مازن / سلام
مرام / سلام
مازن / ايه فيلم الوساده الخاليه ده متقفلى
مرام / ههههههههههههههههههههههه خلاص هقفل يلا سلام
مرام تقفل مازن يبص فى موبايله باستغراب
مازن / ايه البت الجزمه دى دى قفلت
....................................
تانى يوم الصبح فى شقه مرام
خبط على صوت طبله عالباب سميحه تصحى تقوم تفتح
مازن / صباح الخير على ست الكل
سميحه / صباح النور على احلى عريس فى الدنيا تعال ادخل
مازن / مش شامم ريحه فطار يعنى
سميحه / هههههههههههههههه بس كدا ثوانى و احضرلك احلى فطار
مازن / استنى يا تيته امال مرام فين اوعى تكون لسه نايمه
سميحه / اه لسه نايمه
مازن / ليه يا تيته قولتيلى كنتى خبى او اكدبى عليا
سميحه / هههههههههههههههههه يا عينى يابنى ليه ايه اللى حصل
مازن / هو انا لو خطفت نظره سريعه كدا هيحصل حاجه
سميحه / دا هيحصل و هيحصل و هيحصل
مازن / انا قولت كدا وربنا
سميحه / اصل الاوضه دى تؤثر عالصحه و بعد الشر بعد الشر يعنى لا قدر الله قد تؤدى لعاهه مستديمه او الوفاه
مازن / هى غشيمه فعلا و ايدها تقيله على العموم انا هقعد هنا بادبى يعنى لحد متخشى تصحيها لو مش هتعبك يعنى
سميحه / ههههههههههههههههههههههههههه
سميحه تدخل اوضه مرام و مازن يقعد بس مش على بعضه و كل شويه يبص عالباب جنبه و يرجع يتعدل تانى سميحه تطلع من جوه
سميحه / صحيت هخش الحمام اغسل وشى و اعمل الفطار و الشاى على متلبس
مازن / تسلمى يا تيته
سميحه تدخل الحمام و مازن قاعد كل شويه يبص فى الساعه سميحه تطلع مالحمام تدخل المطبخ مازن يقوم يقف يتفرج عالصور فمكتبه التليفزيون و كل شويه يبص عالباب و بعدين يروح يبص على صوره ملزوقه على باب الاوضه مكان الازاز و ايده بالراحه تتحط على اوكره الباب فمحاوله يائسه منه انه يقاوم يخبط بصابع واحد من ايده التانيه مرتين بالراحه مفيش صوت يفتح الباب بالراحه و يبص يلاقى مرام نايمه عالسرير بالعكس رجليها عالارض و لابسه كاش قصير  حمالات فيروزى يقفل الباب تانى بسرعه
مازن / لا من حيث ضار بالصحه فهو ضار جدا جدا بالصحه لا مهو الموضوع ده ميتسكتش عليه انا مش هسكت اشهد ان لا اله الا الله
...............................