السكه شمال بقلم / لولو_محمد ( كامله )

الجزء الثامن عشر

((((((((((((السكة شمال))))))))
#لولو_محمد
الحلقه الثامنه عشر
صوت خبط عالباب
محمود / شكلها جت
مرام / هروح افتحلها يلا سلام
محمود / سلام
مرام تفتح الباب تلاقى مازن فوشها شايل العلبه بتاعتها ترزع الباب فوشه
...........................
مازن يبص فى الارض ثوانى و يروح ناحيه السلم مرام تفتح الباب تانى لابسه اسدال يبصلها و يبتسم
مرام / انت غلطت فى الشقه اللى انت بتضربه ساكن فى الشقه دى
مازن / انا مش جاى لمحمود
مرام / امال جاى تضربنى انا
مازن / هو انا لازم اضرب حد يعنى مينفعش اجى فسلام و اصلا انا مش جايلك انا جاي لتيته
مرام / تيته مين تيته بتاعتى
مازن / اه تيته سميحه هى موجوده صح
مرام/ عاوزها فى ايه
مازن / انتى مستحيل تكونى تربيه تيته سميحه مستحيل
مرام / انت هتعدل على تربيتى كمان
مازن / تيته علمتك لما يجيلك ضيف تستجوبيه عالسلم و لا تفتحيله الباب و تضايفيه
مرام / انت مش ضيف
مازن / و انا كمان والله بحس انى صاحب مكان بس يعنى
مرام تخبط فى الارض و هى بتجز على سنانها و تبتسم من تحت الضرس
مرام / اللهم طولك يا روح
مازن / امين هفضل شايل البتاعه دى كتير
مرام / تيته مش هنا ابقى حدد معاد قبل متيجى المره الجايه
مازن / بجد طب ممكن رقم تليفونها
مرام / انت عاوز منها ايه
مازن / عاوزها تتوسط بينى و بين محمود
مرام / ههههههههههههههههههه عشم ابليس فى الجنه
مازن يبتسم
مرام / لا بجد عاوزها ليه
باب محمود يتفتح و محمود يطلع
محمود / انت !! انت بتعمل ايه هنا ياله
مازن / انا مش جاى اتخانق
محمود / و انتى واقفه تدحكى عالسلم انجرى خشى جوه
مرام / ايه انجرى دى
سميحه و مديحه يخرجوا
مديحه / ايه اللى جابك هنا تانى ايه كل متلاقى نفسك فاضى تيجى تتسلى على ابنى شويه
محمود / انتى بتقولى ايه يا ماما
مازن / انا عاوز اتكلم مع تيته فى كلمتين و ماشى ممكن
محمود / لا
سميحه / ممكن
مازن / شكرا يا تيته
سميحه / تعال
سميحه تروح شقتها و مازن يروح وراها و الكل واقف مستغرب
محمود / خليكى هنا اما اروح اشوف فى ايه
مرام / ليه يعنى هياكلنى انا جايه معاك
محمود و مرام يدخلوا يلاقوا مازن قاعد عالكنبه و سميحه جنبه يبصولهم
مازن / على انفراد يا تيته لو سمحتى
عيال تدخل تجرى
سميحه / اهلا اهلا حبيبه قلب تيته
سميحه / اسيا جارتنا
مازن / ازيك يا سوسو
مرام تدخل الاوضه شايله بيبى و معاها بنت و محمود واقف مربع ايده
سميحه / اعملنا شاى يا محمود
محمود / مبعرفش
سميحه / يا مرااااام اعملى شاى
مرام تطلع من جوه و تزغر لمازن و تدخل المطبخ و مازن مبتسم
سميحه / ها يا حبيبى اؤمر عاوزنى فى ايه
محمود / حبيبك !!!
سميحه تبصله و تتنهد
مازن / عاوز اخد رايك فى حاجه
سميحه / اتفضل
مازن / لما تلاقى نفسك بتتعاملى مع ناس متعرفيهومش و عمالين يتنطتوا عليكى و يبصولك من فوق لتحت و يتودودوا هتدايقى و لا لا
سميحه / بصراحه هدايق
مازن / طب لما يزعق لاخوكى هتسكتى
سميحه / لا
مازن / طب لما يحاول يمد ايده عليكى هتقفى ساكته و لا هتضربيه
سميحه / انت عملت كل ده يا محمود
محمود / مين اللى كان بيتنطت عالتانى انا و لا انتوا
مرام تجيب صينيه عليها كبايه شاى و كبايه ميه و تحطها
سميحه/ فى كيكه هاتيله
مازن / بصى يا تيته انا جبتلك ايه
مازن يفتح نفس العلبه اللى كانوا بعتينله فيها الكيكه مليانه سينابون
مازن / مكنتش عارف اجيب فيها ايه و انكسفت ارجعها فاضيه
محمود / كنت ارميها فى الزباله
مازن يشاور على محمود و هو بيبص لسميحه
مازن / شايفه اسلوبه
سميحه / ايوه يا مازن بس انت ضربته تلت مرات
مازن / تفتكرى يا تيته لو انا عاوز ائذيه كان زمانه واقف قدامك ... بزمتك مش انا مرضتش اللويلك ايدك اليمين عشان خفت تتكسر و تضيع الامتحانات عليك
مرام / قلبك حنين اوى
مازن / اه عملتلك حساب و مكنتش ناوى اضربه بس هو اللى بدا الضرب
مرام / و انا مصدقاك
مازن / تعرفى يا تيته انها هددتنى انها هتقتلنى
مازن يشرب الشاى
مرام / و مع كدا بتشرب مالشاى اللى انا عملاه عادى
مازن / والله لو السم بيخلى طعم الشاى حلو كدا يبقى اشربه كل يوم تسلم ايدك
مرام / يا سم
مرام تدخل جوه و مازن ياخد اسيا يقعدها على رجله
محمود / خلاص سمحتك اتفضل
مازن / انا اللى ليا حق عندك متستفزنيش و ترجع تعمل فيها ملاك و انا الشيطان و الشرير انا معملتش اى حاجه انت اللى بدات كل ده
محمود / لا والله
سميحه / حقكوا عليا انتوا الاتنين خلاص بقى يا ولاد
مازن / انا مسامحه
محمود / ماشى ايه بقى اللى خلاك تيجى دلوقت
مازن / احنا هنتعامل مع بعض فى الحفله بلاش نبوظها عشان خلافات تافهه
مرام تطلع من جوه
مرام / بخصوص الحفله بقى انت فجاه كدا تظهر فى الصوره و عاوز تعمل كل حاجه و هتمشينا على مزاجك
مازن / انتى كنتى واقفه تتسنطى جوه خضيتينى
مرام / ابقى هاتلك طاسه الخضه ياخويا
سميحه / عيب يا مرام
مازن / ايوه عيب يا مرام
مرام تنفخ
مازن / واحد صحبى قصدنى فى خدمه و لعلمك انا جدع اوى و بعرف اخدم
مرام / باين عليك
مازن / جربينى
مرام / ربنا ميحوجنى
مازن / اعمل ايه يا تيته
سميحه / متعملش حاجه سيب الايام هى اللى تعمل
مازن / مفيش وقت الحفله الاسبوع الجاى و مفيش وقت نضيعه فخناقات و عند
سميحه / متقلقش هما عنديين بس من جواهم طيبين اوى
مازن/ طب استاذن انا بقى
مازن و هو بيقوم يبص على الاكل
سميحه / تقعد تتغدى معانا
مازن / لا مره تانيه اخاف اكون تقيل
مرام بسخريه
مرام/ ازاى انت مش بتعتبر نفسك صاحب مكان
مازن / من قلبك اقعد و يبقى بنا عيش و ملح
مرام / كان فى و مصونتوش يا مازن
مازن / و جاى اعتزر و طالب السماح ميبقاش قلبك اسود بقى
سميحه / اقعدوا يا ولاد اقعدوا و صفوا اللى بنكوا فى الاول و الاخر انتوا زمايل و الحاجات الصغيره دى ياما بتحصل .... يا ولاء هاتى ادم و تعالى
ولاد تطلع شايله النونو
مرام / هدخل اكمل غرف
محمود / هروح اقول لماما ناكل عندنا عالسفره اريح
محمود يشيل الاكل و يروح و مرام تطلع تحول اطباق و مديحه تشيل ادم وولاء تدخل تساعد مرام و محمود و مديحه يحطوا الفراخ و الجلاش عالسفره و مديحه تقعد و تبص لمازن و تمصمص شفايفها
مازن / انا اسف مش هعمل كدا تانى
مديحه / هنشوف
مرام تيجى جايبه باقى الاكل و الكل يقعد
سميحه / سموا عشان ربنا يبارك
مازن / بسم الله اوله و اخره
مرام / بسم الله
............................
فى الفيلا عند زياد
انس و نور و زياد و لبنى قاعدين بيلعبوا كوتشينه
نورا / و كسبت تانى
لبنى / انتى بتخمى
نورا / هههههههههههههههههههه اثبتى
جرس الباب يضرب
زياد / دى اكيد البيتزا
لبنى / مش كنا روحنا كلنا بره و غيرنا جو
نورا / يخربيت الزهايمر مش انتى اللى قولتى انك اوت اوف مود و مش عاوزه تخرجى و جينا كلنا قعدنا معاكى عشان خاطرك
لبنى / و دلوقت زهقت
واحده تدخل شايله البيتزا زياد ياخدها منها و يقعد تانى و هى تمشى
انس / هو مازن مش جاى متكلمه يابنى تشوفه فين
لبنى / سيبوا مازن فى اللى هو فيه هههههههههههههههه
نورا / انا هكلمه
نورا تقوم تمسك الموبايل
......................
فى شقه محمود
الكل قاعد بياكل
مازن / ممكن نعمل افتر بارتى دى الشباب هيهتموا بيها و الاهل يروحوا بيتهيالى العدد هيخف شويه عن الصبح ايه رايكوا
محمود / ايه افتر بارتى دى
مازن / بالليل نجيب دى جاى و حد يغنى
ولاء / بحب حماقى اوى
مازن / حماقى مثلا
مرام / متجيب رقاصه بالمره
مازن / لا مش هتبقى حلوه خلينا فمغنين احسن
مرام / يارب صبرنى
مازن / ايه هو انا مهما اعمل مش عاجبك
مرام / هو انت بتبقى مبسوط و انت بتعمل الحاجات دى
مازن / جدا بلاقى نفسى فيها
مرام / بتلاقى نفسك فى التنطيط على الناس بفلوسك
مازن / فالتصوير بلاقى نفسى و انا ماسك الكاميرا و بصور بقضى نص وقتى بعدل فى الصور و اعمل فيديوهات
الكل يبصله
مازن / اكيد كل واحد عنده هوايات يعنى
سميحه / مرام بتحب تعمل حلويات
محمود / ايوه بس انت كدا هتدفع فلوس كتير اوى منغير متطلع باى حاجه
مازن / غلطان اولا هعمل دعايا للمجموعه بتاعتى ثانيا همارس هوايتى ثالثا مفيش حاجه فدماغى دلوقت كفايا اتنين ههههههههههههههه
ولاء / هههههههههههههههههههههه
مرام تبص لولاء تسكت و تاكل تليفون مازن يرن يرد اسيا تروح تقعد على رجله عشان الموبايل
مازن / الو ... ايوه يا قلبى
صوت نورا / فينك مش باين
مازن / باكل
صوت نورا / ههههههههههههههههه بتاكل ايه
مازن / كفته رز و جلاش و فراخ و رز
صوت نورا / هههههههههههههههه انت بتتكلم جد و لا بتهزر
مازن / اقفلى هكلمك فيديو كول تشوفى بنفسك
صوت نورا / مصدقاك مصدقاك واضح انك ادمنت الدليفرى
اسيا تشد الطبق تقلبه على مازن سخن يتنفض ولاء تجرى تمسك اسيا و هتضربها
مازن / هااااااااااح
ولاء / اسيا يا جزمه
مازن / متضربيهاش اتاكدى ان مفيش حاجه جت عليها
سميحه / هدومك اتبهدلت
مرام قامت جابت مناديل و ناولت مازن
مرام / تاخد مناديل ؟؟
مازن يسيب الموبايل عالترابيزه و يحاول يشد القميص عن جسمه
سميحه / خش الحمام اقلع على ممحمود يجيبلك حاجه
محمود / هجيبلك حاجه من عندى تلبسها
محمود يمشي
مازن / مش مستاهله يا جماعه
سميحه / الحمام من هنا
مازن يدخل الحمام
.................................
فى الفيلا
زياد / البيتزا هتبرد يا بنتى
نورا / مش هتصدقوا مازن فين دلوقت
انس / فين
نورا / عند مرام فى البيت
صمت
زياد / شكلى هدبس فى عربيه بدل اللى هتضيع عليكى يا لولو
انس / بس ايه السهوله دى ببساطه كدا
نورا / ايه يا جماعه انتوا فهمتوا ايه مش لوحدهم دا فى اصوت ناس كتير اوى دانا عرفت انها موجوده من صوتها
انس / بتهزرى يعنى جدتها موجوده معاهم راح قعد معاهم
نورا / و محمود و فى اصوات كتير كان بيتغدى معاهم
لبنى / لا كدا مازن عدى كل الخطوط الحمرا ايه الجرءه دى
نورا / تعرفوا مازن ورانى عقد بيع الشقه جاهز على امضته
انس / للدرجادى واثق انه هيخسر
نورا / معدتش واثقه بصراحه
لبنى / تراهنوا انى هكسب و ان مرام دى فيك و قشره
نورا / لا مش هراهنك لانى بصراحه معدتش فاهمه حاجه خالص
زياد / كلو كلو
...................................
عند محمود فى الشقه
محمود يخبط عالحمام
محمود / خد اللبس دول
مازن يفتح الباب
محمود / انت كويس
مازن / لسه بسيطه مش هتسيب اثر
محمود / اجيبلك مرهم
مازن / مش مستاهله
محمود / طب اللبس دول
مازن / شكرا
..........................
فى الفيلا
انس يقوم يرقص
انس / و كسبت كسبت كسبت كسبت
زياد / بس يا تافه اقعد
انس / حقك حقك تغل مانت مكسبتش و لا دور من اول الليله
زياد / معروفه على فكره سعيد فالحب تعيس فاللعب معروفه
نورا / ايوه بقى
لبنى / يلا جيم تانى عاوزه اكسب بقى يا رخمين
انس / انتى مزهقتيش
لبنى / طبعا خايف تلعب تخسر
انس / اه بعتزل و انا فى قمه مجدى ههههههههههههههههه
لبنى/ طب هنعمل ايه الليل لسه فاوله تيجوا نخرج
انس / متشوفلنا يا عم فيلم و لا حاجه نقعد نتفرج عليه
زياد / هات الفيلم و انا اشغله
زياد يمسك الموبايل
لبنى / نفسي نعمل حاجه جديده معملناهاش خالص قبل كدا
نورا / ايه نزاكر
لبنى / ايه الفصلان ده
نورا / مهى دى الحاجه الوحيده اللى معملناهاش قبل كدا يعنى
لبنى / انت يابنى انت و هو مفيش حفله نروحها
انس / دلوقت عاوزه تخرجى مانتى حبسانا مالصبح فالبيت
لبنى / لا كدا عاجب و لا كدا عاجب
زياد / ايه ده هو سعيد خطب امتى
نورا تبص و لبنى تقوم تقعد جنبه بالظبط و تبص
لبنى / سعيد خطب ايه ده امتى
زياد / اهو منزل صورته مع خطيبته
لبنى / سريع اوى سعيد ده بصراحه
انس / ورينى يا عم
انس يخطف الموبايل
انس / البت حلوه مفيش اعتراض
لبنى / انت اى حاجه بفستان تقول عليها حلوه دى حلوه دى دى نورا برقبتها
نورا / و انا ايه دخلى بالموضوع
انس / بس دى حركات بنات دى لما تفركش و لا حبيبها يسيبها تجرى تخطب لاول كلب يهبهب عليها قال يعنى مطلوبه و كدا
زياد / ياعم مسكين برضه نورا كسرت قلبه المسكين
نورا/ ايه كنتوا بتدوروا على حفله و جتلكوا لحد عندكوا و لا ايه انا ماشيه
لبنى / انتى ادايقتى و لا ايه احنا بنحفل على سعيد مش عليكى
نورا / لا انا صاحيه من بدرى و زهقت انا هروح
انس / اجى اوصلك
نورا / لا هاخد تاكس خليك اليوم لسه فاوله
انس / لا هاجى سلام يا شباب
زياد / سلام يا انوووس
..........................
فى شقه مازن
جرس الباب يضرب مازن يبص فى الساعه و يقوم عشان يفتح مازن يفتح الباب يلاقى نورا مبتسمه و لابسه فستان قصير و سكرانه تزقه و تدخل
نورا / فى حد عندك
مازن / انتى جيتى ازاى كدا
نورا / فارق معاك اوى
مازن / اه فارق مالك انتى مش كنتى بطلتى شرب
نورا / بجمله الحاجات اللى قولت هبطلها و مبطلتهاش
مازن / هعملك قهوه
نورا / سعيد خطب
..............................