السكه شمال بقلم / لولو_محمد ( كامله )

الحلقه ٩٣

(((((((((((السكة شمال )))))))))
#لولو_محمد
الحلقه الثالثه و التسعون
مازن / و لما اشتمك يعنى حجاب ايه يام حجاب انا معايا قسيمه جواز امال انا كنت بحفظ السوره دى كلها ليه
مرام / خلاص بالراحه بسال بس ثوانى
مرام تفتح الكاميره
مازن / انتى نايمه عالسرير
مرام / لا عالكنبه فى الصاله  صحيح خلصت حاجه صافى
مازن / اه و بعتتها بس على فكره انا شلت صورك منهم و خليتهم يعيدو تانى الكام فستان بتوعك
مرام / للدرجادى
مازن / طبعا حبيبتى بتاعتى لوحدى مش هسيب انا صورك مع كل من هب و دب يكبر و يصغر و يزوم و يركز فتفاصيلها يعنى
مرام / بس عشان كدا
مازن / طالعه فيهم شبه الملايكه خصوصا ففستان الفرح انا اشتريته منها على فكره لو تحبى تاخديه تعينيه عندك الا لو انتى عاوزه واحد تانى
مرام / هو حلو اوى بس بجد بقى هو ده السبب الوحيد و لا فى حاجه تانيه
.............................
مازن / زى ايه
مرام / يعنى انى اكون منفعش مثلا
مازن / بالعكس صورك حلوه جدا احلى منهم كمان بس انا مهما كنت اوبن مايندد بس يعنى لسه جوايا حته الراجل الشرقى دى
مرام / امال سبتنى اتصور بيهم ليه
مازن / انا اللى بصور و انا اللى بعمل الايديت و انا اللى بطبع الصور مفيش راجل غيرى دخل فى الموضوع و مفيش غيرى هيشوفهم يبقى مصوركيش ليه
مرام / طيب
مازن / زعلتى
مرام / لا بالعكس فرحت
مازن / مش باين عليكى
مرام / انت بتحبنى ليه يا مازن
مازن / و محبكيش ليه ناقصك ايه هلاقى احسن منك او حتى زيك فين
مرام / معرفش
سميحه تدخل مرام تقوم تقعد
سميحه / انتوا لسه بتتكلموا
مرام تبتسم
سميحه / قوليله يجى بعد بكره هنعمل ليله
مرام / حاضر هقوله
سميحه تدخل الاوضه
مرام / تيته عزماك بعد بكره على ليله بمناسبه نجاه محمود و خطوبته و كدا هندبح و نفرق لله و اطعام هتنبسط
مازن / اكيد هنبسط بس هو انا ممكن اشارك
مرام / بايه
مازن / باى حاجه بصى ادينى تيته ثوانى كدا
مرام / ثوانى
مرام تدخل لسميحه
مرام / مازن عاوزك
سميحه / ايوه يا حبيبى خير
مازن / بقولك يا تيته عاوز اشارك معاكوا فى الليله دى لو ينفع
سميحه / و ماله يا حبيبى زياده الخير خيرين كلم عمك اسعد و شوف تقدر تعمل ايه
مازن / خلاص تمام اقفلى و انا هكلمه و بعدين اكلمكوا تانى قولى للبت دى متنامش
سميحه / لا مش هقولها خليها تنام عندكوا كليه الصبح
مازن / عرفت دلوقت مرام جابت قسوتها منين ماشى يا تيته تصبحوا على خير
سميحه / و انت من اهله يا قلب تيته
مازن / بعد ايه بقى سلام
سميحه / هههههههههههههه سلام
سميحه تقفل تلاقى مرام واقفه مبتسمه
سميحه / بيقولك متناميش هيكلمك تانى بس انا قولتله انك هتنامى فى كليه الصبح و السهر الكتير مش كويس
مرام / سامعه الحوار
سميحه / وشك موردن يعنى
مرام / تصبحى على خير يا تيته
سميحه / و انتى من اهله يا عيون تيته
.............................
فى الكليه 
زياد / معقول الجدول نزل بالسرعه دى
لبنى / حاجه قرف احنا لحقنا
انس / يا جماعه انتوا مكبرين الموضوع ليه داحنا معانا كنز المرادى
زياد / لا يا راجل
انس / طبعا امال مازن و مرام لزمتهم وسطينا ايه
لبنى  / سبيك فور ذا دافل جايين هناك
زياد / كويس
زياد يروح ناحيه مرام و مازن
زياد / اهلا بالامواس
مازن / يا مزاجوا ازيك
زياد / ممكن اقعد معاكوا شويه و لا ابقى متطفل لو هتطفل امشى
مرام / لا ازاى اتفضل
زياد يسحب كرسى و يقعد
زياد / شكرا بقولك ايه انا مليش فاللف و الدوران و المقدمات انا عاوز اعتزرلك باسمى انا و اى حد مالجروب و خصوصا لبنى هى كانت عاوزه تيجى بس خفنا يعنى تحرجيها و لا حاجه
مازن يبص لزياد
زياد / متبصليش كدا الوضع اختلف بصراحه انا مكنتش بطيقك
مرام تدحك و تبص الناحيه التانيه
زياد / بس انا بحب مازن و اللى مازن يحبه انا كمان احبه
مرام تبص لزياد
زياد / احنا هنبقى عيله و لازم نتصافى
مرام / اصلا مفيش سبب لكل الكلام ده عادى يعنى
زياد / لا مش عادى انا غلطت فحقك كتير و دايقتك كتير و قللت منك بس اللى عملتيه مع مازن فى الفتره دى بصراحه كفاءه و انا فكرت اجيبلك هديه تراضيكى
مرام / صدقنى ملوش لزوم
زياد / لا له دا عشان خاطر مازن بصى يا مرام انا حجزت لتيته عمره فى الاجازه فول بورد جناح فى فندق قدام الحرم علاطول بيتهيالى ده اعتزار كافى و هديه متقدريش ترفضيها
مرام تبص لمازن تلاقيه مبتسم
مرام / هى اكيد هديه حلوه اوى
زياد / تعرفى انى بدات احفظ سوره النساء انا كمان عشان اسمعها للبنى مهرك عجبنى بيتهيالى احلى مهر شوفته فحياتى و انتوا كمان هتبقوا احلى زوجين فالدنيا ربنا يخليكوا لبعض
مازن يحضن زياد
مازن / عرفتى بقى بحبه ليه
مرام / ربنا يخليكوا لبعض
زياد / لا مش بالبق انا عاوز تارت ماللى جنن الواد ده و لا يعنى اخو جوزك ابن البطه السوده يعنى ميدوقش
مرام / ازاى بس تعال النهرده و انا هعملك مخصوص
زياد / اجى اوى يا نهار ابيض و بالمره اكلم تيته و افرحها بالهيديه بتاعتها و اعمل حسابك يا مازن تنجزلها فى الاجراءات عشان تسافر علاطول
مرام / ميرسى اوى يا زياد
زياد / و لسه لما تشوفى هديه جوازكوا دانا مجهزلكوا حته مفاجاه ينهار ابيض متتنسيش
مازن / تسلم يا زيزو
زياد / هسيبكوا بقى و اروح اشوف الشباب و نتقابل بالليل عندك يا مرام تمام
مازن / تمام
زياد يمشى
مازن / بصراحه فاجئنى بس انا فرحت اوى باللى عمله
مرام / ربنا يهديه و يهديهم كلهم
مازن / تعرفى كل الناس حتى خالو كانوا بيقولوا انت ازاى مستحمل زياد انت ليه بتعامله كدا دا مش اخوك بس انا عمرى محسيت بكدا نحيته انا و هو و نورا كنا اطفال من يوم موعينا عالدنيا مهما عدت علينا ظروف عمرنا متفرقنا
مرام / اخبار نورا ايه صحيح
مازن / بتشتغل فى امريكا و عايشه ادعيلها
مرام / ربنا يوفقها و يبعد عنها ولاد الحرام
مازن / امين يا قلبى امين
.................................
فى الحاره بالليل ترابيزات محطوطه و الناس عماله تاكل و اللى يجى ماشى بياخد كيس و هو ماشى و مازن واقف جنب مرام بينظموا الناس و محمود ماسك سكينه و بيقطع مع اسعد و شباب و بيبص على مازن و بيقطع بغل مروه تدخل
مروه / الله ينور
محمود / الله يخليكى
مروه / انت مالصبح و انت شغال ايه متعبتش
محمود / هانت
مازن و مرام يروحوا ناحيه محمود و مروه
مرام / انا مكنتش متخيله اليوم هيبقى حلو اوى كدا كل الناس دى عماله تدعيلك
محمود / البركه فمازن باشا و اللى عمله
مازن / انا معملتش حاجه انت اللى بتعمل مالصبح الله ينور
محمود / ازاى انت مش دبحت تلت عجول عالعجل بتاعنا لولاك مكناش هنكفى
مازن / متقولش كدا دى حاجه بسيطه
محمود / بالنسبالك لكن بالنسبالنا بقى
مازن / انا اسف عن اذنكوا ثوانى زيزو جه
مازن يمشى
محمود / طبعا امال كنا فاكرين ايه
مرام / انسى بقى الراجل جايلك لحد عندك
زياد يدخل مع مازن
زياد / اسف عالتاخير ازيك يا حوده ايه يا وحش الاخبار اقدر اساعد بحاجه
محمود / كتر خيرك ايه يا مازن مش تضايف اخوك برده و لا ايه يقول علينا ايه
زياد / لا متقلقش صحيح فين الحجه اما امباركلها
مازن / تعال انا هوديك ليهم
مرام / اطلعوا فوق يا مازن احسن
مازن / تمام
مازن ياخد زياد فوق
مروه / مبطيقهوش الجدع ده
محمود / اخيرا حد بيفهم
مرام / ضيف عن اذنكوا اما اروح اساعدهم
مرام تيجى تروح ناحيه البيت تلاقى صافى و شريف جايين
شريف / انا اسف اقسم بالله هى اللى اخرتنى
صافى / هاى يا مرام ازيك سورى بجد والله كنت لابسه و خلانى اغير كل حاجه فاخر ثانيه
شريف / كانت فكراه فرح و لابسه سواريه
صافى / مهو محدش نبهنى قولتوا ليله و هننبسط و كدا مفهمتش
شريف / الحق علينا معلش
مرام / يا جماعه عادى المهم انكوا جيتوا صحيح يا صافى عملتى ايه فى الجامعه بتاعتك
صافى / لسه مردوش
شريف / هما الخسرانين على فكره
مرام / مش معنى انهم مردوش انهم هيرفضوا تفائلو بالخير تجدوه المهم تعالوا فوق مازن فوق
صافى / اوك يلا
..............................
فوق فى شقه مديحه
زياد / قولتى ايه يا طنط
مديحه / والله يابنى انت فاجئتنى
سميحه / بس هنسيب مرام و محمود لوحدهم
زياد / هما اطفال يعنى و بعدين ماحنا هنبقى معاهم مش هنسيبهم و البركه فميزو بقى
سميحه تبص لمازن
مديحه / والله يابنى انا طول عمرى نفسى فيها اوى
سميحه / سبوها لله و باذن الله هيعمل اللى فيه الخير
صافى و مرام و شريف يدخلوا صافى تشوف زياد ملامحها تقفل
زياد / هاى شباب تعالوا كلوا بصراحه ليك حق يا ميزو الاكل هنا خرافه
مرام / الف هنا
زياد / لما تتجوزوا انا هبقى براشوت عندكوا بس متقولوش للبنى لحسن هتقعد تقولى بقى الدايت و الكالويز الواحد بطنه نشفت هيموت على اكله طريه
مرام / ههههههههههههههههه بس كدا من عنيا
مازن / تصدق هقولها
زياد / مش ههون عليك
مازن / هههههههههههههههههه
مرام تروح تمسك ايد صافى
مرام / تحبى ندخل اوضه لوحدنا تاكلى على راحتك
صافى / بليز
صافى و مرام يروحوا اوضتها و مرام تحط صينيه اكل عالسرير و يقعدوا
مرام / اتفضلى دوقى عمايل ايديا
صافى / لا سمعت كتير عنك حتى مازن مسميكى الشيف الصغنن
مرام / الف هنا
صافى / مرام ممكن اطلب منك طلب
مرام / اكيد اتفضلى
صافى / انا عارفه ان مازن بيحب زياد اوى بس بليز خدى بالك زياد بصى هو مش وحش عموما يعنى زياد شخصيته كويسه بس لبنى مسيطره عليه اوى و لبنى بقى يو نو
مرام / دول اهل مازن
صافى / انا بقولك عشان بجد دى انسانه مريضه لما بتحط حد فدماغها بتبهدله عندها كميه ساديه رهيبه
مرام / ايه
صافى / ساديه اللى هو بتستمتع بزل الناس ووجعهم بالطريقه دى بس بتحس ان ليها قيمه مغروره جدا و حاسه ان الكل اقل منها و اى حد يحسسها بغير كدا بتاذيه
مرام / مفيش حد كدا اكيد يعنى
صافى / يا مرام انا والله مش بوقع بنكوا انا عارفه انكوا هتبقوا عيله بس انا بحذرك انا اتلسعت منها انتى مش متخيله هى و زياد عملوا معايا ايه و محدش يقول زياد معملش لبنى هى اللى شريره هو سكتلها يبقى اشترك معاها حتى لو بتستغله هو شريك لمجرد انه يسمحلها تستغله
مرام / طب بس اهدى
صافى عنيها تدمع
مرام / اهدى تحبى تحكى
صافى / مش وقته ممكن مره تانيه النهرده يوم جميل بالنسبالك و انا
مرام / انتى زى اختى احكى قوليلى ليه الوجع دا كله
صافى / من خمس سنين كدا دادى الله يرحمه دخل صفقه كبيره اوى مع ناس مهمين و البلد فجاه حالها اتقلب و شركاه دادى هربوا بره مصر و خدوا كل اللى يقدروا عليه و فجاه لقينا الحكومه بتحجز على فلوسنا الفيلل و العربيات و المجوهرات كل حاجه راحت فغمضه عين دادى مستحملش وقع و اتوفى علاطول
مرام تمسك ايد صافى
صافى / طبعا حياتنا كلها اتشقلبت يعنى عشت انا و مامى فى شقه جدوا الله يرحمه و مامى قبل متتجوز دادى كانت موديل فشركه ازياء تركيه مامى اصلا تركيه
مرام / واضح عليكى جدا
صافى / هههههههههههههههههه
مرام / كملى
صافى / المهم كلمتهم و رجعت اشتغلت معاهم طبعا مش موديل كانت مساعده للفاشون ديزاينر بتاعتهم و كدا و طبعا بحكم دراستى مقدرتش اسافر معاها بس هنا كان صحابنا موجودين و مازن و نورا و كلنا بصراحه فى الاول كانوا مهونين عليا كتير بدءو يساعدونى فموضوع المايكب ارتيست ده و بقوا يعملولى دعايا و بدات اشتغل و واحده واحده بدات اشتغل فى الفاشون المهم عملت اول كولكشن و اتباعت كلها فى غمضه عين انا اصلا مبكررش موديلاتى و الموديل بيتعمل منه قطعه واحده بس لانها بتاخد وقت و مجهود رهيب
مرام / هى حلوه اوى الصراحه
صافى / المهم لبنى طلبت موديل منى بس للاسف كان اولردى سولد و انا مقدرش ارجع فكلامى مع الناس طبعا زعلت جدا و اعتبرت ان دى اهانه ليها و ازاى دانا اللى عملتك انتى نسيتى انا عملت عشانك ايه لولايا كان زمانك بتشحتى و كلام من ده مازن ادخل و  فض الموضوع و طبعا زياد زعل جدا لانه فاكر انى فعلا استخسرته فيها و قولتلها هعملك موديل مخصوص ليكى انتى رفضت وقالت انها مش محتاجه و انها كانت اصلا بتساعدنى اجيب مصاريف دراستى مش حوار فستان و انها هتجيب من بره انضف
مرام / للدرجادى
صافى / هى كدا عملت حاجه بعدها بيومين جتلى البيت و جابتلى فستان هديه و اعتزرت عاللى عملته و قالتلى انها كانت مش فالمود و ندمانه جدا و ان احنا صحاب و كدا و ان دى هديه عيد ميلادى اللى كان بعدها بكام يوم و طلبت منى اللبسه عشان تتاكد انى سامحتها و انا بمنتهى السذاجه وافقت لانى مكنتش اتخيل ابدا انها تعمل كدا لبست الفستان و فالحفله و فوسط الناس كلها لقيتها بتقول عامله فيها فاشون ديزاينر و هى بتلبس فستانى و انتى جبتيه منين انتى سرقتيه اقلعى حاجتى و بدات تشده من عليا و قطعته فعلا و مازن و نورا بقوا بيحوشوا و الناس كلها بقت بتتفرج عليا لحد مزياد شدها بعيد و مازن درانى و نورا خدتنى اوضتى و انا منهاره مالعياط و طبعا مشو الناس و …
صافى تمسح دموعها و مرام تفتكر لبنى لما بعتتلها الفستان
صافى / انا اسفه اوى نكدت عليكى
مرام / لا ابدا انا بس مش قادره اصدق ان فى كدا
صافى / اللى عملته معايا كان ولا حاجه جنب ناس كتير لبنى مريضه نفسيه و ملهاش حدود فالاذى عشان كدا انا بحذرك منها
مرام / ربنا يهديها بعيد عننا صحيح يا صافى كنت عاوزه اشترى كام حاجه كدا للكليه يعنى لبس ليا تقدرى تساعدينى و لا انتى كلو سواريهات
صافى / لا طبعا انا بشتغل فى كلو تعالى الاتيليه عندى و متاكده انك هتلاقى كذا استايل يعجبك
مرام / بجد
صافى / ايوه طبعا
مرام / تمام خلاص اكيد هعدى عليكى 
الباب يخبط مرام تروح تفتح تلاقى مازن ساند عالباب و مبتسم
مرام / خير
مازن / القاعده هناك ناشفه اوى قولت اجى اقعد هنا فى الطراوه
مرام / طب حاسب لتاخدلك لطشه برد و لا حاجه
مازن / مانتى هتسهرى جنبى تعالجينى
مرام / بس انا مش دكتوره
مازن / انتى دوايا
صافى / طب اطلع بره يعنى و لا انا وضعى ايه بالظبط
مازن / لا خليكى لحسن اموت اوفردوز كيوتنيس و لا حاجه
مازن يمشى و صافى بتدحك مرام تروح تقعد جنبها
صافى / انا عمرى مشوفته مبسوط كدا
مرام / انتى تعرفيه من زمان صح
صافى / مش زمان اوى بس اه تقدرى تقولى كدا
مرام / طب احكيلى خلينا نتسلى اتعرفتوا على بعض ازاى
صافى / اممم بصى هى كانت بارتى كبيره اوى بمناسبه اليوبيل الفضى باين لشركه واحد من صحاب دادى الله يرحمه بس الحفله كانت ممله جدا بالنسبالى طلعت فى التراس بعيد عن الدوشه لقيته قاعد عالسور فالاول طبعا افتكرته هينتحر احنا كنا فالدور مش عارفه كام بس يعنى فوق اوى بصى اقسم بالله قلبى لما بفتكر بصى
صافى تاخد ايد مرام تحطها على قلبها مرام تفتح بقها
صافى / فزعنى و قربت منه بالراحه و بدات احاول اهديه بصلى و دحك و لف و نزل جوه و هو مستغرب من رد فعلى و اعتزر و مشى بمنتهى الهدوء بعد مكانت اعصابى سابت خلاص و تقريبا واقفه بالعافيه دخلت جوه و قعدت جنب مامى و حكتلها طبعا نفس رد فعلى دا مجنون بس لما شاورتلها عليه الدهشه راحت خالص و كان دا تصرف طبيعى منه المهم بعد شويه جه ابن صاحب دادى و طلب يرقص معايا و بما ان الحفله كانت ممله جدا قومت و مترددتش ثانيه
مرام تستغرب صافى تبتسم و تكمل
صافى / كانت سلو و اتكلمنا قد ايه الميوزيك كانت ممله اوى و تخلى الواحد عاوز ينام فاقترح نطلع التراس و قد ايه الفيو تحفه اللى طبعا مشوفتوش بسبب خضتى فوافقت و طلعنا و بدات ابص و فعلا الفيو كان يهبل فوجئت بيه بيحط ايده عليا زقيته و دخلت جوه دخل ورايا و مسك ايدى و اعتزر و انه مكنش يقصد قولتله تمام و جيت اروح للترابيزه مسك ايدى تانى و قالى خلاص متعمليش حوار و تتقمصى و انتى مكبره الموضوع ليه لقيت مازن بقى بيدخل و بياخده بالحضن و ازيك وحشتنى يا راجل مش تسال و كدا و تقريبا فضل ماسكه لحد مروحت قعدت عالترابيزه ابتسملى و رجع وقف مع صحابه تانى
مرام / ههههههههههههههههه لا كتر خيره بس مش غريبه عليه شويه
صافى / انه يساعدنى على فكره مازن جنتل مان اوى و جدع جدا مفتكرش ان فى حد يعرفه وقع فمشكله الا لما مازن كان اول واحد يقف معاه
مرام / لا مقصدش بس يعنى انتى مش شايفه نفسك انتى صاروخ يا بنتى
صافى / هههههههههههههههههههههههههه مازن و انا ههههههههههههههههههه مستحيل طبعا عمره
مرام / ليه هو عمى و لا ايه
صافى / لا بس مازن كان له استايل معين فالبنات و غالبا صدقينى هما اللى كانوا بياخدوا الفيرست موف معاه لكن انا عمره بقولك احنا كنا جست فريندز طول الوقت و حتى دى كان ليها ليمتس لانا و لا هو نقدر نعديها
مرام تبتسم
صافى / بصى يا مرام تقريبا انتى العلاقه الوحيده الجد اللى مازن دخلها على قد علمى طبعا مفتكرش انه حاول حتى يلزم نفسه حتى و لو بكلمه بحبك مع اى واحده تانيه انا شوفتك فالسيشن بصى متخليش التفكير يضيع فرحتك انسى اى حاجه عدت و عيشى و انبسطى صدقينى الدنيا قصيره اوى و اللحظه اللى بتعدى مبترجعش
مرام / تعرفى انك مبتاكليش و نازله رغى رغى رغى من ساعه مجيتى
صافى / ههههههههههههههه لجقت صدعتك
مرام / ابدا بس انا عوزاكى تخلصى الاكل دا كله و لا انتى بخيله و لا ايه
صافى / لا مهو اذا اردت ان تطاع فامر بما يستطاع انا عمرى حتى لو حاربت مقدر اخلص نصه حتى بصى انا هاكل دى و خلاص عشان متعبش و لا انتى يرضيكى اتعب
مرام / خلاص ماشى خلصيها لحد مجيبلك الحلو
مرام تقوم تلاقى مازن فالمطبخ بياكل
مرام / مسكتك متلبس
مازن / مانتى يا هانم لو مهتميه بجوزك و بتاكليه مكنش دا حصل
مرام / يا خبر يا خبر دا كلو الا جوزى دانا اكله بايديا كمان
مرام تاخد حته لحمه و تحطها على بقه يمسك ايدها و يبوسها و بعدين ياكل
مرام / لا اكل نفسك بقى انا الغلطانه اصلا
مرام تفتح التلاجه و تاخد تارت صغير و تيجى تطلع يمسك ايدها
مرام / يادى النيله
مازن / هههههههههههههههههه فى واحده حلوه زيك كدا تقول لجوزها اللى بيموت فيها زيى كدا لما يمسكها كدا و يحاول يحضنها كدا
مازن يشدها عليه عشان يحضنها تزقه
مازن / يادى النيله
.............................