السكه شمال بقلم / لولو_محمد ( كامله )

الحلقه ٩٨

(((((((((((السكة شمال )))))))))))
#لولو_محمد
الحلقه الثامنه و التسعون
مازن / انا اسف
لبنى / هجيبلها حاجه تلبسها بدل متعيي
مازن / خايفه عليها
لبنى / مش انت بتحبها مش هى دى اللى قدرت تسرق قلبك مش هى دى اللى لقيت فيها اللى ملقيتوش فيا اكيد هتزعل عليها كح كح
لبنى تبص على مازن باصص الناحيه التانيه و مش مهتم
لبنى / روح غير هدومك لحسن تعييى انت كمان على الاقل انا عندى زياد ياخد باله منى انت بقى مين هياخد باله منك ها قولى مين مرام ؟؟
..........................
مازن / ربنا يخليهولك عن اذنك
مازن يعديها و يدخل الاوضه جنب بتاعه مرام و يجى يفتح الحمام يلاقيه مقفول من جوه يبتسم و يروح يفتح الدولاب و يطلع هدوم و يرميها عالسرير و يطلع بشكير و يبدا يقلع
.......................
فى الاوضه التانيه بتاعه مرام
مرام فى حمام له بابين لابسه برنص طويل و تلف شعرها بفوطه
مرام / صافى ... هى لبنى جابت الهدوم
مفيش صوت مرام تنفخ و تكح
مرام / صافى ... راحت فين دى اووووف
مرام تبص عالبابين و تفكر تبص عالباب الاول شويه و الباب التانى شويه
مرام / هو انا دخلت من انهى واحد
مرام تفتح المفتاح و تفتح الباب بالراحه الباب يتشد يتفتح تتفزع تلاقى مازن قدامها لابس البنطلون و القميص مش متزرر مازن و مرام يتكلموا بصوت واطى
مرام / انت بتعمل ايه هنا
مازن / دى اوضتى
مرام ترجع لورا مازن يدخل وراها تبص يمين و شمال مازن يقفل الباب
مرام / انت بتعمل ايه
مازن / بدخل الحمام بتاع اوضتى انتى بقى بتعملى ايه هنا
مازن يحاول يقلع القميص مرام تعدلهوله و تزرر و هو يفك و هى تزرر و هو يفك
مرام / اقسم بالله اخاصمك و مكلمك تانى ابدا صافى فى الاوضه التانيه بتنيل ايه انت بس بقى
مازن / حران حسيت فجاه انى حران الجو هنا حر اوى انتى مش حرانه حاسك حرانه ايه العرق دا كلو
مازن يعدى ايده على وش مرام بتعرق ولا عربيه رش مالتوتر 
مرام / هزعل والله هزعل و هعيط و هجيب ناس تعيط و هقول لتيته تيته هتزعل هتزعل تيته ؟؟ اطلع بره لو زعقت و لا عملت اى حاجه هنتفضح عشان خاطرى بقى الله
مازن / ههههههههههههه طب اهدى خلاص خلاص بهزر
مرام / اطلع بره
مازن / هو شكل شعرك و هو مبلول ايه
مرام / منيل بستين نيله سيبه فحاله و اطلع بره دا ايه الورطه المنيله دى انا ايه خلانى افتح الباب
مازن يشد الفوطه عن شعرها
مرام / بطل بقى انا غلطانه يعنى انى جيت معاك دى اخرتها هتفضحنى
مازن / افضحك ايه انا جوزك على فكره تحبى اجيبلك القسيمه من جوه
مرام / ايوه ايوه صح صح خش جوه هناك هاتلى القسيمه ايوه انا عاوزه القسيمه تعرف لو جبت القسيمه
مازن / هتعملى ايه
مرام / هعملك اللى انت عاوزه بس روح يلا هات القسيمه يلا روح هناك هاتها يلا
مازن / هاخد بوسه تصبيره
مرام / مش هتجيب القسيمه هات بس القسيمه
مازن / هجيب القسيمه و اخد بوسه
مرام / يوووه ان شاء الله خلص بقى ابوس ايدك
مازن / لا مش ايدى هناهو
مازن يشاور على خده
مرام / صبرنى يارب قبل ان اقتل احد من خلقك
مازن يزنق مرام فى الباب
مازن / بقى فى واحده حلوه زيك كدا تقتل جوزها
مرام / و هو فى شاب محترم زيك كدا يزنق مراته الزنقه السوده دى
مازن / الحقيقه اه كلهم اصلا لو معملش كدا يبقى عنده مشكله تعرفى لو حد عرف انه مزنقهاش كدا يتحفل عليه
مرام / احنا لو فمكان تانى والله كنت وريتك بس لو نيلت اى حاجه هيسمعوا
مازن / خلاص اصرفينى
مرام / مقولتلك روح هات القسيمه
مرام تحاول تفتح الباب
مازن / استنى مش ده هيشوفونا
مرام / يادى النيله بقى هو كان انهى باب يوووه يعنى اعيط فى الحمام و اتلبس عشان ترتاح
مازن / ههههههههههه
مرام / انت بتدحك ايه الاستفزاز ده انا غلطانه انا كنت فضلت بهدومى مبلوله عليا ان شالله يجيلى سل حتى و لا انيش ابقى فالموقف ده
مازن / نرجع لموضوع البوسه
مرام / ماشى هديك بوسه بس روح هات القسيمه
مازن / وعد
مرام / انت ايه يا اخى مبتتهدش
مازن / لا مبتهدش وعد و لا لا
مرام / وعد وعد هاتها بقى
مازن يروح ناحيه الباب التانى و لسه هيفتح بالمفتاح و مرام وراه بالظبط يشيل ايده و يبص لمرام و يمد ايده فجيبه و يطلع القسيمه
مرام /يا جزمه
مازن / هههههههههههه نفذى وعدك
مرام / لا انت بتخم
مازن / مليش فيه
مرام / اشنق نفسى بالفوطه دى عشان ترتاح
مازن / بعد الشر عنك بس تعرفى شعرك و هو مبلول مخلى شكلك حلو اوى و لا خدودك الحمره دى
مازن يحط ايده على خد مرام مرام تزق ايده
مرام / اتلم بقى هتودينا فداهيه انت اتجننت
مازن / و هو فى حد يبقى قدامه القمر ده و يبقى عاقل
باب مرام يخبط
لبنى / مرام جبتلك الهدوم اطلعى
مرام تبص لمازن مبتسم
مرام / انا مخصماك والله مهكلمك تانى و الله زعلانه منك انا تعمل معايا كدا
مازن / خلاص خلاص هسيبك
صافى / انتى يا بنتى نمتى جوه
مرام / جايه ثوانى ... امشى بقى عشان خاطرى
مازن / طب ادينى تصبيره
مرام تهز راسها لا و بتبصله باستعطاف
مازن / طب اديكى انا تصبيره
مرام تهز راسها لا بنفس البصه
مازن / طب اخد انا تصبيره
مرام تخبط فى الارض برجلها زى الاطفال و تهز راسها لا
مازن / طب خدى انتى تصبيره
الباب يخبط
صافى / انتى بتعملى ايه جوه كل ده انتى كويسه
مرام / بنشف شعرى
صافى / السيشوار هنا تعالى و انا انشفهولك اسرع
مرام تبص لمازن يبتسم و يبوس راسها و هى على عينها و يفتح الباب و يدخل و يقفله تانى مرام تقفل الباب وراه بالمفتاح و تروح تفتح الباب التانى و على وشها علامات صدمه و خدودها حمره دم
صافى / مالك يا مرام انتى سخنه و لا ايه
صافى تيجى تحط ايدها على راس مرام مرام تقع فى الارض و مغمى عليها صافى و لبنى يصرخوا
صافى  / مرام
لبنى / ماااازن مازن
باب الاوضه يتفتح و مازن يدخل يجرى عليها و يحاول يفوقها صافى تجرى تجيب كبايه مايه مازن ياخد حبه فى ايده و يرشهم بصوابعه على وشها متفوقش لبنى تاخد الكبايه و تكبها فوش مرام مرام تقوم مفزوعه
صافى / مالك يا بنتى نشفتى دمنا
مرام تبص لمازن
مازن / انتى كويسه
مرام تمسك البرنص بايدها
مرام / انت بتعمل ايه هنا اطلع بره اطلع بره
مازن يطلع بره
لبنى / هههههههههههههههه دا جوزك يا بنتى انكسفتى من جوزك و لا ايه
مرام تبص فى الارض و ساكته و بتنهج صافى تناولها كبايه مايه تانيه تشرب
لبنى / قومى اللبسى ده كدا الوحيد الصيفى اللى عندى ينفع محجبات
مرام تهز راسها اه و تقوم تاخده
مرام / ممكن تسيبونى لوحدى اللبس
لبنى / متلبسى فى الحمام
مرام / معلش الحمام كتمه
لبنى / تمام على العموم انا خليتهم يحطولك هدومك فى الدراير ساعه ماكسيمام و تاخديهم يلا يا صافى نسيبها تلبس
صافى / مش هتحتاجينى اعملك شعرك
مرام / هعرف اتعامل شكرا
صافى / تمام
صافى و لبنى يطلعوا بره يلاقوا مازن واقف
مازن / عامله ايه
صافى / كويسه بتقول الحمام كان مكتوب
مازن يهز راسه
لبنى / احنا هننزل بقى عشان الناس انت خليك معاها تمام
مازن يهز راسه لبنى تشد صافى و تنزل مازن يبص فى الساعه كل شويه و بعدين يخبط عالباب مفيش صوت يقلق يفتح الباب يلاقى مرام قاعده عالسرير بالبرنص بتعيط يدخل
مازن / مرام انتى بتعيطى
مرام تمسح دموعها و متبصلوش
مازن / للدرجادى انا كنت بهزر معاكى
مرام / ابقى قول الكلام ده لتيته لما اروح و احكيلها
مازن / هقولها بس انتى متعيطيش
مرام / انا مبعيطش هعيط ليه يعنى عشان خطيبى
مازن / جوزك
مرام تسكت و تقوم من جنبه تقف بعيد يقوم وراها
مازن / انا كنت بهزر معاكى اكيد مكنتش اقصد انى ادايقك اوى كدا
مرام / انت بتتعامل معايا كانى واحده
مازن / كانك مراتى حلالى بهزر معاكى مكنتش هعمل حاجه والله كلو هزار
مرام / و انا زهقت من هزارك ده زهقت من انك تعمل بس اللى فدماغك مفكرتش فيا فسمعتى فالناس اللى هتتكلم عنى
مازن / ناس مين و يتكلموا عن مين عن واحد و مراته انتى بتقولى ايه
مرام / انت ليه مش قادر تفهم اللى بنا دا مجرد ورقه الجواز لازم فستان و فرح و زفه
مازن / افكرك اننا عملنا كل ده فشارعكوا بشهود و ماذون و كل حاجه
مرام / تمام انا قدامك اهو اتفضل
مازن / اتفضل ايه
مرام / مش بتقول مراتك و كل حاجه اتفضل خد حقوقك
مازن / انتى بتهزرى صح مرام انا كنت بهزر معاكى لسه مكبره الموضوع كدا
مرام / عشان انت مبتفكرش فيا مش مهم انا عاوزه ايه او حاسه بايه
مازن / مهو انا كمان بشر يا مرام مش نبى يعنى انتى عمرك متتخيلى انا عامل ازاى و انا واقف قدامى بنت زى القمر ببرنص لا و مش اى بنت دى مراتى دانتى لو من كفار قريش مش هتعذبينى كدا يا شيخه دانا بتربى اقسم بالله
مرام تبص الناحيه التانيه و تدارى ابتسامتها
مازن / و بعدين مهم جابولك لبس ممكن افهم ليه ملبستيش و لسه واقفه قدامى بنفس ذات البرنص لا و بتغلطنى عشان هزرت معاها و بتقولى عنى انا انى مستفز
مرام / مقدرش اللبس لبس لبنى
صمت
مرام / اخاف تعمل فيا زى معملت فصافى و كمان هتفرق فى ايه مهو انا مقدرش اروح بيه هدخل بتنا و لا حارتنا ازاى بلبس غير اللى خارجه بيه اقولهم ايه
مازن / خلاص شويه صغيرين و هيجيبولك الهدوم
مرام / ساعات بحس انى اتسرعت اننا كتبنا الكتاب بقيت بخاف اكون معاك لوحدى
مازن / مانتى معايا لوحدك اهو كنت اتهجمت عليكى مثلا خلاص يا مرام مش ههزر معاكى تانى
مازن يسيبها و يطلع بره و يرزع الباب وراه و يدخل اوضته و يرزع الباب و مرام واقفه ثوانى و تروح تفتح باب الحمام و تفتح الباب التانى مازن يبصلها و يبص الناحيه التانيه تروح تقعد جنبه
مرام / انا مش بخاف منك
مازن يبصلها
مرام / ساعات بخاف انا كمان اضعف بخاف لما تضغط عليا اضعف بخاف اعمل حاجه اندم عليها العمر كلو
مازن / انا
مرام / عارفه انك جوزى عارفه انه حلال عارفه كل ده بس فى حاجه اسمها حلم فى حاجه انا حلمت بيها طول عمرى بحلم بحاجه معينه فخيالى اصل انا مش هتجوز كل يوم يعنى كتير عليا يعنى
مازن / حلمتى بيها ازاى
مرام / زى كل البنات فستان ابيض و طرحه و زفه و تيته توصلنا لباب البيت توصيك عليا و توصينى عليك كدا يعنى
مازن يبتسم
مرام / كتير عليا ان حاجه واحده فحياتى تمشى زى محلمت بيها الحاجه دى بس
مازن / مفيش حاجه فالدنيا كتير عليكى و على العموم يا ستى دا وعد منى قدام ربنا ان ده مش هيحصل غير زى مانتى حلمتى بيه بالظبط
مرام / وعد
مازن / وعد مع انك مبتوفييش بوعودك بس انا هطلع راجل معاكى و اوفى
مرام / مانت بتدحك عليا
مازن / ههههههههههههههه مين ده انا
مرام / اه
مازن / لا انتى اللى بتستنصحى عليا كان غيرك اشطر يا قطه
مرام تبصله و تبتسم بخجل
مازن / ايوه ايوه ادحكى عليا ببرنصك ده
مرام تعدل البرنص و تقفله بايديها
مازن / طب مش هتنفذى وعدك بقى
مرام / الله
مازن / ههههههههههههههههههههه خلاص خلاص اعصابك
صافى تدخل من الحمام
صافى / انتى هنا ايه يا بنتى ملبستيش ليه
مازن / مرام مش عاوزه تلبس هدوم لبنى خايفه يا ستى
صافى / على العموم هدومك نشفت اهى الحمد لله مخدتش وقت فالدراير اللبسيها يلا
مرام / شكرا يا صافى
صافى / العفو على ايه
مازن ياخد صافى و يطلعوا بره و مرام تلبس
...........................
على باب الاوضه
مازن / جيتى مع شريف هاه ؟؟؟
صافى / انت عارف انت رقم كام تسالنى السؤال ده
مازن / هو انا مش مستغرب انك تيجى مع شريف شريف شاب كويس جدا و محترم
صافى / وى ار جست فريندز
مازن / هو صديق كويس جدا كمان انا مجربه قبل كدا بس احيانا بتبدى بكدا
صافى / هههههههههه والله امال احنا مبتدتش بنا ليه
مازن / عشان كان دايما فى واحد فينا مرتبط
صافى / ههههههههههههههههه صح صح
مازن / على العموم مفيش اسرع مالايام
صافى / انا وشريف مننفعش لبعض
مازن / ليه بالعكس انا مش شايف كدا خالص
صافى / احنا مختلفين فكل حاجه اهتماماتنا ثقافتنا كل حاجه كل حاجه
مازن / انا و مرام مختلفين فكل حاجه كل حاجه برده و مع كدا حبيتها
صافى / هى تتحب بس اللى انا مستغرباه انها هى تحبك انت
مازن / هى قالتلك حاجه ؟؟
صافى / ايه ده هى مقالتلكش حاجه
مرام تطلع مالاوضه
مرام / انا جاهزه
مازن يبص لصافى و يروح يانجج مرام و ينزلوا هما التلاته تحت
.........................
تحت فى الفيلا
لبنى / اتاخرتى كدا ليه يا بنتى دانا كانت ثوانى و هطلعلك
مازن / احنا هنمشى بقى عشان مرام متتاخرش
زياد / تتاخر فين الساعه لسه مجتش عشره حتى
مازن / مهو على موصلها هتبقى عدت عشره
لبنى / مرام اوعى تكونى ماشيه عشان زعلانه ماللى حصل
مرام / ابدا والله ياريت انتى متكونيش زعلانه ماللى حصل
لبنى / ابدا اصلا الجو حر و الميه كانت منعشه جدا بس انا مكنتش اعرف انك مبتعرفيش تعومى تصدق دى يا زياد
زياد / تتعلم مازن يبقى يعلمها مش كدا و لا ايه يا ميزو
شاب بدى بيلدنج يدخل
الشاب / اهلا اهلا اهلا دا الحبايب كلهم متجمعين ازيك يا ميزو ازيك يا زيزو اهلا لوليتى
زياد / اتاخرت ليه يا جزمه انت
الشاب / كان عندى تمرين فالجيم ..اوووف ايه يا جدعان مش تعرفونا بالوجوه الجديده ... شادى الباجورى
شادى يمد ايده لمرام مازن يسلم عليه فلحظتها
مازن / مرام نور الدين مراتى
شادى / اوباااا خط احمر لا بس بتقع واقف يا مازن
مازن / دمك خفيف يا شادى حافظ عليه طب نمشى احنا بقى و لا ايه يلا نشوفكوا وقت تانى سلام
مازن يشد مرام من ايدها و يمشوا
شادى / ههههههههههههه ايه الحوار ده يا جدعان هو بجد و لا ايه
شريف / صافى انا همشى تحبى اوصلك
لبنى / لسه بدرى يا شريف انا اصلا كنت عاوزه صافى فحوار مش هنتاخر مسافه متخلص الدرينك بتاعك تعالى يا صافى
صافى و لبنى يمشوا
زياد / اخبارك مصدقتش نفسى انك نزلت مصر
شادى / فى مشاكل فى الجيم هنا فنزلت لحد متتظبط مش عارف انا الواحد ميعرفش يتلفت فام البلد دى الا لما يسرقوه
زياد / والله فدى عندك حق بس سيبك انت مولعها انت عالفيس بفيديوهاتك ايه يا عم المزز اللى انت بتمرنهم دول
شادى / بمرن مين يابنى دول كوتشز كلهم
زياد / مانا برده بقول و دول محتاجين يتمرنوا
شادى / اخبارك يا اتش عامل ايه و اخبار مازن هو مش كان خطب ماهينور الشربتلى باين و لا انا مسافر بقالى كتير
زياد / دانت قديم اوى
شريف / الدرينك خلص هروح اجيب تانى عن اذنكوا
شريف يمشى و هو بينفخ 
.........................
فى العربيه
مرام / انا ملحقتش اسلم عالناس
مازن / كدا كدا كنا ماشيين
مرام / طب مش هتفهمنى طيب
مازن / عيل زباله عينه زايغه و ايده طويله و انا مليش مزاج اتخانق النهرده فقولت انسحب بهدوء احسن
مرام / ايده طويله ازاى يعنى حرامى
مازن / لا ايده طويله يعنى ... اشرحهالك ازاى يعنى بصى مش محترم متحرش فهمتى
مرام / طب ماحنا سبنا صافى هناك افرض
مازن /لا متقلقيش على صافى شريف معاها و هو مش هيحاول معاها جرب قبل كدا و قعد فى الجبس شهرين مش هيكررها يعنى
مرام / و مين اللى ضربه بقى و كسرتله ايده انت هههههههه
مازن / اه انا اصلا مش عارف مين اللى عزمه ليا كلام تانى مع زياد
مرام / انت ضربت ده !!!!
مازن / كان يستاهل
مرام / مش قصدى بس اقصد انت قدرت على ده!!!
مازن / افندم !!!
مرام / هههههههههههههه خلاص خلاص مصدقاك انت هتاكلنى و لا ايه
مازن / لا دانتى مستقليه بيا اوى على فكره بكره تيجى معايا النادى عشان تشوفى جوزك و هو ..
عربيه من ورا تخبط مازن
مرام / اااااااه
العربيه تخبطه تانى عربيه مازن تلف العربيه تخبطه مالجنب و مرام تصرخ العربيه تفرمل و عربيه مازن تزحف ينزل السواق و اللى جنبه مالعربيه و معاهم مسدسات مازن يفك لمرام الحزام و ينزلها الدواسه و يوطى فوقيها و التانين بيضربوا نار عالعربيه و يمشوا و مرام بتصرخ
...................................