السكه شمال بقلم / لولو_محمد ( كامله )

الحلقه ١٣٥

((((((((السكة شمال ))
#لولو_محمد
الحلقه 135
مازن / تعرفى ايه اكتر حاجه حبتها فيكى
مرام تبتسم و تتحمس
مازن / انك نضيفه اوى من جوه مبتخافيش غير ماللى خلقك اه غشيمه شويه لسانك طويل حبتين بس جدعه المشكله ان دنيتنا دى بتنقى اللى زيك عشان تديهم على دماغهم و تكسرهم لازم الواحد يبقى عارف امتى يميل للريح تعدى عشان ميتكسرش
مرام / يعنى اشوف الغلط و اسكت و لا ارد الغلط بغلط
مازن / لا كدا و لا كدا بس اخد الحق حرفه و الدنيا اللى عايشين فيها دى ماشيه شمال و دا مش سكتك خالص مش هتسلكى فيه
..........................
مرام تبص الناحيه التانيه
مازن / بصى خلينا نتفق على حاجه
مرام تبصله
مازن / انا عمرى مهاذيكى و لا هسمح لحد ياذيكى تمام ثقى انتى فيا بس انا مش عاوز منك اكتر من كدا
مرام / والله واثقه فيك بس اديك شايف كل حاجه بتيجى ورا بعضها اعصابى تعبت
مازن / المصايب مبتستاذنش و هى جايه يعنى عشان كدا لازم تتعلمى تستمتعى بالنهرده على قد متقدرى لان بكره مش مضمون
مرام تهز راسها ايوه بحزن
مازن / بصى انا مش عاوز افتح الموضوع بس فى سؤال محشور فزورى
مرام / خير
مازن / هو انتى ليه سبتى الكاش الاحمر عندى فالاوضه لو مش عاوزه تجاوبى متجاوبيش
مرام تتنهد
مرام / كرهته قلعته و رميته و بعدين خفت شريف يدخل الحمام فعلقته تحت البجامه و طلعت اجرى مكنش ينفع اخده فايدى شريف كان هيشوفه و انا مكنش معايا شنطه و اصلا مكنتش طايقه اللمسه
مازن / للدرجادى
مرام تبص فى الارض
مازن/ عالعموم انا عنته فى شنطتى لو فيوم فكرتى تغيرى رايك و تحتاجيه تانى هو فالحفظ و الصون
مرام تهز راسها و هى مبتسمه بكسره
مازن / اصعب حاجه بالنسبالى انى احس انى مش قادر اخليكى سعيده
مرام تبصله
مازن / مع ان طلباتك بسيطه اوى لكن فى مليون حاجز بيمنعنى كان فى مؤامره كونيه ضدنا
مرام / تعرف مع الوقت بكتشف ان طلباتى مش بسيطه لا انا طلباتى مستحيله فالزمن ده احلامى مستحيله مينفعش الناس تبقى كلها سعده مينفعش ميبقاش فى فقر ميبقاش فى جوع فى حاجات فوق مستوى قدراتنا مينفعش الناس كلها تحب بعض و تتمنى الخير لبعض فى حاجات ببساطه مينفعش تحصل
مازن / بس عالاقل نحاول مع بعض هنقدر
مرام تبتسمله
مرام / انا عمرى محكيتلك عن فارس احلامى صح
مازن / قولتى انه عكسى فكل حاجه
مرام / هههههههههههههههه يعنى مش بالظبط و انا صغيره اوى لما كنت اتناشر تلتاشر سنه كدا كنت عاوزه واحد مقطع السمكه و ديلها كنت بقول هيسيب كل دول عشانى
مازن / وحصل
مرام / المشكله انى لما كبرت شويه الحلم ده اتغير بقيت مقتنعه ان ديل الكلب عمره مبيتعدل
مازن / الله يحفظك
مرام / يابنى مش عليك بتكلم بوجه عام يعنى
مازن / اه طيب تمام كملى
مرام / لما كبرت شويه قبل خطوبتى علاطول كنت عاوزه حد اكون اول حب فحياته نتعلم سوا الحب يعلمنى ازاى احب و اعلمه ازاى يحب بس بعد حوار الخطوبه شلت الموضوع من دماغى خالص كنت عاوزه ابقى حاجه كبيره اوى انا علاطول عاوزه ابقى حاجه كبيره اوى الناس تقف و تشاور كدا و تقول الله مش دى مرام نور الدين معقول بتعمل ايه هنا
مرام تبص لمازن تلاقيه متابعها و مبتسم
مرام / قولت لما هبقى دكتوره فى الجامعه اكيد هحقق اللى انا عوزاه بس لما بفكر كدا بلاقى ان مش ده اللى انا عوزاه برده
مازن / امال
مرام / انا عوزاك انت انا معاك ببص عالماضى و ادحك قد ايه كانت احلامى قليله اوى قد ايه بحس ان ربنا كريم معايا حققلى كل احلامى فشخص واحد
مازن / يا شيخه
مرام / ههههههههههه امال مكانش عاتق زمان و بعدين سابهم كلهم و حبنى انا اول حب فحياته هو اللى علمنى احب و انا اللى علمته يحب و انا معاه كل الناس بتبص عليا كل احلامى انت يا مازن حتى لو قولت غير كدا فلحظه نرفزه بس انا مقدرش اعيش و لا ثانيه واحده منغيرك
مازن / قلبى يا ناس
مرام / هههههههههههههههههههههه
مازن / انا بقى عمرى مكان ليا فتاه احلام من اول مبدات اتعامل مع بنات و افهم و انا واخد قرار انى اعيش ملك زى خالى كدا مش عاوز اللتزم فى اى علاقه و لا بدى اى وعود و لا بتعب دماغى عمرى مفكرت فبكره و لا حلمت بيه مكنش عندى اى نوع من انواع الطموح فاى مجال انا عندى كل حاجه و مع كدا كلها ملهاش اى قيمه لحد مشوفتك اول مره مين دى و اشمعن هى بس مركزتش بعدها بكام يوم كان فى دحكه بترقع فودنى لقيت نفسى بلف تلقائى اشوف مين لقيت ملكه جمال واقفه مع اتنين بنات شوفتها فين و امتى يمكن ففرح يمكن صورتها فى حاجه كنت بلعب فى الموبايل و خدتلك اول صوره ليكى عندى
مرام تبص الناحيه التانيه بخجل و ترجع تبصله
مازن / و صوره تجر صوره تجر صوره لما لقيت عندى حياه سريه مفيش مخلوق يعرف عنها حاجه و لا انا عندى الجراءه انى اتكلم عنها مع حد هقولهم ايه فى بنت عجبانى كنت عارف انى لو قربت منك هاجى بمشاكلى معايا انا مليش نقطه ضعف الكل عاملى حساب لانى معنديش اللى اخسره لكن لو عرفوا انى حبيت مش محتاج اوضح انتى عشتى معايا كل حاجه
مرام / لحد المشروع
مازن / لما لقيتنى معاكى كنت متاكد ان فى مصيبه جايه توسونامى هيدمرنى و يدمر الكل معاه بس فنفس الوقت كنت سعيد ان اخيرا هبص عليكى من قريب شويه منغير محد ياخد باله
مازن ساكت
مرام / سكت ليه
مازن / مرام فى حاجه لازم تعرفيها بصى انا عاوزك تعرفى انى والله العظيم بحبك و ان الموضوع ده كان عشان انا واثق فيكى مش اكتر انا كنت عارف انك غير اى بنت فحياتى و كنت عاوز اثبت ده للكل
مرام / انت ازاى كنت بتعرف بنات تانين و انت بتحبنى الحب ده ازاى كنت بتعمل كدا
مازن / عشان مكنش عندى امل فيكى بس من يوم معشمت نفسى بيكى و انا معدتش شايف غيرك
مرام / عارف لو فيوم مالايام عرفت انك خنتنى هعمل فيك ايه
مازن / ايه هو مش هيحصل بس يعنى من باب الفضول هتعملى ايه
مرام / مش عارفه مفيش حاجه فدماغى دلوقت بس اكيد هعمل حاجه كبيره انت و نصيبك ساعتها مهو انا اكيد مش هسكت يعنى هعمل اكيد هعمل
مازن / هههههههههههههههههههه على فكره انا كنت بحاول اتكلم معاكى فموضوع مهم
مرام / اه سورى سمعاك تمام
مازن / احنا كنا بنقول ايه
مرام / مش فاكره تفتكر صافى و شريف بيعملوا ايه دلوقت تفتكر شريف لسه بياكل
مازن / مش عارف مرام لو سمحتى انا والله ماسك نفسى بالعافيه ساعدينى هنا ارجوكى
مرام / تمام تمام سورى كمل
مازن / فى حاجه انا عملتها عاوز اقولك عليها بس والله العظيم يا مرام والله العظيم انا مكنتش عامل كدا غير عشان بحبك و واثق فيكى
مرام / حاجه ايه دى
مازن / لما كنا فى الكليه كنت بتكلم مع نورا و انس و زياد و لبنى و كدا و الكلام كان عن
مرام / ياااااه هو الموضوع من ايام نورا
مازن / ايوه
مرام / طب يابنى دا من قبل منرتبط يعنى اتمسح مع اللى فات واجعت قلبى ليه دانت بتقول واثق فيا قولت خليت حد يراقبنى مثلا و لا حاولت تكلمنى من تليفون تانى تختبر اخلاقى
مازن / ايه اللى بتقوليه ده
مرام / واحده جارتى عملت كدا فخطيبها خلت صحبتها تكلمه من رقم غريب قال يعنى بتحبه و كدا و تشوف هيجارى البت و لا يسكها و بكدا تعرف بيحبها و لا لا
مازن / و بعدين
مرام / متجوز صحبتها دلوقت و معاهم بنوته
مازن / هههههههههههههههههه انتى بتهزرى
مرام / لا والله دى كانت حكايه الموسم وقتها بجد
مازن / بس انا معملتش كدا يعنى
مرام / عارفه لان مفيش حد عاكسنى خالص من يوم متخطبنا الحقيقه .. اممم لا مفيش
مازن / طب الحمد لله
مرام / المهم بقى جارتى دى لما فسخت خطوبتها و عرفت انه هيخطب التانيه قررت انها تنتقم منهم فقامت ايه مكلمه الاكس بتاع صحبتها مهى عارفه كل حاجه عنها
مازن / اه و بعدين
مرام / هى اصلا كانت عاوزاه يعمل ايه بقى عوزاه يكلم خطيبها ده و يحكيله اللى بينه و بين التانيه
مازن / و عمل كدا فعلا
مرام / لا خطبها هى و اتجوزوا هما الاتنين و نسيو الموضوع خالص 
مازن / مين الناس دى هو فى ايه
مرام / انا مالى انا الحق عليا يعنى انى بحكيلك اللى حصل
مازن / لا خلاص خلاص خلينا نرجع لموضوعنا
مرام / اه نسيت اقولك
مازن / ايه
مرام / البت جارتى دى بقى ليها اخت
مازن / لا اله الا الله
مرام / اختها دى بقى ايه كانت متجوزه موظف فى الاداره التعليميه تمام بس اطلقوا بسبب حماتها كانت ست وحشه اوى المهم كانت اخت جوزها مخطوبه لواحد عن طريقها زميلها هى فالشغل و كانت كل المقابلات عندها فالبيت فلما اطلقت حبت ترد القلم لحماتها عملت ايه
مازن / متقوليش انها اتجوت خطيب بنتها
مرام / دى اتخطبت و هى فالعده
مازن / الله اكبر
مرام / و لا امهم بقى دى اصلا كانت حكايه تانيه خالص
مازن / مرام كفايا لو سمحتى العيله دى خوفتنى اوى اوعى تكونى لسه بتتعاملى معاهم
مرام / لا مهم عزلوا مالحته من زمان بعد مامهم بقى اتجوزت الراجل بتاع
مازن / مرام ابوس ايدك كفايا مش عاوز اعرف تعالى نرجع لصافى و شريف بدل ميخلص على خزين الشهر بتاع المنتجع و نبقى نشوف موضوع العيله دى بعدين
مرام / تمام و بالمره اقولك بقى حكايه فاتن بنت طنط عواطف عملت ايه لما اطلقت من جوزها
مازن / صبرنى يارب و دى بقى اتجوزت من اخوه بقى و لا ايه
مرام / لا طبعا ايه اللى انت بتقوله ده هو فى حد بيعمل كدا
مازن / لا طبعا مليش حق اتفضلى يا مرام اتفضلى
..................................
تانى يوم
مرام نايمه فى اوضتها حد يخبط عالباب مرام تروح تفتح بحزر تلاقى مونيكا تاخدها فى حضنها
مرام / الف حمد الله عالسلامه
مونيكا / انا مخصماكوا و فين الواطيه التانيه
مونيكا تدخل تصحى صافى
مونيكا / قومى يا جزمه بقى تعملوا كدا فيا تسبونى مع الاشكال دى لوحدى ... مال وشك يا صافى
صافى / متنفخ مالنوم بس عادى دلوقت هغسل وشى و احط مايك اب هيروق متقلقيش المهم عملتوا ايه
مونى / يا بنتى دا كان يوم ميعلم بيه الا ربنا بجد كنت فنص هدومى من كامل و انجى بسبب عمايلهم دى الحمد لله ان كامل متفهم لطبيعه زياد و لبنى و بيحاول يحتويهم بجد الله يعينه على دى رحله انما ايه البلاليين دى كلها هاه فى ايه
صافى / مازن يا ستى كان عامل لمرام سربريز صغنن كدا حجزلنا فول بروجرام فى الاسبا و لما رجعنا هنا بقى لقينا الاوضه كلها ورد و بلالين و هو كان واقف عالباب بقى عشان يقولها بحبك و كدا
مونى / اه قلبى الصغير لا يحتمل هو رومانتيك و بعدين
مرام / و لا قبلين بس روحنا خمام السباحه لعبنا شويه و بعدين اتعشينا و اتمشينا شويه و نمنا
مونى / لا بس شكل الرقص عمل معاه شغل ها ههههههههه بصراحه حركه حلوه اوى منه البلاليين دى
مرام تهز راسها بس مش باصه لمونى 
مونى / انا تعبانه جدا و يادوب انام شويه بس قولت الاول اجى اطمن عليكوا يلا سلام
مرام / تصبحى على خير او تتمسى بالخير حسب التوقيت المحلى بقى لساعتك معرفتش ههههههههههه
مونى /هههههههههههه و انتى من اهله هو صحيح ايه الجاردز اللى بره دول هو فى ايه
صافى  / مازن يا ستى انتى لسه هتعرفيه النهرده امبارح قال الاوض اللى جنبنا فاضيه فقال يبعت حد يحرس المكان
مونى / اوفر بروتيكتيف بس ماشى يلا سلام
صافى / سلام
مونى تمشى
مرام / عدت على خير
صافى / عقبال الباقيين
مرام / هتعدى هتعدى يلا كملى نوم كملى نوم
صافى تهز راسها و تفرد نفسها فى السرير تانى و تنام
.................................
تانى يوم
مونيكا / لا طبعا ليك حق توزعنا بس تعمل حسابك انت مديونلى بيوم زى ده
مازن / انا كلى تحت امرك يا قمر
لبنى / المهم انكوا انبسطتوا
صافى / جدا بصراحه انا عمرى مقضيت يوم جميل اوى كدا
مرام / بس احلى حاجه فيه ان اخيرا من يوم مجينا يوم عدى بهدوء
هانيا / الله الله الله يعنى احنا اللى كنا منكدين عليكوا الرحله و لا ايه متشوف مراتك يا عم مازن
مرام / اكيد مقصدش يعنى
سوزى / و لا تقصدى هههههههههههههه
انجى / حد فيكوا شاف النت الفيس كلو مقلوب عالعصابه الروسى بتاعه المخدرات
مونيكا / واضح ان اللى بيجى على مرام مبيكسبش اهو ربنا كشفها ووقعها فى شر اعمالها
لبنى / حد فيكوا يعرف زياد و مازن و شريف فين دلوقت
مرام / مازن قالة وراه مشوار صغير و راجع علاطول
لبنى / فالقسم يا روحى بيحققوا معاهم
مرام / ليه ايه اللى حصل
لبنى / الله مش مازن مديها شيك بميه الف دولار و كانت نازله عندنا فى الريزورت
مونيكا / اه بس دا حوار تانى يعنى هو عشان نازله عندنا فى الفندق نبقى شركا معاها فى الجريمه و الفلوس كلنا عارفين ليه و كل اللى حصل متصور سواء بكاميرات الفندق او اعتزارها بموبايل شريف
لبنى / ايوه عارفه و عشان كدا هيخرجوا منها انا مقولتش مقبوض عليهم انا قولت هياخدوا اقوالهم و يمشوا
صافى / يمكن عشان كدا مازن مقالكيش يعنى مش عاوزك تقلقى
مرام / اكيد بس برده قلقت
مونيكا / البركه فى اللى عرفتنا
لبنى / الله دلوقت انا الوحشه انا كان كل قصدى انكوا تعرفوا ان الموضوع مخلصش بالبساطه دى يعنى
مرام / لا يا لبنى محدش كلمك انا بس قلقت فعلا خصوصا انهم بقالهم كتير اوى بره
لبنى / بقولكوا ايه .. ايه رايكوا نطلع بكره سفارى
انجى / الله انا بحب الجو ده جدا
مونى / خلاص لما يرجعوا هكلم شريف يظبطلنا الموضوع
لبنى / و نستنى شريف ليه انا هقوم اخليهم يظبطوا كل حاجه
مرام / استنى يا لبنى نشوف الباقيين يمكن مخطتين لحاجه
مونى / صح
هانيا / انا هقوم الشباب راحو فين و باعونا
سوزى / هتلاقيهم فالفيديو جايم سيكشن
هانيا / كدا و لا عالعشا على ميرجعولنا
لبنى / سبيهم دا حتى قعدتنا متتعوضش هههههههههههههههههه
.........................
بالليل  فى اللوبي
مرام بتتكلم في التليفون
مرام / لا بس كان المفروض تقولي
مازن / مكنتش عاوزك تقلقي
مرام / و اديني عرفت و قلقت برده
مازن / خلاص خلصنا و جايين فالطريق اهدى بقي
مرام / خلاص مش هاكل الا لما تيجي
مازن / ماشي مش قدامنا كتير اصلا
مرام / تمام سلام
مازن / سلام يا قلبي
مرام تقفل تلاقي لبني فوشها
مرام / خضيتينى
لبني / هههههههههه معلش حقك عليا اطمنتى عليهم
مرام / اه الحمد لله فالطريق
لبني / قولتلك متقلقيش و بعدين انا مش فاهمه انتى خايفه من ايه امال لو مكنتيش فاهمه الليله
مرام / ليله ايه
لبني / حوار اولجا و اللى عملته
مرام / مش فاهمه
لبني / ايه يا مرام انتى هتستعبطي ايه مازن مقالكيش ان هو اللى مرتب للفيلم دا كلو عشان يربي اولجا و اللى معاها
مرام / فيلم ايه البت دى مكنش معاها مخدرات مازن اللى لفقلها القضيه دى طب و البوليس اللي اتصاب و المطاردات كل ده
لبني / يا بنتى هتفضلي مقفله كدا لحد امتى اه الفيلم ده اخراج زياد و انتاج مازن و كلو بعلمه هى غلطت و كان لازم تتعاقب
مرام / انا مش مصدقاكى على فكره مستحيل مازن يعمل كدا اصلا هيجيب المخدرات منين هى سهله كدا
لبني / ياربي عليكي تحبي اجبلك حشيش دلوقت بمكالمه تليفون
مرام تبصلها و تسيبها و تمشي و لبني بتبص عليها و هى مبتسمه
............
فى الريسيبشن
مازن / بتعملى ايه هنا
مرام / عوزاك
مازن / فى ايه خير
مرام تاخد مازن على جنب
مرام / احلف انك هتقول الصدق و مش هتكدب عليا
مازن / والله مهكدب قولى
مرام / انت ليك يد فحوار اولجا ده
مازن / بصي يا مرام
مرام / اه او لا
مازن / اه ليا بس
مرام تيجي تمشي يمسكها
مازن / ممكن ادافع عن نفسي طيب ممكن تسمعيني
مرام تبصله
مازن / انا مقدرش اقول اللى هى عملته معاكى و مع صافي عشان لانتى و لا صافى تتبهدلوا فكان لازم تاخد جزائها بشكل تاني
مرام / طب و الظابط و العساكر اللى اتعوروا
مازن / بمزاجهم و على قلبهم زى العسل وواخدين فلوس ميحلموش بيها غير ترقيه و حوافز فشغلهم
مرام / بالبساطه دى
مازن / و الخبر اتسرب للصحافه عشان ميلحقوش يغطوا عالموضوع انا مديتهاش اكتر من اللى هى تستحقه ربنا وحده اللى يعلم كانت هتعمل فيكي ايه
مرام  / ربنا ميرضاش بالظلم
مازن / انا مظلمتهاش انا اديتها اكتر من سته و نص مليون بعمله بلدها و هى بدل متاخدها و تروح ادتها لشهاب عشان تاذيكي بتضحي بالمبلغ ده بس عشان تاذيكي يا مرام انتى مستوعبه الموقف
مرام / لا و للاسف معدتش قادره استوعب اي حاجه
مازن / ثقي فيا يا مرام احيانا القانون يكون عاجز قدام حاجات كتير يا مرام لو كانت ضربتك و روحتوا انتوا االاتنين قدام الظابط منغير متكونى مراتى هيبهدلوكى انتى و هتروح بلدها متشاله عالكتاف
مرام ساكته و باصه الناحيه التانيه مازن يحرك راسها ناحيته
مازن / ثقى فيا ارجوكى خليكي واثقه فيا
مرام تهز راسها بحزن
مازن / لبني اللى قالتلك صح ... مرام لبني انسانه مش كويسه مهما مثلت مهما عملت اوعى تثقي فيها دى حيه و مبتصدق تبخ سمها تمام
مرام تهز راسها
مازن / ممكن بقي تفكيها كدا و متشمتيش اللى يسوي و اللى ميسواش فينا
مرام تبصله تلاقيه باصصلها و مبتسم تبتسم
مازن / قلبي يا ناس

………………..
فى اللوبى
كامل / بس الغريب انهم مطلبوش مرام للشهاده و لا ايه
مازن / و يطلبوها ليه مكل حاجه متصوره بالكاميرات راى مرام او شهادتها مش هتغير حاجه يعنى
كامل / الحمد لله انها جت على قد كدا
لبنى / مالك يا مرام ساكته ليه
مرام / مفيش يمكن مرهقه شويه
مونى / مرام تعبت جامد اوى النهرده يا مازن بجد تقريبا مكلتش خالص من كتر قلقها عليك
مازن/ انا قولتلها والله الموضوع بسيط هى اللى مصره تاخد كل حاجه على اعصابها
فادى / دى طبيعه عندهم يا ميزو هم بيتولدوا كدا متوترين و يكهربونا معاهم
مارينا / مش صح على فكره فى بنات بارده جدا و تشل بس اكيد يعنى اى واحده فينا بتخاف على حبيبها يعنى دا حب مش حاجه تانيه
فادى / طبعا يا قلبى هو حد يقدر يقول غير كدا
انس / انا هقوم اجيب حاجه اشربها حد يشرب حاجه
لبنى / انا هاجى معاك
انس و لبنى يمشوا و عين زياد عليهم
مونى / انا بقول نطلع ننام عشان نصحى الصبح نجهز للسفارى
مازن / فعلا انا مرهق جدا و محتاج انام
صافى / هتناموا بدرى كدا انتوا بتتكلموا جد و لا بتهزروا
شريف / انا عن نفسى مش هنام دلوقت اللى عاوز ينام يتفضل
...........................
عند لبنى الناحيه التانيه
الوايتر بيصب عصير فالكوبيات
لبنى / الكاس ده نص بس بليز و كمل سكوتش
انس / انتى هتشربى و لا ايه
لبنى / بقولك يا انس
انس / يا روح انس
لبنى / تحب تكسب مليون جنيه فعشر دقايق
…………………….