السكه شمال بقلم / لولو_محمد ( كامله )

الحلقه ٧٩+٨٠

((((((((((((((السكة شمال ))))))))))))
#لولو_محمد
الحلقه التاسعه و السبعون و الثمانون
فى شقه مديحه
عالسلم
محمود نازل و بيكلم حد فى التليفون
محمود / انا عملت اللى اتفقنا عليه فاضل تعملوا دوركوا سلام
محمود يبص لفوق و ينزل
....................
مازن / يا مرام والله زى مقولتلك انا مكنليش اى علاقه لا بحملها و لا حتى باجهاضها
مرام / انا كنت فكراك بتصاحب و تحب و تتسلى لكن عمرى مجه فبالى انك بتزنى
مازن / مرام اسمعينى انا مش هقولك زى مقولت لكل الناس انى مبجبرش حد على حاجه و الكلام ده بس هقولك انى اتغيرت من ساعه مدخلتى حياتى و انا اتغيرت و عرفت غلطى و ندمت عليه و هصلحه
مرام / ازاى
مازن / هبقى انسان كويس هبقى زى موعدتك بالظبط اوعدك هتغير هبقى كويس مش هعمل كدا تانى
مرام / و هما
مازن / هما اختاروا السكه دى انا ماجبرتهمش عليها عاوزين يرجعوا ميرجعوا انا مش همنعهم
مرام / لو الوضع معكوس و انا اللى ليا الماضى ده هتكمل معايا و لا هتقول عنى شمال انت عارف اصعب حاجه عليا ايه انى عمرى مسمحت لمخلوق يلمس منى شعره عاوز تقنعنى ان جزاتى فى الاخر اخد واحد معرفش يرد لما سالته كام واحده دا حتى ربنا بيقول الطيبون للطيبات
مازن / اقرى تفسيرها دى بتتكلم عن ان الكلام الوحش بيطلع مالناس الوحشه و الكلام الحلو بيطلع مالناس الحلوه ملهاش علاقه بالجواز خالص دى متقاله بعد حادثه الافك
مرام / بسم الله ما شاء الله و مدام انت بتعرف ربنا و فاهم فتفسير كلامه كويس مقرتش الايه اللى بتقول و الزانى لا ينكح الا زانيه او مشركه و انا لا دى و لا دى
مازن / غلطت و توبت و اتغيرت اعمل ايه تانى
مرام / ياريتك مخبيت عنى حاجه زى دى ياريتك قولتلى من الاول
مازن / اقولك ايه عوزانى اقولك ايه
مرام / تقولى حقيقتك
سميحه تدخل مرام تقلع الدبله و تحطها عالترابيزه
مازن / مرام اسمعينى انا وحش و فيا العبر بس والله اتغيرت كتير و هتغير كمان و كل ده عشانك مرام ارجوكى متسبنيش ارجع للى كنت فيه ارجوكى
مرام / ارجوك يا مازن اخرج من حياتى انا مش هقدر اساعدك اكتر من كدا اتغير لنفسك لمستقبلك حتى لو مكنتش انا فيه لكن انا اسفه انا مش هقدر اكمل مع واحد زيك
مرام تعيط
مرام / ارجوك امشى و مترجعش هنا تانى ارجوك
مرام تقوم تدخل اوضتها و تقفل الباب
سميحه / فى ايه يابنى
مازن يقوم يقف
مازن / انا اسف يا تيته عن اذنك
مازن ينزل و سميحه واقفه مش فاهمه حاجه
...................................
فى شقه مازن
مازن قاعد و شريف جنبه و الاتنين ساكتين و شريف عينه على مازن بحزن و مازن ساكت و باصص فى ملكوت تانى
شريف / انا رايى انك تقول لصفوت بيه هى بتعمله خاطر كبير فاكر
مازن يهز راسه لا
شريف / هارمونى كمان مرام بتحبها اوى
مازن يهز راسه لا
شريف / طب انا ممكن
مازن / لا ..لا... لا
شريف / يعنى ايه خلاص كدا بالبساطه دى بعد كل ده
مازن / عيطت يا شريف دموعها كانت بسببى و انا مكنتش قادر اعمل حاجه انا خليتها تعيط
شريف / لا مش انت
مازن / انا
شريف / متقدرش تغير الماضى هى مكانتش فى الماضى هى ليها الحاضر و المستقبل و انت دلوقت كويس و هتبقى احسن
مازن / لو الوضع كان معكوس يا شريف لو هى اللى ليها ماضى كنت هقول عليها بنت شمال كنت
شريف / لو غلطت فيوم و رجعت ظبطت حياتها كنت هتسامحها كانت هتبقى نورا تانيه فحياتك
مازن / و نورا كانت ايه فحياتى عارف نورا كانت بتقول على نفسها ايه كانت بتقول انها الكلبه بتاعتى جاريتى عمرها موصفت نفسها باكتر من كدا
شريف / كانت سكرانه
مازن / و السكران مبيكدبش مبيزوقش الحقيقه
شريف / انت عملت كل اللى تقدر عليه عشانها
مازن / بس عمرى مكنت هتجوزها لو مرام كانت زيها برده عمرى مكنت هتجوزها
شريف / يعنى هتستسلم بالسهوله دى
مازن / عاوزنى اعمل ايه اذا اردت شيئا بشده
شريف / يبقى تحارب عشانه انت وعدتها انك هتحارب عشانها انت وعدتها انك هتتحدى العالم عشانها انت وعدتها و مازن اللى اعرفه عمره مخلف وعده
مازن / الوضع مختلف
شريف / انا مش شايف كدا اسمع انا هسيبك مع نفسك ادخل اوضتك و اقفل عليك و اعمل اللى انت بتعمله جوه و فكر شوف انت بجد مستعد تستلم و تخسر مرام و لا هتحارب عشانها و عشان حوبك سلام يا مازن
شريف يمشى و مازن يتنهد و يبص جنبه يلاقى المصحف يبصله ثوانى و يمد ايده يجيبه و يقعد يحفظ
............................
فى شقه مرام
سميحه حاضنه مرام بتعيط بشحتفه و قهره و سميحه بتطبطب عليها
سميحه / مدام انتى بتحبيه اوى كدا ليه مسمعتيلوش ليه سبتيه يمشى ليه بتعذبى نفسك كدا
مرام / عشان انا اللى استاهل انا اللى مكنتش عارفه اخد قرار انا لو كنت بس قولت لا لو كنت سبته بعيد لو مكنش ... مكنتش هتعلق بيه مكنتش هبكى عليه مكنش هيفرق معايا انا بحتقره اوى و بحتقر نفسى عشان .. عشان ... عشان هو ميستاهلنيش هو عاوز واحده .. هو مش عاوزنى .. انا تعبانه اوى اوى
مرام تعيط اكتر سميحه تحضنها
سميحه / ربنا بيقبل التوبه و هو اتغير عشانك
مرام / ربنا بيسامح بس الناس لا الناس
سميحه / يولع الناس و لا دمعه تنزل من عنيكى
مرام / هبص فعين نيفين ازاى فعين اى بنت تانيه انتى متخيله انى هبقى مرتاحه و انا فى واحده غيرى لمست جوزى عارفه تفاصيله مش هيبقى بتاعى لوحدى مش هيبقى بتاعى اصلا
سميحه / هو بيحبك انتى هو
مرام / افرضى منبسطش معايا كانت واحده منهم احسن منى افرضى مكفتهوش مديتوش اللى كانوا بيديهوله افرضى زهق منى و حب يرجع للى هو فيه يا تيته  بطلى بقى بطلى تدافعى عنه بطلى تلاقيله اعذار مازن وحش ... وحش اوى
سميحه / طب خلاص عندك حق انا مش هدافع عنه بس بطلى عياط عنيكى حرام عليكى بطلى نامى و ارتاحى و انسى انسى كل حاجه انسى مازن و انسى الفتره اللى فاتت و ركزى فمزاكرتك و مستقبلك ركزى فنفسك فنفسك و بس
مرام تهز راسها
مرام / صح دى غلطتى اصلا انا سبت المهم و اتلهيت عنه مستقبلى و تعيينى هو اهم حاجه هو حلمى
سميحه / ايوه صح نامى دلوقت و بكره يحلها حلال
مرام تهز راسها و تحطها فى حضن سميحه و تكمل عياط
....................................
فى فيلا ماهى
ماهى بتتكلم فى التليفون
ماهى / انا معنديش وقت للهبل ده قدامك لحد يوم الاتنين تخلصلى اللى طلبته و الا بقى انت عارف ... سلام
ماهى تقفل و تبص تلاقى احمد و لبنى قاعدين احمد يبص للبنى
احمد / جبتى الفكره دى منين يا بنت اللعيبه
لبنى / هى لسه شافت حاجه
ماهى / بس ايه يضمنلك انها متروحش لمازن تانى و تطلب منه يساعدها و ساعتها كل اللى عملناه هيروح هدر عشان انتى مشبعيتش انتقام منها
لبنى / اخص عليكى يا ماهى و انا بعمل كل ده ليه مش عشانك عشان طيرتك و خدت مكانك
ماهى / و طيرناها
لبنى / لا يا قلبى هى اللى طيرت مازن و وزى مطيرته تعرف تصطاده تانى
احمد / اصلا الورق ده هيخليها تبوس رجلينا عشان نرحمها و ساعتها هستقبلها انا بقى عالحنين
لبنى / ههههههههههههههههههههههههههه طول عمرك حنين يا احمد
ماهى / يا سلام
لبنى / و تعرفى كمان لما تسيب الكليه مازن مش هيشوفها تانى و هينساها لكن طول مهى قدامه هيفضل يحاول و يحاول و يحاول و انا و انتى عارفين مازن كويس لا بيستسلم و لا بيياس
ماهى / على العموم انا عملت اللى اقدر عليه ياريت بس الراجل يعرف يعمل اللى احنا عاوزينه
احمد / لا هيعرف متقلقيش المهم دلوقت نضرب عالحديد و هو سخن و نشوف النار دى هنشغللها ازاى 
ماهى / سبولى انا الموضوع ده
احمد / قلبى يا ناس
احمد يبتسم لماهى و هى فخوره اوى بنفسها
.......................................
تانى يوم فى شقه مرام
الباب يخبط سميحه تطلع مالمطبخ تلاقى محمود
محمود / صباح الخير يا تيته جبت فطار
سميحه / اتفضل يا حبيبى
محمود / امال مرام فين
سميحه تشاور بايدها بحزن على اوضتها و تروح تقعد
محمود / يلا منه لله الحمد لله اننا عرفنا حقيقته بدرى بدرى
سميحه / محمود تعال اقعد
محمود يروح يقعد
سميحه / انت عرفت منين الكلام اللى قولته لمرام
محمود / كنتى فكرانى هسكتله يعنى انا كنت عارف من زمان انه ابن كلب واطى بس مكنش معايا دليل مهما قولت مكنش حد بيصدقنى كان لازم الاقى دليل كان لازم افضحه
سميحه / ايوه يعنى جبت الدليل ده منين
محمود / هيفرق يعنى
سميحه / قولى و ريحنى
محمود / مش مصدق نفسى يا تيته لسه بعد كل ده بتدورى على حاجه تبرائيه بيها شايفه فيه ايه عشان تدافعى عنه كدا
سميحه / مش شايفه حاجه انا مبدافعش عنه بس بحاول افهم
محمود / انا ماشى يا تيته عن اذنك
محمود يمشى و يقفل الباب وراه
...........................
فى شقه مازن
مازن نايم و المصحف مفتوح فحضنه جرس الباب يضرب يفوق بالعافيه و يقوم يقعد يدعك وشه بايديه الجرس يضرب تانى يقوم يشوف مين يلاقى ماهى ينفخ و يجى يدخل جوه
ماهى / افتح يا مازن انا عارفه انك جوه افتح لو سمحت
مازن يقف ورا الباب يفكر
ماهى / انا مسافره الاسبوع الجاى بعد عيد ميلاد طنط فريده علاطول فكل اللى انا عوزاه انك تسمعنى انا بس عاوزه اعتزر عن كل اللى فات بليز يا مازن احنا متربيين سوا بلاش نخسر كل حاجه مره واحده انا عارفه انى غلطت
مازن يفتح و يبصلها تبتسم
ماهى / وحشتنى
مازن يجى يقفل الباب تحط رجلها يفتح الباب تانى
ماهى / اى اى وجعتنى
مازن / عاوزه ايه
ماهى / عاوزه اعتزرلك على الحاجات الهبله اللى عملتها
بنتين يطلعوا مالاسانسير و هما بيدحكوا
بنت 1/ هاى مازن
بنت 2 تحاول تبوس مازن و بنت 1 تدخل جوه مازن يبعد بنت 2 عنه تبص لماهى
بنت 2/ سورى مختش بالى
ماهى / خدوا راحتكوا عن اذنك
ماهى تبص لمازن بقرف و تركب الاسانسير
مازن / انتوا ايه اللى جابكوا
بنت 2/ وحشتنى وسع بقى
مازن / امشوا
بنت 1 تطلع من جوه لابسه قميص نوم قصير
بنت 1/ مالك يا مازن مش عوايدك يعنى تمشينا
مازن / بطلت يلا اتفضلوا
مازن يروح يفتح درج و يطلع رزمه فلوس و يديهالهم
مازن / مش عاوز اشوف وشكوا تانى لو سمحتوا
بنت 2/ بس احنا مش جايين عشان الفلوس
مازن / لاخر مره هطلبها بادب المره الجايه رد فعلى مش هيعجبكوا
بنت 1/ خلاص انت الخسران يلا بينا
بنت 1 تدخل تجيب البالطوا بتاعها و تنزل هى و بنت 2
مازن يرزع الباب وراهم و يمسك التليفون
مازن / جرا ايه يا خليفه لو مش عارف تشوف شوغلك قولى  اشوف غيرك .... قسما بالله لو لقيت بنت تانى طلعالى اى كانت هى مين متبات فيها و دا اخر كلام عندى سلام
مازن يقفل التليفون و يقف ينفخ
...........................................
فى الكليه
اريج / اتلم المتعوس على خايب الرجا
مرام / و انتى ايه مشكلتك انتى كمان مش باباكى قال هيفكر
اريج / اه قالها بس امبارح سمعت ماما بتتكلم معاه عن عريس تانى متريش و بيشتغل فى شركه كبيره و مرتبه مرتاح و لا وراه اخوات و لا ام لا و مش بس كدا امه و ابوه ميتين يعنى لا ليا حما و لا حماه
مرام / و انتى ايه ملكيش راى
اريج / راى فى ايه فواحد هيجيب شقه فى العماره اللى جنبنا و يجيب شبكه قد اللى هيجيبها شريف مرتين
مرام / شريف عارف الكلام ده
اريج / لا طبعا ميعرفش و مش هيعرف
مرام / ليه دا حقه مدام انتى مقتنعه بالعريس التانى ده ليه تعلقى شريف بيكى
اريج / انتى بتقولى ايه يا مرام لا طبعا انا بحب شريف و عوزاه هو بس انتى حطى نفسك مكانى شوفى ظروف شريف و ظروف التانى
مرام / شريف راجل بجد و بيحبك هتعوزى ايه اكتر من كدا شريف شاب محترم و ميتعوضش
اريج / ايوه انا عارفه كل ده بس انا خايفه اخد قرار اندم عليه بعدين بصى انسى خلينا فيكى انتى هتعملى ايه مع مازن
مرام / مانا قولتلك خلاص بقى الموضوع انتهى
اريج / بالبساطه دى انا قولت هتربيه شويه و ترجعيله لكن انك تقطعى خالص كدا دانتى جاحده اوى يا شيخه ليه يعنى عمل ايه لكل ده
مرام / عمل اللى عمله بقى
اريج / عمل اللى عمله ؟؟
نيفين تعدى
مرام / عن اذنك ثوانى
مرام / نيفين نيفين
نيفين / نعم
مرام / ممكن اتكلم معاكى ثانيه
نيفين / اتفضلى اه سورى نسيت اباركلك مبروك
مرام تبصلها و تسكت و تبص فى الارض و ترجع تبصلها
مرام / نيفين هو انا ممكن اسالك عن حاجه
نيفين / خير
مرام / الورقه دى جتلى و متساليش ازاى لانى والله معرف مين و ليه
مرام تدى لنيفين صوره التحليل تتصدم و تقعد تعيط مرام تطبطب عليها
نيفين / مين اداكى دى
مرام / قولتلك معرفش
نيفين / حسبى الله و نعم الوكيل حسبى الله و نعم الوكيل
مرام / التحليل ده بجد
نيفين تعيط
مرام / نيفين ارجوكى
نيفين / لبنى طبعا مفيش غيرها حسبى الله و نعم الوكيل حسبى الله و نعم الوكيل
مرام / هو مازن اجبرك تنزلى اللى فبطنك
نيفين تبصلها
مرام / انا فسخت مع مازن
نيفين / كلهم زباله زى بعض كلهم زباله بس ..لا مش هو و اصلا مكنش منه
مرام / يعنى مازن
نيفين / مازن حتى لو حلفتيله انك واخده الحبايه مش هيثق فيكى
مرام / يعنى حصل
نيفين / انا اسفه يا مرام انا حاولت احذرك منهم ... مرام طمنينى عمل ايه معاكى اوعى تكونى
مرام / لا لا
نيفين / الحمد لله ... مرام انا لازم امشى ورايا سيكشن و لازم اللحقه
مرام تهز راسها و نيفين تمشى و اريج تدخل
اريج / هو فى ايه
مرام / مفيش
......................................
فى شقه مرام
مرام قاعده بتزاكر الباب يخبط تقوم تفتح تلاقى شريف تبتسم
شريف / ازيك
مرام / الحمد لله اتفضل
شريف / يدخل
مرام / تشرب ايه
شريف / ولا اى حاجه متتعبيش نفسك
سميحه تطلع مالمطبخ
سميحه / ازيك يا شريف يابنى اخبارك
مرام / عن اذنكوا ثوانى
شريف / انا كويس الحمد لله يا تيته بركه دعاكى
سميحه / و مازن
شريف يهز راسه لا بحزن سميحه تتنهد مرام تطلع من جوه شايله كيسه
مرام / لو سمحت وصل دى لمازن
شريف / ايه دى
مرام / حاجته لو سمحت وصلهاله
شريف / مرام لو ليا خاطر عندك
مرام / لو سمحت يا شريف
شريف / ماشى
مرام / شكرا
شريف ياخد الكيس و يجى يمشى
سميحه / طب عالاقل اشرب حاجه
شريف / مره تانيه عن اذنك يا تيته سلام
شريف يمشى
.............................
فى جنينه
محمود واقف ماهى تروحله
ماهى / اسفه عالتاخير
محمود / طلبتى تقابلينى تاني خير
ماهى / حبيت اكافأك
ماهى تطلع رزمه فلوس و تديها لمحمود محمود يبصلها
محمود / ايه ده
ماهى / حقك تعبك معايا
محمود / انا معملتش ده عشان الفلوس انا عملت ده عشان مرام تهمنى
ماهى / و انا مصدقاك بس ايه يمنع انك تاخد مرام و الفلوس سوا
محمود / انتى وعدتينى ان محدش هياذى مرام و لا هيلمس منها شعره
ماهى / و انا عند وعدى انا مشكلتى مكنتش مع مرام مشكلتى مع مازن ... هنعمل ايه فى الحب انت ادرى منى يعنى ايه حد يجى فجاه يخطف منك حبيبك
محمود / قولتلك مرام ملهاش دعوه هو اللى
ماهى / عارفه عارفه خلاص اتكلمنا فى الموضوع ده قبل كدا على العموم انا بابى مفتوحلك لو عوزت اى حاجه كلمنى انا مبنساش الجمايل سلام
ماهى تمشى بعيد فى واحد بيصور كل اللى حصل يمشى هو كمان و محمود واقف و الفلوس فى ايده بيبص عليها
.........................................
فى البيت عند مرام
مرام قاعده فى اوضتها فاتحه الكتاب و حطاه على رجلها عالسرير و بتزاكر الموبايل يرن صوت نوتيفيكاشن تفتح تبص تلاقى مونى عالواتس عماله تبعت صور تحمل تلاقى صور قرايه الفاتحه بتاعتها تبص على نفسها جنب مازن قد ايه هو مبسوط و قد ايه هى تايهه يوصلها فيديو تحمله و تفتح الكاميرا على وش مازن و هو بيشوفها و هى بشعرها و لامعه عنيه و دحكته
صوت مازن / متقوليش انك مكنتيش عارفه انى بره
اصوات دحك تقفل الفيديو و دمعه تنزل من عنيها تفتح صفحه مازن و تقلب فى صوره و هو بيدحك دحكته المستفزه تبتسم و هى بتعيط
/////////////////////
مرام / بتعملى فى نفسك كدا ليه فوقى لروحك معقول بالسرعه دى اتعلقتى بيه بالشكل ده بتتفرجى على صوره ليه واحشك ليه انسيه و فوقى لنفسك لمستقبلك
//////////////////
مرام تبص فصوره مازن فالدحكه اللى فعنيه و تبتسم و تمسح دموعها
مرام / ربنا يهديك لنفسك تصبح على خير
مرام تقفل الموبايل و تحطه جنبها و تقفل الكتاب و تنام عالسرير و تقعد تفكر و تتنهد
سميحه تدخل
سميحه / الحمد لله انك خلصتى لحسن انا خلصانه و هموت و انام
مرام تبتسملها
سميحه / محمود جه سال عنك مرتين
....................................
مرام / بكره فى الكليه هتكلم معاه
سميحه / جادعه يلا تصبحى على خير
مرام / و انتى من اهله
....................................
فى الكليه
محمود / بيقولوا فى كويز النهرده
مرام / اه سمعت
محمود / زاكرتى
مرام / ايوه
محمود / انتى زعلانه منى
مرام / لا ابدا ليه
محمود / معدتيش بتتكلمى معايا و لا بتزاكرى معايا و كل ماجى الاقيكى قافله على نفسك
مرام / انا بس عاوزه اقعد مع نفسى شويه يعنى بحاول ...
مازن يدخل المدرج و مرام عينها عليه و هو عينه عليها يعدى و يروح ورا
محمود / يا باى على تقل دمه انسان ..
مرام / كفايا لو سمحت
محمود يبصلها و يسكت مرام تفتح كتاب و تعمل نفسها بتبص فيه و مازن يقعد ورا عينه عليها
................................
يوم الاتنين
محمود / انا هروح اصور الورق ده على ميجى معاد المحاضره
مرام / و انا هروح احجزلنا
محمود / تمام يلا
مرام رايحه ناحيه المدرج ماهى تناديها
ماهى / مرام
مرام تبصلها ماهى تروحلها
ماهى / قلبى عندك يا حبيبتى كلنا لها
مرام تبصلها باستغراب
ماهى / ههههههههههههههه انا جايه اعتزرلك صدقينى الموضوع مش شخصى بس هو
مرام / انا مش فاضيه عن اذنك
ماهى / استنى انتى رايحه فين
مرام / ورايا محاضره عن اذنك
ماهى / محاضره ايه انتى اصلا مش مستجله فى الجامعه هنا
مرام تبصلها باستغراب و تيجى تسيبها و تمشى ماهى تمسكها تانى
ماهى / تعرفى يا مرام فمصر هنا الواحد مننا مش اكتر من شويه ورق
مرام تقف و تبصلها
ماهى / شهاده ميلاد شهاده مدرسه شهاده وفاه قسيمه جواز كلها مجرد ورق و داتا و عيب الداتا انها بتتمسح و الورق بيتقطع او يتحرق
مرام / انا مش فاضيه للهبل ده
ماهى / انا اللى بيقرب من حاجه بتاعتى بمسحه من على وش الدنيا حرفيا
مرام تسيبها و تمشى تدخل المدرج و تقعد تفتح الباقه تجيلها رسايل واتس من رقم غريب فيها صور تفتحها تلاقى محمود بياخد فلوس من ماهى تستغرب
محمود يدخل يقعد
محمود / الحمد لله مكنش زحمه اتفضلى نسختك
مرام تحرك الموبايل و تحطه قدام محمود محمود يبص فى الصوره و يبص لمرام
مرام / جبتلك كام يا محمود بعتنى بكام
محمود ساكت
مرام / كنت مستنيه الغدر من اى حد الا انت
مرام تقوم تمشى
محمود / مرام استنى ارجوكى استنى
محمود يحاول يحصل مرام طلبه كتير تدخل و ووراهم الدكتور و على ميخرج تكون اختفت
........................
فى شقه مرام
محمود بيخبط عالباب سميحه تفتح
محمود / مرام جت
سميحه / انت عملت ايه يا محمود
محمود / معملتش مرام فاهمه غلط والله معملت اى حاجه وحشه
سميحه / ادخل و فهمنى بقى الحكايه كلها
محمود / يا تيته انا قولتلك ان مازن ده واد مش كويس و انتى مصدقتنيش و قبل كدا كان فى واحده معانا فى الدفعه حذرت مرام منه و بعدين قابلت خطيبته اللى سابها و كلهم قالوا نفس الكلام بيتمسكن لحد ميوقعهم و يرميهم و ادتنى نتيجه التحليل و انا اديتها لمرام مش اكتر
سميحه / امال ايه الفلوس دى
محمود / والله مطلبت فلوس و لا كان فى اتفاقنا اى حاجه غير انى احمى مرام منه
سميحه تبصله
محمود / والله يا تيته انا عمرى مهبيع مرام و لا حتى ائذيها باى شكل انتى عارفه هى بالنسبالى ايه خلينى اكلمها يا تيته خلينى اشرحلها
سميحه / مهياش هنا كانت مخنوقه و خرجت
محمود / راحت الدار
سميحه / معرفش
محمود يمشى و يسيب سميحه
سميحه / ربنا يهديكوا يا ولادى انا عارفه ايه اللى جرالكوا بس
.............................
فى كافيه
شريف / يعنى ايه
اريج / انا قولت تسمع منى احسن متسمع من بابا
شريف / بالبساطه دى
اريج / انا اسفه بس والله مفيش فايدى اى حاجه اعملها انا حاولت والله
شريف / طب انا هكلمه تانى
اريج / شريف لو سمحت
شريف / انتى مش عوزانى حتى احاول تانى انتى بتتكلمى جد و لا بتهزرى
اريج / اعمل ايه يعنى
شريف / قومى اوصلك زمان ابوكى عالقهوه دلوقت اقابله و اتكلم معاه
اريج / مانت اتكلمت معاه مره عندك ايه جديد تقوله عندك ايه
شريف / عندى انتى انتى عوزانى انا 
اريج / انت عاوزنى اقول لبابا اننا كنا متصاحبين انت عاوزه يقتلنى يا شريف
شريف / و مدام ده غلط بتعمليه ليه
اريج / عشان حبيتك
شريف/ هاخد سلفه من مازن و هننزل نجيب شبكه كويسه
اريج / يا شريف انت حتى معندكش شقه و جهاز اخواتك التلاته و علاج مامتك و كمان هتزود ديون فوق كل ده
شريف / امال عوزانى اعمل ايه قوليلى اعمل ايه
اريج / مفيش نصيب يا شريف عن اذنك
اريج تقوم تمشى و تسيبه يحط فلوس عالترابيزه و يجرى وراها
شريف / بالبساطه دى استنى هنا بكلمك
اريج / احنا فالشارع
شريف / انتى موافقه عالعريس التانى ده
اريج / اهلى موافقين عليه
شريف / و انتى
اريج / انا اسفه يا شريف عن اذنك
اريج توقف تاكس و تركب و شريف واقف بيغلى موبايله يرن يبص بقرف عالنمره و يرد
شريف / افندم
احمد / وحشتنى قولت اطمن عليك
شريف / عاوز ايه مش طايقك
احمد / كنت عاوز اعزمك على قرايه فاتحه واحد صاحبى
شريف / انت عبيط يا احمد و لا ايه حكايتك
احمد / اعمل ايه بس مانا لو كنت اعرف قبل كدا كنت قولتلك الراجل لسه متصل و مبلغنى ان ابو العروسه وافق و قرايه الفاتحه يوم الخميس
شريف / انا هقفل
احمد / مش عاوز تعرف مين العروسه
شريف يسكت
احمد / حبيبه القلب اريج ... متزعلش هى الدنيا كدا مبتديش الشحاتين اللى زيك اخبار عروستنا الحلوه ايه شيمو
شريف / و رحمه ابويا
احمد / ههههههههههههه وفر وفر روح عيط لمازن و قوله احمد خد منى حبيبتى قوله هاتلى حق عشان انا تافه و مليش قيمه و مقدرش اعمله حاجه
شريف / مين فينا اللى تافه انا و لا عيل حقود غلاوى زيك
احمد / ههههههههههههههههههههه اه و ابقى قول لمازن هارد لاك بخصوص مرام لفت لفت و رجعت لصاحبها ههههههههههههههه سلام يا فاشل هههههههههههه
احمد يقفل السكه شريف يركب العربيه و يطير
..................................
فى الدار
انتصار / جت الحزينه تفرح ملقتلهاش مطرح
مرام تبصلها بعين مكسوره
انتصار / طب سيبك من كل ده انتى عامله ايه
مرام / الحمد لله بحاول افوق من كل ده
انتصار / و مازن
مرام / ماله
انتصار / عامل ايه رجع للى كان فيه و لا لسه عدل
مرام / معرفش
انتصار / تعرفى لما عرفت ان محمود اتفق مع العيال صحاب مازن دول للحظه صعب عليا مازن اوى
مرام / مازن اللى صعب عليكى مش انا
انتصار / متفهمنيش غلط بس انا اقصد ان يعنى يمكن كل دول يعنى
مرام / متفقين على مازن
انتصار / اه بيحاولوا يرجعوه للى كان فيه
مرام تبتسم بسخريه
انتصار / انتى قولتى انه اتغير لما دخلتى حياته اقصد هو قالك كدا و انا بصراحه مشوفتش مالشاب غير كل خير و بيحبك اوى
مرام / يا انتصار متشلنيش ابوس ايدك
انتصار / خلاص سكت
مرام / انا اتاخرت اوى لازم اروح
انتصار / هتيجى تانى
مرام / اكيد و شكلى هاجى قريب
انتصار / ههههههههههههههههه لا ان شاء الله المرادى خير و مش هتحتاجى تيجى مع انك والله بتوحشينى و بتوحشى البنات
مرام / و انتوا اكتر والله تسلمى يا نونو بجد برتاح اوى معاكى و مع البنات بنسى همى وسطيكوا
انتصار / احنا بنفرح بيكى ياريت كل البنات زيك يا مرام
مرام تبتسم و تمشى تقابل محمود فالشارع
محمود / مرام مرام
مرام تعدى من جنبه و تكمل مشى و لا كانه موجود
محمود / مرام لو سمحتى اسمعينى لو سمحتى على الاقل خلينى اشرحلك
محمود يمسك ايدها تشدها
مرام / انت اتجننت اوووف
مرام تمشى بنرفزه و تحاول تعدى الشارع بعيد عنه عربيه تخبطها فى جنبها توقعها فى الارض محمود يجرى عليها و اللى كان سايق كمان ينزل
مرام / انت ؟؟
احمد / رب صدفه خير من الف ميعاد
محمود / صدفه برده يابن الكلب
مرام تقوم تقف و هى بتتوجع
احمد / صدقينى حادثه تحبى نروح مستشفى نطمن
مرام / هبقى كويسه لما تغور فستين داهيه
احمد / اخص عليكى يا مرام و ساعتها مين يساعدك تخرجى ماللى انتى فيه
محمود / امشى يابن الكلب من هنا بدل ودينى
احمد / الله دى عيلت اوى على العموم انا ماشى انا اصلا مش فاضى للهبل ده
احمد يركب العربيه
احمد / اشوفك بعدين يا مزه
احمد يسوق و يمشى و مرام ماسكه جنبها و بتبص عليه بقرف
محمود / انتى كويسه
مرام تشاور لتاكس و تركب و محمود واقف بيبص عليها
............................
فى شقه مرام
سميحه / والله يابنى مبقيت عارفه اعمل ايه 
شريف / هى فين دلوقت
الباب يتفتح و مرام تدخل
سميحه / اهى جت اهى
مرام / ازيك يا شريف خير
شريف/ عامله ايه
مرام تهز راسها
شريف / محتاج اتكلم معاكى شويه ممكن
مرام / اكيد اتفضل
مرام تروح تقعد و باين عليها الوجع
سميحه / انتى كويسه يا حبيبتى
مرام / الحمد لله
سميحه / هعملكوا شاى
سميحه تقوم
شريف / انتى عامله ايه
مرام / فى ايه
شريف / مش عارف كل حاجه الدراسه ال.. فى عندك اى مشاكل يا مرام فى حاجه حصلت
مرام / فى ايه يا شريف مالك
شريف / انتى قابلتى احمد او كلمك او بعتلك حد او معرفش
مرام / احمد خبطنى بالعربيه النهرده هو بيقول كان حادثه مكنش يقصد
شريف / خبطك فين
مرام / عارف دار ايتام بكره احلى
شريف / اه
مرام / فى الشارع هناك
شريف / و احمد بيعمل ايه هناك فى الشارع
مرام / معرفش
شريف / خدى بالك من نفسك لو حصل اى حاجه فى اى حاجه كلمينى ماشى
مرام / فى ايه متقلقنيش انا مش نقصه لو سمحت فى ايه
شريف / فى ناس معندهاش حدود للسفاله فى ناس مبتكتفيش مبتشبعش احمد منهم كلمنى و اللى فهمته ان فى حاجه ناحيتك
مرام / اخره يعمله انا مش خايفه منه
شريف / انا مش هقول لمازن حاجه
مرام / ياريت و شكرا يا شريف على اهتمامك
شريف / انتى زى اختى
شريف يجى يقوم سميحه تدخل بالشاى
سميحه / رايح فين يابنى اشرب شايك الاول
شريف / كانى شربته يا تيته تسلمى
شريف يفتح الباب يلاقى محمود عالسلم
محمود / انت بتعمل ايه هنا شايف ان الباشا بتاعك بعت الكلب بتاعه يصلحله الجو
مرام / احترم نفسك و خليك فحالك ماشى
محمود / مرام
مرام / ايه هتشتم ضيفى و اسكتلك
شريف / حصل خير يا مرام انتوا برده اخوات
مرام / محناش اخوات اللى يبيع اخته عشان شويه فلوس ميبقاش اخ
شريف يبصلها و يبص لمحمود
محمود / برده مصره
مرام / نورت يا شريف
شريف / عن اذنكوا
شريف ينزل و هو كل شويه يبص فوق على مرام و محمود و يمشى و هو مش فاهم حاجه
................................
فى شقه مازن
مازن / انت بتقول ايه انت
شريف / انا مكنتش ناوى اقولك بس انا خايف عليها فى حاجه حصلت فى حاجه كبيره حصلت و ياما مرام لسه مش عارفه الفخ اللى اتعملها فعلا ياما بتدارى علينا بس انا متاكد ان فى مصيبه كبيره حصلت
مازن / لا لا اصلا محمود ميعملش كدا دول متربيين سوا اكيد فى حاجه غلط
شريف / والله العظيم قالتله قدامى اللى يبيع اخته عشان شويه فلوس
مازن / مشبعش احمد مش كدا لسه مشبعش
شريف / تفتكر فعلا صدفه
مازن / حتى لو مكنش كلمك فى التليفون مكنتش هصدق انها صدفه
شريف / انا تعبت تعبت اوى
مازن / هى الخسرانه متزعلش عليها
شريف / هو قالى لما كنت عنده سلمى على اريج و شيماء هو قالى دحك على اريج يا ترى مخبى ايه لشيماء
مازن / اعلى مفخيله يركبه انت خايف من ايه
شريف / مش عارف بس انا عارفه و انت عارفه و ليا حق اخاف دى اختى الصغيره يا مازن
مازن / طب يبقى يقربلها يا شريف والله العظيم اجيب القديم عالجديد و اخلص عليه نهائى بقى عشان انا زهقت منه و من امه
شريف يهز راسه موافق
..............................
فى الكليه
مرام / انتى بتتكلمى جد و لا بتهزرى
اريج / ايه مش هتباركيلى
مرام / على ايه
اريج/ ماشى شكرا
مرام / اريج استنى شريف عرف
اريج / انا كلمته و قولتله ان مفيش نصيب
مرام / بالبساطه دى
اريج / اعمله ايه
مرام / و لا حاجه مبروك
اريج / متحكميش عليا ماشى انتى مش مكانى
مرام / محكمتش ربنا يقدملك اللى فيه الخير مبروك
اريج / عن اذنك
اريج تمشى و مرام قاعده لوحدها بتبص عليها و هى بتكلم واحده تانيه و البنت تحضنها و يفرحوا سوا
/////////////////////////////////
مرام / هو فى ايه ايه اللى بيحصل فى الدنيا الحب بيموت بالبساطه دى ...مفيش نصيب قد ايه الكلمه دى قتلت قلوب ... بتدحكوا حقكوا يا عينى عليك يا شريف كنت حلو جدا لما كنت بتقبض عشر تلاف كنت عريس لقطه بتدور على حجج عشان تكلمك و تتعرف عليك لكن لما طلع وراك هم كبير و بتجرى وراه فجاه بقى مفيش نصيب
///////////////////////
سعد يدخل يقطع سرحان مرام
سعد / مرام مرام
مرام / هاه سعد ازيك
سعد/ مرام النتيجه نزلت فى الكونترول
مرام / بجد عملت ايه قولى عرفتلى طب عرفتلك
سعد / لا لسه بدور على حد يجيبهالى
مرام / طب انا كمان هشوف حد و لو عرفت هجيبهالك و لو انت عرفت هتهالى
سعد / تمام
//////////////////////////
مرام / النتيجه ... كملت ده بالظبط اللى كنت محتاجاه عشان حيرتى و توترى يهدوا .... ربنا يستر
///////////////////////
مرام تفوق على مازن معدى و عينه عليها يمشى و يروح بعيد تتنهد و تقوم تمشى
................................
قدام مبنى الاداره
محمود و مرام و سعد واقفين مع فراش
الراجل / انا لقيت اسمين بس فى الكشوفات ملقتش التالت
محمود / يعنى ايه يعنى انت مش قولت خلصت و بيدخلوها عالكومبيوتر
الراجل / ايوه بس انا قلبت الكشف تلت مرات ملقتش اسم مرام سلامه نور الدين خالص
مرام / ازاى يعنى
الراجل / مش عارف انا والله سالت كذا حد و دورنا فعلا على العموم ممكن تسالى دكتور مروان البنا هو اللى يقدر يفيدك
مرام تسيبهم و تمشى و سعد و محمود يروحوا وراها
..............................