အခန်း(၉၉၇)
တရားခံက အမျိုးသမီး။
ရေကန်မှာ ကိစ္စ ကြီးကြီးမားမား ဖြစ်ပျက်သွားတာလား။
"ဘာဖြစ်တာလဲ။" Long Feiye မှာ အေးစက်စွာ မေးလိုက်သည်။
“ခြုံခိုနေတဲ့ အရိပ်အစောင့် နှစ်ယောက်စလုံး အသတ်ခံလိုက်ရပါတယ်။ Cui Yun လည်း ပျောက်သွားပြီ။တရားခံက အရမ်းပြင်းထန်တဲ့ ကိုယ်ခံပညာနဲ့ ဓားစွမ်းရည်ရှိပါတယ်။ ဒီလက်အောက်ငယ်သားက အော်ဟစ်အကူအညီတောင်းသံကြားပေမယ့် အမြန်ပြေးသွားတဲ့အချိန် အမျိုးသမီးတစ်ယောက်ပဲ မြင်လိုက်ရပါတယ်။” အရိပ်စောင့်မှ ပြောလိုက်သည်။
Cui Yun မှာ ရေကန်ဘေးတွင် တာဝန်ကျနေသော ကြေးစားအမျိုးသမီး၏ နာမည်ဖြစ်သည်။ Long Feiye နှင့် Han Yunxi တို့မှာ အကြည့်ချင်းဖလှယ်လိုက်ကြကာ စကားတစ်ခွန်းမှ မဆိုပဲ ယင်ယန်ကန် သို့ ဦးတည်သွားလိုက်သည်။ ဖြစ်နိုင်ချေ အများစုမှာ ထိုတရားခံမှာ ခြောက်ယောက်မြောက် အမျိုးသမီး၏ လူသတ်သမားပင်။ စုံတွဲမှ ရောက်ရှိသွားချိန်တွင် Xu Donglin သည်လည်း ထိုနေရာတွင် ရှိနေပြီး အရိပ်အစောင့်နှစ်ယောက်၏ အလောင်းအား စစ်ဆေးနေသည်။
“အရှင့်သား၊ မင်းသမီး၊ သူတို့နှစ်ယောက်လုံး ဓားနဲ့ သေတာပါ။ သူတို့လည်ချောင်းကို တစ်ချက်တည်းခုတ်ခံလိုက်ရတာပါ။” Xu Donglin မှာ အစီအရင် ခံလိုက်သည်။
အနီးကပ်ကြည့်ရန် Long Feiye မှာ ဒူးထောက်လိုက်သည်။ “ဓားပညာက တကယ်ကို ကြောက်စရာကောင်းတယ်။” သူက သုံးသပ်လိုက်သည်။
Han Yunxi ၏ နှလုံးသားမှာ အေးခဲသွားတော့သည်။ Long Feiye မှာ ထိုသို့ပြောလာလျှင် လူသတ်သမားမှာ အရိပ်အစောင့်များထက်ပင် ကောင်းမွန်သော ဓားစွမ်းရည် ရှိရမည်မှန်း သူမ သိနိုင်သည်။
"Cui Yun က သေပြီလား၊ အသက်ရှင်နေသေးလား။" သူမ မေးလိုက်သည်။
အဖြစ်အပျက်အား သတင်းပို့သည့် အရိပ်အစောင့်မှာ ခေါင်းခါလိုက်သည်။ “ဒီလက်အောက်ငယ်သားက ထွက်ပြေးသွားတဲ့ အမျိုးသမီးကိုပဲ အခင်းဖြစ်တဲ့နေရာကို ရောက်တော့ တွေ့လိုက်ရတယ်။”
YOU ARE READING
အဆိပ်ပါရမီရှင်ကြင်ယာတော် book 6
Historyczne** Book 6** အလွယ်တကူ အနိုင်ကျင့်ခံရကာ ရုပ်ဆိုးသော မည်သည့် ဆေးပညာစွမ်းရည်မှ မရှိသော သူမ။ သူက လူများစွာမှ ထောက်ပံ့ပေးခြင်းခံရကာ ကောင်းကင်အောက်တွင် အာဏာကြီးစွာဖြင့် ထျန်းနင်၏ အလေးစားခံရဆုံးသော ချင်ဝမ်။ သူတို့၏ မင်္ဂလာဆောင်နေ့တွင် ဝေါယာဥ်မှာ တံခါးရှေ့တွ...