အဆိပ်ပါရမီရှင်ကြင်ယာတော် book 6

အခန်း(၁၁၃၂)

အခန်း(၁၁၃၂)

တူညီသော တည်နေရာ။

Long Feiye က Tang Li ကို အော်စေချင်တာလား။

Tang Li အပါအဝင် လူတိုင်းမှာ ပဟေဠိဖြစ်သွားကြသည်။ သူက မေးလိုက်သည်။ “အစ်ကိုကြီး၊ မင်းဘာတွေစီစဉ်နေတာလဲ။”

ဤနည်းလမ်းမှာ Bai Yanqing ကို သူတို့ဆီ ဆွဲဆောင်နိုင်မည် မဟုတ်သည့်အပြင် သူ့ကို အဝေးကို ပြေးသွားစေနိုင်သည်။

"အချိန်ဖြုန်းတာကို ရပ်လိုက်ပြီး အော်တော့…” Long  Feiye မှာ တိုက်တွန်းလိုက်သည်။

Tang  Li မှာ အသံကျယ်ကျယ်ဖြင့် “အား” ဟု အော်လိုက်ပြီး အသံကိုပင် ဆွဲငင်လိုက်သည်။ Han Yunxi နှင့် ကျန်သူများအားလုံးမှာ နားကို ဖုံးထားသော်လည်း Long Feiye မှာ ဂရုတစိုက် နားထောင်နေသည်။အဆုံးတွင် Tang Li မှာ Long Feiye ကိုကြည့်ကာ တစ်စုံတစ်ခုကို သတိရသွားပုံရသည်။ ချက်ချင်းပင် သူက ကျောက်ခန်းဆီသို့ ပြေးသွားလိုက်သည်။ Long Feiye နှင့် ကျန်သူများမှာ သူ၏နောက်သို့ အလျင်အမြန်လိုက်သွားကြလျှင် Tang Li မှာ အခန်းတွင်း၌ ကျယ်လောင်စွာ အော်ဟစ်နေလေသည်။

သူ၏ အသံမှာ ယခင်ကထက် ပိုကျယ်နေသည့်တိုင် အနီးနားပတ်ဝန်းကျင်ကို ကျော်လွန်မသွားချေ။ Han Yunxi နှင့် Gu Beiyue နှစ်ဦးစလုံးမှာ အရူးမဟုတ်ကြသဖြင့် မကြာမီတွင် Long Feiye ၏ အကြောင်းပြချက် နားလည်လာသည်။ သူတို့က ဓားစာခံများကို ကယ်ဆယ်ရန် အလျင်စလို ဖြစ်နေခဲ့ပြီး ဤမူမမှန်မှုကို သတိမပြုမိခဲ့ပေ။ အကယ်၍ Ning Jing တွင် ကျယ်လောင်သော အသံရှိလျှင်ပင် ကျောက်ခန်းအတွင်းမှ သူမ၏ အော်သံများမှာ အလွန်ဝေးကွာစွာ ရောက်မလာသင့်ပေ။ Han Yunxi မှာ ဤနေရာသို့ ပြေးလာရန် အချိန်များစွာယူခဲ့ရသည်ကို သတိရမိသောကြောင့် သူမက "အကျဥ်းကျနေသော Ning Jing" နှင့် အလွန်ဝေးကွာစွာ ရှိနေသည်။ 

"Ning Jing ဒီမှာ လုံးဝမရှိတာဖြစ်နိုင်မလား။ ဒါ​ပေမယ့်​ ဒီ​ကျောက်​ခန်းက​နေ ​အော်​သံ​တွေကြား​နေရတယ်​မလား။" Gu Beiyue မှာ အံ့သြသွားတော့သည်။

Tang Li မှာ မျက်မှောင်ကျုတ်နေပြီးနောက် ကြေငြာလိုက်သည်။ “ငါသိပြီ။"

သူက ဓါးထုတ်ကာ မျက်နှာကျက်ရှိ ခလုတ်များကို စစ်ဆေးရင်း ရှင်းပြလာသည်။ "Ning Jing က ကျောက်ခန်းအပေါ်မှာ ရှိသင့်တယ်။ ငါ စာအုပ်တွေထဲမှာ လျှို့ဝှက်ခလုတ်တစ်ခုအကြောင်း ဖတ်ဖူးတာမှတ်မိတယ်။ တစ်ချို့ ဝင်္ကပါတွေမှာ အကွာအဝေးတစ်လျှောက် အသံချဲ့ဖို့အတွက် အထူးဖွဲ့စည်းပုံတွေနဲ့ ပစ္စည်းတွေ သုံးထားတတ်တယ်။ တစ်ချို့နေရာတွေမှာ ပုံမှန်အသံကို ချဲ့နိုင်တယ်။ တကယ်တော့ ဒါက လူတွေရဲ့ တည်နေရာအပေါ် ခန့်မှန်းတာအပေါ် သက်ရောက်မှုရှိစေနိုင်တယ်။”