အခန်း(၁၀၀၄)
အမှန်တရား။ ချီရှောက်က သူတို့ကို လိမ်ညာခဲ့တယ်။
Gu Qishao ၏ စုံတွဲဖြင့် တွေ့ခဲ့သည့် အကြောင်းအရာမှာ မှန်ကန်သော်လည်း သူ၏ ရေမီး မစွဲနိုင်သော နွယ်ပင်များမှာ ပေါက်ကရပင်။ အကယ်၍ Long Feiye ၏ ခန့်မှန်းချက်သာ မှန်လျှင် ထိုအပင်မှာ Gu Qishao အတွက် သူ၏ မသေနိုင်သော ခန္ဓာကိုယ်အား ဖုံးကွယ်ရန် အကြောင်းပြချက်တစ်ခုသာဖြစ်သည်။ မသေ သို့မဟုတ် ဆွေးမြေ့ပျက်စီးနိုင်ခြင်းမရှိသူတစ်ဦးအနေဖြင့် သူ၏သွေးအားသောက်ထားသော နွယ်ပင်များသည်လည်း သူ၏ရုပ်ပိုင်းဆိုင်ရာဂုဏ်သတ္တိများ ဝေမျှထားလိမ့်မည်။ထို့ကြောင့် ၎င်းတို့မှာ ဓားမီးဒဏ် မခံခဲ့ရခြင်းပေ။
ထိုကဲ့သို့ပင် Gu Qishao မှာ သူ၏လျှို့ဝှက်ချက်အမှန်တရားအား ဖုံးကွယ်ထားသည်။ ယခုအချိန်တွင် Han Yunxi မှာ သူ၏ ခန္ဓာကိုယ်မှ မော့ရှဲ့ ဓားဝိဥာဉ်အား ဘာကြောင့် စုပ်ယူထားရသလဲဆိုသည့် အချက်အား စဥ်းစားနေသည်။
“ဘာလို့ မော့ရှဲ့ ဓားဝိဥာဉ်က ရှင့်ရဲ့ခန္ဓာကိုယ်ထဲကို ရောက်သွားတာလဲ။ ရှင်...အဆင်ပြေရဲ့လား။" Han Yunxi မှ မေးလိုက်သည်။
အဖြေအားစောင့်ရင်း Long Feiye ၏နှုတ်ခမ်းများမှာ အေးစက်သောအပြုံးကို ထိန်းထားသည်။ သူက တူညီစွာ အံ့သြနေမိသော်လည်း Gu Qishao ၏ ထူးခြားသော ဇီဝကမ္မဗေဒအားသာ အပြစ်တင်ရမည်ဟု အဖြေထုတ်နိုင်သည်။ သူက အသက်အရွယ် အိုမင်းခြင်း၊ သေဆုံးခြင်း သို့မဟုတ် ပျက်စီးယိုယွင်းခြင်း မရှိသဖြင့် သူ၏ခန္ဓာကိုယ်မှာ ရှေးဟောင်းရတနာဓားများထက် များစွာပို၍ ကြံ့ခိုင်သည်။ သဘာဝအတိုင်း၊ ၎င်းမှာ မော့ရှဲ့ ဓားဝိဥာဥ်ကဲ့သို့ တစ်စုံတစ်ရာအား ခံနိုင်ရည်ရှိလိမ့်မည် ။ အမှန်တွင် Long Feiye မှာ Gu Qishao မှ ခံနိုင်ရည်မရှိသော အရာ ဤကမ္ဘာတွင် တစ်ခုခုရှိသည်လားပင် သူက သံသယဝင်မိသည်။
ရမက်ဝါးမြိုခြင်း စွမ်းအင်ကကော ဘယ်လိုလဲ။ Gu Qishao က အဲဒါကို ခံနိုင်မလား။ ဒါမှမဟုတ် Bai Yanqing လား။
Long Feiye မှာ Gu Qishao မှ ကိစ္စများ ဆက်လက် ဇာတ်လမ်းဆင်ရန် စောင့်ဆိုင်းနေသော်လည်း သူက တုံးအ ဟန်ပြုကာ ပခုံးတွန့်ပြလိုက်သည်။ “ဘာကြောင့် ဒီလိုဖြစ်သွားတာလည်းဆိုတာ ငါလည်း မသိဘူး။ လောလောဆယ်တော့ ခံစားရတာ…အဆင်ပြေပါတယ်။” ပြောရင်းဆိုရင်း သူက လေးနက်သော်လည်း ဒေါသထွက်နေသည့် လေသံဖြင့် လက်တစ်ဖက်အမျိုးသားထံသို့ လှည့်ကြည့်လိုက်သည်။ "ဟေး ဘာဖြစ်နေတာလဲ။ တကယ်လို့ မင်းငါ့ကိုမပြောရင် ငါမင်းကို သေတဲ့အထိအဆိပ်ခတ်ပစ်လိုက်မယ်။"
YOU ARE READING
အဆိပ်ပါရမီရှင်ကြင်ယာတော် book 6
Historical Fiction** Book 6** အလွယ်တကူ အနိုင်ကျင့်ခံရကာ ရုပ်ဆိုးသော မည်သည့် ဆေးပညာစွမ်းရည်မှ မရှိသော သူမ။ သူက လူများစွာမှ ထောက်ပံ့ပေးခြင်းခံရကာ ကောင်းကင်အောက်တွင် အာဏာကြီးစွာဖြင့် ထျန်းနင်၏ အလေးစားခံရဆုံးသော ချင်ဝမ်။ သူတို့၏ မင်္ဂလာဆောင်နေ့တွင် ဝေါယာဥ်မှာ တံခါးရှေ့တွ...
