အဆိပ်ပါရမီရှင်ကြင်ယာတော် book 6

အခန်း(၁၁၁၉)

အခန်း(၁၁၁၉)

မတူညီသော အဆင့်များဖြင့် ဥာဏ်ရည်များ။

Long Feiye မှာ အရိပ်အစောင့်များအား စုဝေးရန် ငါးရက်အချိန်ပေးရခြင်းမှာ ၁) တပ်ဖွဲ့များပြောင်းရွှေ့ရန် အချိန်လိုအပ်ပြီး ၂) ဤလွှဲပြောင်းမှုသည် ယခင်က အချိန်များနှင့် မတူသောကြောင့် ဖြစ်သည်။ မည်သို့ပင်ဖြစ်စေ သတိထားရန်မှာ အဓိကပင်။ သူတို့က အသေးငယ်ဆုံးသော သတင်းပေါက်ကြားမှုပင်လျှင် မတတ်နိုင်ပေ။ အသေအချာပင် Long Feiye နှင့် ကျန်သူများမှာ ထိုငါးရက်အတွင်း၌ ပျင်းရိနေမည် မဟုတ်ပေ။ ယခုတွင် ဓားစာခံများသည် ကြည်လင်လေညှင်းတောင်ထိပ် တွင် ပိတ်မိနေကြောင်း သိလိုက်ရသဖြင့် ဧရာမတောင်ကြီးအတွင်းမှ သူတို့၏ တည်နေရာအတိအကျကို ရှာဖွေရမည်။ 

Long Feiye နှင့် Gu Qishao နှစ်ဦးစလုံးမှာ ယခင်က တောင်ထိပ်တွင် ကိုယ်တိုင် ရှာဖွေခဲ့ကြသော်လည်း သဲလွန်စတစ်ခုမျှ မတွေ့ရှိခဲ့ပေ။ Bai Yanqing မှာ ​​သူ့ကိုယ်သူ နက်နက်နဲနဲ ဖုံးကွယ်ထားသည်မှာ သိသာထင်ရှားပြီး ထိုတောင်တွင်း၌  မသိနိုင်သော လျှို့ဝှက်နေရာများ ရှိရမည်ဟု ဆိုလိုသည်။

“အစ်ကိုကြီး၊ သားဖွားဌာနနဲ့ ဆေးပေးခန်းတိုင်းရဲ့ လီ၁၀၀ အတွင်း စောင့်ကြည့်ဖို့ လူလွှတ်ထားရအောင်။Bai Yanqing က တစ်ယောက်ယောက်ကို ဆေးယူဖို့ လွှတ်နေသရွေ့တော့ လူကို ဖမ်းလို့ရတယ်။” Tang  Li မှ အကြံပြုလိုက်သည်။

အကယ်၍ ဆေးပေးခန်းတစ်ခုစီမှ သမားတော်မှာ ဖောက်သည်အတွက် ရေးပြီးမှသာ ဆေးညွှန်းပို့မည်ဆိုပါက လူမှာ ထိုအချိန်တွင်  ထွက်ပြေးသွားနိုင်သည်။သူတို့၏ ကင်းထောက်များကို ခေါ်ယူခြင်းမှာ အကောင်းဆုံးပင်။ သို့ရာတွင် Gu Qishao မှာ အကြံအစည်ကို လျင်မြန်စွာ ပယ်ချလိုက်လေသည်။

“မကောင်းဘူး။ တကယ်လို့ ငါတို့က အဲဒီလူကို ဖမ်းပြီး သူက ဝန်ခံဖို့ ငြင်းရင် အားလုံးပြီးသွားမှာ။” သူက သတိထားရန် သူ၏ ပေါ့ဆသော နည်းလမ်းများကိုပင် ဖြတ်တောက်ခဲ့သည်။ Bai Yanqing ၏ တည်နေရာကို ထုတ်ဖော်ပြောဆိုရန် သူတို့၏ အကျဉ်းသားမှ ငြင်းဆန်ခဲ့လျှင်…။ အကယ်၍ Bai Yanqing မှာ သူ၏ တမန် ပျောက်ဆုံးသွားသည်ကို သတိပြုမိသွားလျှင် သူတို့၏ ကြိုးစားအားထုတ်မှု အားလုံးမှာ အချည်းအနှီး ဖြစ်သွားလိမ့်မည်။