أنت قلبي الجزء الثالث

الحلقة الأولى

#أنت_قلبي٣
#بوسي_مصطفى
_______________
الحلقة ١

و بعد مرور ٨ شهور من أحداث الجزء الثاني نبدأ الجزء الثالث.

في شقة آدم.
آدم : يلا بقى يا قسمت هنتأخر يا حبيبتي.
قسمت : حاضر يا حبيبي عقبال  بس ما تفطر هتلاقيني جاهزة.
آدم : كل يوم تقولي نفس الكلام و في الأخر بنتأخر برضو.
قسمت : خلصت خلاص اهوه.
آدم ببتسامة : ماسكه ضهرك ليه
انتي ناويه تعمليها أول يوم في الامتحانات و لا ايه؟
قسمت : لا بقولك ايه بلاش تخوفني أكتر ما خايفه.
آدم : لا يا حبيبتي متقلقيش أنا حاسبها بالورقة و القلم لسه حوالي اسبوعين كده.
قسمت : حاسبها بالورقة و القلم ازاي يعني؟!
آدم : لا دي حساباتي انا بقى
ههههههههههههه
قسمت : طب يلا علشان  منتأخرش.
آدم : كُلي أي حاجه علشان تقدري تركزي.
قسمت : مبعرفش أكل قبل الإمتحان يلا بينا.
آدم : لا مينفعش لازم تاكلي قبل ما تنزلي.
قسمت : و أنا بقولك مش هقدر احط حاجه في بؤي
لإني متوتره و اعصابي سايبه.
آدم : متقلقيش يا حبيبتي كله بيعدي بس أهم حاجه تهتمي بصحتك لنفسك و للبيبي علشان خاطري بقى اقعدي كُلي أي حاجه حتى و لو لقمه قد كده.
قسمت : حاضر و لو إني مليش نفس بس علشان خاطرك هسمع الكلام.
ابتسم آدم ليها و هو بيأكلها.
__________________

في فيلا آسر.
ملك : مليكة تعالي خُدي ابنك من عندي.
مليكة : هههههههههههه
فيه ايه بس يا ملك سبيه معاكي
دا يوسف هادي و زي النسمه مبيعلمش حاجه.
ملك : مين دا اللي زي النسمه يا حبيبتي تعالي شوفي الورق اللي قطعه و لا الادراج اللي عمال يلعب فيها و بقت كلها في الأرض.
مليكة : استحمليه لحد ما مامي ترجع من بره.
ملك : نعم هو حضرتك ناويه تقعدي هنا كمان لحد ما مامي تيجي؟!
لا يا حبيبتي انتي تتفضلي كده زي الشاطرة تاخدي ابنك
و على بيتك
بقالك يومين هنا مذكرتش فيهم كلمة و امتحاني بكره.
مليكة : لا مش هينفع اروح الليلة سعاد واخده اجازة.
ملك : و حضرتك بقى جايه هنا علشان تلاقي اللي يشيلك ابنك و تذاكري!
طب ما أنا عندي مذاكرة.
مليكة تغمزلها : طب اتفضلي كلمي الجو.
ملك : مش عمار و ريحي نفسك بقى اقولك امسكي ابنك ده
و اتفضلي روحي كلمي جوزك يلا.
مليكة : سيف في الشغل معندوش وقت علشان يكلمني.
ملك : اتفضلي ابنك اهوه و حلي عني انتي و هو يلا.
و تعطيها سيف و تقفل باب الغرفة.
مليكة : ملك افتحي دي اوضتي أنا كمان على فكرة.
ملك متردش.
مليكة : كده! طيب يا ملك.
سهر : ايه فيه ايه مالكم؟
مليكة : حضرتك جيتي يا مامي؟
سهر : يوسف حبيب قلب تيته.
و اخدت يوسف حضنته.
سهر : ايه يا حبيبتي انتي ماشيه و لا ايه؟
مليكة : لأ دا يوسف كان جوه عند ملك و حضرتها طردته.
سهر : هههههههههههه
خلاص تعالى ألعب معايا و سيب خالتو علشان عندها مذاكرة.
مليكة : هو بابي مجاش مع حضرتك؟
سهر : لا بابي عند شغل و هيتأخر شويه فين ريهام؟
مليكة : فوق بتنضف اوضة اخواتي.
______________
في محلات نادين.
هدى : بابا اتفضل ضيف الفاتورة دي على الحساب.
كمال : حاضر.
هدى : ايه دا بقى مش كنا كويسين دلوقت و قاعدين بنتغدا
و عمالين نضحك و نهزر و لا رجعت تاني تشتاق للمدرسة و  تفكر و تضايق نفسك.
كمال : لا خلاص طالما طلعت معاش و استغنوا عن خداماتي.
هدى : يبقى لسه بتفكر برضو
اقولك تعالى بعد ما نقفل اخدك من ايدك كده و نتمشى و اعزمك على عشوة حلوة على حسابي يلا عن ما حد حوش.
كمال ببتسامة : و كمان انتي اللي هتعزميني؟!
هدى : اعملك ايه بقى اهو بفسحك يا استاذ كمال.
كمال : طب شوفي مين اللي جه.
هدى تتلفت بخضه.
سيف : هههههههههههه
ايه مالك شوفتي عفريت؟!
هدى : لا يا حبيبي عفريت ايه بس ازيك يا سيف اخبارك ايه؟
سيف : تمام كنت معدي قولت ادخل اشوفكم صحتك عامله ايه يا بابا؟
كمال : تمام يا ابني.
هدى : يعني جاي لوحدك.
سيف : ما أنا بقولك كنت معدي قولت ادخل اشوفكم يوسف في بيت جده.
هدى : طب يعني احنا كمان ملناش فيه تجيبه كده يقعد مع عمتو شويه بلاش أنا حتى يروح لبابا يلاعبه شويه.
سيف : ليكم فيه!
كده بقى هزعل منك انتي اسمك ايه؟
هدى : هههههههههههه
ليه هتطلعلي بطاقة؟!
سيف : اسمك ايه بس الأول؟
هدى : اسمي هدى كمال حسين.
سيف : و أنا اسمي ايه؟
كمال : هههههههههههه
هيكون اسمك ايه يعني؟
ما هو زيها برضو.
هدى : هههههههههههه
لا يا بابا اسمه سيف مش هدى
ههههههههههههه
سيف : دمك تقيل على فكرة.
هدى : شويه مياه و يخفوا
ها ها ها ها.
سيف : دا انتي دمك اتقل ما كنت متصور.
هدى : يا عم فهمنا
ابنك اسمه يوسف سيف كمال حسين
زينا يعني و ابننا محدش انكر دا بس لينا فيه دا كلام بس فعل مفيش.
سيف : انتي عارفه مليكة علشان بتروح هناك كتير فطبيعي تاخده معاها هجيبه معايا يوم الجُمعة.
كمال : طب اقعد يا ابني استريح.
سيف : معلش يا بابا أصل وقت البريك قرب ينتهي و لازم ارجع الشغل اشوفكم يوم الجُمعة.
و خرج سيف من المحل.
كمال : مكانش له لزوم الكلام اللي قولتيه لـ اخوكي دا يا هدى.
هدى : أنا قولت ايه بس يا بابا؟
حضرتك مش واخد بالك إن مليكة بتحاول تبعد ابن اخويا عننا و كإننا مش قد المقام!
كمال : مين قالك الكلام دا يا بنتي؟!
مرات اخوكي مبتبعدش أبن اخوكي عننا و متقدرش تعمل كده اصلا لإن سيف مش هيسمح بكده و الحق يتقال إنها اللي بتفكر اخوكي لما الشغل ياخده و يقعد ب الأسبوعين ميجيش الاقيها جايه عندي و تتصل تقوله و يتفاجئ إنها جات من غير ما يعرف انتي لسه معرفتيش مليكة لحد دلوقت البنت طيبه و بتحب اخوكي و بتحاول تكسب رضاه و عمرها متفكر إنها تعمل كده ابدا
اخوكي اللي بقى عصبي اوي و هي اللي بتحاول تمتص غضبه و خايف تزهق.
هدى : سيف بيتعصب عليها؟!
مش معقول يا بابا دا سايبها براحتها بتروح و تيجي و لا في دماغه.
كمال : بيتهيألك هي بتروح بيت باباها علشان تقدر تذاكر و تلاقي حد ياخد باله من يوسف مش فسحه و لا حاجه.
هدى : يمكن بس لا بتيجي عندي و لا عند ياسمين و فيروز نفس الحكاية.
كمال : يا حبيبتي الدنيا مشاغل زي ما انتي مشغوله في بيتك و شغلك و مع ابنك و زوجك هي كمان عندها دراستها و ابنها و بيتها و اهي على قد ما تقدر تجيلي برضو و بتبقى عايزة تعمل أي حاجه علشان ابقى فرحان و أنا ببقى مبسوط كفاية دخلتهم عليهم فمتزعليش منها محدش يعرف ظروف التاني.
هدى : عندك حق يا بابا بس أنا لو زعلت ببقى زعلانه علشان عايزة ابن اخويا يبقى قريب مننا ميحسش إنه غريب عننا.
كمال : سمعتي اخوكي قال ايه
خير الكلام ما قل و دل
قالك إنه اسمه هو اسمك يعني ليكي فيه كتير قوي.
_____________