أنت قلبي الجزء الثالث

الحلقة ١٢١

#انت_قلبي٣
_________
الحلقة ١٢١

في فيلا كريم.
كريم : هههههههههههه قومتي قولتي اما احققلها رغبتها ونتخانق.
فريدة : لا أنا زهقانه بجد وعاوزه أغير جو.
كريم : حاضر يا فراولة بس فُكيها شويه.
فريدة : وبعد ما افُكها ايه اللي هيحصل؟
كريم : هاخدك تشمي هوا.
فريدة : امتى؟
كريم : قريب.
فريدة : قريب اللي هو امتى يعني؟
كريم : جوازة حازم دي جات فوق دماغي.
فريدة : يااااه للدرجة دي طلبي تقيل قوي كده ؟!
كريم : يا حبيبتي مش تقيل ولا حاجة بس الفكرة إن...
تقاطعه فريدة المستشفى والشغل ومينفعش اخد
اجازة مش كده؟
خلاص حفظت أنا الجملة دي.
كريم : طب ما تقفلي النور ده وتقربي اما اقولك.
فريدة : مش قافله حاجة ومش مقربه منك اقولك هقوم أنام جنب جميلة.
يمسك ايدها : رايحه فين يا فريدة وايه شغل العيال ده احنا مش بنتكلم دلوقت مع بعض.
فريدة : هنتكلم نقول ايه؟
خلاص خلص الكلام.
كريم : مفيش حاجة خلصت تعالي بس اما اقولك.
فريدة : سيبني يا كريم بقولك.
كريم : اهدي بقى واقعدي
في ايه ايه اللي حصل لكل ده؟!
____________
في فيلا آسر.
مليكة بتلم هدومها في الشنطة وملك بتساعدها.
ملك : هتوحشينا يا مليكة.
مليكة : على اساس إني مسافرة يعني؟!
ملك : لأ بس كنت باجي هنا في أي وقت الاقيكي.
مليكة : ابقي تعالي عندي الشقة كل اما اوحشك.
ملك : خُدي بالك من نفسك.
بتحضنها مليكة : حاضر وخلي بالك انتي كمان من نفسك.. سلام.
بتاخد منها ملك الشنطة الصغيرة بتاعة يوسف
وخارجين من الغرفة.
علي يقابلهم : ها يا مليكة ماشيه؟
مليكة : اه هتحتاج حاجة؟
علي : سلامتك يا حبيبتي هاتي الشنطة اللي معاكي.
مليكة : لأ سيبها وهات يوسف من جوه علشان نايم.
علي بابتسامة : حاضر.
مجدي : هاتي يا مليكة اللي في ايدك.
مليكة بابتسامة : اتفضل.
ملك : وأنا محدش هيساعدني؟
مليكة : هاتي اللي معاكي أنا هاخدها معايا.
ملك : لأ سيبيها أنا بس بلمح لناس كده معندهاش دم.
مجدي : سامعه بتجر مشاكل ازاي!
مليكة : هههههههههههه
بتهزر معاك متبقاش حمقي كده.
مجدي : حاضر هعديها بس الليله لحد ما تروحي بسلام.
ملك : ليه وبعدها هتعمل ايه يعني بابي ومامي موجودين على فكرة.
مجدي : هههههههههههه يا ستي مش عامل حاجة هو أنا يعني كنت عملت قبل كده ما انتي طول عمرك سمجه وبارده وعليكي تقل دم يا باي معرفش جوزك مستحملك على ايه؟!
ملك : سامعه يا مليكة؟!
مليكة : خلاص بقى يا مجدي متزودهاش.
علي خارج من الغرفة : انتو لسه واقفين؟!
مجدي : هو يوسف نايم؟
علي : اه ووسع بقى.
ينزلوا كلهم تحت.

آسر : اهم حاجة يلتزم بالكلام اللي قاله يحافظ على بنتي متجيش في يوم معيطه ولا بتشتكي من حضرته.
سيف : حاضر يا عمي.
كمال : سيف بيحب مليكة وهيحطها في عنيه اللي حصل بس كان سوء تفاهم وخلاص راح لحاله.
آسر : اتمنى ده يا أستاذ كمال.
سيف : مليكة في عنيه وفي قلبي يا عمي متقلقش عليها.
آسر : أنا اديتك فرصة تانية لا تستغلها لا تضيعها من ايدك بس يوم ما ترجعلي ياريت ترجعها زي ما اخدتها.
كمال : نتفائل خير يا أستاذ آسر.. مليكة تعالي سلمي على بابا وماما قبل ما تروحي مع جوزك يا بنتي.
مليكة بتسلم على والدها.
يحضنها آسر ويُقبل رأسها.
آسر : خُدي بالك من نفسك وبيتك يا بنتي.
مليكة : حاضر يا بابي.
سهر بتحضنها : مع السلامة يا ملوكه.
مليكة : مع السلامة يا مامي.
بتحضن سهر يوسف اللي علي كان شايله : مع السلامة يا سوفه.
يوسف بصوت ناعس : مامي احنا هتمشي خلاص؟
سيف بياخد يوسف من علي : اه يا حبيبي يلا بينا
سلام عليكم.
يرددوا : وعليكم السلام.
بتسلم مليكة على أخواتها وتخرج.
_________
في شقة عمار.
عمار : عبدالرحمن مين يا ياسمين؟
ياسمين : أخو ليلى سلفتي يا بابا.
عمار : وشاف أختك فين؟
ياسمين : عندي يا بابا هيشوفها فين؟!
عمار : بسأل يا بنتي هو السؤال غلط؟
ياسمين : لا يا بابا العفو
هو بيجي عند ليلى ومنى يعني بتبقى عندي شافها مرتين تلاته كده وبعدين حضرتك ناسي يعني إني متجوزه من سنين يعني مرتين تلاته مش حاجة يعني.
عمار : يا بنتي هو أنا قولت حاجة؟
وفاء : بابا يعني يا ياسمين بيتأكد شافها فين وكده
انتي تعرفيه كويس يا بنتي؟
ياسمين : اه هو شاب كويس لسه متخرج السن اللي فاتت وشغال في شركة خاله.
عمار : دكتور هشام؟
ياسمين : اه.
عمار : خلاص يا بنتي يبقى والده ولا خاله اللي يكلمني دي الأصول.
ياسمين : أكيد يا بابا بس أنا قولت يعني اخد رأي حضرتك الأول.
وفاء : معندكيش صورة ليه مشوفتوش أنا قبل كده.
ياسمين : لا يا ماما شوفتيه قبل كده بس متاخديش بالك منه
معنديش صورة ليه بس هو هيجي وهتشوفيه.
نظرت ياسمين بابتسامة لمنى اللي كانت جايه بالشاي.
ياسمين : هشام اللي بيخبط.
وفاء بابتسامة : عارفة صوت خبطته يعني.
ياسمين : هههههههههههه
مش بقالنا تمن سنين متجوزين يا ماما.
وفاء : السنين بتجري معقول فات تمن سنين!
ياسمين بتفتح باب الشقة وبابتسامة : اتفضل.
هشام بابتسامة : سلام عليكم.
يرددوا : وعليكم السلام.
عمار يقوم يسلم على هشام : اتفضل يا ابني ادخل.
________
في شقة كمال ونادين.
فيروز بابتسامة : ايه رأيك يا سوفه تيجي تبات مع فارس والصبح تلعبوا مع بعض؟
يوسف : لأ.
ياسمينا : هههههههههههه
طب احنا نقول لبابي ونشوف رأيه ايه.
سيف خارج من اوضته بالكتب.
فيروز : ايه رأيك يا سيف أخد يوسف يبات عندنا الليله؟
سيف : ياريت بس خُدي رأي مليكة الأول.
مليكة : لا طبعًا مش موافقة.
سيف بهمس : ليه ما تخليه يروح مع فيروز هتجيبه الصبح.
مليكة : قولتلك لأ.
سيف : لأ لأ خلاص براحتك يلا يا أستاذ.
يوسف : يلا.
فيروز : أنت واخد ايه معاك؟
سيف : كتبي علشان أذاكر.
ياسمينا : ما كنت تيجي في أي وقت حبكت الليله يعني؟!
سيف : بالمرة طالما جيت هنا.
فيروز : كنت عاوز تطلع من بره لبره يعني
هههههههه
سيف : ازاي وبابا معايا.. عاوز حاجة يا بابا؟
كمال خارج من اوضته : لا يا ابني عاوز سلامتك هات حضن يا يوسف.
يوسف يجري يحضن جده ويسلم كمال على مليكة.
كمال : عاوزين نسمع عنكم كل خير يا بنتي.
مليكة نظرت لسيف : حاضر يا عمي.
كمال : خُد بالك من مراتك وابنك يا سيف.
سيف : حاضر يا بابا
عاوزه حاجة يا فيروز عاوزه حاجة يا ياسمين؟
فيروز : عاوزه سلامتك.
ياسمينا : عاوزين نسمع عنكم كل خير زي بابا ما قال.
سيف : حاضر في حاجة تانية؟
كان سيف فتح باب الشقة وواقف..
عُمر بابتسامة : اهلااا يوسف باشا ازيك؟
يوسف بيسلم : ازيك يا عمو؟
عُمر : أنا بخير يا حبيبي ازيك يا سيف ازيك يا أم يوسف؟
مليكة : تمام شكرًا للسؤال.
سيف : احنا بخير هتحتاج حاجة يا بشمهندس؟
عُمر : لا يا حبيبي سلامتك
بابا كويس؟
كان بيوجه كلامه لمليكة.
مليكة : اه بابي بخير.
عُمر : دايمًا نروح بكره ولا بعده نسلم عليه.
مليكة : حضرتك تشرف في أي وقت بعد اذنكم.
ونزلت مليكة بيوسف وكان سيف سبقها على تحت.
____________
في فيلا آسر.
سهر : مزعل نفسك ليه بس يا آسر مش الموضوع انتهى خلاص ومليكة رجعت بيتها؟
آسر : قلبي مش قادر يصفى يا سهر معرفش ليه مع إني سامحت ناس كتير أذتني بس معرفش يمكن علشان العشم كان واخدني قوي وبعتبره زي ابني.
سهر : معلش يا حبيبي ياما بيحصل بس اللي أنت عملته الليله كان قرصة ودن ليه بس شوفت رد فعله لما حس بس إنك ممكن ماتخليهوش ياخد مليكة معاه.
آسر : أنا عمري ما كنت هقوله لأ يا سهر حتى لو من جوايا مش حابب إنها تروح معاه لسبب بسيط خالص إن دا مش من حقي طالما ردها حقه إنه ياخدها ومن شهر كمان بس كان لازم يعرف غلطه يعتذر بقى ميعتذرش هو حره.
سهر : بس هو اعتذر يا آسر يعني معترف بغلطه ومظنش إنه لو عاقل يكرر دا تاني لإنه بيحبها.
آسر : الكلام ممنوش فايدة المهم إنها روحت معاه ندعيلها بقى وندعيله.
سهر : طول عمر قلب طيب يا أبو مليكة.
آسر بابتسامة ويُقبل ايدها : متزعليش مني علشان انفعلت عليكي.
سهر : لا يا حبيبي أنا مش زعلانه بس كان غرضي تهدا شويه علشان بس متتعبش.
آسر : طب معلش اطفي النور ده علشان ننام.
سهر بابتسامة : حاضر.
_________
في شقة سيف.
سيف : أنت بتعمل ايه عندك؟!
يوسف : بلعب يا بابي.
سيف : لعب ايه دلوقت الساعة تلاته يلا لم اللعب دي وادخل اوضتك علشان تنام.
مليكة : أنا هنيمه تعالى يا يوسف.
يوسف : مش عاوز أنام أنا نمت عند جدو.
سيف : اااه حضرتك بقى نمت وارتاحت وهتقعد تلعب لنا كده لحد الصبح.
تغمز له مليكة : يوسف شاطر وبيسمع الكلام ومامي هتحكيله حدوتة قبل النوم.
يوسف بفرحه : عاوز حكاية الشاطر حسن والأميرة ياسمين.
سيف : مين الشاطر حسن ده؟
مليكة : دي حكاية الشاطر حسن اللي حب الأميرة ياسمين.
سيف بهمس : طب خلصي الحدوته وتعالي علشان تطمني على الشاطر سيف اللي بيحب الأميرة مليكة.
مليكة : هههههههههههه حاضر.
سيف : اهو كده بقى تقعدوا معايا وتاخدوا بحس البيت وحس قلبي اللي مش مصدق إنك معايا دلوقت.
ونظر في عيونها وشبك ايده في ايدها وقرب ولسه....
مليكة : سيف يوسف عاوزني احكيله حدوته.
سيف : ممممم معلش اندمجت شويه يلا يا حبيبي علشان تنام.
ويحمله سيف علي كتفه.
يوسف : احكيلي حدوته.
سيف : مبعرفش احكي حواديت مامي تحكيلك.
ويناموا كلهم على السرير ويوسف ما بينهم.
مليكة بتحكي وسيف شابك ايده بـ ايدها.
مليكة بابتسامة : وتوته توته خلصت الحدوته حلوة ولا بنتوته؟
سيف وضع صباعه على بؤه : اششششش خلاص نام يلا بينا.
وبيسحب نفسه بهدوء وياخد بـ ايد مليكة
ويخرجوا من اوضة يوسف.
__________
في فيلا مراد.
أمل : مراد من ساعة ما عرف إن آسر وسهر رجعوا بالسلامة وهو نازل زن فوق دماغي شوف حل معاه.
هشام : هههههههههههه معرفش الواد ده مستعجل على ايه؟!
أمل : اتكلم معاه وشوف هتعمل ايه.
هشام : هعمل الصح.
أمل : اللي هو ايه؟
هشام : هههههههههههه أمل بلاش لف ودوران انتي ومراد متفقين مع بعض وهو فاهم إن الطريقة دي هي اللي بتننفع معايا ومش عارف إن أنا من غير ما تقوليلي أنا كنت مستني آسر يرجع بالسلامة علشان نتمم الخطوبة.
أمل : بجد يا هشام؟
هشام بابتسامة : اه بجد.. اقفلي بقى النور ده علشان ننام.
_________
في شقة سيف.
يُقبل سيف رأس مليكة ويقوم من السرير : اعملك حاجة تشربها يا حبيبتي؟
مليكة بابتسامة : لأ.
بيشرب مياه ويرجع علشان ينام فيقعد على السرير بتنهيدة.
مليكة : يا سلام ايه التنهيدة دي كلها ايه مش فرحان إني رجعت البيت.
يقرب منها ويُقبل ايدها وخدها : لا طبعًا فرحان دا أنا طاير من السعادة.
مليكة : امال ايه بقى؟
سيف : يعني كان نفسي باباكي قلبه يصفى من ناحيتي مش حاسس لما قال لك روحي مع جوزك إن الكلام دا كان طالع من قلبه.
مليكة : بابي طيب قوي وكمان متفاهم بس هو واخد على خاطره شويه
والموضوع ده ممكن يعني ياخد وقت شويه بس في النهاية هيصفى وكله هيبقى تمام.
سيف : وحشاني قوي يا مليكة.
مليكة : يا سلام هههههههه
وحشاك ازاي وأنا قاعدة جنبك.
بيحضنها : ولما تبقي في حضني كمان بتوحشيني.
مليكة : حبيبي يا سوفه.
بيرجع شعرها وراء ودانها ويطبع قُبله على خدها وبعدها.....
_________
في الصباح..
في التليفون 📞
فريدة : اه على الساعة أربعة كده انتي فين دلوقت؟
ياسمينا : لسه جايه من المدرسة هجهز الغدا علشان عُمر زمانه جاي.
فريدة : ماشي.. مع السلامة.
محمد : مامي أنا طالع أنام شويه عاوزه مني حاجة؟
فريدة : لا يا حبيبي اطلع ارتاح في اوضتك جميلة تعالي علشان نكمل مذاكرة.. الو يا كريم.
في التليفون 📞
كريم : انتي بتكلميني ولا بتكلمي الولاد؟!
فريدة : كنت بكلم جميلة وأنا بتصل.
كريم : اخباركم ايه؟
فريدة : تمام... بقولك.
كريم : نعم.
فريدة : أنا هروح لسهر هخرج كده كمان ساعة.
كريم : خلاص روحي بس متتأخريش.
فريدة : حاضر يا حبيبي مع السلامة.
________
في شركة آسر.
آسر : ايه كل اللعبكه دي؟!
وبيقفل الملفات اللي قدامه وبيركنها على جنب.
حسام : اللعبكه دي بسبب إن في شغل كتير واقف علشان محتاج امضتك على الأوراق دي.
آسر : أنا مش قولت لك ادفع للعمال وأنا لما اجي ابقى اراجع الحسابات؟!
حسام : دفعنا جزء ومقدرناش ندفع الباقي.
آسر : طب هات الورق اللي معاك ده وروح هاتلي ملف المشروع الجديد خليني اراجع العقود.
حسام : حاضر.. بس بالراحه على نفسك مش لازم تخلص كل حاجة النهاردا.
آسر : لأ لازم كل حاجة تخلص في أقرب وقت كفاية الشغل اللي واقف.
حسام : أنت حر هروح اجيب الملف.
بيخبط مجدي على باب المكتب وبابتسامة : فاضي ولا مشغول؟
آسر : ولو مشغول ادخل برضو.
بيقوم آسر ويسلم على مجدي اللي جاي في شغل برضو.
________
في فيلا آسر.
ياسمينا : لا البيت بجد كان وحش قوي من غيرك
يا سهر.
داليا : حقيقي يا سهر ياسمين بتتكلم صح.
سهر : متشكره قوي.. عامله ايه يا فريدة؟
فريدة : عامله محشي النهاردا.
هنادي : هههههههههههه
ياسمينا : أكيد مش قصدها عامله أكل ايه النهاردا.
فريدة : الصحه تمام بس ابعدوا عن الحلو ده علشان معدتي كده بتوزني وأنا لو سمعت كلامها هروح في خبر كان.
أمل : بعد الشر عليكي.
فريدة : تسلمي يا أمل.
هنادي : والعملية نجحت يا سهر؟
سهر : هو على كلام آسر نجحت بس معرفش بقى بيقول لي الكلام دا علشان مقلقش ولا ايه أصل مكنتش بدخل خالص معاه وهو داخل للدكتور بقعد بره استناه لحد ما يخلص ونخرج مع بعض من المستشفى.
ياسمينا : بس انتي أكيد شايفه إن كانت صحته أتحسنت عن قبل ما يسافر ولا لأ.
سهر : اه طبعاً اتحسنت كتير عن الأول بس ممنوع من الانفعال ومحدش ابدًا يقول له حاجة تزعله..
داليا : كلنا مفروض يمنعوا عننا الزعل بس غصب عننا.
ياسمينا : مالك يا داليا شايله طاجن ستك ليه يا حبيبتي هههههههه
دا انتي على طول في الطراوة وضرباها طناش.
داليا : زهقانه يا ياسمين.
هنادي : من ايه يا أختي مش جوزك وولادك بخير دا بالدنيا كلها.
ياسمينا قامت وقعدت جنبها : اوعي جوزك يكون مزعلك احنا لسه امبارح بس مصالحين اتنين كانوا متخاصمين.
ابتسمت سهر.
فريدة : فرحتيني يا ياسمين.
أمل : ألف مبروك يا سهر.
ياسمينا : بتباركولها هي ليه حقكم تباركوا لـ اخويا ومراته قصدي العريس والعروسة هههههههه
اللي اخد اجازة النهاردا.
فريدة : هههههههههههه عقبالنا.
ياسمينا : لا انتي محتاجة اجازة سنه هههههههه
داليا : هههههههههههه
ياسمينا : يا أختي اضحكي محدش واخد منها حاجة الواد سيف نسي كتابين كانوا عند بابا بكلمه الصبح بقوله ابقى عدي خُدهم قال لي بكرة
أصل أنا مش خارج النهاردا هههههه
قولت له طيب نيجي نبارك بقى هههههه
فريدة : اه منك انتي يا ياسمين ما تسيبيهم في حالهم مش كفاية الفترة اللي فاتت كانوا بعاد عن بعض.
داليا : هههههههههههه لأ دي متبقاش ياسمين لو معملتش كده.
ياسمينا : وانتي يا أمل وسهر وهنادي ايه مفيش كلمة ليكم انتو كمان سايبين العيال دي مستلمني كده من ساعة ما دخلت.
سهر : ملكيش دعوة ببنتي يا ياسمين.
هنادي : هههههههههههه عندك حق يا سهر ملكيش دعوة بيها.
أمل : ياسمين بتهزر وماله لما ياخد اجازة ولا شهر عسل كمان.
ياسمينا : هههههههههههه
قولت له الكلام ده قال لي هيحصل بس في الصيف بقى.
فريدة : الناس كلها بتعمل شهر عسل واحنا قاعدين
يا ياسمين.
داليا : هههههههههههه خُدوني معاكم.
ياسمينا : هههههههههههه لا احنا كتير بس فريدة بتقول الكلام ده علشان اخوها وبنت عمها بيقضوا شهر عسل في الأقصر واسوان.
سهر : هههههههههههه مبروك يا فريدة بجد فرحت قوي هما رجعوا لبعض؟
فريدة : اه اتجوزوا من يومين كده وسافروا وكل يوم تتصل تغيظني.
أمل : هههههههههههه متسبيش حد يغيظك وراهم على طول.
هنادي : هههههههههههه
فريدة : محتاجه حد يقنع جوزي.
ياسمينا : يا أختي ولو مقتنعش خُدي أول طياره وطيري على هناك واعمليها مفاجأة لندى
ههههههههههههه
داليا : علشان تمسك في زمارة رقبتها هههههههه
سهر وهنادي وأمل وياسمينا : هههههههههههه
ياسمينا : تاخدني معاها حماية وانا هقوم بالواجب.. نفسي اشم هوا بعيد عن هنا قوي.
فريدة بابتسامة : تعالي يا رُقية.
داليا : ايه يا حبيبتي مالك؟
رُقية : تعبانه قوي يا مامي.
سهر : ألف سلامة عليكي يا روكه مالك يا حبيبتي تعبانه من ايه؟
رُقية : دايخه وحاسه إن عندي هبوط.
ياسمينا : يبقى حامل.
فريدة : جيبتي الديب من ديله هههههههههه ما هو واضح إنها حامل.
ياسمينا : لسه يا بنتي مفيش بطن دا أنا بعد الرابع بطني كانت قد كده.
فريدة : ما هي طول عمرها قد كده هههههههه
الكل بيضحك : هههههههههههه
تخبطها ياسمينا : ليه يا حبيبتي أنا طول عمري رشيقه.
فريدة : وأنا بقيت دلوقت رشيقه مكنتش عارفه إن السكر بيخلي الواحدة سمبتيك كده هههههه وأنا اللي كنت هاريه نفسي دايت.
هنادي : يا حبيبتي بكره تخفي وتبقي كويسه.
فريدة : عادي شكله كده مطول معايا وأنا مبقتش قلقانه خلاص اتعودت.
ياسمينا : الخطوبة امتى يا هنادي عاوزين نفرح؟
داليا : ما تسألي أمل.
فريدة : هههههههههههه ألف مبروك مقدمًا.
_________
بعد مرور حوالي شهر.
مريم : يا ماما.. ماماااا.
هنادي : نعم يا حبيبتي في ايه؟
مريم : مازن عمال يضايقني ويقول لي فستانك
مش حلو.
هنادي : دا مش حلو ده؟!
مازن : اه مش عاجبني.
مريم : بس عاجبني أنا وذوق خطيبي.
مازن : خلاص انتي حره.
وقام مازن خرج من الغرفة.
هنادي : فستانك جميل قوي وشيك متتأثريش برأي أي حد طالما عاجبك.
مريم : مي شكلها جات.
كان مازن بيفتح الباب لمي صاحبة مريم اللي جايه تبارك لصاحبتها وتحضر الخطوبة.
مريم : مي تعالي.
تقرب مي بابتسامة وتسلم على مريم اللي تدخلها جوه.
مي بتسلم على هنادي : أزي حضرتك يا طنط ألف مبروك لمريم.
هنادي : عقبالك يا حبيبتي اسيبكم بقى تشربي ايه؟
مي : ولا أي حاجة بلاش تتعبي نفسك.
هنادي : ازاي بس دا أقل واجب هعملك عصير فريش.
تبتسم مي وتقعدها مريم وتخرج هنادي من الغرفة.
مي : انتي لسه مجهزتيش؟
مريم : محتاره ألبس الطرحه دي ولا دي؟
مي : ممممم هو الفستان مش جاي بالطرحه بتاعته؟
مريم : لأ طبعاً الفستان جاي لوحده جيبت الشوز ده لايق على الفستان؟
مي : شيك قوي ولايق جدَا على الفستان.
مريم : قلبي بيدق.
مي : ههه هو مكانش بيدق قبل كده ولا ايه؟
مريم : لأ بس مرتبكه جدًا وقلقانه شويه.
مي : لأ متقلقيش حقك تبقي فرحانه خلاص هتتخطبي رسمي وتلبسي الدبله هههههههه
مريم : عقبالك يا ميوش.
مي : هههههههههههه شكلها هتحصل قريب.
مريم : بجد.. احكيلي احكيلي.
مي : لأ خلصي نفسك كده واجهزي الأول وبعدين نبقى نحكي براحتنا علشان بس الوقت مياخدناش وننسى نفسنا.
بتدخل هنادي ومعاها العصير.
__________
في شقة أكرم.
ندى : لولولولولولوييي
ههههههههههههه
مبروك يا ياد يا علوه.
علي : عقبال ولادك يا ندى.
ندى : عقبال الليلة الكبيرة
وعقبال ما اشوف عيالك هرمنا من أجل هذه اللحظة هههههههه
علي : مش لما نتجوز الأول يا ندى.