#انت_قلبي٣
__________
الحلقة ١١٦
في منزل والدة معتز.
شهد : اه ما أنا عارفه إنك هتوقف في صفها.
معتز : أقف في صفها ايه امال لو مكونتيش انتي اللي بدأتي من الأول
مالك انتي ومال إنها تروح لباباها ولا متروحش وتدخلي اخوها ومراته ليه في الحوار ده عيب كده يا شهد انتي مش صغيرة صحيح أنا أكبر منك لكن انتي كمان كبيرة وعندك رجاله سيبي الكلام ده للعيال الصغيرة وخرجي هدى من دماغك.
شهد : هدى مين دي اللي هشغل دماغي بيها انت اتجننت؟!
والدة معتز : عيب كده يا بنتي وكلمي اخوكي بأسلوب احسن من كده.
شهد : حضرته عاوز يعلي من قيمة مراته على قفانا
يا ماما.
والدة معتز : يا بنتي وانتي مالك ومالها هي كانت قاعدة في حالها انتي اللي قعدتي تنبشي فيها وتقولي لها مرات اخوكي قاعدة في بيت باباها زيك وكلام من تحت لتحت كده ميصحش أنا ربيتك على كده؟!
شهد : طبعاً ما حضرتك لازم توقفي في صفه هو ومراته اللي مش قادر يحكم عليها تسمحلك تقعدي في بيته.
والدة معتز : وأنا مش عاوزه اقعد عند حد يا بنتي.
والدة معتز : تصدقي إنك مش بس كياده لأ وموقعتيه كمان وبتحبي تولعي فيها أنا يوم ما مراتي تفكر بس تقول لي مامتك متجيش هنا ورقة طلاقها هتبقى سبقاها على بيت باباها وملوش لزوم الشغل القذر ده هو في كلمة مناسبة للموقف دا أكتر من دي بس أخلاقي متسمحليش إني اقولها
خليكي في حالك يا شهد وأنا المرة الجايه كلامي مش هيكون معاكي هيكون مع علاء علشان أشوف موقفه ايه من أسلوبك ده واهو هو اللي يعاقبك.
شهد : ليه عيله صغيرة علشان تروح تشتكيني لعلاء؟!
معتز : ياريتك كنتي عيله صغيرة كنت عرفت اربيكي.
وفتح معتز باب الشقة وخارج.
شهد وهي غضبانه : سمعتي يا ماما ابنك قال ايه؟!
قال عاوز يربيني قال شوفتي؟!
والدة معتز : ارجعي بيتك يا شهد أنا دماغي
مش مستحمله كلمة تانية.
شهد : كده طيب يا ماما أنا ماشيه بس مش هنساها ليه ولا ليكي.
وخرجت شهد وهي مدمعه.
__________
في التليفون 📞
ندى : تيجي تفرشي الشقة معايا.
فريدة : شقة ايه اللي افرشها معاكي هو انتي جيبتي عفش جديد؟
ندى : اخوكي نزل جاب العفش كان حاجزة من امبارح.
فريدة : اممم دا انتو مرتبين من زمان بقى.
ندى : ولا مرتبين ولا حاجة اخوكي اللي مستعجل.
فريدة : اخويا بس؟!
ندى : بقولك ايه يا فريدة هتيجي ولا تخليكي عندك؟
فريدة : جايه بس اديني وقت كده اكلم كريم واجهز نفسي.
ندى : ليه يا اختي هتجهزي نفسك تعملي ايه هو انتي العروسة؟!
فريدة بمزح : ليكي حق يا ندى طالما اخويا موافقك على كل طلباتك ارسمي نفسك علينا أكتر من كده يا أختي هههههههه.
ندى : سيبيني اعيشلي يومين قبل ما اخد الصدمة الكبيرة.
فريدة : مفيش صدمات ولا حاجة اتفاءلي خير.
ندى : اديني بصبر نفسي
تعالي بقى بنت اخوكي عماله تضحك وكلامها كده مش عاجبني مش عاوزاها تمد ايدها خالص في حاجة.
فريدة : هههههههههههه فرحانه يا ندى مش باباها ومامتها هيتجوزوا أخيراً هيحضروا الفرح عقبالي.
ندى : هههههههههههه عقبالك ايه عاوزه كريم يطلقك ويرجعك يا فريدة؟!
فريدة : لا يا أختي نعمل فرح من غير طلاق.
ندى : هههههههههههه اخلصي يا اختي مش وقت غيره.
فريدة : أنا اغير منك؟!
ندى : امال ايه اللي بتقوليه ده خلصيني جايه ولا اشوف حد غيرك؟
فريدة : جايه بس هقول لكريم الأول.. سلام.
ندى : مع السلامة متتأخريش.
___________
في شركة مراد.
هشام : خطوبة ايه؟!
مراد : هنلبس دبل بس يا بابي مش هنعمل هيصه يعني.
هشام : أجل الموضوع دا دلوقت.
مراد : ليه؟
هشام : اقولك السبب ولا أنت عارفه وبتستعبط؟!
مراد : علشان انكل آسر يعني مش حضرتك قولت إنه بقى كويس ونزوله مصر بس مسألة وقت مش أكتر ايه المشكلة نعمل خطوبة على الضيق؟
هشام : والخطوبة دي مش هتعزم فيها مجدي وعلي وتفتكر موقفهم هيبقى ايه حتى لو متكلموش أنا مقدرش اعمل خطوبة لـ ابني وصاحبي اللي هو حما أختك مسافر ولا عاوز تفرح لوحدك؟
مراد : حضرتك رأيك كده يا بابي؟
هشام : أنت لسه بتسأل
اقولك لو عاوز تعمل خطوبة روح اعملها بس أنا مش جاي.
مراد : لا خلاص هستنى بقى هعمل ايه.
هشام : طب ممكن تخرج دلوقت وتسيبني اشوف شغلي؟
مراد : اوك.. بعد اذنك.
_________
في التليفون 📞
كريم : روحي يا فريدة.
فريدة : مالك يا كريم أنت كويس؟
كريم : أنا تمام مفيش حاجة روحي بس متتأخريش ولو هتتأخري متجيش لوحدك.
فريدة : حاضر بس أنت متأكد إنك كويس؟
كريم : أنا كويس يا فريدة روحي بقى ألبسي علشان متتأخريش.
فريدة : ماشي يا حبيبي مع السلامة.
__________
في التليفون 📞
آسر : وفيها ايه يا حسام ما تسيبه يدير الشركة ومتقلقش مش هيتدخل في شغلك.
حسام : آسر أنت مش فاهمني وليد مينفعش يدير الشركة وأنت مش موجود.
آسر : ويعني أنا لو موجود في حد هيديرها غيري سلمه بس الملفات اللي عندك هو هيراجعها ويبقى يبعتهالي أوافق على بنود العقد بتاع المشروع الجديد.
حسام : أنت حر يا آسر بس افتكر إني نصحتك بلاش وليد يمسك الشغل.
آسر : في ايه يا حسام دا اخويا.
حسام : خلاص خلاص أنت هتزعقلي.. سلام.
وقفل حسام التليفون مع آسر وهو مضايق.
أنت تقرأ
أنت قلبي الجزء الثالث
Hombres Lobo(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
