أنت قلبي الجزء الثالث

الحلقة ٦٨

#انت_قلبي٣
__________
الحلقة ٦٨

مليكة نازله جري وكمال بيحاول يلحقها.
كان سيف داخل وفي ايده يوسف.
سيف : اهدي اهدي هو معايا.

وقفت مليكة بتحاول تاخد نفسها وتهدا.
كمال : لاقيته فين؟
سيف : بركن العربية لمحت حضرته وهو واقف هنا عند السوبر ماركت.
يوسف : كنت عاوز اشتري شكولاته.
مليكة تمسك ايده وبغضب : تشتري شكولاته دا أنت وقعت قلبي تعالى يلا حسابي معاك فوق.
واخدت ابنها وطلعوا فوق.
سيف عمال يزعق ليوسف
ومليكة قاعدة بتبكي من الخضه اللي تخضتها على ابنها.
مليكة بتبكي : مش قادرة اتلم على اعصابي حاسه إن قلبي هيوقف.
سيف : عاجبك اللي حصل ده مبسوط دلوقت؟!
كمال : خلاص يا سيف سيبه هو مش هيعمل كده تاني.
سيف : يعملها تاني!
دا لو الباب دا اتفتح اصلا
أنت من يوم ورايح تفضل قاعد هنا مفيش نزول لا معايا ولا مع جدو ولا مامي ولا أي حد خالص سامع؟!
كمال : خلاص بقى يا سيف تعالى يا يوسف هنا.
يوسف ناظر لسيف بخوف.
كمال : خليه يجي بقى يا سيف أنا مش قادر أقوم من مكاني سيب اعصابي.
سيف بحده : روح لجدك.
كمال ياخد يوسف في حضنه : شوفت قلقتنا عليك ازاي روح صالح ماما علشان بتعيط.
يمشي الصغير ببطء وهو ناظر لمامته.
فاخدته مليكة في حضنها وهي منهاره بالبكاء.
كمال : خلاص بقى يا مليكة يوسف شاطر ومش هيعمل كده تاني.
يوسف بيمسح دموع مامته فتُقبل يده.
سيف : ميستاهلش دا عاوز يتضرب علشان ميعملهاش تاني.
يوسف : اشتلي شكولاته وخلاص مش هعمل كده تاني.
سيف : لا يا حبيبي مفيش شكولاته خلاص لا هتنزل ولا حد هيشتريلك واقعد بقى علشان أنا على أخرى منك مش عاوز اسمع صوتك.
ودخل سيف جوه يغير هدومه.
كمال يشاور ليوسف فيجري عليه ويهمس في ودنه : أنا هشتريلك شكولاته بس مش دلوقت لما بابا ينام بس متقولش لحد.
يوسف : حاضل.
كمال : ومتعملش كده تاني وتنزل لوحدك.
يوسف يهز رأسه.
كمال : روح صالح ماما يلا.
يوسف : حاضل.. أنا افس يا مامي.
مليكة تبتسم وهي بتمسح دموعها وكمال بيضحك.. __________
في النادي.
زينة : ايوه برضه مجاوبتش ليه اختارتني أنا بالذات ما عندك البنات كتير في الجامعة معارف بابي ومامي وأكيد يعني
مصاحب ولا ايه؟
مجدي : لا أنا مش مصاحب ولا مقتنع اصلا إن في صداقة بين بنت وولد.
زينة : اممم معقوله؟!
مجدي : ايه الغريب في كده؟
زينة : مش عارفه بس برضه مجاوبتش على سؤالي.
مجدي : اختارتك ليه مش عارف.
زينة : نعم!
مجدي : يعني هو مفيش سبب محدد هو مجموعة من الأسباب اللي هتخليني اختارك.
زينة : طب قول ايه هي مجموعة الأسباب دي.
مجدي : أولا علشان حبيتك.
نظرت زينة الناحية التانية بخجل.
مجدي : اصلا السبب دا لو مش موجود الأسباب الباقيه ملهاش أي لازمه لكن يعني هي اللي خلتني اخد القرار واصارحك واكون مقتنع أكتر إني صح زي إننا نعرف بعض
ودا يخليني متأكد من تربيتك وأخلاقك واصلك وعارف أهلك وهما عارفيني.
زينة : حيلك حيلك ايه كل ده؟!
مجدي : هههههههههههه برغي كتير مش كده؟
زينة : الصراحه يعني اه.
مجدي سكت لانه أحرج.
زينة : لا بقولك ايه احنا جايين علشان نتكلم رغاي اه بس تجاوب كل سؤال متسكتش.
مجدي بابتسامة : اوك اسألي وانا اجاوبك.
زينة :"ايه الخطوة الجايه؟
مجدي : تقصدي يعني هعمل ايه في مستقبلي؟
انا بحضر الماجستير دلوقت وكمان قدمت على شغل في مستشفى باباكي والدكتور كريم هكتسب هناك خبرة علشان ببدأ كده مشروع وهو مركز علاج طبيعي.
زينة : كويس بس مش دا اللي كنت اقصده
السؤال ايه هي الخطوة اللي هتاخدها بعد المقابلة دي؟
مجدي بابتسامة : اه فهمت ايوه كده وضحي علشان أنا فهمي على قدي
ههههههههههههه
الخطوة الجايه يعني لو وافقتي أكيد هجري على بابي علشان يتفق مع باباكي نحدد ميعاد الخطوبة.
زينة : ايوه بس أنا لسه مقولتش موافقة ولا لأ.
مجدي : عاوزه وقت قد ايه يعني؟
زينة : يعني احتمال الليلة اقول لمامي تكلم طنط سهر وتقول لها رأيي.
مجدي بابتسامة : طب ما تقولي لي رأيك دلوقت وخلاص.
زينة : لا مينفعش.
مجدي : اوك براحتك بس ممكن اسألك سؤال؟
زينة : اتفضل.
مجدي : هو أنا يعني ممكن افهم إن قبولك حتى إننا نقعد مع بعض إشارة إنك موافقة مبدأيًا بس؟ اصلا يعني هتقعدي مع حد انتي رفضاه ليه من البداية صح كده ولا أنا تحليلي غلط؟
ابتسمت زينة ومردتش على السؤال.
مجدي : افهم ايه هاه؟
ردي بقى طمنيني.
زينة تقوم وتشاور لمامتها..
________
في شقة حازم.
فريدة : وماله كريم بس يا ندى ما هو شاب كويس وبيشتغل في شركة محترمة وبعدين كفاية إنه بيحب بنتك ومتريبين مع بعض وأهل كمان.
ندى : اهو أنا مش مخوفني غير حكاية إننا أهل دي.
فريدة : لا اخص عليكي بجد يا ندى كده ازعل منك.
ندى : وتزعلي مني أنا ليه؟
الموضوع اصلا ملوش علاقة إن علاء ابن عمي
والحكاية وما فيها ان شهد صعبه قوي يا فريدة هي صحيح ليها مواقف كده كويسه زي ما وقفت جنبي وكانت مع الولاد وأنا تعبانه في المستشفى لكن مقابل دا بقى مواقف كتير تخليني أخاف على بنتي هي بتغير على جوزها وولادها بجنون وأخاف تعمل حاجه في بنتي انتي عارفه تالا غلبانه وفي حالها وملهاش في شغل الستات ده يعني لو قالت لها كلمة هتاخدها في نفسها وتتعب وأنا بصراحه مش عاوزه اخسر ابن عمي.. علاء كويس ودايمًا واقف جنبنا لكن شهد لأ صعبه قوي يا فريدة ما انتي عارفه كل حاجه هو أنا اللي هقولك.
فريدة : ياخدلها شقة بعيد عن هنا.
ندى : ازاي بس وهما متفقين إن لما حد من الولاد يتجوز هينزلوا هما تحت في شقة عمي حلمي وهيجوزوا الولد في شقتهم اللي هما فيها دي.
فريدة : يا أختي اهو بنتك تبقى قصادك وتكوني مطمنه عليها زي ما انتي اتجوزتي كده في البيت.
ندى : يااختي ياريتني ما اتجوزت في البيت ولا جمعني بـ اخوكي بيت واحد.
فريدة : لا يا ندى اخص عليكي بقى انتي النهاردا عماله تحدفي طوب وزلط لما دماغي اتفتحت ايه اللي بتقوليه ده؟!
ندى : اللي ايده في المياة مش زي اللي ايده في النار يا فريدة صحيح مش كل جوازات القرايب بس معظمها كده يا اختي لـ اما مستحملين بعض علشان العيله والعيال لـ اما منفصلين والأهل قاطعوا بعض حتى انتي ليكي شطحات كده لولا بس جوزك عاقل وواخدك على قد عقلك كان زمانك قاعدة هنا جنبي.
فريدة : أنا قايمه ماشيه.
ندى : استني مش قولتي زين واخد عربيتك هتروحي ازاي؟
فريدة : هاخد تاكس أنا استكفيت منك النهاردا خلاص مش عاوزه اسمع حاجه تاني.
ندى : تعالي بس قولي لي اتصالحتي انتي وجوزك؟
فريدة : ما انتي عارفه إن بيضحك عليه بكلمتين بس دا ميمنعش إني لسه قلقانه وافقي يا ندى خلينا نفرح يا اختي.
ندى : لو بنتك يا فريدة هتوافقي؟
فريدة بتفكر.
ندى : شوفتي بقى إن الموضوع صعب.
فريدة : هههههههههههه أنا بفكر إني لازم اروح علشان اذاكر لجميلة قبل ما تنام.. تقولي لي جواز!
ههههههههههههه سلام
يا نودي.
ندى : مع السلامة.
_________
في شقة هشام.
ياسمين : ايه كل الألعاب دي يا مراد؟!
مراد : خليهم يلعبوا ويتبسطوا هات البتاعه اللي معاك دي يا يمان.
هشام خارج من جوه كان لسه راجع من الشغل ودخل يغير هدومه.
هشام يهمس لياسمين : حضري العشا يا ياسمين.
ياسمين : حاضر.
وقامت ياسمين.
هشام : ها يا ريجو بتلعبي ايه؟
رتاج : شوف يا بابي أنت توقف هنا وتوجه السهم دا في النص هنا.
هشام : هاتي كده وريني
ههههههههههههه
مراد : وسعي بقى علشان الاعب بابي.
رتاج : اوك بس اللي هيخسر هدخل أنا مكانه.
مراد : تمام هاتي اللي معاكي ده.
ياسمين من جوه : حد يفتح الباب.
هشام : روحي يا ريجو افتحي الباب.
تفتح رتاج الباب.
شادي بابتسامة : يا مساء الورد والفل والياسمين على احلى ريجو في الدنيا.
رتاج : ادخل ادخل.
شادي : ايه دا فيه إيه
حد يقابل ضيوفه المقابله دي؟!
رتاج : ما هو أصلنا كده مش هنلعب.
شادي : هههههههههههه ليه بتلعبي ايه؟
رتاج : اخواتك اللي بيلعبوا جوه.
شادي : اخواتي!
هشام بابتسامة يشاور لشادي : ادخل يا شادي تعالى ألعب معانا.
شادي : ايه كل الألعاب دي؟
مراد : ازيك يا شادي امال فين يزيد؟
شادي : أنا تمام ويزيد فوق مع ليلى انتو بتعملوا ايه؟
هشام : بنلعب تعالى ألعب معانا هههههههه
شادي : يا سلام واهو كذلك هههههههه وسعوا بقى.