#انت_قلبي٣
__________
الحلقة ١٠٥
سيف بيقرب من سهر : طنط كنت عاوز اتكلم
مع مليكة.
سهر : طيب هقولها.
رجع سيف قعد مكانه وطلعت سهر لمليكة.
علي : ايه مالك؟
مجدي : أنت مش شايف ولا مش واخد بالك؟
علي : بقولك ايه عديها خلي المركب تمشي.
مجدي : وأنت بقى عاوزها تمشي؟
علي : هي ايه؟
مجدي : المركب.
علي : بقولك ايه يا مجدي
بلاش تدخل في الموضوع ده أكيد مامي شايفه ايه الصح وهتعمله.
مجدي : وهو لسه فاكر يجي؟
علي : معلش خلي الأمور تعدي على خير.
مجدي : اوك.. خليها تعدي وكل واحد حر بقى.
في غرفة البنات.
مليكة : أنزل لمين يا مامي؟
سهر : ايه معندكيش خبر إن سيف قاعد تحت؟
مليكة : عندي خبر بس مش مهم بالنسبة ليه.
سهر : طب انزلي شوفي عاوزك في ايه؟
مليكة : مش عاوزه انزل.
سهر : معلش خليها عليكي شويه.
مليكة : اخليها عليه وهو حضرته لسه فاكر إني ممكن أوافق ارجعله؟!
سهر : معلش لايميها يا مليكة أنا راجعه قلبي وجعني ومش حمل للمناهدة.
مليكة : حاضر يا مامي هنزل علشان خاطرك بس.
سهر بابتسامة : طيب غيري هدومي وأنا هنزل اقعد معاه عقبال ما تيجي.
خرجت سهر وتركت مليكة اللي كانت في حيره بتفكر متنزلش وتحافظ على كرامتها وفي نفس الوقت خايفه تاخد قرار ترجع تندم عليه ومش عارفه تعمل ايه لحد ما قررت تنزل.
___________
في فيلا كريم.
كريم : أنا سايبك كويسه حصل ايه مش فاهم
هات يا محمد.
بتشرب فريدة مياه بعد ما اخدت الدوا.
محمد : أنا قيست السكر لمامي كان عالي قوي.
كريم : ولسه اهو عالي مش عاوز ينزل انتي أكلتي ايه يا فريدة؟
فريدة : مااكلتش حاجة لسه صاحيه من شويه اتمشيت تحت وطلعت اخدت شاور وقولت انزل اشوف نبيله هتعمل ايه على الغدا.
كريم : ومفطرتيش ليه؟
فريدة : مكانش ليه نفس.
كريم : يعني مااكلتيش وعالي بالشكل ده؟!
قول لنبيله تجهز الغدا.
محمد : حاضر.
فريدة : مش قادرة اتمالك اعصابي مش عارفه في ايه.
مسك ايدها : أنا اللي مش فاهم السكر يرتفع بالشكل دا ازاي أنا مش قايسه قبل ما انزل؟
فريدة : حصل.
كريم : في حاجة حصلت حد ضايقك؟
فريدة : ماتاخدش في بالك أنت عارف الولاد يعصبوا أي حد.
كريم : مش معقول يعني انفعلتي على جميلة ولا حد من الولاد فحصلك كده.
فريدة : هاكل دلوقت بعد الدوا اللي اخدته ده وهبقى كويسه متقلقش هو مين اللي قال لك؟
كريم : جميلة كلمتني معرفش ليه محمد اخد التليفون منها؟!
فريدة : محبش يقلقك رديت عليها يعني امال أنا لما بتصل فين وفين لما تعبرني.
كريم : ودا وقته يا فريدة
أنا جاي مش شايف قدامي واللي قلقني أكتر لما محمد اخد التليفون من جميلة قولت يا ترى مخبيين عليه ايه تاني.
فريدة : حاسه دلوقت إني
بقيت احسن.
كريم : طب كويس.
محمد : بابي الغدا جاهز.
كريم : قومي معايا تاكلي ولا اجيبلك الأكل هنا؟
محمد : هاجيب أنا الأكل خليكي مستريحه يا مامي.
فريدة : لأ أنا عاوزه انزل امشي رجلي شويه.
كريم : بعد الأكل بقى.. هاتي ايدك.
__________
في فيلا آسر.
سيف بيلاعب يوسف.
سيف : لأ لازم الكرة توقع هنا.
يوسف : مش عالف بقى
احدفها أنت.
سيف : كده طيب.
يوسف : هيييييه الكرة دخلت جوه الباسكت هات احدفها أنا.
مليكة تدخل : يوسف روح لـ انه علشان تأكلك.
يوسف : لا أنا هاكل لوحدي.
وقام يوسف يخرج يطبع سيف قُبلة على خده.
سيف : ازيك يا مليكة؟
مليكة : تمام.. اتفضل استريح.
سيف : وحشتيني.
مهتمتش مليكة ومردتش.
سيف : أنا جاي علشان اردك ايه رأيك؟
مليكة : مش خلاص خلصنا؟
سيف : قصدك يعني على شهور العدة؟
لأ بكرة اخر يوم.
مليكة : اه أنت حاسبهم بقى؟!
سيف : أنا عارف إنك زعلانه إني مسألتش الفترة اللي فاتت بس..
تقاطعه مليكة : ومين قال لك إني زعلانه؟!
سيف : خلاص هعتبرك إنك مكونتيش زعلانه والموضوع مكانش في دماغك بس أنا جيتلك النهاردا وبقولك ياريت نفتح صفحة جديدة
ومش علشان خاطر يوسف بس لأ علشان أنا وانتي بنحب بعض.
مليكة : مين قال لك الكلام ده أنا مبحبش حد.
سيف بابتسامة : مش معقول أنا متأكد إنك بتحبيني وانا كمان وكنت....
تقاطعه مليكة : كلامك مع بابي وبعده اخواتي.
سيف : خلينا نحل مشاكلنا مع بعض.
مليكة : معلش دا لما اكون في بيتك لكن حضرتك طلقتني يبقى الكلام ميكونش معايا.
سيف : لأ الكلام معاكي يا مليكة علشان أنا اتجوزتك انتي ويوم ما اردك يبقى دا بموافقتك انتي مش حد تاني.
مليكة : تفتكر إني ابقى في بيت بابي واجي احط ايدي في ايدك واقولهم مع السلامة يا جماعة أنا رجعت لجوزي كده من غير ما ارجلعهم؟!
سيف : ماشي ولو إن دا قرارك انتي بس هعمل اللي انتي عاوزاه دلوقت باباكي مش موجود ايه الحل؟
مليكة : كلم اخواتي.
سيف : حاضر.
خرجت مليكة من غرفة الصالون كان مجدي وعلي قاعدين قصادهم.
فوقف علي يتكلم مع مليكة سألها عن حاجة وبعدها طلعت فوق.
سيف : علي مجدي أنا جاي ارد مليكة واخدها معايا.
سهر خرجت من المطبخ.
علي : طب اقعد يا سيف علشان نعرف نتكلم.
مجدي بانفعال : نتكلم في ايه حضرته قاعد تلات شهور مفكرش فيها وجاي النهاردا يقول اردها تردها ازاي من غير مأذون بعقد ومهر جديد؟!
سيف : لسه لينا لحد بكرة الموضوع بسيط هي توافق واخدها ونروح.
مجدي : اممم الموضوع بسيط بس معلش صاحب البيت مش موجود اينعم احنا مكان بابي هنا لكن موضوع زي ده لازم ناخد رأيه.
سيف : تمام بس امتى؟
سهر : هو آسر دلوقت ركب الطيارة ومش هينفع نكلمه لما يوصل بالسلامة أنا هكلمه يا سيف.
سيف : خلاص أنا هاجي بالليل يوسف تعالى يا حبيبي.
اتكلم مع يوسف شويه وبعدها مشي.
__________
في فيلا كريم.
محمد : كويس إن مامي مقالتش لبابي حاجة على العك بتاعك ده ياريت بقى تهمد شويه وتسيبك من الحوار ده.
زين : بقولك ايه يا محمد خليك في مذاكرتك دلوقت وسيبني في حالي.
محمد : وحضرتك مش هتذاكر ولا ايه؟
زين : لا أنا إنسان طبيعي وواخد اجازة مع كل الناس اللي شبهي خليك بقى في الكتب بتاعتك.
محمد : عارف يعني ايه السكر يعلى على مامي بالشكل ده طب مفكرتش لو لوحدها كان ايه حصل لها وعارف اللي احنا فيه ده ممكن يكون بسببك أنت مامي عمرها ما اشتكت من حاجة علشان تتعب كده.
زين : بص يا محمد لو كل واحد خلاه في حاله مش هيحصل حاجة فخليك في حالك.
محمد : كده طيب براحتك بس أنا بقى شايف إن مامي تقول لبابي على الحوار بتاعك ده علشان شكلك كده مش ناوي تجيبها لبر.
زين : ولا لبحر وخليك في حالك.
محمد : على فكرة أنت اللي قاعد في اوضتي.
زين : طيب يا عم ماشي وسايبك.. سلام.
______
في فيلا آسر.
في التليفون📞
آسر : ثواني يا سهر.
بيتكلم مع حد : ثانك.
وبيقفل باب الغرفة.
آسر : ايوه يا حبيبتي بتقولي ايه؟
سهر : كنت بتكلم مين يا آسر؟
آسر : دا الروم سيرفس
هيكون مين يعني؟!
سهر : مجرد سؤال يعني محصلش حاجة.
آسر : طيب.. كنتي بتقولي ايه بقى؟
سهر : سيف جه النهاردا علشان يرد مليكة وطبعا احنا قولنا نكلمك الأول.
آسر : انتي ايه رأيك؟
سهر : أنا اللي عاوزه اعرف رأيك ايه؟
آسر : لأ يا سهر.
سهر : ليه؟
آسر : بعد كل ده بتقولي ليه يعني واحد معملش احترام ليه ولا لوالدة
ولا لبنتك اللي جاي بعد تلات عاوز يردها وبعدين مش مفروض انتهينا خلاص؟!
سهر : لا ما أنا كنت حاسبه غلط باقي يوم غير ده.
آسر : اه يعني جاي يلوي دراعنا يلا يا جماعة بسرعة علشان مفيش وقت مش كده؟!
سهر : آسر بطريقتك دي احنا مبنحلش المشكلة كده هتتعقد أكتر.
آسر : للأسف كان نفسي أنا اللي ادافع عنه واقف لمليكة واقولها دا ميتفرطش فيه ارجعيله علشان متندميش لكن أنا خايف دلوقت ترجعله وبعدها تندم اديهالي يا سهر.
سهر : طيب ثواني هاخد التليفون عندها علشان
بتنيم يوسف.
أنت تقرأ
أنت قلبي الجزء الثالث
Weerwolf(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
