أنت قلبي الجزء الثالث

الحلقة ١٥٥

#انت_قلبي٣
_________
الحلقة ١٥٥

ياسمينا : ها كنت عاوز تقول ايه؟
سيف : حمزة كان عندي من شويه.
ياسمينا : اه.. هو كويس يعني؟
سيف : اه كويس.
ياسمينا : كلمك في حاجه؟

جرس الباب يرن تقوم مليكة تفتح باب الشقة.
فيروز : سلام عليكم.
مليكة : وعليكم السلام
اتفضلي يا طنط فيروز اتفضلي يا.. هدى.
هدى دخلت مع فيروز بعد نظرة لمليكة.
فيروز : ازيك يا نادين؟
قامت نادين تسلم عليهم.
فيروز : سيف عامل ايه يا مليكة عرفنا إنه تعبان.
مليكة : اه كان تعبان بس بقى كويس
طنط ياسمين معاه جوه.
فيروز : كده طيب تعالي يا هدى ندخل نطمن عليه.

عند باب الغرفة.
فيروز : انتو يا ناس ياللي جوه ندخل ولا نرجع؟
سيف بابتسامة : تعالي يا فيروز ادخلي يا هدى.
بيسلموا على سيف ويقعدوا.

في المطبخ.
نادين : مش مستاهله يا مليكة.
مليكة : لا مستاهله يا نادين علشان خاطر ولادك.
نادين : وهو معملش خاطر ليهم وجه ليه؟!
مليكة : معلش أنا معرفش مين اللي غلطان بس معلش اللي يقدر يصالح التاني يروحله ويتكلم معاه حتى لو بيعاتبه العتاب دليل على المحبه.
نادين : هو مطنش وأنا مش هتنازل عن كرامتي واروحله.
_________
في شركة آسر.
حسام : ايوه
يا آسر عاوز حاجه؟
آسر : هات ملف المشروع اللي كلمتك فيه امبارح بالليل.
حسام : قولتلك إن المشروع ده كان رايح لشركة وليد أخوك وأنت وقتها قولت لي سيبه مش هنقبله لإننا اصلا مش هناخد شغل كان رايح ليه علشان ميفهمش غلط.
آسر : وأنا بقولك هاته وهناخد المشروع الشغل شغل أخوات دي في البيت مش هنا.
حسام : آسر وليد أخوك مش هيعدي الحوار دا على خير وأنت عارفه احنا عندنا شغل كتير خلينا نركز فيه أهم من المشروع اللي هيجيب لنا مشاكل ده
أنا خايف عليك.
آسر : متخافش عليه وهات الملف واراجعه.
حسام : مش علشان في مشاكل ما بينكم نقوم نزودها أخوك مش هيستريح كنت قبلت المشروع وقتها متركنتوش لحد دلوقت.
آسر : بس ان أنا ليه مزاج شركتنا تنفذه وخصوصا بعد ما صاحب المشروع كلمني.
حسام : بيصطاد في المياه العكره علشان اخد خبر إن في حاجه بين شركتنا وشركة وليد اخوك هو ميهموش المشروع يخلص ولا لأ على قد ما يهمه يضرب شركتنا مع الشركة التانية أسلوب أنا عارفه كويس.
آسر : يكون هدفه زي ما يكون احنا هنشتغل وبس ميهمناش غيرنا عاوز ايه.
حسام : مش مبدأك يا آسر أنا كان ليه رأي وقتها إننا ناخد المشروع بس بعد كلام الراجل ده أنا مستريحتش وحاسس إنه تبع شركة تانية جايه تنفذ هدف في دماغها عاوزه تحققه.
آسر : هات الملف يا حسام
وبطل رغي.
حسام : اوك براحتك بس لما يحصل ويكون اخر مشروع تنفذه الشركة متصدعش دماغي.
آسر : روح هات الملف يا حسام تجيبه وتقفل الباب ومش عاوزك تدخللي أي حد.
حسام : حاضر.
_________
هنادي جايه من بره وطالعه بطلبات البيت ملقتش البواب تحت فـ اضطرت تطلعهم بنفسها.
الأستاذ سالم (الجار) :
سيبي الحاجه يا مدام هنادي أنا هطلعها.
هنادي : متشكره.
سالم : دي مش عزومه على فكرة أنا بتكلم بجد الاسانسير عطلان
ومينفعش تطلعي الحاجه دي لوحدك.
هنادي : معلش برضه ميجراش حاجه لو طلعتهم.
سالم : هاتي بس.
هنادي : معلش كتر خيرك بعد اذنك.
نزل الأستاذ سالم وهنادي طلعت بالحاجه.
هنادي بتكلم نفسها : غبيه ما كنت سيبتهم لما يجي طارق يطلعهم ما هو زمانه جاي يلا بقى مش مهم.
سالم : كنت فين يا عم توفيق؟
توفيق : خير يا أستاذ سالم محتاج حاجه؟
سالم : معلش طلع الحاجات مع مدام هنادي علشان طالعه بيهم لوحدها.
يجري الرجل ياخد الحاجه من هنادي.
توفيق : لا مؤاخذة يا مدام بس كنت بقضي مصلحة
واتأخرت شويه.
هنادي : لا محصلش حاجه بس أنت عرفت منين إني طالعه فوق بالحاجات دي؟
توفيق : الأستاذ سالم هو اللي قال لي.
هنادي : طيب شكرًا سيبهم بقى.
وبتفتح هنادي باب الشقة وواقفه بره يدخل عم توفيق الحاجه ويخرج مرة تانية.
توفيق : محتاجه حاجه تانية يا مدام؟
هنادي : لا متشكره كتر خيرك.
ودخلت جوه والرجل نزل وقفلت باب الشقة.
__________
في شقة مراد.
مريم فاتحه الموبايل وبتستمع للمحاضرة اللي مسجلاها صوت على الموبايل وقاعدة بتكتب.
مراد جه ودخل جوه غير هدومه وخرج قعد جنبها.
مراد : بتعملي ايه يا حبيبتي؟
مريم : ثواني يا مراد المحاضرة هتخلص.
مراد : محاضرات في الجامعة والبيت كمان!
وقفت التسجيل الصوتي.
مريم : خمس دقايق بس وهتخلص.
مراد بتنهيدة : طيب أكون أنا نمت.
تمسك ايده : رايح فين مش هتتغدا؟
مراد : ما انتي مش فاضيه.
مريم : قولتلك خمس دقايق مش قادر تصبر.
قعد وحط ايده على خده وشاور لها : حاضر اتفضلي كملي.
مريم نظرت بابتسامة : عارفه إنك مش عاوز حاجه تاخدني منك.
مراد : يعني مش لازم في الساعة اللي بقعدها يا مريم ما أنا بدخل أنام بعد الغدا ابقي ذاكري براحتك.
مريم : حاضر يا حبيبي.
مراد : اخبارك ايه النهاردا؟
مريم : تمام محستش بدوخه زي امبارح.
مراد : هههههههههههه هي الدوخه دي كانت بتقولك خُدي بالك انتي حامل؟!
مريم : ماما مكلمتنيش النهاردا شكلها لسه زعلانه.
مراد : زعلانه!
مريم : علشان يعني كنا متفقين على حاجه وحصل حاجه تانية.
مراد : واظن يعني مامتك فاهمه إني قولتلك بلاش تاخدي حاجه مش كده؟
مريم : لأ أنا قولت لماما بس طبعا كانت مفاجأة بالنسبة ليها ايه يا مراد أنت زعلت؟
مراد : دي حياتنا يا مريم وياريت بلاش كل حاجه تقولي لمامتك عليها.
مريم : لأ أنا مبقولش كل حاجه.
مراد : في أكل ولا ادخل أنام؟
مريم بابتسامة : حاضر ثواني السفرة تكون جاهزة.
دخلت مريم جوه وشغل مراد التسجيل الصوتي وقعد يكتب كل كلمة قالها الدكتور زي ما مريم بتعمل.
مريم : مراد يلا السفرة جاهزة.
مراد : خلاص خلصت.
مريم : خلصت ايه؟
مراد بيحط القلم جوه الدفتر.
مريم : أنت عملت ايه وريني كده.
تنظر مريم للدفتر.
مراد : معلش بقى الخط مش قد كده.
مريم بابتسامة : بقى دا كمان مش قد كده ههههههههه دا أنت خطك حلو قوي.
مراد : يعني على قدنا كده.
مريم : هههههههههههه امال نقش الفراخ بتاعي يتقال عليه ايه؟
ايه التواضع ده ازاي بتكتب بسرعة وفي نفس الوقت الخط مرسوم بالشكل ده؟
مراد : لا انتي بس علشان عيونك جميلة فشايفه إنه حلو بينا علشان جعان.. ايه ده؟
مريم : طاجن باميه باللحم الضاني اوعي تكون مبتاكلوش أنا أول مرة اعمله من يوم ما اتجوزنا.
مراد : بصراحه يعني مليش في الضاني قوي تقيل على معدتي بس هاكل باميه.
مريم : مكونتش أعرف.
مراد : هههههههههههه خلاص حصل خير زعلانه ليه دلوقت؟
مريم : فكرتك هتحبه.
مراد : أنا باكل كل حاجه بس في حاجات بموت فيها بس دا شغال عادي يعني هاكل حته صغيرة.
مريم : في ورق عنب من امبارح هسخنه ثواني.
مراد : تعالي يا حبيبتي مش لازم هاكل دا برضه مفيش مشكلة.
مريم من المطبخ : هحطه تلات دقايق في الميكرويف هيسخن على طول.
__________
في التليفون.. 📞
ندى : يعني بالليل جوزك هيجي يقولك ابوها قال له ايه؟
فريدة : ايوه.
ندى : ايه مالك؟
فريدة : انتي مش قولتي متتصليش تاني؟
ندى : ما أنا كان لازم اتصل أعرف منك محمد قال لك ايه وبعد كده مش هتصل تاني.
فريدة : لا يا شيخه!
ههههههههههههه
ندى : طب سلام.
فريدة : مش عاوزاني اتصل بيكي الصبح اقولك كريم قال لي ايه؟
ندى : لأ أنا هكلمك لما ارجع من المدرسة.
فريدة : هههههههههههه
يعني هتتصلي برضه!
ندى : بصي أنا هفضل اكلمك لحد ما محمد ابنك يرتبط وبعدين اقطع علاقتي بيكي.
فريدة : هههههههههههه
تقفل ندى مع فريدة.
ميرفت : فريدة بنت عمك دي اللي كنتي بتكلميها
يا ندى؟
ندى : ايوه يا ماما.. اقعدي استريحي.
تسند ندى والدتها وتقعدها.
ميرفت : مبقتش تيجي قوللها عمك علشان خلاص يعني مات مش عاوزه تيجي تطلي علينا.
ندى بحزن : لا يا ماما هي بس كانت مشغوله مع الولاد والمدرسة علشان الدراسة كانت قربت تبتدي واهي هتفضل مشغوله كده طول فترة الدراسة زيي برضه.
ميرفت : انتي شغاله في المدرسة وبترجعي بيتك بعد الضهر.
ندى : شوفتي بقى حضرتك بتقولي ايه
هي بقى شغاله الصبح وبعد الضهر مع بنتها وواقفه لولادها زي الساعة.
ميرفت : على رأيك يا بنتي هاتيلي كوباية مياه اخد الدوا.
ندى : حاضر.
ميرفت وندى في المطبخ : أنس متصلش يا ندى؟
ندى : كلمني الصبح.
ميرفت : ها عمل ايه؟
ندى : اتفضلي يا ماما.
بتاخد ميرفت الدوا وبعدها : مردتيش يعني؟
ندى : هما مستعجلين بس قولت له يقولهم شويه كده ولا حاجه.
ميرفت : وليه تأجلوا خليه يتجوز يا بنتي.
ندى : ازاي بس يا ماما؟
ميرفت : الحزن في القلب يا حبيبتي وبعدين باباكي كان نفسي قوي يفرح بيه خليه يفرح يا ندى ويفرحنا كلنا.
ندى : مش عارفه بس أنا شايفه إن مش هينفع خالص دلوقت.
ميرفت : هما عاوزين يعني زيطه وكده ولا كان كلامهم ايه معاه؟
ندى : مش عارفه لما يجي الاجارة دي هسأله.
ميرفت : خلاص ان كان يوافقوا يتجوزوا كده من غير حاجه يبقى مشوا وخلاص يا ندى.
ندى : ماشي هنشوف.
__________
في المساء في فيلا آسر.
سهر : بتقولي سيف راح لحمزة صاحبه؟
مليكة : اه يا مامي.
ملك : كويس كده مش جاي دلوقت.
مجدي : وسعي شويه يا ملك.
ملك : عاوز تعدي تروح فين؟
علي : ايه يا ابني وقعت على كنز ولا ايه؟
مجدي : بتقول فيها هو فعلا كنز.
آسر : هههههههههههه
سهر : هو ايه دا يا آسر؟
آسر : طلبه مني مقدرتش اقول له لأ.
سهر : اوعى يكون..
آسر : هههههههههههه اه هو.
مليكة : هو ايه احنا مش فاهمين حاجه؟!
مجدي : بس سكووووت علشان كلنا كده معزومين على فرح ههههههه.
الفيديو يشتغل.
مليكة : ياااه من زمان قوي مشتغلش الفيديو ده معقول لسه شغال؟!
مجدي : طبعا دا أنا صلحته وخليته رجع جديد زي الأول اسمعوا بقى.
شريط الفيديو بيبدأ
بكتابة حفل زفاف (آسر & سهر).
ملك : هههههههههههه
دا فرح بابي ومامي.
نظرت سهر لـ آسر بابتسامة.
يوسف بيصقف.
مجدي : بتسقف على ايه الفرح لسه مبدأش.
ملك : اوباااا القمر ظهر على الشاشة اهو.
كانت لقطه للعروسين وهما داخلين الكوشه.
مليكة : هههههههههههه مامي كانت مكسوفه بس ايه الفستان اللي يجنن ده؟
سهر : ذوق بابي.
ملك : بسيط قوي ورقيق ومامي كانت جميلة فيه .
مجدي : كانت!
ملك بابتسامة : ومازالت.
سهر بتهمس لـ آسر : أنت ايه اللي فكرك بالشريط ده؟
آسر : هههههههههههه مجدي اللي كان بيدعبس في اوضة المكتب وخرجه قال هنسخه على فلاشه فـ ادتهوله.
سهر : العيال كده هيقعدوا يتريقوا علينا.
آسر : هههههههههههه يتريقوا على ايه مش احسن من افراحهم.
مجدي : اوباااا العريس هنا كان بيوشوش العروسة بيقولها ايه يا ترى؟
الأولاد  : هههههههههههه
يوسف : أنا عارف.
مجدي : طب وشوشني علشان محدش يسمع.
يوسف : العريس بيقول للعروسة يلا نرقص.
الأولاد : هههههههههههه
مجدي : بقولك وشوشني تقوم تعرف الناس كلها.
علي : هههههههههههه
آسر : محصلش بس مش فاكر كنت بقول ايه فاكره يا سهر؟
سهر : اه طبعاً فاكرة.
مجدي : الستات دي مبتنساش حاجه
ههههههههههههه
علي : جدو وتيته ومين  ده؟
ملك : دا عمك وليد.
مجدي : كان صغير قوي بس ايه الشياكة والأناقة دي بس يا آسر بيه طول عمرك شيك.
آسر : طبعاً يا ابني امال
ههههههههههههه
ملك : لأ بجد يا بابي كنت عريس بجد يعني مفيش كلام.
مليكة : لا والبدله تجنن
والشعر ايه بقى هههههههه فكرني بحد كنت بشوفه على التليفزيون.
مجدي : امال يا حبيبتي بابي طلبوه المخرجين والمنتجين يمثل وهو رفض.
آسر : هههههههههههه بقى كده ماشي.
مجدي : لا وجه سينمائي بجد مامي وقعتي بابي ازاي؟
ههههههههههههه
تخبطه سهر بمزح.
علي : هههههههههههه
آسر : مامتك موقعتنيش أنا اللي وقعت لوحدي.
الأولاد : هههههههههههه
ملك تغمز لوالدها : طبعاً وهو حد يشوف القمر ده وميوقعش في حبه برضو.
سهر : هههههههههههه
شكرًا على المجاملة دي.
مجدي : لا مش مجامله بجد دي حقيقة شوفوا البراءة يا ناس كانت بتضحك بكسوف ازاي
ههههههههههههه طب بصي في عينه حتى.
سهر : بس يا واد.
آسر : هههههههههههه
غلبت يا ابني اقول لها يا سهر الكاميرا شغاله شكلي وحش يا حبيبتي الناس تقول ايه ارفعي دماغك حتى وهي ولا هنا.
سهر : مبحبش الكاميرا بتخنق منها.
مليكة : ايوه
يا مامي يا حبيبتي بس دا فرحك.
علي : بااااس اهو في لقطه اهي ومامي رافعه راسها.
آسر : تجنن.
مجدي قام وقعد جنب والده ويغمز له : جرا ايه يا آسر بيه عاوز تعيد الذكريات ولا ايه؟
علي : هههههههههههه
آسر : ومنعدش الذكريات ليه كبرنا ولا كبرنا؟
ملك : لا حضرتك يا بابي لسه شباب.
آسر : اهو دا الكلام اللي يفتح النفس.
مليكة : هههههههههههه
آسر لمجدي : قوم أنت قاعد بيني وبين مامتك ليه؟
علي : هههههههههههه قوم يا مجدي متبقاش عزول يا أخي.
مجدي بابتسامة : كده طيب.
ملك : اوباااا جات الفقرة اللي بحبها اظن بقى يا مامي هتقومي ترقصي سلو دلوقت العريس مدلك ايده.
آسر : هههههههههههه مش هيحصل.
مجدي : ليه بس كده كسفتي الراجل.
مليكة : هههههههههههه
مامي مكسوفه قوي بس قامت اهو خلاص.
آسر : هههههههههههه هتقعد تاني.
مجدي : هههههههههههه طب سيبي الراجل يكمل تحرجيه كده.
ملك : جات فقرة السلامات بقى مين الناس دي يا بابي؟
آسر : صحابي وزمايلي في الجامعة.
مجدي : اوباااا دا انكل هشام يا خبر هههههههه
هشام الولد الصغير ده؟
سهر : اه هشام الصغير.
مليكة : طنط أمل قمورة قوي.
ملك : ياااااه ذكريات جميلة قوي بجد.
مليكة : استنى كده يا مجدي متجريش الفيديو.
مجدي : حاضر هرجع الحته دي.
علي : دا انكل هشام ده؟!
آسر : انكل هشام ازاي مش لسه شايفه ثم انكل هشام وقتها كان شباب.
مليكة : دا باباه صح؟
سهر : ايوه
دا عمو مراد ودي طنط مها.
علي : شبه انكل هشام بالظبط.
ملك : انكل هشام اللي شبهه بقى مش ابنه زينة تشبه جدتها.
مجدي : صح.
ملك : ايه مالك عينك يا حبيبي ما أنت عندك الأصل.
مجدي : انتي مالك؟
علي : هههههههههههه العبوا مع بعض من غير خناق.
ملك : دا جدو وتيته تاني.
آسر نظر لهم وهو مدمع.
مجدي بيجري الفيديو : الباقي ناس منعرفهمش.
ملك : فين عمتو صحيح؟
هو ايه المكان دا يا بابي؟
آسر : دا كازينو يا حبيبتي
معملناش فرح يعني زي ما كان بيحصل وقتها.
سهر : كانت تيته متوفيه.
مليكة : تيته مامتك؟
مجدي : تيته ازاي يعني مامي تقصد تيته مامت مامتها صح كده؟
سهر : ايوه.
علي : هههههههههههه انكل حسام واقف عند العربية.
ملك : حارسها خايف لتتسرق هههههههه
مليكة : مين اللي مذوق العربية؟
سهر : مين يا آسر أصل مش فاكره.
آسر : حسام ويومها اتخانقت معاه.
مجدي : هههههههههههه ليه بس.. هو باقي الفرح في الطريق ولا ايه؟
آسر : لأ دي حته صغيرة.
علي : باقي تلات دقايق.
ملك : هههههههههههه دي الفيلا بتاعتنا صح؟
مجدي : امال بتاعة الجيران.
ملك : مكلمتكش.. بس البوابة اتغيرت والسور كمان.
علي : أكيد يعني في حاجات اتهدت واتبنت في حاجه بتفضل على حالها؟!
مجدي : وبس كده عريسنا وعروستنا دخلوا عش الزوجية هههههههه
آسر نظر لسهر بابتسامة.
مجدي : احكيلي بقى يا بابي.
آسر : احكيلك ايه؟!
قوم متقعدش هنا.
علي : هههههههههههه
بطل بقى يا مجدي.
مجدي : أنا كنت هسأل بس أكلتوا ايه في الليلة دي؟ هههههه
آسر : أنا فاكر أنت كمان.
سهر : ولا أنا فاكره حاجه.
مجدي : اممم يعني محدش فاكر حاجه خالص؟!
سهر : لأ وقوم خرج الشريط من الفيديو.
مجدي : اهو خرج لوحده.
آسر : رجعه مكانه يلا.
مليكة : يا حبيبي أنت نمت.
سهر : مجدي طلع يوسف ينام فوق.
مجدي : آآآه يا ضهري.
مليكة : خليه سيف زمانه جاي.
علي : هي حلا نايمه؟
ملك : ياااه أنت لسه فاكر دي هي وسليم ناموا ولا اللي بقالهم شهر مشفوش نوم.
مجدي : في بيات الليلة يا ملك؟
ملك : بتسأل ليه؟
مجدي : بطمن
ههههههههههههه
_________
في فيلا كريم.
فريدة قاعدة منتظرة كريم الوقت اتأخرت فالنوم غلبها وهي قاعدة على السرير.
بعد شوية.
كريم يدخل يشغل النور.
كريم : فريدة!
وقرب منها حط دماغها على المخدة ولسه بيغطيها.
فريدة : كريم!
كريم : انتي صاحيه يا فريدة؟
فريدة : ايه اللي أخرك كده يا كريم؟
كريم : الكلام اخدنا ببص لاقيت الساعة اتناشر ونص.
فريدة : هو أنت قابلته؟
كريم : اه.
فريدة : وبعدين؟
كريم : قعدنا دردشنا شويه.
فريدة : ها وبعدين ما تقولي الحوار كله مرة واحدة أنت بتنقطني كلمة كلمة.
كريم : مالك بس يا حبيبتي؟
فريدة : قاعدة يا أخي علي اعصابي بقول خلاص هيجي واطمن لحد ما دخلت اهو على واحدة ونص.
كريم : قعدنا اتكلمنا والراجل كان ذوق قوي وقالي مفيش مانع محمد يجي ويتقدم ومش هنلاقي احسن منكم وكلام من دا يعني.
فريدة : يعني دا معناه إنهم موافقين صح؟
كريم : دا اللي فهمته لو فهمتي حاجه تانية قوليلي.
فريدة قامت بسرعة من السرير.
كريم : رايحه فين؟
فريدة : هروح اطمن محمد
إلا يعني متفقتوش هنروح نتقدم امتى؟
كريم : هو قال اتكلم مع محمد ونشوف الوقت اللي يناسبه امتى ونعرفهم.
فريدة : احنا اللي هنشوف الوقت المناسب ولا هما؟!
كريم : احنا دا كلامه ليه.
فريدة : الناس دي غريبة
ههههههههههههه
بس مش مهم هروح افرح محمد.
كريم يمسك ايدها : هو محمد قاعد مستني قوي كده يعني؟
فريدة : طبعاً دا مش هينام الليلة.
كريم : لا خليه ينام عنده جامعة الصبح.
فريدة : لا ما هو كده هينام بقى هههههههههههه
___________
في التليفون... 📞
سيف : ليه مش أنت كنت عاوز كده؟
حمزة : لأ أنا مقولتش تقولها.
سيف : يعني موضوع السفر ده مش اشتغاله يعني ولا حاجه علشان نادين تراجع نفسها؟!
ههههههههههههه
حمزة : أنت فهمت كده يعني؟
سيف : اه فهمت كده وبعدين مش عليه أنا الحركات دي يا حبيبي أنا فاهمك كويس.
حمزة : المهم قالت لك ايه؟
سيف : هههههههههههه
من ساعة ما عرفت وهي مش على بعضها بتفكر تيجيلك بس مش عارف تجيبها ازاي.
حمزة : لا تيجي ولا تروح خليها مستريحه.
سيف : ياله عيني في عينك كده.
حمزة : عيني في عينك ازاي يعني يا سيف؟!
يا عم بطل هي مش ناقصه.
سيف : لا بس خطه عبقريه جاتلك ازاي الفكرة دي؟
حمزة : فكرة ايه هو أنت لسه فاهم إنها اشتغاله حقيقي؟
سيف : امال هتسافر حقيقي متشغلش دماغك عليه قولتلك أنا فاهمك كويس.
حمزة : طب اقفل عندي شغل الصبح أنت مش نازل الشغل ولا ايه؟
سيف : لا نازل كفاية كده هترفد لو سوقت فيها أكتر من كده معنديش إجازات خالص ومش عارف اليومين اللي نمتهم في البيت دول هيبقى ايه وضعهم.
حمزة : وأنت لازم يعني تخلص كل اجازاتك كده؟!
سيف : مش غيبت اليومين بتوع تعب حمايا ويوم فرح هنا وهنا وإجازة المصيف.
حمزة : ايوه يا عم محدش زيك صيفت وأنا بنت أختك منكده عليه.
سيف : بكرة تروق وتحلي يا حزوم تصبح على خير.
حمزة : وأنت من أهله.
مليكة : أنت لسه صاحي يا سيف؟
التفت سيف لمليكة اللي خرجت من جوه.
سيف : كنت بكلم حمزة انتي ايه اللي قومك من النوم؟
مليكة : حلا سُخنه.
سيف : أهلا هو احنا هناخدها بالدور؟
شوفيلها خافض للحرارة في التلاجة.
مليكة : لأ الدوا دا مش هينزل الحرارة هي محتاجه حاجه تانية.
سيف بيقوم : حاضر عرفت هغير هدومي وانزل الصيدلية عاوزه حاجه تانية؟
مليكة : لأ لحد الصبح بس لو منزلتش هاخدها للدكتور.
سيف : يمكن بتسنن.
مليكة : مش عارفه.
__________
في التليفون... 📞
مازن : لأ فكرتك نايمه.
هنادي : عماله اتقلب يمين وشمال مش جيلي نوم لاقيتك بتتصل.
مازن : بصراحه دخلت أنام وبعدين معرفش حاجه كده قالت لي اتصل اطمن عليكي بصيت في الساعة لاقيت الوقت متأخر قولت هرن رنتين كده رديتي يبقى كويس مردتيش يبقى الصبح بقى اكلمك.
هنادي : سهر عامله ايه؟
مازن : كويسه لسه صاحيه هي كمان مش جاي لها نوم.
هنادي : أنت عملت ايه؟
مازن : روحت الجامعة النهاردا خلصت كام حاجه كده كانوا طالبينها مني هناك علشان ابدأ بقى اشتغل في الرسالة بتاعتي.
هنادي : طيب يا حبيبي
بالتوفيق.
سهر : ازي حضرتك يا طنط؟
هنادي بابتسامة : تمام يا سهوره انتي عامله ايه يا حبيبتي؟
سهر تاخد الموبايل من مازن : تمام يا طنط أنا ومازن بخير.
هنادي : دايمًا يا حبيبتي.
سهر : طيب مازن مع حضرتك.
مازن : ايوه يا ماما.
هنادي : ايوه يا حبيبي هقفل بقى علشان اسيبك تنام.
مازن : طيب ماشي تصبحي على خير.
___________
في شقة حازم.
حازم : مامتك اللي قالت كده؟
ندى : اه.. أنت ايه رأيك؟
حازم : خلاص كلمي أنس ياخد رأيهم.
ندى : يعني ايه مش احنا اللي مفروض نتشاور الأول مع بعض يا حازم؟
حازم : وأنا معنديش مانع يا ندى انتي عندك مانع؟
ندى : لأ طالما الفرح هيتم في هدوء معنديش مانع.
حازم : يعني ايه يتم في هدوء؟
ندى : يعني يعملوا البتاع اللي اسمه فوتوسيشن ده ويلموا اصحابهم حواليهم يهيصوا شويه وخلاص.
حازم : ماشي موافق.
ندى : أكلم أنس الصبح يعني؟
حازم : ايوه
يا ندى امال أنا قولت ايه؟
ندى : مقولتش غير موافق وبس.
حازم : شوفي انتي عاوزه تعملي ايه يا ندى واعمليه.
_________
في غرفة آسر وسهر.
آسر : هههههههههههه
سهر : هههههههههههه اه يا قلبي.
آسر : مالك يا حبيبتي؟
سهر : العيال خلوني اضحك الليلة ضحك لما بطني وجعتني.
آسر : هههههههههههه
دايمًا يا حبيبتي.
سهر : فاكر يا آسر؟
آسر : فاكر ايه؟
سهر : يوم فرحنا.
آسر بابتسامة : ودي ليلة تتنسي انتي طلعتي عيني.
سهر : هههههههههههه
الفستان اه كان صعب قوي طلع روحي لحد ما تخلع.
آسر : هو انتي كنتي عاوزاني أقرب منك اصلا.
سهر : هههههههههههه
كنت مكسوفه بقى يا حبيبي مش كنا لسه عرسان ولا عاوز واحدة وشها مكشوف كده.
آسر : هههههههههههه. عندك حق بس خلعت البدله وانتي لسه بالفستان لأ وايه كنتي عاوزه تنامي بيه كمان.
سهر : هههههههههههه
خلاص بقى اهي عدت.
آسر : ياااه الواحد رجع
لورا تلاتين سنة بحالهم.
سهر : العمر بيعدي في لحظة.
آسر بيقرب منها : عندك حق.
سهر : ايه فيه ايه؟
آسر : هههههههههههه عاوز اعرف كنت بقولك ايه في الفرح لما قربت وشوشتك؟
سهر : هههههههههههه
خلاص بقى مش لازم افكرك.
آسر : لا أنا عاوز افتكر كل حاجه ههههههه دا أنا عاوز أعيد اليوم ده من أوله تاني.
سهر : هههههههههههه
_________
تاني يوم في فيلا مراد.
أمل : هتسافري امتى؟
نورهان : الاسبوع الجاي.
أمل : توصلي بالسلامة.
نورهان : ايه يا أمل مالك؟
أمل : أول مرة من فترة كبيرة تسافري وتسيبينا يا نور.
نورهان : راجعه تاني متخافيش بس الولاد وحشوني وقلوبهم جمدت علينا قوي عُمر قالي بدل ما احنا قاعدين مستنينهم كده نروحلهم نطمن عليهم.
أمل : اه كده احسن اوعي بقى هناك ياخدك مننا وتقرري تستقري معاهم.
نورهان : لااا أنا متحملش ابعد عنكم أكتر من شهر.
أمل : شهر بحاله؟!
نورهان : هيعدي هوا يا أمل.
أمل : ماشي يا حبيبتي تروحي وترجعي بألف سلامة.
نورهان : شوفتي هاني يا أمل؟
أمل : ماله يا نور؟
نورهان : زعلانه منه قوي.
أمل : حقه محدش يقدر يلومه.
نورهان : طب وجايبها هنا ليه مش يراعي مشاعرنا برضو ولا خلاص وهشام كمان يرحب بيه ويقعد يدردش معاه والست دي قاعدة تبص لـ ليلى من فوق لتحت زي ما تكون ليلى ضرتها.
أمل : اهي ليلة وعدت يا نور وبعدين دا من فترة يعني ايه اللي فكرك؟
نورهان : ليلى مكلماني قالت لي إنه عازمها بكرة على العشا هي وشادي ومش عارفه تروح ولا متروحش.
أمل : مش عارفه هي براحتها بس لو راحت يبقى افضل هو في مقام باباها برضه يا نور.
نورهان : باباها!
محدش بيحل محل الأب أبدًا يا أمل.
أمل : بالعكس في يا نور بس دا لما يكون الأب صعب قوي مع ولاده فبيشبطوا في أي حد.
نورهان : معاكي في دي الأب الحنين زي بابا محدش في الدنيا يحل محله.
أمل : عندك حق بابا مراد كان جميل قوي في كل حاجه صوته ضحكته حتى عصبيته بعدها مفيش ثواني يروق ويهدا ويبقى كإن محصلش حاجه.
زينة نازله من فوق بابتسامة وتسلم على عمتها.
نورهان : ايه الأخبار عاوزين نركز بقى ونذاكر كويس دي أخر سنة.
أمل : هي حرة بقى مفيش فرح قبل ما استلم الشهادة في ايدي.
زينة : ايوه يا مامي بس الشهادة دي بنستلمها متأخر قوي.
نورهان : هههههههههههه بنتك عاوزه تخلص قوام قوام علشان تتجوز
ههههههههههههه
زينة بخجل : كده يا عمتو بقى أنا عاوزه اخلص علشان كده؟!
نورهان : امال علشان ايه دا مجدي قاعد بيحسبها باليوم والساعة هههههههه
أمل : تبقى تشد حيلها بقى.
زينة : على فكرة الكلام دا اللي بيقلقني أكتر.
نورهان : يا حبيبتي ولا تقلقي ولا حاجه بكرة تخلصي ونفرح بيكي.
___________
في التليفون... 📞
فريدة : ايه رأيك نروح بالليل؟
كريم : امتى.. الليلة؟!
فريدة : اه.
كريم : على طول كده يا فريدة طب مش تصبري شويه.
فريدة : امتى يعني؟
كريم : يعني يومين تلاته كده كلمتي محمد؟
فريدة : اه طبعا ما أنا رجعت لاقيتك نمت.
كريم : اعملك ايه ما انتي طولتي عند محمد معرفش كنتو بتقولوا ايه كل ده؟!
فريدة : كنا بندردش عادي والوقت اخدنا.
كريم : هههههههههههه بترديهالي يعني علشان اتأخرت امبارح.
فريدة : عاوزه انزل اشتري طقم للمناسبة دي.
كريم : اشتري.
فريدة : لون كده يكون يعني مناسب للظروف اللي احنا فيها.
كريم : انزلي اشتري.
فريدة : ما هو لو هنزل اشتري لازم يبقى معايا فلوس.
كريم : امممم ما انتي واخده مصروف البيت من يومين.
فريدة : لا يا حبيبي مصروف البيت ايه
دي حاجه ودي حاجه تانية ايه علاقة ده بده؟!
كريم : فريدة أنا عندي شغل لما ارجع نبقى نتكلم.
فريدة : طيب أنت مش ناسي حاجه؟
كريم : لأ.
فريدة : العربية فولتها امبارح؟
كريم : اه ليه؟
فريدة : يبقى متعرفش.
كريم : معرفش ايه؟
ااااه الفيزا معاكي؟!
فريدة : هههههههههههه اه.
كريم : فريدة سيبيها مكان ما لاقتيها متنقصش مليم علشان انتي حرة بقى.
فريدة : كيمو مش أنا وأنت واحد يا حبيبي؟
كريم : لا يا حبيبتي احنا اتنين.
فريدة : كيمو بقى مفيش فرق بينا.
كريم : ما هو بعد كيمو وشويه الحاجات بتاعتك دي بعرف على طول إنك عاوزه حاجه.
فريدة : هنزل اشتري بس شوية حاجات مش هسحب منها كتير.
كريم : لأ يا حبيبتي متحاوليش بجد يا فريدة لو نفذتي اللي في دماغي وسحبتي حاجه هتبقى مشكلة.
فريدة : مش أنت كده كده هتديني فلوس اشتري اللي نفسي فيه؟
كريم : اه بس ابقى عارف
لكن تاخدي الفيزا تسحبي منها براحتك لأ يا حبيبتي.
فريدة : كده طيب.. سلام.
كريم : فريدة!
فريدة : هههههههههههه خلاص متخافش بس هاخد اللي أنا عاوزاه لما تيجي.
كريم بابتسامة : اوك مفيش مشكلة.. سلام.