#انت_قلبي٣
___________
الحلقة ٧٣
مجدي لعلي : وسع بقى اتفضلي يا زينة..
اتفضلي يا رُقية.
رُقية : متشكره يا مجدي.
علي : شكرًا يا عم طب مش كنت تكمل جميلك
وتجبلي كوباية أنا كمان.
مجدي لرُقية : سامعه خطيبك الكسلان.
زينة : اتفضل يا علي.
علي : يا خبر أنا اخد كوبايتك لا طبعًا مستحيل هقوم اجيب لنفسي.
ونظر لمجدي : ما تروح يلا واقف ليه؟!
آدم : مبروك يا ياسين مبروك يا فريدة.
ياسين : حبيبي متشكر عقبال ريتان.
قسمت : مبروك يا فريدة.
فريدة : حبيبتي عقبال ريتو.
قسمت لريتان : لأ سيبي الطرحة هههههههه معلش
يا فريدة.
فريدة : يا حبيبتي عاوزه الطرحة؟
حاضر لما اخلعها في البيت هلبسهالك عقبالك
يا روحي.
قسمت : عاوزه تخلص قوام قوام كده هههههه
فريدة : كلنا واحنا صغيرين كنا كده.
قسمت تهمس لفريدة : عقبالك.
تبتسم فريدة بخجل.
__________
في شقة عمار.
داخل عمار من بره يلاقي ملك في وشه واقفة مستنيه رجوعه.
بيقفل الموبايل : فيه ايه يا ملك عماله تتصلي بيه وأنا تحت بركن العربية عمال اكنسل عليكي علشان تفهمي إني مشغول ولا وصلت خلاص ايه فيه ايه؟
ملك بغضب : فيه ايه؟! فيه إنك خونتني.
عمار : نعم! انتي بتقولي ايه عاوز افهم؟!
ملك : وعدتني إن اللي عرفته دا هيفضل سر ما بينا وخلفت وعدك وروحت قولت لعمتك كل حاجه ما هو كلامها واضح مش محتاج توضيح أكتر من كده.
عمار : أنا مش فاهم حاجه روحي الأول هاتي سليم من جوه علشان مفلوق من العياط وبعد كده نكمل كلامنا.
ملك تصرخ في وجهه : أنا هدخل اجيب ابني وامشي من هنا أنا غيرت هدومي وكنت مستنيه علشان بس اقولك اني عمري ما هسامحك على الموقف اللي حطتني فيه وخلتني حاسه إننا عريانه مش لاقيه غطا اتغطى بيه علشان جوزي اللي مفروض هو اللي يحافظ عليه عراني قدام عمته.
عمار دخل جوه اخد سليم اللي كان بيصرخ بشكل هيستري حاول يسكته وهو بيطبطب عليه وبيتمشى بيه : ممكن تفهميني عريتك ازاي قدام عمتي علشان أنا هتجنن من كلامك ومش فاهم أي حاجه خالص؟
ملك : روحت قولت ايه لعمتك عن مامي يا عمار؟
عمار : مقولتش حاجه ليه هي عمتي قالت لك ايه؟
ملك : أنا اللي بسألك.
عمار : بقولك مقولتش حاجه.
ملك تصرخ في وجهه مرة تانية : كداب علشان مش معقول إنها عرفت من حد تاني.
عمار : معرفش وعيب قوي إنك تتهميني بالكدب.
ملك منهاره بالبكاء : أنا مش مسمحاك على اللي عملته فيه طب حتى كنت حافظت على السر دا علشان ابنك بلاش أنا في داهيه أنا مش فارق معايا
كنت منتظره إنك بس تبص لـ ابنك.
عمار : يا ملك قولت لك منطقتش مع عمتي في حاجه من دي هكلمها قدامك دلوقت وهثبتلك إني مقولتش حاجه.
ملك : مش عاوزه اسمع حاجه كفاية اللي سمعته.
وتخطف الولد منه ايده : أنا هاخد ابني وانزل مبقاش ينفع اقعد هنا ولا دقيقة واحدة.
عمار يمسك ايدها : استني هنا رايحه فين؟!
ملك : رايحه في داهيه ملكش دعوة بيه خالص
كلامك مع بابي ونهايته هتبقى إنك تطلقني علشان مستحيل إني اكمل معاك.
عمار : ملك.. ملك بلاش الجنان اللي بيحصل منك ده.. استني هنا أنا بكلمك.
كان دخلت الاسانسير والباب اتقفل.
نزل جري على السلم علشان يلحقهم تحت.
وبعد خناقة كبيرة منهم قدام مدخل العمارة استسلم وتركها تمشي ومقدرش إنها تمشي من غير الولد فتركه معاها.
__________
أنت تقرأ
أنت قلبي الجزء الثالث
Manusia Serigala(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
