#انت_قلبي٣
_________
الحلقة ٤٧
بتفتح فريدة باب الشقة وخارجة.
ميرفت : رايحه فين يا فريدة؟
فريدة : طنط!
معلش بس هنزل اشتري حاجه من الصيدلية للصداع عيني مش قادرة افتحها.
ميرفت : يا حبيبتي أنا عندي هدخل اجيبلك اقعدي أنا عامله شاي
اشربي كوباية شاي وهدخل اجيبلك حبايه من جوه.
فريدة : معلش يا طنط علشان كمان اشوف جميلة فين.
ميرفت : ماشي يا بنتي على راحتك.
خرجت فريدة قابلت زين.
فريدة : رايح فين؟
زين : نازل لكريم ابن عمي قاعد تحت في الصيدلية.
فريدة : طب اتفضل هاتلي بنادول.
زين : حاضر بس أنا معايا فلوس.
فريدة : امسك وبطل غلبه
هات لجميلة حاجه من تحت أنت سيبتها فوق؟
زين : تالا بنت خالي اخدتها.
فريدة : طيب ابقى اطلع هاتها أنا جوه في شقة جدو.
زين : حاضر.
دخلت فريدة الشقة وقفلت الباب ونامت جوه في اوضتها.
__________
في فيلا آسر.
آسر : متقلقيش يا حبيبتي
أطفال كتير بتجيلها الصفرا وبيخفوا منها مش كده يا سهر؟
سهر اللي كانت غير منتبهَ للحوار الداير بين ملك
وآسر : هاه بتقول حاجه يا آسر؟
آسر : لا انتي مش معانا خالص مالك يا حبيبتي؟
سهر : مفيش.
ملك : مامي شكلها تعبانه ادخلي نامي في اوضتك.
سهر : لا أنا كويسه.
في التليفون📞
مليكة : طب ثواني.. بعد اذنكم.. ايوه يا سيف بتقول فين؟
سيف : جاي في الطريق بسألك عاوزه حاجه اجيبها معايا وأنا جاي علشان لما نوصل البيت مش تقوليلي نسيت اشتري معرفش ايه.
مليكة : لأ مش عاوزه حاجه.
سيف : اخر كلام؟
مليكة : ايوه اخر كلام.
سيف : مش ناسيه حاجه عاوزه تجبيها ليوسف؟
مليكة : لأ... تعرف وحشني قوي النهاردا.
سيف : ياريتني سيبته عندك.
مليكة : ليه عمل ايه؟
سيف : عمل ايه!
قولي معملش ايه؟
مليكة : كسر حاجه عندك؟
سيف : دا دغدغ الشقة لبابا ههههههههه
مليكة : معقوله!
سيف : مش قوي يعني ساب شوية حاجات كده لسه سليمه المرة الجاية يخلص عليهم.
مليكة : هههههههههههه
سيف : بتضحكي؟!
مليكة : هعتبر دا هزار واضحك عادي.
سيف : لا بتكلم بجد في حاجات ازاز اتكسرت بس كويس مقربش من نيش ماما والا اخواتي كانوا قاموا عملوا الواجب معاه.
مليكة : لا أنت تسيبه معايا هنا متاخدوش تاني.
سيف : المرة الجايه هتبقي معايا.
مليكة : هو عمي زعل إني مجاتش معاك ولا ايه؟سيف : لا خالص هو سأل عليكي بس لما عرف الظروف مقالش حاجه سليم باشا عامل ايه؟
مليكة : كويس ملك اللي قلقانه لسه بقى مستجده مشفتش اللي شوفناه مع يوسف.
سيف : مستعجله على ايه
خليها تعيشلها يومين.
مليكة : هههههههههههه على رأيك سلام بقى.
سيف : مع السلامة
مليكة : مامي حضرتك داخله تنامي؟
سهر : ايوه مصدعه شويه.
مليكة : ألف سلامة على حضرتك طب خُدي حاجه للصداع ده.
سهر : اه ما أنا هعمل كده وأنام لما يجي سيف ابقي قوليله ميزعلش أصل مش قادرة يا بنتي.
مليكة : لا هيزعل من ايه ألف سلامة على حضرتك.
في غرفة البنات.
منه داخله تطمن على سليم : امال فين سهر يا آسر؟
آسر : دخلت تنام قالت مصدعه قولتلها ادخلي استريحي.
منه : آه طيب أنا همشي بقى يا ملك مش عاوزه أي حاجه يا حبيبتي؟
ملك : لا يا عمتو متشكره.
آسر : هتروحي لوحدك؟
منه : لا إياد واقف تحت بالعربية.
آسر يقوم : طب ما خلتهوش يدخل ليه؟
منه : معلش علشان بس الوقت اتأخر كويس اني اطمنت على ملك وسليم هجيلهم بكرة.
آسر : طيب نازل معاكي.
أنت تقرأ
أنت قلبي الجزء الثالث
Werewolf(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
