أنت قلبي الجزء الثالث

الحلقة ٢٢

#انت_قلبي٣
___________

الحلقة ٢٢

علاء : معلش يا عمي علشان خاطري خليه يطلع شقته يجيب الحاجه اللي بيقول عليها دي.
أكرم بغضب : قولت رجله متخطيش عتبة البيت ده.
حازم : ازاي يعني أنا حاجتي كلها فوق و بعدين ولادي و مراتي عند حضرتك ازاي بقى مجيش هنا؟!
أكرم بانفعال و غضب : انت تخرس خالص متنطقش حاجتك هرميها الصبح قدام البيت ابقى تعالى خدها اكتر من كده ملكش حاجه عندي.
حازم : يعني ايه مليش حاجه هنا و مين بقى اللى حكم بكده؟!
ينزل كريم و معاه فريدة.
كريم : في ايه يا جماعة
جاي ليه يا حازم؟
حازم : نعم يا دكتور هو حضرتك كمان هتحرج عليه ادخل بيتي!
فريدة : اتكلم كويس يا حازم.
حازم : عاوزه ايه انتي كمان يا ست يا فريدة؟
و بيقرب منها.
كريم : اطلعي يا فريدة فوق.
فريدة : ما هو...
كريم بانفعال : بقولك اطلعي فوق.
فريدة : حاضر.
كريم : اسمع يا حازم مع احترامي لعمي طبعا.
أكرم : اتكلم يا دكتور.
كريم : حازم ياريت على الاقل اليومين دول بلاش تيجي هنا.
حازم : ليه هو انا مليش في البيت دا زيكم و لا ايه؟!
على فكرة انا ليه بدل الشقة اتنين يعني اكتر منك فمش انت اللي تحكم عليه اني اسيب بيتي.
علاء : يا ابني افهم بقى بنقول اليومين دول.
أكرم : لا يا ابن اخويا لا النهاردة و لا بكره و لا لحد اما اموت رجله تهوب هنا.
ينادي أكرم على انس.
يخرج من جوه : نعم يا جدو.
أكرم : خُد مفتاح الشقة و اطلع هات الحاجه اللي عاوزها.
نظر أنس لوالدة.
علاء : ادي المفتاح لـ أنس يا حازم.
حازم : اتفضل.. انزل اما اقولك عاوز ايه من فوق.
أنس : حاضر.
_____________
في شقة طارق.
وائل ببتسامة : تسلم ايدك يا مريوم.
مريم : بألف هنا و شفا يا خالو.
وائل : عامله ايه في المذاكرة؟
مريم : يعني اهي ماشيه.
وائل : لا عايزين مذاكرة بجد و تركزي كده علشان تجيبي مجموع كويس.
هنادي جايه : سلام عليكم.
يرددوا : و عليكم السلام.
وائل : ازيك يا هنادي اخبارك ايه؟
هنادي : تمام.. خير يا وائل؟
نظر وائل لمريم اللي استئذنت و دخلت جوه.
وائل : ايه يا هنادي مكونتيش عاوزني اجي و لا ايه؟
هنادي : لا ابدا بس بسأل لانك قولت مشغول اليومين دول.
وائل : ما انتي عارفه امك عماله تكلمني و تقولي تعالى روحني البلد فقولت اجي اروحها بالليل علشان ارجع لشغلي الصبح.
هنادي : كده طيب براحتها بقى.
وائل : متزعليش يا هنادي امك مش واخده على قعدة البيت و الشقق اللي مقفوله دي.
هنادي : يعني اعمل ايه يا وائل اخد فيلا اعيش فيها؟!
وائل : هههههههههههه
يا ستي انتي معقده الأمور ليه امك هتقعد في بيتها معززه مكرمه و طلباتها كلها هتجيلها لحد عندها قلقانه من ايه بس؟
هنادي : و يعني امي هنا متهانه يا وائل؟
ما كل حاجه بتيجي لحد عندها.
وائل : يا هنادي انتي ليه مش قادرة تفهميني أمك عاوزه تعيش في الجو اللي متعوده عليه و دا اللي فيه راحتها سبيها بقى براحتها.
هنادي : خلاص هي حرة.
خارجه سعديه من جوه : يلا يا ابني أشوف وشك بخير يا هنادي.
هنادي و هي حابسه دموعها : مع السلامة يا أمه.
سعديه : ابقي سلميلي على مازن دخلت لاقيته نايم تصبحي على خير عاوزه حاجه يا مريم؟
مريم خارجه من جوه تسلم على جدتها : عاوزه سلامتك يا تيته.
سعديه : ابقي خلينا نشوفك يا بنتي و هاتي العيال معاكي.
هنادي : حاضر يا أمه مع السلامة خُد بالك من الطريق يا وائل و سوق على مهلك.
وائل : حاضر تصبحو على خير.
___________
في شقة كريم.
فريدة : خلاص يا كريم بقى.
كريم : يعني انا غلطان اني بصالحك أنا عارف يا فريدة إنك هتشبطي في حازم فقولت تاخديها من قصيرها كده و تطلعي شقتك و لا اسكت لحد ما الاقيكوا بتتخانقوا مع بعض تاني؟!
فريدة : اولا انا متخانقتش معاه و لا كلمته هو اللي دخل شقتي و ضربني
تاني حاجه بقى ملوش يعتب هنا خالص.
كريم : معلش متزعليش مني مينفعش انتي اللي تقولي كده عمي كبير العيله و هو اللي من حقه يتكلم.
فريدة : تمام مختلفناش و أنا رأيي من رأى عمي مكانش يدخل اصلا.
كريم : من قلبك بتقولي الكلام ده؟
فريدة : ايوه من قلبي انت مش عارف هو عمل فيه ايه الحوار مش إنه مد ايده عليه على قد ما انه بس مجرد يفكر إنه يأذيني جسديا دي صعبه قوي فكرني بيوم ما بابا رنني حتة علقة لاني يومها ضربت رحمة بسبب كلام قالتهولي عمري ما نسيت اليوم دا و لا هنساه.
كريم : فريدة ارمي ورا ضهرك مش كل حاجه مرينا بيها لازم نحتفظ بيها جوانا كتر الهموم بيتعب القلب.
فريدة : القلب موجوع لوحده يا كريم.
كريم : سلامة قلبك يا فراولة كنا بنقول ايه قبل ما حازم يطب علينا؟
فريدة : هههههههههههه
أنت لسه فاكر دا انا نسيت
كنا بنقول ايه كنا بنقول؟
احتضنها كريم : لما تفتكري ابقي قوليلي الصبح تصبحي على خير.
فريدة : افتكرت.
كريم : هههههههههههه.
__-________