#انت_قلبي٣
__________
الحلقة ٢٨
كريم داخل الشقة وفريدة بتزعق لـ ابنها.
كريم : في ايه يا فريدة صوتك جايب لـ اخر الشارع.
فريدة : ايوه مش حضرتك اللي منبه عليه ميسبش مذاكرته حتى لو انا اللي بنادي عليه وبطلب منه ينزل يشتريلي حاجه من تحت؟!
كريم : فيه ايه انا مش فاهم حاجه سلام عليكم الأول.
و بيقعد كريم يستريح.
فريدة : وعليكم السلام
حضرتك قعدت تستريح مش كده؟!
كريم : فيه ايه يا فريدة بلاش استريح في بيتي كمان؟!
فريدة : أنت قولت لزين متقومش من على الكتاب حتى لو مامتك طلبت منك حاجه؟!
كريم : لأ أنا هقوله كده ليه؟
فريدة بتنادي : تعالي يااستاذ يا اللي بتكدب وبتقول بابي اللي قالي كده.
كريم : متفهميني فيه ايه؟
فريدة : الاستاذ ابنك اللي جوه دا مرحش المدرسة النهاردة وقال هقعد اذاكر قولت طيب خليه يذاكر صدعت وعيني عمال تدمع مش حاسه بيها لسه بقوله يازين قعد ينفخ ويقولي هو انا قاعد من المدرسة علشان اذاكر ولا هقعد بقى كل شوية حد ينادي عليه بقوله انا تعبانه قالي ألف سلامة ودخل جوه بقوله ياابني انزل اشتريلي حاجه من الصيدلية للصداع ده مردش وفين وفين لما جه بيقولي مسمعتش وبابي قالي متقومش من على الكتاب بقى يعني دي اخرتها اتعب وملاقيش حد من ولادي يشيلني.
كريم : اهدي يافريدة اكيد ميقصدش ومسمعش زي ماقال هيكدب ليه؟
فريدة : يعني انت مصدق ابنك؟!
كريم : فريدة انتي أعصابك تعبانه اقعدي كده واهدي وانا هجيبلك اللي انتي عاوزاه.
فريدة : لأ ينزل هو يشتري.
كريم : حاضر يازين.
يجي بسرعة.
فريدة : اه أول ما بابي نادى عليك جيت على طول لكن انا لأ تطنشني اوك يازين متكلمنيش خالص.
ودخلت فريدة جوه.
زين : هو في ايه انا مش فاهم حاجه؟!
كريم : قرب تعالى.
زين : نعم يا بابي.
كريم : انزل هات بنادول من تحت والدوا اللي في الورقة ده.
زين : بتاع ايه ده؟
كريم : مش شغلك مش لازم تعرف.
زين : حاضر ما أنا هعرف أكيد لما اجيبه من تحت.
كريم : طب و بتسأل ليه؟
زين : هو انتو ليه محدش فيكم طايقني.
كريم : مامي اعصابها تعبانه اليومين دول اكيد انت عارف ليه بلاش تستفزها ببرودك كده.
فريدة خارجه من جوه : اه يعني خُد مامي ياحبيبي على قد عقلها مش كده؟!
زين نظر لوالدة : أنا مقولتش حاجه.
كريم : طب انزل يلا هات اللي قولتلك عليه.
زين : حاضر.
نزل زين وقرب كريم من فريدة.
كريم : تعالي يافريدة استريحي جوه.
فريدة : مش عاوزه انام.
كريم : بلاش تنامي تعالي ريحي دماغك شويه علشان الصداع دا يخف.
فريدة : روحت شوفت ندى؟
كريم : لأ.
فريدة : ليه؟
كريم : هنام ساعة ولا حاجه وبعدين هروح اطمن عليها.
فريدة : يعني مكانش عندك وقت تروح تطمن عليها ياكريم؟!
كريم : صدقيني يافريدة انا جاي بنام في الطريق كويس إني وصلت بالسلامة.
___________
في المستشفى.
جايه أمل وهشام ابنها مسندها.
هشام (الأب) أول ما شافها قام ومسك ايدها يقعدها تستريح.
أمل بصوت متعب وبيرتجف من القلق والخوف : مراد فين؟
هشام وهو بيحاول يتمالك اعصابه : جوه اقعدي يا أمل استريحي.
أمل بصوت متعب : جوه فين؟
شادي قرب من والدته ومسك ايدها : استريحي يا مامي.
أمل نظرت لشادي : اخوك فين؟
شادي بتردد وخوف من رد فعل والدته : جوه في اوضة العمليات.
أمل تقعد وهي بتهبد نفسها على الكرسي وهي بتبكي.
هشام (الابن) قعد تحت رجلها : متقلقيش يامامي مراد هيبقى كويس.
أمل بتبكي : اخوك جوه مش عارفه حصله ايه
حد يشوفه يطمنا.
هشام (الأب) بيطبطب عليها وهو مدمع.
أمل : اعمل حاجه ادخل اطمن على ابنك انا مش قادرة امشي سندني ياشادي.
هشام (الأب) مسك ايدها : هتروحي فين بس ياامل اقعدي لحد ما الدكاترة تطمنا.
أمل بصوت متعب : اقعد وابني جوه؟!
انت جيلك قلب تقعد القعدة دي؟!
قام هشام (الأب) وقعد بعيد عنها.
قرب شادي وهشام وقعدوا جنب والدتهم وكل واحد ماسك ايدها.
أنت تقرأ
أنت قلبي الجزء الثالث
Lupi mannari(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
