#انت_قلبي٣
__________
الحلقة ١٦٣
في فيلا كريم.
فريدة : علشان مليون مرة اقولها تبطل جري وتنطيط عمال على بطال مبتسمعش الكلام.
كريم : دي طفله متجري وتلعب براحتها ايه المشكلة؟
فريدة : يعني أنت مش شايف حصل لها ايه؟
كريم : اسبوعين تلاته تفُك الجبس وتبقى تمام متقلقيش يا حبيبتي هتبقي كويسه.
جميلة : هو أنا هتحرك ازاي ودراعي كده.
فريدة : هساعدك أنا متقلقيش.
كريم : طيب نسيبك بقى علشان تنامي شويه يا حبيبتي تصبحي على خير.
جميلة : وحضرتك من أهل الخير يا بابي.
________
في التليفون.. 📞
هاني : طب اهدي يا ليلى وحقك عليه.
ليلى : اهدا!
بعد كل اللي قولتهولك دا يا بابي؟!
هاني : خلاص يا لوله ما أنا عرفت منك كل اللي حصل هجبلك حقك حاضر وهجبها تيجي تعتذر لك.
ليلى : مع احترامي لحضرتك يا بابي بس أنا مش عاوزاها تيجي بيتي.
هاني : تمام يا حبيبتي دا حقك.
ليلى : تصبح على خير.
وقفلت ليلى مع هاني.
شادي : كده كويس لما يروح يتخانق معاها؟!
ليلى : أنت بتدافع عنها يا شادي؟!
شادي : مش دفاع عنها بس كنتي تاخدي حقك منها وهي هنا مش تتصلي بجوزها تشتكيله منها.
ليلى : أنا بجد مش عارفه ارد اقولك ايه بعد كل اللي حكيته ده شايف إن ينفع أقف اصلا اتكلم مع الست دي واخد حقي.. تمام كنت خدت حقي زي ما قولت هاخده ازاي بقى؟!
_______
في شقة هاني.
هاني : رايحه تتخانقي مع ليلى وتقولي الكلام دا ليها ليه يا سوزان عاوزه توصلي لـ ايه بالظبط؟!
سوزان : كنت بحطها في وضعها الطبيعي علشان تعرف هي مين.
هاني : لا دا انتي اللي مش طبيعية بجد مش طبيعية
كل اللي مضايقك من ليلى إنها بنت مراتي وبس ولا علشان أنا اللي مربيها؟
سوزان : علشان كل حاجه.
هاني : وانتي بقى فاكرة الكلمتين الفارغين اللي قولتيهم لـ ليلى كده خلاص كسرتيها وخلتيها تكرهني لا يا حبيبتي تبقي غلطانه اللي بيني وبين ليلى أكبر بكتير مما تتصوري ليلى دي جاتني وهي قد كده أنا اللي علمتها الكلام علمتها ازاي تاكل تشرب عملتها السباحه وكنت بذاكرلها
ذكرياتي معاها أكتر من ذكرياتي مع مامتها ليلى بنتي اللي مخلفتهاش ليلى بنتي اللي ربيتها وعلمتها وجوزتها وشوفت ولادها وهيفضل مكانها في قلبي زي ما هو زي مامتها بالظبط.
سوزان : أنت شايف إن حياتنا مع بعض ممكن تستمر بالطريقة دي؟!
هاني : انتي اللي بتضطريني احكي واتكلم عنها عارفه ليه مش علشان مجبر بس تصرفاتك بتخليني احبها أكتر وافتكر ذكرياتنا مع بعض انتي للأسف لو عندك ذرة عقل كنتي كسبتيني في صفك لكن أنا مقدرش انصرك عليها لإنك فعلا غلطتي في حقها مالك انتي ومال باباها ومراته وحكاية اخوها دي كمان ايه دخلها بيها ولا مش لاقيه كلام تقوليه عماله تهلفطي كده بـ أي حاجه انتي سألتي سؤال صح جدًا هو احنا ممكن نستمر مع بعض بالوضع ده؟
الإجابة أكيد لأ.
سوزان : خلاص يا هاني طلقني.
هاني : قوي قوي شوفي الوقت المناسب وأنا هطلقك.
ودخل هاني جوه ينام.
________.
في فيلا آسر.
سهر رايحه جايه طول الليل مش عارفه تنام وبتفكر في المكالمة اللي جاتها والتهديد اللي اتقالها.
آسر بصوت ناعس : سهر انتي لسه صاحيه منمتيش؟!
سهر : أنام ازاي قولي بعد الكلام اللي سمعته بودني ده وأنت مصمم متاخدش الموضوع جد وتعيش حياتك عادي.
آسر : امال اعمل ايه يعني؟
وبعدها فكر شوية : سهر وريني الرقم اللي اتصل بيكي ده.
سهر : اتفضل... بس قولي هتعمل ايه؟
آسر : الصبح هتعرفي.
سهر : هتروح تكشف عن اسم صاحب الشريحة دي؟
آسر : ايوه.
سهر : بس يا حبيبي ممكن يكون الخط مش بتاعها ودا أكيد يعني مفيش حد بالسذاجه دي خصوصًا إن معروف حوار الكشف عن الشريحة دي.
آسر : عادي ممكن تكون مسروقه برضو هنتبع الخط وكله هيبان.
سهر : ويمكن حدفت الشريحه في أي مكان وكل مرة هتتكلم من خط جديد.
آسر : هشوف مش هنخسر حاجه تعالي بقى نامي والصباح رباح.
___________
تاني يوم الصبح في شقة مراد.
مراد مسند مريم علشان تنام في سريرها.
ياسمين بابتسامة : نورتي بيتك يا مريم.
مريم : منور بيكي يا ياسمين.
مراد : ياسمين معلش ممكن المخدة اللي عندك دي.
ياسمين : اتفضل.
يحطها ورا دماغ مريم.
مريم : عندي صداع ينفع أخدله حاجه يا ياسمين؟
ياسمين : هجبلك بنادول بس متتعوديش عليه خصوصا في فترة الرضاعة هعملك قهوة بحليب علشان تصحصحي كده.
هنادي : مريم الشنطة دي احطها فين يا بنتي؟
مراد : هاتي عنك يا طنط.
هنادي : شيلت هدوم البيبي حطتها في الدولاب.
مريم : متشكرة قوي يا ماما.
هنادي : هعملك فطار بقى طالما مرضتيش تاكلي في المستشفى.
ياسمين : أنا مجهزه السفرة بره يا طنط علشان نفطر مع بعض.
هنادي : كتر خيرك يا ياسمين ليه التعب دا بس؟
ياسمين : تعب ايه بس يا طنط دا احنا الفرحه مش سيعانا إن البيت نور بمريم الصغيرة هههههههه علشان تلعب مع ريتاج بقى
كل شوية تقولي عاوزه بنت ألعب معاها اقولها عمو شادي هيجيب بنت
لما ليلى قامت بالسلامة قولنا يبقى مريم تجيبلنا البنوته دي بقى.
مراد : اللي عاوز يجيب يجيب بنتي محدش ياخدها.
هنادي : هههههههه
ياسمين : السفرة جاهزة يا مراد هجبلك صنيه صغيرة هنا يا مريم علشان تفطري.
مراد : متشكر قوي يا ياسمين.
ياسمين : على ايه اهو كله علشان عروسة ابني.
مراد : احلمي براحتك.
مريم : هههههههههههه
________
في شقة مجدي(ابن آسر).
مجدي : ايه رأيك في لون الحيطه دي يا مليكة ولا اغيره واعمل لون اغمق من ده؟
مليكة : اغمق ايه حلو اللون ده بس عاوز ستاره اهدا من اللون ده.
مجدي : لما زينة بقى تخلص امتحانات تبقى تيجي تشوف الحاجات دي أنا خلاص هلكت بقالي سنتين بشطب في الشقة دي.
مليكة : هههههههههههه
معلش يا مجدي هانت خلاص.
مجدي : مين؟
علي : أنت يا أخ مش هتبطل خبط ورزع بقى مش عارفين ننام.
مليكة : هههههههههههه اهي دي الضريبة اللي بيدفعها كل أخ بيسكن أخوه فوقيه العشم بيبقى واخده قوي
ههههههههههههه
مجدي : في ايه يا علي امال هتعمل ايه لما اجيب العفش ونقعد نشيل ونحط ونسحب على أرضية الشقة اللي هي السقف بتاعك بقولك ايه استحمل احسنلك.
علي : يا ابني أنا عندي شغل بفتح العيادة من أربعة لواحدة وأنت بتيجي تستلمني من سبعه الصبح يعني الوقت اللي بكون مريح فيه.
مجدي : كفاية عليك قوم بقى شوف وراك ايه.
علي : عندي شغل من اتناشر لـ أربعة في المستشفى يعني هفطر وانزل أنت بقى مش هتخلص شقتك دي علشان أنا جيبت أخري وهقول لبابي يشوفلك شقة بعيد عني هناك بقى الجيران ياخدوا حقهم منك.
مليكة : هههههههههههه
اهدوا هو انتو لسه سكنتوا مع بعض.
علي : واضح إنه هيبقى جار متعب قوي.
مجدي : أنا برضو ههههههه
رُقية : علي خُد من ايدي.
بيجري علي ياخد منها الصنيه.
مجدي : ايه ده؟!
علي : لقمه خفيفه علشان خاطر مليكة بس.
مليكة : أنا فطرت مش هقدر أكل حاجه دلوقت.
علي : لا كده رُقية تزعل.
مليكة بابتسامة : وأنا مقدرش على زعل رُقية فين آدم؟
رُقية : نايم تحت.
علي : ما هو الاستاذ كمان بيستلمني من أول ما بدخل من باب الشقة لحد الفجر يجي مجدي يستلم مكانه.
مليكة : هههههههههههه
مجدي : مش عاجبك عزل.
علي : نعم!
أنا ساكن هنا قبلك.
مجدي : على المتضرر اللجوء للقضاء أو يستحمل بقى.
رُقية : دا انتو هتنورونا أنا مستنيه اليوم دا من زمان هيبقى معايا ونس بدل الوحدة اللي أنا فيها دي.
مليكة : زينة هتيجي تنوسك.
علي : هيعملوا عصابة علينا يا مجدي.
مجدي : هههههههههههه
بس نتجوز ونتلم يا جدعان.
مليكة : هتتلم يا حبيبي متقلقش هههههههههه.
__________
في شقة حمزة.
نادين : حمصي العيش للفته يا فريدة.
فريدة : حاضر.
نادين : الساعة كام معاكي؟
فريدة : سته ونص.
نادين : هنلحق؟
فريدة : اه هنلحق هحط صنية البطاطس في الفرن اللحمه بتتشوي باقي الملوخية والرز شوفي ورق العنب كده استوى.
نادين : اه لسه ديقاه كوكي افتحي الباب.
كنده : دا بابا يا ماما جايب حاجات كتير في ايده.
نادين : خُدي بالك من الأكل يا فريدة اما اروح اخد الحاجه من حمزة.
فريدة : طيب.
أنت تقرأ
أنت قلبي الجزء الثالث
Werewolf(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
