#انت_قلبي٣
__________
الحلقة ١٢٢
نكمل حفل الخطوبة.
مازن يترك أصحابه ويقرب يقعد على الطربيزة اللي قاعدة عليها سهر (خطيبته) وبابتسامة : قاعدة لوحدك ليه؟
التفتت سهر وبغضب : معلش أصل مش لاقيه حد يقعد معايا.
مازن : مالك يا سهر؟
سهر : هو ايه اللي مالي أنت بتسأل كمان؟!
دا أنا من وقت ما دخلت وأنا شايفاك واقف مع صحابك عمالين تضحكوا وتهزروا وأنا ولا كأنك شايفني.. شايف كل واحد واقعد مع خطيبته ومراته ازاي وأنا اللي قاعدة لوحدي الناس تقول ايه خطيبها مش طايقها.
مازن : ليه كل ده انتي لما دخلتي قعدت مع باباكي ومامتك ورحبت بيهم واستأذنت اشوف صحابي اللي جم وروحت أرحب بيهم هما كمان
معرفش إنك هتزعلي بالشكل ده.
سهر : يعني مش كفاية كل أما اتكلم معاك تقول لي أصل هذاكر أصل عندي جامعة الصبح واقول مش مهم ما هو معاه حق برضو اسيبه يشوف مستقبله لكن كمان اليوم ده اللي كنت مفكره هتفضل قاعد معايا نتكلم زي ما أنت شايف كل الناس حوالينا كده بيتكلموا مع بعض.
مازن : طب ما أنا جيت اهو علشان اتكلم معاكي بس معلش ثواني هسلم على جدتي وخالي واقعدهم.
سهر : اتفضل.
مازن : مش عاوزك تزعلي.
سهر : خلاص يا مازن روح بقى.
قام مازن وقرب من جدته ساعدها تقعد وسلم على خاله.
هنادي : عارف لو مكنتش جيبت أمي معاك يا وائل كنت هزعل قوي.
سعدية : مبروك يا بنتي وعقبال ما تفرحي بيهم وهما واخدين الشهادة.
هنادي : يعني سمعتي كلام وائل وجيتي امال مرضتيش تيجي معايا ليه دا مازن قعد يتحايل عليكي ياخدك بالعربية ويجيبك عندي وانتي مفيش على لسانك غير مش قادرة يا ابني اتحرك لحد ما قولتلك هشيلك وانتي أبدًا مش خارجه من داري مش خارجة من داري.
وائل : ويعني أمي جات معايا بالساهل كده يا هنادي إلا لما شيلتها حقيقي وركبتها العربية.
سعدية : هههههههههههه هو دا اللي حصل يا بنتي امال فين مريم مش شايفاها يا بنتي.
مازن : مريم قاعدة هناك يا تيته شوفيها؟
سعدية : ولا شايفه حاجة يا ابني.
هنادي : أنا هجييها تسلم عليكي يا أمه.
مازن يهمس لخاله : بعد اذنك بقى يا خالي.
وائل : ايه رايح لخطيبتك؟
مازن : لازم اروح بقى لنفركش الليلة.
وائل : هههههههههههه لأ إلحق روح بسرعة.
مازن : خمسة كده وجايلك يا تيته.
سعدية : طيب..
بعد ما مازن مشي.
سعدية : هو رايح فين يا ابني؟
وائل وهو ناظر عند الباب : رايح لخطيبته يا أمه.
كانت نرمين داخله ومعاها طارق ابنها.
سعدية : أنت معايا ولا روحت فين؟
وائل : معاكي يا أمه.
بيشاور وائل لـ ابنه اللي يقرب ناحيتهم يسلم على والدة وجدته.
مريم : فين يا ماما؟
هنادي : ستك قاعدة هناك اهي.
مريم : طيب هقول لمراد.
بتكلم مراد فقام معاها يسلموا على خالها وجدتها.
مليكة بتجري وراء يوسف : تعالى هنا أنت مبتقعدش ليه تعبتني.
كان وقتها سيف بيدور على مليكة ويوسف لحد ما لمحها واقفه مع شادي وياسمين.
شادي : سيبيه يا مليكة بيلعب مع يزيد.
ياسمين : تعالى يا يوسف إلعب مع يمان.
يوسف : لأ هلعب مع البنت دي.
شادي : هههههههههههه طب تعالى أنا هخليك تلعب معاها.
وياخد شادي يوسف.
ياسمين : شايفه ابنك بقوله يلعب مع يمان ميرضاش.
مليكة بابتسامة : عاوز يلعب مع ريتان.
ياسمين : هي بنت مين دي مش واخده بالي؟
مليكة : بنت قسمت أخت رُقية مرات علي اخويا.
ياسمين : اه صح أنا عماله اقول شوفتها فين قبل كده شوفتها فين قبل كده هههههههه
يوسف : انتي هنا يا مليكة وأنا بدور عليكي
ازيك يا ياسمين؟
ياسمين : أنا تمام بعد اذنكم.
مليكة : كنت بدور على يوسف.
سيف : اه ما أنا شوفت شادي وهو واخده معاه.
مليكة : في ايه مالك؟
سيف وهو مضايق : مفيش ايه هتفضلي واقفه كده؟
مليكة نظرت لسيف : لأ يلا بينا.
أنت تقرأ
أنت قلبي الجزء الثالث
Manusia Serigala(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
