#انت_قلبي٣
___________
الحلقة ٣٠
تاني يوم في المستشفى.
مراد : مش هاكل أنا كل دا
اقطم حته من الساندوتش ده علشان اعرف اكله.
شادي : لا هو كده كويس علشان تاكل وتشبع انت عيان ولازم تتغذى.
مراد : شادي متستهبلش انت عارف مش هقدر احط الكمية دي كلها في بؤي متستغلش اني مش قادر امسك الأكل بـ ايدي.
شادي : لا هتاكله كده و إن كان عاجبك بقى.
هشام يدخل : ايه في ايه؟
مراد : هشام لو سمحت تخلي شادي ملوش علاقة خالص بـ أكلي اقولك مش هاكل خالص لحد ما اخف.
هشام : ايه اللي بتقوله ده
هات يا شادي انا هأكله
افتح بؤك يا حلو يا صغنن انت.
شادي : هههههههههههه
مراد : وبعدين معاكم بقى أنا زهقت من المعاملة دي
امتى اخف بقى؟
أمل تدخل : ايه في ايه
بتزعق ليه يا مراد؟
مراد : ولاد حضرتك بيذلوني علشان عارفين اني مش قادر اقوم اكل لوحدي.
أمل : ايه الكلام ده؟
شادي : عاوز ياكل حته صغيرة بقوله لازم تتغذى مش عاوز يسمع الكلام.
مراد : هو دا برضو اللي حصل يا شادي؟!
أمل : هشام اكل اخوك.
هشام : حاضر.
أمل : تعالى يا شادي عاوزه اتكلم معاك.
مراد : اتفضل و حل عني بقى.
شادي : اوك بس راجعلك تاني.
هشام : افتح بؤك يا مراد.
مراد : متعملش زي شادي يا هشام.
هشام : هههههههههههه لا متقلقش حته صغيرة اهيه.
____________
في شقة كريم.
قامت فريدة من النوم وخرجت لاقت كريم قاعد بيفطر.
فريدة : صباح الخير يا كريم.
كريم بابتسامة : صباح النور يا فراولة اقعدي افطري.
فريدة : هما الولاد خرجوا؟
كريم : ايوه.
فريدة : يا خبر افتكرت دا زين طلب مني امبارح فلوس الدروس قولتله لما بابي يجي من بره هقوله.
كريم بابتسامة : ودي حاجه تفوته برضو اخد الفلوس قبل ما ينزل.
فريدة : كويس انه منساش بتفطر ايه؟
كريم : بيض وجبنه وعملت فنجان قهوة اعملك شكلك لسه مفوقتيش.
فريدة : لأ فايقه بس مليش نفس.
كريم : لو خارجه يبقى تفطري قبل ما تنزلي.
فريدة : ايوه ما انا قولتلك هعدي على أمل اطمن على ابنها لانه هيخرج النهاردا وهروح لندى اقعد مع طنط ميرفت شويه عقبال ما جميلة تخلص هبقى اروح اجيبها.
كريم : اوك متنسيش تفطري بقى قبل ما تنزلي سلام.
فريدة : مع السلامة يا حبيبي.
التليفون يرن 📞
فريدة : الو..
داليا : ازيك يا فريدة اخبارك ايه؟
فريدة : تمام اخبارك ايه يا داليا؟
داليا : كويسه.
فريدة : ايه صوتك ماله انتي تعبانه و لا ايه؟
داليا : لأ مش أنا دي قسمت وبنتها تعبانين.
فريدة : ألف سلامة عليهم
خير مالهم؟
داليا : قسمت عندها دور برد بس شديد قوي و بنتها اتعدت منها.
فريدة : طب خليها تشرب سوايل دافيه.
داليا : ما هي بتعمل كده بس المشكلة إنها عدت بنتها وجسمها كله مكسر مش قادرة حتى تخدم نفسها كلمت جوزها علشان تيجي تقعد معايا لحد ما تخف قالي هي هتبقى كويسه وبتاخد الأدوية بتاعتها ومعرفش ايه
طبعا أنا مش هقدر اسيب البيت واروحلها انتي عارفه حماتي تعبانه ومروان في ثانوية عامة
ورقية على قدها متعرفش تمشي البيت وانا مش موجوده لو تحاولي بس تقنعي آدم إنه يجيبها تقعد عنده يبقى كتر خيرك.
فريدة : حاضر هقوله.
داليا : هو رفض يعني بذوق كده فمش قادرة اضغط عليه يمكن لو كلمتيه يوافق.
فريدة : حاضر ياحبيبتي هكلمه.
داليا : متشكره يا فريدة اسيبك بقى علشان معطلكيش مفيش جديد بخصوص ندى؟
فريدة بحزن : لأ.
___________
أنت تقرأ
أنت قلبي الجزء الثالث
Người sói(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
