أنت قلبي الجزء الثالث

الحلقة ١٠٢

#انت_قلبي٣
___________
الحلقة ١٠٢

في فيلا آسر.
مجدي : ياااه أنا كنت فاكر وأنا صغير ملك ومليكة كانوا متابعين الكارتون ده
ههههههههههههه
عمار : طب وبتضحك على ايه دلوقت؟
مجدي : أصل ملك كانت تقعد تعيط على ريمي دي وهي بتدور على مامتها.
ملك : سيبك منه يا عمار دا قلبه جامد مش مرهف الحس والمشاعر زينا.
مجدي : هههههههههههه
علي : كان فيه كارتون اسمه البؤساء صح يا مليكة؟
مليكة : صح.
علي : كان ده والبؤساء مشغلينه على طول.
رُقية : اه أنا فاكرة الكارتون ده هو وسالي.
مجدي : لأ بقى انتو قلبتوها سبيستون وأنا محبش قعدت العيال دي.
ملك تخبطه على ايده : يا غلس متقلبش كنت مندمجه.
مجدي : ابقي شغليه في بيتكم عندكم اليوتيوب هيجيلك كل الحلقات.
علي : ما تسيبه يا أخي.
مجدي : يا عم الماتش هيبتدي ممكن بقى تتفضلوا علشان نعرف نستمتع بالماتش.
مليكة : تعالي يا رُقية يلا يا ملك.
علي : روحي يا حبيبتي مع مليكة.
مليكة : يوسف بتعمل ايه عندك؟
ملك : عارف لو ابنك قرب من سليم هعمل فيه ايه؟!
مليكة : يوسف بيلعب في حاله.
ملك : اه ما هو باين تعالي يا رُقية نقعد هنا.. رِهام هاتي عصير برتقان فريش لو سمحتي.
رِهام : حاضر.
مليكة : متعمليش حسابي.
ملك : خلاص اتنين بس.
رُقية : أنا كمان مش عاوزه.
ملك : لأ كده بقى هنزعل مع بعض.
رُقية : معلش أصل الجو برد ومش هقدر اشرب حاجة ساقعه.
مليكة : خلاص يبقى تشربي حاجة سُخنه علي هتشرب ايه؟
علي : شاي وتسلم ايدك مقدمًا.
مليكة بابتسامة : ميرسي ميرسي تشرب ايه يا عمار؟
عمار : مش لازم يعني بلاش تتعبي نفسك.
مليكة : لا مفيش تعب ولا حاجة.
عمار : لو مصممه يعني يبقى شاي.
مليكة : تمام.
مجدي : مليكة.
مليكة كانت لسه داخله المطبخ : نعم!
مجدي : وأنا يعني ابن البطه السوده ايه مش شايفاني قدامك؟!
علي : ايه الألفاظ بتاعتك دي؟!
مجدي : أركن أنت على جنب دلوقت.. ايه سراب قدامك مش شايفاني؟!
مليكة : نسيت يا مجدي تشرب ايه؟
مجدي : لا خلاص بقى مش عاوز.
علي : يا دمك يا أخي.. خلاص يا مليكة متتحايليش عليه.
مجدي : نسكافيه.. هشرب نسكافيه مج كبير أكبر حاجة عندك.
علي : ما تشرب شاي زينا.
مجدي : مليش مزاج أنت هتشربني على مزاجك؟!
مليكة : خلاص خلاص أنا كده كده كنت هعمل شاي ونسكافيه ليه أنا ورُقية.
علي : كده طيب.
مجدي : سكت يعني دلوقت؟!
علي : علشان مش هتعمل ليك مخصوص يا خفيف.
مجدي : يا سلام!
عمار : وبعدين بقى مش سامع حاجة ومش عارف أركز.
مجدي : هو جه جون؟
عمار : لأ كان هيجي.

في الجنينة.
سهر : وبعدين معاكي بقى يا منه احنا مش كنا خلصنا من الحوار ده؟!
منه : لأ مش خلصنا يا سهر دي بنت خالتك وانتو كنتو أكتر من الأخوات.
سهر : أنا معنديش أخوات سامعه؟
منه : خلاص اعتبريها بنت خالتك وبس وغلطت في حقك وطالبه منك السماح بلاش تنشفي دماغك بقى يا سهر.
آسر بيركن العربية وجاي ناحيتهم وبابتسامة يسلم على منه.
آسر : ايه يا سهر مالك؟
سهر : مفيش.
منه : شوف يا آسر..
تقاطعها سهر : منه ياريت منتكلمش في الموضوع ده لو سمحتي.
منه : لا هنتكلم يا سهر علشان بجد صعبانه عليه.
آسر : وسهر صعبانه عليكي ليه يا منه؟
منه : لأ مش سهر أنا أقصد سلمى.
آسر بعد ما فهم : اه.
منه : أنت عارف بقى إنها وسهر شدوا مع بعض شويه وهي لما حست بغلطها كلمتني وكلمت إياد وعرفت إنها كلمتك كمان علشان تتوسطلها عند سهر تسامحها.
آسر : سيبي سهر براحتها يا منه.
منه : أنتي شايف كده؟
آسر : ايوه.
منه : خلاص براحتكم.
آسر : ايه رايحه فين؟
منه : مروحه.
آسر : احنا لسه مقعدناش مع بعض اقعدي نتعشا سوا هو عمار وملك هنا؟
منه : اه جوه مع علي ومجدي.
آسر : هو علي جه امتى؟
سهر : من زمان وقاعد مستني كل شويه يقولي همشي اقوله بابي زمانه جاي أنت اتأخرت قوي.
آسر : معلش بس في مصلحة كده كان لازم تخلص الليله اقعدي يا منه هدخل اغير هدومي متخلهاش تخرج يا سهر.
منه : ايه هتحبسيني؟!
سهر : اقعدي يا منه ولا انتي كنتي جايه في مهمة محدده وماشيه؟
منه : مفيش مهمة ولا حاجة يا سهر وادي قاعدة علشان متزعليش.
_________
في منزل عُمر.
كمال بحزن : ضيع نفسه لا بيت ولا زوجة ولا قادر يروح يشوف ابنه وقاعد يبيع في حاجته زي ما يكون مسيطر عليه شيطان يضيعه ويقعده في الشارع.
ياسمينا : سيبه يعمل اللي يعمله وخُد بالك من صحتك.
كمال : صحتي!
مامتك كانت دايمًا توصيني عليه سيف صغير يا كمال خليك معاك خطوة بخطوة وأنا أقولها زيك كده خُدي بالك من صحتك يا نادين محدش هينفعنا وادي اللي قولته زمان حصل محدش بينفع حد يا بنتي أنا كان نفسي بس يجي يقولي يا بابا أنا هعمل كذا ايه رأيك لو حتى هينفذ برضه اللي في دماغه بس يحسسني إن لسه موجودة ماموتش يا ياسمين.
هدى داخله ب كوباية ليمون : بعد الشر عليك يا بابا اشرب كوباية اللمون دي بدل اللي ادلقت.
كمال وهو بيقوم من السرير بتعب : لا مش شارب حاجة أنا هروح.
ياسمينا تمسك ايده : هتروح ازاي بس دلوقت بات معانا والصبح عُمر هيوصلك.
كمال : لا ابات ايه بس يا بنتي أنا مبستريحش غير في بيتي أنتي عارفه.
فيروز تدخل تطمن على كمال.
فيروز : رايح فين بس يا بابا دلوقت؟
كمال : مروح يا فيروز.
بيسندوا كمال وبيخرج من الغرفة.. قام عُمر ووليد وسيف وحمزة اللي لسه داخل من شويه.
عُمر : قومت ليه بس يا أستاذ كمال خليك مستريح.
حمزة : ألف سلامة على حضرتك يا أستاذ كمال.
كمال : تسلم يا ابني.. أنا مروح يا بشمهندس محتاج حاجة؟
عُمر : مروح فين بس اقعد استريح أنت لسه تعبان.
وليد : طب يا عمي لو مصمم تنزل دلوقت أنا هوصلك يلا يا فيروز.
فيروز : حاضر.
سيف : لا يا وليد خليك مستريح أنا هوصل بابا.
كمال : لا أنت ولا هو أنا هروح لوحدي.
هدى : ازاي بس يا بابا مش هينفع.
نادين : خلاص يا جدو حمزة يوصلك.
حمزة يقرب يمسك ايد كمال : هات ايد حضرتك.
كمال : بقولكو هروح لوحدي.
ياسمينا تهمس لعُمر.
عُمر : طيب ماشي روحي.
ياسمينا : خلاص يا بابا أنا هروح معاك.
هدى : وأنا كمان.
نظر ليهم بتنهيدة وقرب يفتح الباب كانت ياسمينا وهدى ماسكين ايده وخرجوا معاه.
عُمر : اقعد يا سيف.
سيف : لا أنا هروح.. مينفعش لازم اطمن على بابا.
حمزة : طب يلا يا نادين.
عُمر : استنى يا ابني أنت لسه جاي هو احنا لحقنا نقعد مع بعض كلمي جوزك يا فريدة شوفيه يا بنتي ايه اللي اخره.
نادين : صحيح ياسين ايه اللي اخره لحد دلوقت؟
فريدة وهي قلقانه : معرفش.. هكلمه اطمن.
___________