#أنت_قلبي٤
_________
الحلقة ١٢
في فيلا آسر.
كريم لمجدي : لا يا حبيبي شكرًا.
آسر : متكسفوش بقى دي حاجه من سبوع البيبي.
كريم بابتسامة وبياخد البنبوني : تتربى في عزكم.
مجدي : متشكر يا دكتور.
آسر : عقبال عندك هههههههه
كريم : ما احنا عندنا فعلا قريب.
مجدي : واحنا كمان هههههههه
حسام : عندكم أنتم ولا ولادكم علشان بس نبقى فاهمين؟
آسر وهشام : ههههههههههه
آسر : للولاد طبعاً احنا خلاص راحت علينا بقى.
حسام : يا عم احنا لسه شباب نتجوز ونعملها تاني.
مازن(صاحب هشام ومدير مكتبه) : أنت بقالك أربعين سنة بتقول نفس الاسطوانة دي.
آسر : هههههههههههه
حسام : أربعين ايه بس يا دكتور أنت هتكبرنا ولا ايه ؟!
هشام : جواز ايه بس يا مازن لو عاوز كان عملها من زمان.
حسام : على رأيك هي مرة كده وشكرًا الواحد بيضحك معاكم ايه بلاش نهزر؟
مازن : لا يا عم هزر براحتك.
في الجنينة.
أمل : اعتذر يلا.
مراد : أعتذر عن ايه هو أنا عملت حاجه؟
أمل : اعتذر بقولك.
مراد : حاضر.. أنا آسف يا مريم لايميها بقى وادخلي جوه.
نظرت له مريم.
أمل تغمز له : طب اتفضل أنت وأنا ومريم جايين وراك.
مراد : كده.. طيب.
يسيبهم مراد ويدخل جوه.
أمل : ايه يا مريم مش خلاص بقى؟
مريم : لأ مش خلاص يا طنط.
نظرت أمل لهنادي.
هنادي : مريم عيب كده.
مريم : أنا آسفة بس دا حقي يا ماما الأستاذ كان بيكلم بنت.
أمل : بنت!
مريم : مش دي المشكلة يا طنط علشان وارد تكون بنت شغاله معاه في الشركة ولا حاجه وبتسأله عن حاجه في الشغل ممكن يعني بس اللي مخليني صعبان عليه نفسي قوي إن البنت دي تبقى خطيبته السابقه.
هنادي : خطيبته!
مريم : اسمها رغد يا طنط أمل صح؟
أمل سكتت.
مريم : وبيروح تقريباً كل يوم المطعم عندها.
هنادي : مطعم ايه؟
مريم : المطعم اللي شغاله فيه يا ماما.
أمل : طب تعالي دلوقت وبعدين نشوف الموضوع ده يلا يا هنادي قوميها معايا.
مريم : هقوم لوحدي يا طنط.. أنا آسفة.
أمل : على ايه بس يا بنتي؟
مريم : إني ضايقتكم في ليلة زي دي.
أمل : لا يا حبيبتي ولا يهمك بينا يلا يا هنادي.
هنادي : حاضر يلا يا مريم.
_________
في منزل عُمر.
ياسمينا : أرمله ومعهاش راجل يبقى تاخد مامتها مش تاخدك أنت مشوار زي ده.
عُمر : ازاي كنت اسيبها يا ياسمين في موقف زي ده؟!
ياسمينا : زي ما كنت بتسيبني يا عُمر انزل بالبنات مدرسة ودروس
ودكاترة واشتري لبس واروح لماما وارجع من هنا وهنا لوحدي ولا نسيت يا بشمهندس هي ارمله يا عيني مينفعش تسيبها تروح لوحدها لكن مراتك عادي مش كده؟!
عُمر : ياسمين أنا كنت ببقى في الشغل ولا ناسيه إن كان شغلي في السويس قبل ما اتنقل هنا.
ياسمينا : وحتى لما نقلت هنا يا عُمر فضل الحال زي ما هو علشان أنت اتعودت خلاص طالما في ست في البيت بتسد في كل حاجه يبقى خلاص نهايته الست دي تقطع معاها خالص حتى لو وصلت إنك تفض الشراكه اللي بينكم دي.
عُمر : ايه اللي بتقوليه ده؟!
ياسمينا : ايه قولت حاجه غلط وأنا مش واخده بالي؟!
عُمر : يلا يا ياسمين نروح نحضر السبوع.
ياسمينا : لا سبوع ايه بقى كل سنة وأنت طيب ابقى اروح ابارك في يوم تاني
متضيعش الموضوع سمعت قولت ايه ولا مسمعتش؟
عُمر : دا أمر ده ولا ايه؟!
ياسمينا : براحتك يا حبيبي بس اتأكد يا عُمر إنك لو فضلت ماشي في الطريق ده أنت اللي هتندم.
وتركته ودخلت جوه.
عُمر : وبعدين في المجنونه دي بقى؟!
في ايه مالك ما هي معاها حق ولا أنت مش عاوز تعترف إنك غلطت؟!
___________
في فيلا آسر.
شادي : في ايه مالك؟
مراد بتنهيدة : مفيش.
شادي : مفيش ايه أنت قاعد مش طايق نفسك حصل ايه بره مش اتصالحتوا؟
مراد : يا عم نتصالح على ايه هو أنا أصلا عملت حاجه لكل ده؟!
شادي : خلاص اهدا بقى الناس واخده بالها.
أنت تقرأ
أنت قلبي الجزء الثالث
Hombres Lobo(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
