أنت قلبي الجزء الثالث

الحلقة ١٦١

#انت_قلبي٣
__________
الحلقة ١٦١

في التليفون.. 📞
فريدة : ايه يا كريم مش جاي؟
كريم : لا يا فريدة هاجي الصبح.
فريدة : ليه؟
كريم : أم كريم لسه خارجة من غرفة العمليات وهستنى لما تفوق من البنج ونطمن عليها.
فريدة : خلاص ماشي اطمن وابقى طمني.
كريم : اوك يا حبيبتي تصبحي على خير.
بيقفل كريم مع فريدة الباب يخبط.
كريم : ادخل.
علاء : ايه يا كريم أنت كنت نايم؟
كريم : لأ أنا كنت هريح شويه اقعد يا علاء.
علاء : لا اسيبك بقى تستريح.
كريم : اقعد أنا كده كده مش هنام همدد جسمي بس.
علاء : شهد عامله ايه يا كريم؟
كريم : كويسه بس لسه في البنج.
علاء : اه ما أنا عارف بس يعني العملية نجحت؟
كريم : اه نجحت احنا استئصلنا جزء باقي جزء هيتشال في العملية الجايه.
علاء : هو لسه في عملية تانية؟
كريم : اه شهرين كده لما يحدد الدكتور اللي بيتابع الحاله.
علاء : هي العملية دي صعبه مش كده يا كريم؟
كريم : مش سهله ولا صعبه ادعيلها.
علاء : واضح إنك تعبان هسيبك تستريح.
يخبط معتز على الباب.
كريم : ادخل.
معتز : معلش يا دكتور ممكن بس تيجي تشوف شهد.
كريم : هي فاقت؟
معتز : معرفش هي بتهلوس كده مش فايقه قوي يعني.
كريم : طيب حاضر.
وقام كريم ومعاه معتز وفضل علاء قاعد في المكتب.

في التليفون.. 📞
كريم (ابن علاء) : لا مش مروح دلوقت ماما لسه خارجه من العمليات ومفقتش من البنج واحتمال ابات هنا.
تالا : خلاص ماشي لما تفوق ابقى كلمنا طمنا.
كريم : حاضر كنتي عاوزه تقولي حاجه صح؟
تالا : لما تيجي بقى.
كريم : لأ قولي دلوقت يا تالا انتي عارفه أنا مبحبش كده.
تالا : لأ خليها مفاجأة بقى.
كريم : ما تقولي وتخلصيني شايفه يعني احنا في ظروف تستحمل الحوارات دي؟!
تالا بفرحه : طيب بالراحة متتعصبش بس عليه علشان لو زعلتني دا هيأثر على البيبي.
كريم : بيبي ايه؟!
تالا : ما هو أنا حامل يا حبيبي.
قام كريم وقف وهو مش مصدق اللي سمعه.
كريم : انتي قولتي ايه دلوقت؟!
تالا : زي ما سمعت أنا حامل يا كريم.
كريم : حامل ازاي؟
تالا : في ايه يا كريم ايه اللي بتقوله ده؟!
كريم : مش قصدي
أنا أقصد أسألك عرفتي ازاي وامتى أنا مش سايبك من حوالي تلات ساعات بس؟!
تالا : اه ما هو أنا بقالي عشر أيام كده بفكر اروح اكشف وخايفه اقولك اعشمك واعشم نفسي ويطلع مفيش حمل قعدت استنى يوم ورا يوم لحد ما قررت اعمل اختبار حمل وظهر إن في حمل ماما اخدتني عملت تحليل دم وظهر إني حامل يا كريم.
كريم : تالا الكلام اللي بتقوليه دا بجد صح يعني مبتهزريش معايا؟
تالا : طبعا بتكلم جد هو الموضوع دا في هزار يا كريم.
كريم بفرحه : يعني هبقى أب؟ هبقى أب يا تالا؟
تالا بفرحه : وأنا هبقى ماما أنا فرحانه قوي وخايفه.
كريم : أنا الفرحه مش سيعاني.. خايفه من ايه؟
تالا : خايفه على اللي في بطني.
كريم : احنا الصبح نروح للدكتور ونطمن.
تالا : ماشي بس تطمن على مامتك الأول.
كريم : أكيد.. هسيبك بس دلوقت وهبقى اكلمك بعد شويه كده علشان داخل اطمن على ماما.
تالا : ماشي يا حبيبي مع السلامة.
كريم : خُدي بالك من نفسك.
تالا : حاضر هبات بقى عند بابا.
كريم : ماشي بس متعمليش أي مجهود.
تالا : متخافش ماما من وقت ما عرفت إني حامل
عاوزاني افضل قاعدة متحركش.
_________
في التليفون... 📞
ياسمينا : أنت متأكد يا سيف إنهم اتصالحوا؟
سيف : ايوه
يا ياسمين أنا كنت هناك بقولك واتكلمت معاه وطلع معايا اعتذرت وسيبتهم على أساس يعني إنهم اتصالحوا كده.
ياسمينا : اه يا خوفي نادين تتهف في عقلها وتعمل حاجه تاني.
سيف : تبقى هي اللي جابته لنفسها بقى يا ياسمين اظن بعد اللي حصل ده تبقى غبيه لو محافظتش على بيتها هو أداها فرص كتير بصراحه وأنا بقى كده مش هعرف اعملها حاجه مش هيبقى ليه عين اصلا اتكلم معاه بس اطمني أنا قلبي حاسس إن المرة دي غير كل مرة وأكيد اتعلمت درس عمرها ما هتنساه.
ياسمينا : متشكره يا سيف تعبتك معايا.
سيف : ايه اللي بتقوليه دا بس يا ياسمين احنا أخوات كلامك دا
هيخليني ازعل بجد.
ياسمينا : لا تزعل ايه احنا مصدقنا صالحنا واحدة تزعل أنت.
سيف : هههههههههههه تصبحي على خير.
ياسمينا : وأنت من أهله.
وقفل سيف مع ياسمينا.
مليكة داخله وبتقرب من السرير علشان تنام كان سيف سرحان وهو مبتسم.
مليكة : ما تفرحنا معاك.
نظر لها وهو بنفس الابتسامة : نادين وحمزة اتصالحوا.
مليكة بفرحه : بجد.. ألف مبروك عقبالنا.
سيف : ايه دا احنا متخاصمين ولا ايه؟!
مليكة : يعني مش عارف؟
سيف : عارف ايه؟
مليكة : وعدتني إنك تخرجني تعشيني بره وطنشت.
سيف : امتى ده؟
مليكة : شوفت بقى إني مش في دماغك.
سيف بيقرب منها بابتسامة : مش في دماغي ازاي دا انتي في دماغي وعقلي وقلبي.
ويُقبل يدها.
مليكة : فاضي امتى بقى؟
سيف : بكرة يا حبيبتي اخدك اعشيكي في افخم مطعم في البلد كلها.
مليكة : أنا اللي هختار ماشي؟
سيف بابتسامة : ماشي بس متزعلش مني يا جميل علشان أنا مقدرش على زعلك.
مليكة : هههههههههههه ايوه.. ثبتني بقى.
سيف : دا أنا اللي اتثبت
ههههههههههههه.
ويقفل النور.
_________
بعد مرور شهرين من الأحداث.
في الصباح.. كريم راجع من المستشفى بعد ليلة طويلة قضاها بين الحالات الموجودة في المستشفى وكان ميعاد العملية الثانية لشهد.
نام على السرير زي ما هو
كانت فريدة بتصحي الولاد علشان عندهم امتحانات ورجعت الغرفة.
فريدة : كريم!
أنت رجعت امتى؟
كريم : معلش يا فريدة اطفي النور عاوز أنام.
فريدة : هتنام كده؟!
كريم : شويه بس وهقوم اغير.
فريدة : طب ما تقوم تاخد شاور وتغير هدومك.
كريم : حاضر بس شويه كده مش قادر دلوقت.
فريدة : شهد عامله ايه؟
كريم : تمام بخير ابقي روحي اطمني عليها في المستشفى.
فريدة : هي هتخرج امتى؟
كريم : اسبوع كده ولا حاجه.
فريدة : ياااه ليه كل ده دي أول عملية خرجت تاني يوم.
كريم : فريدة ممكن تسبيني أنام شويه.
فريدة : حاضر بس قوم غير هدومك.
كريم : بقولك مش قادر.
فريدة تمسك ايده : طب قوم هساعدك.
كريم : وبعدين معاكي بقى يا فريدة بقولك تعبان مش قادر.
فريدة ' ما هو أنت مش هترتاح إلا إذا اخدت شاور وغيرت هدومك دي قوم بقى بطل كسل.
كريم : كسل!
فريدة : عارفه يا حبيبي إنك راجع تعبان وسهران طول الليل معلش مجاتش من الخمس دقايق دول  علشان تعرف تنام.
كريم : حاضر يا فريدة الولاد صحيو؟
فريدة : اه صحيت محمد وزين وجهزت الفطار تحت.
كريم : اه شوفت السفرة وأنا وداخل.
فريدة : طب ماقعدتش تفطر ليه؟
كريم : مش قادر دلوقت شويه كده لما اريح جسمي ابقى أقوم أكل.
فريدة : طيب أنا هنزل اشوفهم قبل ما يخرجوا وأنت قوم بقى.
كريم بتنهيدة : حاضر.
_______
في شقة مراد.
مريم واقفه بتراجع قبل ما تنزل.
مراد : سيبي اللي في ايدك ده واقعدي افطري علشان تركزي في الامتحان.
مريم : مش هقدر أكل بعد ما اخرج بقى فين الورق اللي صورته امبارح؟
مراد : عندك على الطابعه.
مريم : ماشي.
مراد : مريم كفاية مذاكرة وتعالي كُلي.
مريم : مليش نفس يا مراد قولتلك.
مراد : قولتي لي امتى؟
مريم : دلوقت.
مراد : طب يلا بينا.
مريم : ثواني ادخل الأكل التلاجه.
مراد : ماشي هساعدك.
بعد شوية.
مراد : يلا بينا ولا ناسيه حاجه؟
مريم : لأ يلا..
بتخرج من الشقة وتحس بوجع في ظهرها.
مريم : آي.
مراد : ايه مالك؟
مريم : مش عارفه في خبط كده في ضهري.. خايفه قوي.
مراد : بقولك ايه متقلقنيش أنا مش ناقص
ولا تعبانه بجد؟
مريم : لأ خلاص راح الوجع ده آي اهو رجع تاني.
مراد : طب اعمل ايه دلوقت اوصلك امتحانك ولا اخدك للدكتور؟
مريم : لأ احضر الامتحان الأول.
مراد : طيب ما أنا خايف تتعبي في اللجنة.
مريم : أنا ونصيبي بقى يلا بينا.