#انت_قلبي٣
_________
الحلقة ١٠٤
في فيلا آسر.
ملك : مليكة.. مليكة انتي لسه نايمه؟
مليكة : ايه فيه ايه؟
ملك : ايه ده انتي نايمه بالميكب واللبس ده؟!
مليكة بتحاول تفوق لسه : هاه.
ملك : هاه ايه انتي اصلا من امتى يعني بتقعدي بالميكب؟
مليكة : انتي هنا من امتى؟
ملك : من نص ساعة كده.
قامت ملك تفتح ستاير الغرفة : قاعدة تحت قولت هتصحي وتنزلي نقعد مع بعض لاقيتك منزلتيش قولت هه بقى مبدهاش اطلع افوقها الساعة حداشر قومي يوسف طايح في البيت تحت ولو مامي رجعت ولاقيت الكركبه اللي عاملها ابنك دي هترقع بالصوت.
مليكة وهي بتمسح الميكب ويتغسل وجهها : هي مامي فين؟
ملك : خرجت.
مليكة : ايوه خرجت راحت فين؟
ملك : رِهام قالت بتشتري حاجات للبيت اهيه مامي شكلها جات.
تنظر ملك من البلكونة.
مليكة : ايه مامي جات؟
ملك : لأ دي طنط سلمى.
مليكة : طنط سلمى!
ملك : اممم شكل الموضوع كده ميطمنش.
مليكة : طب هغير هدومي وانزلها.
ملك : أنا هقعد هنا مش نازله عمار قال لي خليكي في حالك بعيد عنها.
مليكة : معلش بس هي ضيفه ولازم حد ينزل يقعد معاها خليكي انتي وأنا هنزل.
بعد شوية.. مليكة قاعدة
تحت مع سلمى اللي في انتظار سهر اللي جات وبتركن عربيتها وداخله تتفاجئ بسلمى.
تقوم سلمى بفرحه وهي مشتاقه لسهر اللي مشفتهاش من مدة لكن سهر كان لها رأي تاني.
سهر بتنادي على رِهام.
مليكة : مامي طنط سلمى جايه لحضرتك.
نظرت سهر لسلمى.. اللي كانت مقربه تسلم على سهر.
سلمى : ازيك يا سهر وحشاني.
سهر : ماتشوفيش وحش.
سلمى : أنا عارفه إنك زعلانه مني وعندك حق بصراحه بس أنا جايه ليكي لحد عندك بعد ما بعتلك مع كل الناس اللي بتحبيهم وبرضه مش عاوزه تسامحي سلمى أختك.
طلعت مليكة فوق.
سهر : أنا مليش اخوات.. رِهام.
تخرج رِهام من المطبخ.
رِهام : نعم يا مدام.
سهر : خُدي الحاجة من عم دياب ودخليها المطبخ.
رِهام : حاضر.
بتقعد سهر وسلمى لسه واقفه.
سلمى : امشي يعني يا سهر؟
سهر : براحتك أنا مبطردش حد من بيتي.
سلمى : أصيله يا بنت خالتي بس يعني مش ناويه تصفي كده ونفتح صفحة جديدة؟
سهر : قطعتها.
سلمى : هي ايه دي؟
سهر : الكراسة.
سلمى : نعمل غيرها وبلاش قلبك يبقى اسود كده يا سهر.
سهر : قلبي أنا اسود!
أه نسيت اني حقوده وكنت بحقد عليكي انتي واخواتك علشان عايشين مع مامتك وأنا لأ
كنت بحقد عليكم علشان لاقيين أربع حيطان وباب مقفول عليكم وسهر لأ
سهر اللي لولا بيتكم كان زمانها مع أطفال الشوارع علشان مالقيتش أم تتدارى في حضنها مالقيتش بيت تحس فيه بالأمان وتقدر تقفل عليها بابها وهي مطمنه فكان لازم تحقد عليكي علشان معشتيش ولا نمتي في اوضتك وفجأة تلاقي راجل فوق دماغها تصحى مفزوعه وخايفه على نفسك ملقتيش أم تشوف كل ده وتسكت علشان بيتها ميتخربش بسبب ان بنتها مش حاسه بالأمان في بيتها وفي النهاية كان بيتخرب برضه حقوده علشان الظروف مضطرتكيش تنزلي تشتغلي وانتي يدوب في ثانوية عامة وتتعرضي لكل القرف اللي شوفته
حقوده علشان كان عندك اخوات رجاله واقفين في ضهرك وسهر يا عيني ضهرها كان مكشوف وكان ممكن تبقى صيده سهله لكل من هب ودب حقوده علشان باباكي كان عايش
حتى لو مش موجود معاكم في بيت واحد لكن سهر ابوها مات وهي يدوب لسه بتتعلم تكتب اسمه حقوده علشان اضطريت اهرب من كل ده
واترميت في حضن الراجل اللي حبني اللي انتي مستكتراه عليه ومبتنسيش في كل مناسبة توجعيني بيه وإنه اتجوز عليه وربيت الولاد ودوست على كرامتي واستحملت مامته وووو
حاجات كتير بس الذاكرة بقيت بعافيه شويه مش قادرة افتكر كل حاجة.
سلمى وهي بتبكي : أنا آسفة يا سهر.
سهر : اه نسيت معايرتك ليه ان آسر تعب وجاله القلب واني مفروض اقعد مستنيه اني اتحرم منه في أي وقت.
سلمى : لا يا سهر بعد الشر عليه.
سهر بتبكي..
سلمى : أنا آسفة يا سهر سامحيني علشان خاطر خالتك دي مكانتش بتحب حد قدك.
سهر : اه وانتي عملتي بالوصيه زي ما قالتلك بالظبط.
سلمى : غلطانه واستحق أي حاجة تعمليها فيه إلا إنك تخاصميني يا سهر.
سهر وهي بتبكي : مش قادرة اسامحك حاجة غضب عني مش قادرة.
أنت تقرأ
أنت قلبي الجزء الثالث
Werewolf(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
