#انت_قلبي٣
___________
الحلقة ١٥
في شقة حازم.
تقوم ندى من النوم و بصوت ناعس : ماما!
ميرفت : ايه يا بنتي انتي كنتي رايحه في النوم للدرجادي؟!
ندى : ليه ايه اللي حصل؟
ميرفت : بنتك نزلت جري عماله تعيط بتقولي بصحي ماما مبتصحاش.
ندى : أنا!
امتى دا؟
تالا : من شويه يا ماما طنط فريدة اتصلت و قالتلي عايزة مامتك دخلت اقولك مردتيش و بعدين قعدت انادي كتير و اشدك من ايدك ساكته مبتتحركيش خوفت نزلت جري لـ تيته اقولها.
ندى : مش عارفه محستش بحاجه بس طالما نايمه بتصحيني ليه؟!
ميرفت : قلقت عليكي يا بنتي دا أنا دخلت اقومك فين و فين لما فتحتي عينك و رديتي عليه.
ندى : معلش يا ماما مسمعتش.
ميرفت : ما أنا عارفه بس حاجه غريبه الواحد بيكون نايم و لو سمع صوت حد جنبه بيصحى دا أنا قعدت ازعق أنا و تالا و ننادي عليكي و انتي و لا انتي هنا.
ندى : مش عارفه اليومين دول بنام زي القتيله مبحسش بحاجه شوفي مين اللي بره يا تالا.
تخرج تالا تفتح باب الشقة.
فريدة ببتسامة : عماله اتصل محدش بيرد ايه كل دا مامتك نايمه يا ندى انتي يا ست هانم قومي علشان جعانه.
تالا : تعالي يا جميلة
ايه كل دا يا طنط؟
تضع فريدة الأكل على السفرة.
فريدة : اعمل ايه محمد و زين في النادي و عمو كريم في المستشفى و قاعدة أنا و جميلة لوحدنا قولتلها تاكلي ايه قالتلي ناكل عند ندى.
تخرج ندى ببتسامة و ميرفت ماسكه بـ ايدها : ندى حاف كده ماشي يا بنت فريدة.
ميرفت ببتسامة : ازيك يا فريدة؟
فريدة : تمام يا طنط قربوا بقى علشان نتغدا مع بعض واقعه من الجوع
اغسلي ايدك يا ندى يلا.
ندى : ايه اللي انتي عملاه ده؟
فريدة : جعانه قولت بدل ما تقومي تعملي أكل اجيب الأكل أنا معايا يلا بقى.
ميرفت : و دا اسمه كلام يا فريدة طب دا أنا عامله حلة ورق عنب و ملوخية بالارانب و فراخ مشويه لـ علي علشان مبياكلش الأرانب عمك اللي بيحبها
هتاكلي صوابعك وراهم
رايحه تشتري أكل من بره ليه يا بنتي؟
فريدة : ما هو أنا معرفش لو اعرف بقى كنت خبطت عليكم قبل ما اطلع هنا
ههههههههههههه
ندى : طب ما أنا عامله أكل يا فريدة الاستاذ انس خرج مع أصحابه و اخوكي مش هنا و الأستاذة تالا قالتلي مليش نفس روحت سيبتها تذاكر و دخلت نمت.
فريدة : صحيح ايه اللي منيمك دلوقت؟
__________
في فيلا مراد.
هشام : اقعد جنب مراتك و فهموني بقى ايه حكايتكم بالظبط؟
في الجنينه.
هشام بيلاعب يمان : لا هات الكرة الأول متجيش من غيرها.
ياسمين : طب ما تسيبه يلعب براحته ايه لازمة الشيكولاتة اللي بتغريه بيها دي؟
هشام : عايزة يطلع رياضي ايوه شوط الكرة
ههههههههههههه شاطر تعالى بقى.
ياسمين : تقصد عايزة يطلع لاعب كرة.
هشام : طب و فيها ايه شغلانه كويسه و بتكسب
ههههههههههههه
ياسمين : لا يا حبيبي أنا عايزة ابني يطلع لجده هشام أو جده عمار
راجل كده صاحب رسالة في الحياة.
هشام : هههههههههههه
طيب اسأليه الأول عايز يطلع ايه.
مراد يخطف الشيكولاتة من هشام : هيطلع لعمو مش كده يا يويو؟
هشام : بيطلعوا امتى دول؟ و بعدين هات الشيكولاته دي بتاعت يمان.
مراد : هيجي ياخدها
تعالي لعمو مراد يا حبيبي.
هشام : هههههههههههه
مش عارف مش لايق عليك.
مراد : اشمعنه يعني لايق على شادي هو فين صحيح هما كلهم لسه جوه؟
________
في المكتب.
هشام : خطة ايه؟!
شادي : حضرتها قالتلي كل واحد يبقى في حاله.
ليلى : مش كده يا خالو.
شادي ' امال ازاي بقى
هنكدب من أولها؟!
هشام : استنى اسمع منها اتفضلي يا ليلى اتكلمي.
ليلى : من اول ما تجوزنا و احنا مش متفاهمين دايما بنتخانق على كل كبيرة و صغيرة فاقترحت على شادي...
شادي يقاطعها : لا مقترحتيش عليه حضرتك قررتي يا ليلى.
ليلى : اوك زي ما تحب
قررت و لا تزعل قررت إن احنا نعيش عادي مع بعض في بيت واحد بس كل واحد في حاله.
نظر هشام لـ أمل اللي كانت مستمعه و ساكته معلقتش.
هشام : اه كملي اما اشوف اخرة الجنان ده.
ليلى : يعني كان هدفي إننا لما نبعد عن بعض نشوف هل هنحس بالفرق و هنوحش بعض و لا عادي.
هشام : انتي متأكدة من اللي بتقوليه ده؟
شادي : هو دا اللي حصل علشان تعرفوا أنا مستحمل قد ايه.
ليلى : ما هو لو بُعدنا عن بعض مش فارق مع حد فينا يبقى مبنحبش بعض.
شادي : تمام جيبتي الخلاصه أنا بقى طلعت مش فارق معايا و زي ما قولتي اللي هيحس بكده يصارح التاني و الحل يبقى الانفصال صح مش دا كلامك؟
ليلى : ايوه.
هشام : ما تبطل جنان انت و هي و حضرتك يا أستاذة تنسي الخطة المهببه بتاعتك و تبطلوا لعب العيال ده و ترجعوا البيت علشان أنا حاسس إني هضرب حد فيكم.
شادي : حضرتها صاحبة الخطة و احنا عايشين عادي بس هي حبت تخترع و كله جه على دماغها في النهاية تشرب بقى أنا صحيح مبقاش فارق معايا وجودك في حياتي.
نظرت ليلى لهشام و هي مدمعه.
هشام : ايه اللي بتقوله دا
اتفضل خُد مراتك و اخرجوا بره يلا علشان مفقدش اعصابي.
ليلى : بس انت فارق معايا يا شادي و الفترة اللي فاتت أكدتلي اني فعلا بحبك.
شادي : لا بقولك ايه مش هتشتغليني تاني أنا اكتفيت خلاص من الاعيبك دي و عارف لما نرجع البيت هترجع ريما لعادتها القديمة و مفيش حاجه هتتغير ليلى أنا قررت خلاص ما هو مش بمزاجك.
هشام : و لا بمزاج حضرتك.
شادي : بابي احنا مبقاش ينفع نكمل مع بعض بجد.
أمل : شادي ادي نفسك فرصة يا حبيبي القرار في الموضوع ده مينفعش يتاخد في لحظة انفعال زي دي.
شادي : مامي أنا مش منفعل و القرار دا مأخدتوش بين يوم و ليلة كده أنا بفكر فيه بقالي فترة و اتأكدت إنه الحل فعلا للمشاكل اللي ما بينا لما حضرتها قررت تطبق الخطه دي مبروك يا ليلى خطتك نجحت.
ليلى : شادي أنت بتهزر صح؟
شادي : ليه علشان كنت متمسك بيكي و انتي بتعذبيني دلوقت علشان قررت اخلع من الجوازه دي اللي عملتلي عقدة نفسيه هفضل اتعالج منها طول العمر عايزة تتمسكي بيه عارفه ليه؟ علشان انتي كده لو قولتلك يمين تقولي شمال و العكس و أنا اعصابي متستحملش العيشه بالاسلوب ده.
هشام : يعني مصمم على اللي في دماغك؟
شادي : هي اللي كبرتها في دماغي.
ليلى : خلاص و أنا بقولك دلوقت اعتبرني مقولتش حاجه.
شادي : لأ يا ليلى علشان أنا مش شخشيخه في إيدك و كمان يبقى درس ليكي مشاعر الناس و اعصابهم مش لعبة يا بنت عمتي.
تركها و خرج من المكتب.
قعدت ليلى تبكي و أمل تطبطب عليها و تحاول تهديها.
أنت تقرأ
أنت قلبي الجزء الثالث
Werwolf(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
