أنت قلبي الجزء الثالث

الحلقة ٣٥

#انت_قلبي٣
___________
الحلقة ٣٥

سامية : رغد !!
رغد قربت من والدتها : بتعملي ايه هنا يا مامي ومين الراجل ده؟!
سامية متردده ومش عارفه ترد تقولها ايه :
أنا.. أنا...
واقف نجيب مرتبك ومتردد يتكلم.
خرجت راوية أخت نجيب : اتفضلي يا سامية تعالي
يا رغد.
رغد : انتي مين انتي كمان؟!
مامي مين الناس دي وحضرتك هنا بتعملي ايه؟
راوية : تعالي يا بنت اخويا وأنا هقولك على كل حاجه.
سامية بحده : راوية !!
راوية : لازم بنتك تعرف الحقيقة المرادي لو كدبتي عليها هتفكر فيكي تفكير وحش يا سامية يبقى لازم تعرف اهو جه الوقت اللي تعرف فيه مين ابوها.
رغد : انتي بتقولي ايه يا ست أنتِ؟!
اعرف مين بابي يعني ايه هو أنا ليا أب تاني غير
اللي اعرفه؟!
سامية : بينا يا رغد وانا هفهمك كل حاجه في البيت.
راوية : أنا عمتو يا قلبي مسميش الست دي معلش معذوره ما هو انتي متعرفيش ابوكي علشان تعرفي عمتك.
سامية بغضب : كفاية كده يا راوية.
نجيب : هو فعلا كفاية يا سامية علشان دا فعلا الوقت المناسب إن بنتنا تعرف الحقيقة.
رغد بدهشه : بنتكو مين
انت اصلا ايه علاقتك بمامي مش هو دا الراجل اللي شوفناه في الكافية وكان بيبصلنا بصه غريبه مريحتنيش ولما خرجنا حضرتك دخلتي السوبر ماركت واتكلمتي معاه؟!
ايوه هوه.
نجيب : ايوه أنا.. أنا بابا يا رغد.
رغد بسخرية : بابي مين أنت شكلك عامل كده ليه
أنت بتشرب صح؟ شكلك مش مريحني.
نجيب : قولي اللي تقوليه بس دا مش هيغير الحقيقة أنا أبوكي ودي عمتك.
رغد : مامي قولي للراجل دا حاجه.. أنت بتكدب صح مامي ردي بقى؟
سامية وهي بتبكي : هما بيقولوا الحقيقة يا رغد.
رغد : يعني دا بابي امال اللي عايشه معاه دا مين؟!
أنا مش فاهمه حاجه مش فاهمه حاجه.
سامية تصرخ وتلحق رغد قبل ما توقع في الأرض من الصدمة.
___________

في غرفة البنات.
آسر : لا ما هو أنا لازم أعرف مالك انتي عمرك ما وصلتي للحالة دي قاطعه الأكل وقاعدة في اوضتك دايما ومبتكلميش حد أنا فاهم وعارف إنك زعلانه مع سيف بس مش للدرجة دي يا مليكة أنتي كده بتموتي نفسك
حصل ايه يا بنتي وصلك للحالة دي؟
تخبط سهر.
آسر : أدخلي يا سهر شوفي مليكة مش عاوزه تتكلم ومش مبطله عياط.
سهر قربت من مليكة مسحت دموعها واخدتها في حضنها.
آسر : يا سلام افهم ايه من كده يعني؟!
سهر : سيبها دلوقت يا آسر.
آسر : لا مسبهاش ولازم اعرف بقى فيه ايه
انتي وهي مخبيين عليا ايه؟
سهر : مش مخبيه عليك حاجه يا آسر بس سيبها دلوقت علشان تعبانه.
آسر : اوك ما انا فاهم إنها تعبانه بس من ايه بقى حد يقولي؟
مليكة وهي بتبكي : بابي أنا عاوزه اطلب من حضرتك حاجه.
قرب آسر منها : اتفضلي أنا سامعك.
سهر تغمزلها.. آسر ياخد باله.
آسر بانفعال : ماتسبيها تتكلم يا سهر فيه ايه؟
سهر : مفيش حاجه.
آسر : امال بتغمزلها ليه؟
اتكلمي يا مليكة عاوزه تطلبي مني ايه؟
مليكة وهي متردده وبصوت متقطع : بابي أنا عاوزه حضرتك تطلقني من سيف.
نظر آسر لسهر وهو متفاجئ من طلب مليكة.
سهر : ايه فيه ايه بتبصلي كده ليه؟
بنتك عندك اهوه اتكلم معاها.
سيف لمليكة : ايه سبب الطلب الغريب ده؟!
مليكة بتبكي..
آسر : لا ما هو احنا مش هنقضيها عياط بقى اتكلمي
يا بنتي.
نظرت مليكة لسهر.
آسر : اطلعي دلوقت يا سهر.
سهر : اخرج يعني؟
آسر بانفعال : ايوه.
سهر : طيب حاضر بس اهدا مليكة أنا خارجه مش عاوزه حاجه؟
هزت مليكة رأسها.
آسر وهو منفعل : سهر.. قولتلك.. اخرجي.
تخرج سهر وتقفل الباب.
آسر : مامي خرجت اهوه اتكلمي بقى براحتك
وقوليلي ايه المشكلة اللي بينك وبين سيف؟
مليكة : هو أول حاجه كده أنا كرهته ومش عاوزه اعيش معاه.
آسر : تمام بس جاوبي على السؤال.
مليكة : ما هو أنا بقول لحضرتك الكلام دا علشان متقوليش نقعد ونتفاهم مع بعض وهو يعتذر والكلام ده لاني خلاص مبقتش عاوزه اكمل معاه.
آسر وبيحاول يتمالك اعصابه : اوك بس جاوبي على سؤالي ايه المشكلة اللي حاصله بينكم بالظبط؟
____________