#انت_قلبي٣
__________
الحلقة ١٣٢
في فيلا مراد.
مراد : هو أنا كل أما اتكلم معاكي الاقيكي اما نايمه
أو مشغوله!
زينة : خير عاوز ايه؟
مراد : انتي زعلانه مني؟
زينة : أنت بتتكلم بجد؟!
مراد : مش فاهم سؤالك.
زينة : يعني أنت حاسس بالذنب بجد وبتسألني إن كنت زعلانه منك ولا لأ؟
أصلك عمرك ما عملتها يعني.
مراد : على فكرة كلكم واخدين عني فكرة وحشه قوي.
زينة : معلش أصل تاريخك مشرف معانا الصراحة.
مراد : دا ايه خفة الدم اللي محصلتش دي؟!
زينة : هههههههههههه
مراد : كويس إنك ضحكتي بدل جو الاكتئاب اللي كنتي معيشانا فيه الفترة اللي فاتت.
زينة : معلش خليها عليك.
مراد : بصراحه أنا فرحان بيكي قوي ومش خايف عليكي.
زينة : ايش معنى؟
مراد : بحب البنت الجدعه اللي تسد في أي حاجة.
زينة : خايفه تكونوا واخدين فيه قلم جامد قوي.
مراد : لا أنا عارف بقول ايه.. متزعليش مني بقى.
زينة : أنت مالك في ايه ضميرك فجأة صحي كده
مش معقول.
مراد : ما تبطلي بقى وخُدي الأمور جد شويه.
زينة : خلاص مش زعلانه مع إني مش فاهمه قوي بس مش زعلانه منك في أي حاجة... خلاص قشطة؟
مراد : بحبها قوي لما بتتحط على الرز بلبن متعرفيش تعمليه؟
زينة : لما مامي تيجي من بره ابقى قول لها.
مراد : هي مامي فين صحيح؟
________
في شقة شادي.
ليلى : اقعدي شويه يا طنط احنا ملحقناش نقعد
مع بعض.
أمل : كل ده وملحقناش!
يدوب بقى علشان متأخرش.
ليلى : طيب ابقي سلميلي على زينة.
أمل : حاضر يا حبيبتي على فكرة كانت جايه معايا بس هي مش عارفه تيجي تقول لك ايه.
ليلى : قولي لها تيجي عادي إحنا اخوات يا طنط ولا كانت مفكرة إني هبقى زعلانه منها فتبقى غلطانه هي عملت اللي طبيعي أي بنت تعمله في موقف زي ده أنا اللي هاجي بكرة اقعد معاها.
أمل بابتسامة : طيب يا ليلى مش عاوزه أي حاجة؟
ليلى : لا يا طنط عاوزه سلامتك.
أمل : سلام عليكم.
ليلى : وعليكم السلام.
__________
في شقة حازم.
أنس بفرحه : بجد يا ماما؟
ندى : اه بجد بس مش هنعمل أي حاجة غير لما عمتك تقوم بالسلامة وتفُك الجبس ده.
أنس : طبعًا دا اللي لازم يحصل بس هنروح نتقدم مش كده؟
علشان بس محدش يجي يتقدم قبلي وممكن يوافقوا.
ندى : ليه هي متعرفش إنك بتحبها؟
أنس : يعني مش متأكد قوي.
ندى : طب عيني في عينك كده.
أنس : خلاص بقى يا ماما.
ندى : هههههههههههه كبرت يا أنس وعاوز تخطب وتتجوز!
أنس : دا أنا ليه صحابي متجوزين وعندهم ولاد
يا ماما.
ندى : الأيام بتجري بسرعة يا ابني.
أنس : هنروح نتقدم امتى؟
ندى : لما باباك يرجع من بره ابقى اتكلم معاه.
__________
في المستشفى.
هشام : الحقيقة إن في الفترة دي دكتور كريم مكانش هو اللي متولي إدارة المستشفى كلفني أنا بما إني شريك بنسبة خمسين في الميه والواقعة اللي حصلت دي تمت وأنا متولي الإدارة.
الضابط : وايه هي الإجراءات اللي قومت بيها يا دكتور هشام؟
هشام : حضرتك كل شيء متسجل عندك
تم التحقيق في الواقعة وثبت إن وفاة المريضة ملوش أي علاقة بأي خطأ طبي قبل وأثناء وبعد العملية.
الضابط : وايه هي معايير الخطأ الطبي بالنسبة لحضرتك؟
كريم : ممكن أنا اللي اجاوب بعد إذن دكتور هشام طبعاً.
هشام : اتفضل يا دكتور.
الضابط : اتفضل قولنا يا دكتور كريم ايه هي المعايير اللي على أساسها ممكن إن الوفاة تمت بسبب خطأ طبي؟
كريم : لو الفحوصات اللي اتعملت للمريض مش كامله
زي التحاليل والأشعة والدكتور اللي بيقوم بالعملية هو اللي بيطلب الفحوصات دي أو في استهتار بحياة المريض إن تكون نسبة نجاح العملية ضعيف جدًا وميتقالش للمريض ويتم تضليله أو يكون بيعاني من أي أمراض تانية تأثر على نجاح العملية وتتسبب في وفاته أما داخل العمليات ممكن يكون في إهمال في الاهتمام بحياة المريض زي النظافة والتعقيم وكمان نسبة التخدير والرعاية قبل وبعد العملية ودا محصلش نهائي في الحالة اللي توفيت والزوج بنفسه والأهل استلموا الجثمان و مكانش في أي مشكلة وقتها وتم تسليم تقرير كامل لـ أهل المتوفاة قبل وبعد العملية.
الضابط : تقول ايه يا أستاذ ياسر في الكلام ده؟
ياسر : أقول إن إدارة المستشفى عايزة تداري على الدكتور اللي عمل العملية لمراتي وبتهمه هو وطاقم التمريض اللي كان داخل العمليات وإدارة المستشفى بالكامل وبحملهم المسؤلية للي حصلها.
كريم : أستاذ ياسر أنا قابلت حضرتك في مكتبي واتكلمت معاك ومكانش دا أبدًا رد فعلك وقتها.
ياسر : دا قبل ما أعرف الحقيقة يا دكتور.
كريم : وايه هي الحقيقة؟
ياسر : الحقيقة إن في إهمال في المستشفى هنا وفي استهتار بحياة الناس.
هشام : كذب المستشفى هنا ملهاش أي غرض في الربح بالعكس احنا هدفنا إنساني في المقام الأول
ويهمنا سمعة المستشفى فمستحيل يحصل خطأ طبي متعمد ولو حصل بيتم التحقيق فيه.
الضابط : أستاذ ياسر حضرتك مصمم على اتهامك للمستشفى في الإهمال بحياة زوجتك؟
ياسر : ايوه ومش هتنازل.
الضابط : هيتم التحقيق في الواقعة مرة تانية ولو ثبت إن في إهمال طبي القضاء هو اللي هيقول كلمته.
هشام : تمام واحنا مستعدين لـ أي تحقيق هيتم وواثقين إن الحق هيظهر ولو أستاذ ياسر له حق هياخده.
ياسر : ايه هترجعولي مراتي تاني ولا حضرتك تقصد تعويض يا دكتور؟!
كريم : القضاء هو اللي هيحدد واللي هيتحكم بيه احنا ملزمين إننا ننفذه.
أنت تقرأ
أنت قلبي الجزء الثالث
Lobisomem(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
