#انت_قلبي٣
__________
الحلقة ١٠١
في فيلا آسر.
سهر : وأنت هتسمع كلامها؟!
آسر : امال عاوزاني اعمل ايه يا سهر؟
سهر : تستنى شويه هي مستعجله على ايه مش فاهمه؟!
آسر : سهر البنت تعبانه تعبانه بجد مبتمثلش.
سهر : طب ما أنا عارفه إنها تعبانه نفسيًا ومن زمان بس قولي بـ ايدنا ايه نعمله؟
آسر : لو دا اللي هيريحها يا سهر يبقى مفيش حل غير إننا نساعدها.
سهر : سيف بيحبها.
آسر : الحب لوحدة مش كفاية لو الحب دا مترجمش لـ أفعال يبقى ملوش لازمه.
سهر : اوقات بنعمل حاجات ونندم عليها ياريت ندي بعض فرصة تانية خصوصًا لو كان في أولاد.
آسر : الكلام دا ليه؟
سهر : لينا كلنا.
آسر : اه فهمت.
سهر : ايه مالك.. زعلت؟
آسر : وهزعل من ايه بس يا سهر انتي معاكي حق.
سهر : سيبها شويه هي بس لسه مش مستوعبه اللي حصل لكن وقت الجد هتغير رأيها.
آسر : أنا خارج محتاجة حاجة؟
سهر : لأ.
آسر : طب سلام يا حبيبتي.
سهر : مع السلامة.
__________
في منزل عُمر.
نادين وهي مازالت حاضنه والدتها : سامحيني يا ماما سامحيني علشان خاطري انتي عارفه غلاوتك عندي بس أنا مكونتش داريه بنفسي غلطت عارفه واستاهل تضربيني اتفضلي اضربيني أنا مش هقولك بتعملي ايه.
ياسمينا : خلاص يا نادين سيبيني بقى.
نادين : لأ قولي سامحتك
وأنا هسيبك.
ياسمينا : فارقه معاكي؟
نادين وهي بتبكي : طبعًا فارقه كتير.
ياسمينا وهي مخنوقه بالبكاء : خلاص يا بنتي سامحتك.
تنزل نادين على رجل مامتها تُقبلها ياسمينا تبعد رجلها وتقوم نادين وتاخدها في حضنها.
ياسمينا : هونت عليكي يا نادين؟!
نادين : لأ عمرك ما تهوني عليه أبدًا يا ماما أنا آسفة حقك عليه علشان خاطري قولي إنك سامحتيني تاني
علشان أصدق.
ياسمينا : سامحتك بلساني بس قلبي لسه مش قادر يسامح.
يدخل عُمر بعد ما يرن الجرس : سامحيها بقى يا ياسمين.
نادين : بابا!
ازي حضرتك؟
عُمر : أنا بخير يا بنتي.. نسيت سلام عليكم الأول.
يرددوا : وعليكم السلام.
قرب عُمر من ياسمينا : قلبك كبير يا سمسمه وهتسامحي دودو علشان خاطري.
ياسمينا : مش قادرة يا عُمر مش قادرة كلامها واجع قلبي مش قادرة أنساه.
نادين : أنا غبيه واستاهل اللي يتعمل فيه أنا عرفت قيمتك يا ماما حسيت بغلاوة الضنا لما في لحظة حسيت إن بنتي هتضيع وحاسه إن دي كانت إشارة ليه علشان تفوقني سامحيني علشان خاطري أو قوليلي ايه اللي يرضيكي علشان تسامحيني.
ياسمينا : تسبيني براحتي
مش لازم يعني اقولك دلوقت إني مسامحكي.
عُمر : خلاص يا نادين سيبي ماما براحتها وطالما قالت كده يبقى هتسامحك متقلقيش ها يا ياسمين عامله لينا غدا ايه النهاردا؟
نادين : ماما لسه جايه من المدرسة هدخل انا أعمل الأكل قوليلي بس اعمل ايه واقعدي هنا استريحي.
ياسمينا : لأ أنا مجهزه الأكل من بالليل مفيش غير الرز بس هعمله وأحمر الفراخ في الفرن.
عُمر : مامتك طول عمرها شاطرة وبتعرف تمشي البيت.
نادين نظرت بابتسامة لوالدتها : دا حقيقي.
نظرت ياسمينا لعُمر ومعلقتش وبعدها دخلت المطبخ.
عُمر : وراها متسبهاش النهاردا.
نادين بابتسامة : حاضر.
_____________
أنت تقرأ
أنت قلبي الجزء الثالث
Werewolf(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
