#انت_قلبي٣
__________
الحلقة ١٥٦
في فيلا مراد.. بعد كام يوم.
سهر : نور سافرت امتى؟
أمل : النهاردا الصبح.
سهر : اه يا خوفي تعجبها البلد هناك ومترجعش.
أمل : هي حرة بقى أنا قولت لها الكلام ده قالت لأ مقدرش ابعد عنكم بس هي لو عملت كده هيبقى معاها حق ولادها هناك هتقعد هنا تعمل ايه.
سهر : أهلها هنا يا أمل وكمان شغل جوزها.
أمل : لا عُمر يقدر بسهولة قوي يشتغل ويعمل بيزنس هناك هو اصلا متربي وعاش بره مصر فترة طويلة يعني الوضع مش هيبقى جديد عليه.
سهر بابتسامة : الولاد جم.
كان مجدي وزينة داخلين من الباب.
يسلم مجدي على أمل وتسلم زينة على سهر.
سهر : ها ايه الأخبار؟
زينة : كله تمام.. هطلع بس اغير هدومي.
أمل : طيب يا حبيبتي متتأخريش.
زينة : حاضر.
سهر نظرت لمجدي اللي كان عينه من زينة لحد ما اختفت خالص.
سهر : ايه مالك؟
مجدي بارتباك : ها يا مامي بتقولي حاجه؟
سهر : بقول نمشي بقى ولا ايه؟
أمل : تمشي فين يا سهر هنتغدا مع بعض.
سهر : لا مش هقدر أنا أصلا قبل ما اجيلك على طول كنت لسه فاطره وشاربه نسكافيه ومظبطه
معدتي على الأخر
ههههههههههههه
أمل : وماله ظبطيها تاني مش هتقول لأ وبعدين دا كان من ساعتين تلاته مش كده؟
سهر : هههههههههههه
قصدك ايه يا أمل إني هنا من زمان؟!
ههههههههههههه
أمل : لا يا حبيبتي أنا بهزر.
سهر : وأنا كمان بهزر
ههههههههههههه
ايه رأيك يا مجدي نمشي ولا نقعد شويه؟
وتغمز له سهر.
مجدي : نقعد شويه.
سهر : هههههههههههه
خلاص خليك وأنا همشي.
أمل تمسك ايد سهر : تمشي تروحي فين أنا قولت هنقعد نتغدا مع بعض اسمعي الكلام بقى.
سهر لمجدي : ها اعمل ايه؟
مجدي : ربع ساعة يا مامي مش هتفرق يعني.
أمل : هههههههههههه
أنت كمان مستعجل؟
مجدي : أنا بس عامل على زينة يعني يمكن تحب تستريح شويه ولا حاجه.
أمل : لا زينة مبتحبش تنام بالنهار خالص اطمن.
زينة نازله من فوق.
أمل : جهزي السفرة يا زينة عقبال ما ادخل لرباب اساعدها.
زينة : حاضر.
قام مجدي يظبط السفرة مع زينة.
وسهر قاعدة.. التليفون يرن.
في التليفون... 📞
سهر : الو
ايوه يا حبيبي.
آسر : سهر معلش أنا هتأخر الليلة.
سهر : هتتأخر لـ امتى يعني؟
آسر : معرفش يمكن نخلص شغل على حداشر كده ولا حاجه.
سهر : خلاص مفيش مشكلة أنا عند أمل.
آسر : اه ما انتي قولتيلي الصبح متتأخريش بقى.
سهر : حاضر أنا معايا مجدي.
آسر : كده طيب كويس
عاوزه حاجه؟
سهر : لا يا حبيبي سلامتك.
________
في فيلا كريم.
ندى : ايه اللي انتي عاملاه في الاوضة ده؟
فريدة : مش عارفه ألبس ايه؟
ندى : كل دا ومش عارفه تلبسي ايه؟
فريدة : ما هو أنا محتاره عاوزه ألبس حاجه مميزة كده انتي عارفه بقى مناسبة زي دي الواحد لازم يختار حاجه كده محصلتش.
ندى : محصلتش ازاي يعني ما هو لبس زي أي لبس يا فريدة.
فريدة : تعرفي أنا نزلت اشتري طقم احضر بيه المناسبة دي ملقتش حاجه جديدة قولت اشوف اللي عندي كده.
ندى : في حاجات جديدة اهي مشوفتهاش عليكي خالص اختاري واحد منهم.
فريدة : ألبس الطقم ده ولا فستان يبقى اشيك؟
ندى : ألبسي أي حاجه يا فريدة.
فريدة : ازاي يعني أي حاجه دا أنا هبقى أم العريس لازم ألبس حاجه كده واو.
ندى : بنت يا فريدة شكلك كده هتبقى حما صعبه زي شهد حماة بنتي.
فريدة : هههههههههههه أنا!
دا أنا غلبانه هههههههههههه
شهد عامله ايه مع تالا؟
ندى : تصدقي بقى مبقتش تروح هناك ولا تالا تعرف عنها حاجه.
فريدة : طب وانتي زعلانه ليه؟
ندى : وهزعل ليه يا أختي دا كده احسن.
فريدة : طيب قوليلي ألبس ايه؟
ندى : يا شيخه زهقتيني ما تلبسي اللي تلبسيه يا فريدة.
فريدة : ايه رأيك في الفستان ده كنت جيباه احضر فرح ابن هنادي صاحبتي وكنت تخنانه شويه فلبست ده.
ندى : ما انتي طفسه طول عمرك بطلي لغ بقى.
فريدة : هههههههههههه
ما أنا خاسه أهو أما هلبسه ليه.
ندى : خلاص قيسي كده ووريني.
فريدة : طيب اطلعي دلوقت علشان اغير.
ندى : اخلصي يا فريدة هو أنا يعني غريبه.
فريدة : لا يا حبيبتي اتكسف هههههههه
ندى : تتكسفي من ايه اخلصي.
ندى : يا بنتي اطلعي بره بقى.
ندى : كده طيب البسي وخلصيني بقى.
تخرج ندى وفريدة بتلبس الفستان.
فريدة : ادخلي يا ندى.
ندى : ايه اغمض عيني علشان تبقى مفاجأة ولا ايه؟
فريدة : هههههههههههه
ادخلي يا ندى تغمضي عينك ليه هو أنا جايبه لك هدية.
ندى : واووو ايه يا بنت الحلاوة دي؟!
فريدة : هههههههههههه
بجد حلو ولا بتجامليني؟
ندى : لا حلو بجد
تنزلي معايا بقى علشان ابقى اشتري طقمين كده لفرح أنس ابني.
فريدة : الخميس اللي بعد الجاي مش كده؟
ندى : ايوه
كان نفسي يجهز شقته هنا.
فريدة : يبقى يجهز شقته على مهله يا ندى هو مش بيظبط الشقة اللي واخدها هناك؟
ندى : اه بس خايفه من السكن قريب من بيت حماه ده.
فريدة : وانتي متجوزه فين بقى؟!
ندى : ايوه بس أنا لسه معرفهمش كويس يا فريدة والولد هيسكن هناك لوحده.
فريدة : شوفتي مين بقى اللى هتبقى حماه صعبه يا ندى ههههههههه
ندى : لأ يا فريدة أنا بحب خطيبة ابني بس زي ما تقولي كده معرفش أهلها كويس فقلقانه شويه.
فريدة : خلصيني بقى البس ايه وأنا رايحه للناس الليلة؟
ندى : أنا ماشيه انتي لسه مرستيش على حل مش لسه يا بنتي قايسه الفستان ده ولو غيرتي رأيك؟!
فريدة : خلاص هلبسه بقى هعمل ايه.
ندى : لأ وجايه على نفسك قوي كده ليه متلبسيش حاجه يا فريدة روحي ب البيجاما اللي لسه خلعاها.
فريدة : هههههههههههه
_______
في شقة طارق.
هنادي : وماله يا حبيبي دا مستقبلك متضيعش الفرصة من ايدك وسافر.
مازن : ايوه يا ماما بس معنى كده إني هسيبك لوحدك.
هنادي : هتسيبني لوحدي ازاي يعني ولا تقصد علشان مش هشوفك غير كل فين وفين؟
لا يا حبيبي شوف مستقبلك بس متسبش مراتك هنا وتسافر لوحدك.
مازن : لسه هشوف يا ماما لازم اظبط اموري الأول هناك وبعدين ابعت لسهر
أنا معرفش أي حاجه هناك لازم الأول اشوف سكن واظبط شغل يكفيني علشان اقدر اعيش هناك أنا وهي ومصاريف الدراسة كمان يعني الموضوع مش سهل.
هنادي : معلش يا حبيبي كل حاجه في أولها صعبه اجتهد أنت واسعى بس خليك دايمًا حاطط في دماغك الهدف اللي مسافر له علشان تحققه.
مازن : هي تجربه جديدة عليه متحمس لها وفي نفس الوقت خايف وقلقان.
هنادي : معلش مفيش حاجه سهله يا مازن.
مازن : سهر من أول ما عرفت حوار السفر ده وهي بتحمسني اني أوافق ودي فرصة يا مازن شباب كتير بتتمناها متضيعهاش من ايدك بس هي كمان صعبانه عليه اسيبها لوحدها وفكرت في حضرتك كمان وبقيت محتار مش عارف اخد قرار.
هنادي : زي ما قولت ظبط نفسك هناك الأول وبعدين مراتك تسافرلك اما أنا بقى فقاعدة هنا وسط اهلي وناسي هتخاف عليه من ايه وطارق ابن خالك كمان مونسني سافر يا حبيبي وشوف مستقبلك.
________
في شقة هشام.
في التليفون... 📞
ياسمين : أنا رجعت بس اغير هدومي علشان خرجت من المطعم على المستشفى على طول.
ليلى : طيب أنا رايحه على هناك.. يعني منى قامت بالسلامة؟
ياسمين : اه وجابت بنوته زي القمر ماما وعبدالرحمن معاها بابا وصلني لحد هنا ومرضيش يطلع هغير بس هدومي علشان بابا مستني تحت.
ليلى : طيب يا ياسمين مع السلامة.
أنت تقرأ
أنت قلبي الجزء الثالث
Manusia Serigala(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
