#انت_قلبي٣
__________
الحلقة ١٢٠
في شقة كمال ونادين.
كمال : كلمت مراتك يا ابني؟
سيف : بتصل مبتردش.
كمال : شويه كده وابقى كلمها ولا اقول لك اتصل بحد من أخواتها اسأله واطمن.
سيف : هتصل حاضر.
________
في فيلا آسر.
آسر واخد البنات في حضنه وهما بيبكوا.
آسر : خلاص بقى ما أنا رجعت بالسلامة اهوه في ايه بقى؟!
سهر : حبايبي بابي كويس مفيش داعي للعياط ده.
مليكة : بابي متسبناش تاني.. كنت وحشنا قوي.
آسر بيمسح دموعها : حاضر يا حبيبتي.
ملك : يعني حضرتك خلاص خفيت وبقيت كويس؟
آسر : اه يا حبيبتي.
ملك : شوفت سليم بقى كبر مش كده؟
مجدي : كبر من شهر ما تبطلي بقى.
ملك : ملكش دعوة.
مجدي :سامعه يا مامي؟!
سهر : أنت اللي بدأت الأول.
تغيظ ملك مجدي.
مجدي : بتطلع لسانها على فكرة.
آسر : هههههههههههه
سهر : وبعدين معاكم بقى عاملين زي العيال الصغيرة.
آسر : ممكن كل واحد ياخد حاجته وتسيبوني اطلع ارتاح أنا ومامي بقى.
مجدي : قوي قوي اتفضلوا.
يخبط ملك على ايدها : اصبري.
سهر : دي شنطة مليكة وملك على فكرة.
ملك تغيظه مرة تانية.
مجدي : شايفين بتطلع لي لسانها تاني.
سهر : هههههههههههه
دي شنطتك يا مجدي
ودي شنطتك يا علي فيها حاجتك أنت ورُقية.
علي : متشكر يا مامي.
سهر لملك : هدية كده بسيطة لعمار.
ملك : متشكره قوي يا مامي.
سهر : مليكة دي حاجتك يا حبيبتي ودي كمان هدية لسيف قدميهاله لما ترجعي بيتك.
مليكة بهمس : مامي كنت عاوزه اتكلم معاكي شويه بس بعد اما تستريحي بقى.
سهر : هطلع أنام بس ساعة لاني منمتش طول الليل وهنقعد نحكي ونقول كل الكلام لحد ما تزهقي.. مش عاوزه دوشة مجدي وملك سامعين؟
ملك : أنا سامعه المهم هو يكون سامع.
مجدي : ملكيش دعوة بيه أنا هاخد حاجتي واطلع فوق سلام.
علي : مليكة سيف بيتصل.
مليكة : طب رد عليه.
علي : الو.. وعليكم السلام
مليكة اه هنا تقريبًا بس نسيت تليفونها فوق
اه ما هي تحت علشان بابي ومامي جم وكنا قاعدين معاهم..
تمام.. َمليكة سيف عاوز يكلمك..
تاخد مليكة التليفون وتخرج الجنينة.
في التليفون 📞
مليكة : اه بابي جه.
سيف : تمام وصحته أخبارها ايه؟
مليكة : كويس.
سيف : هو قاعد جنبك؟
مليكة : لأ بابي طلع ينام شويه بكلمك وأنا واقفه في الجنينه اصلا علشان
اخواتي عاملين دوشه جوه.
________
في التليفون 📞
داليا : وصلوا امتى؟
مجدي : من حوالي ساعة كده.
داليا : طيب أنت هتروح تسلم ولا هتستنى لما نروح مع بعض.
مجدي : لا دلوقت لأ نسيبهم يستريحوا يمكن على بالليل كده.
داليا : هتتأخر؟
مجدي : العادي يعني بتاع كل يوم.
داليا : أصلك بتقول يمكن نروح بالليل.
مجدي : أنا من رأيي بلاش الليله كفاية نتصل نطمن عليهم لإن هيكون في ناس كتير فنروح احنا كده في الروقان.
داليا : ازاي بس يا مجدي دا حما بنتك يعني واجب نكون هناك.
مجدي : أنا عامل على الدوشه اللي هتكون عندهم فنحاول نخفف يعني شويه كده وهكلمه واقول لك وصلت لـ ايه.
داليا : طيب يا حبيبي مع السلامة.
_________
في شقة أكرم.
أكرم : ودي شوفتها فين؟
علي : يا بابا دي تبقى بنت أخت جمال اللي واقف في صيدلية علاء ابن عمي.
أكرم : اه.. طيب أنت تعرفهم يعني؟
علي : اعرفهم منين أنا معرفش غير دكتور جمال بس إنما البنت شوفتها كام مرة هنا في الصيدلية
ولما سألت عرفت إنها بنت أخته.
ميرفت جايه بالشاي : يا ألف نهار ابيض ألف مبروك يا حبيبي.
أكرم : استني يا أم علي على مهلك مش لما يتقدم ونشوف رأي البنت الأول..
ميرفت : وهما يعني هيلاقوا احسن من ابني؟!
أكرم : يا سلام على اساس يعني خلاص ابنك مفيش زيه.
علي : حضرتك ليه يا بابا دايمًا مكسر مقاديفي هو أنا يعني وحش للدرجة دي.
أكرم : لا يا حبيبي مفيش حد وحش دايمًا بس في طريق عوج بنختار نمشي فيه وطالما نويت كده تتأهل وتستقر يبقى تمشي عدل علشان بدل ما كنت متحمل مسؤلية نفسك وظالمها هتبقى في رقبتك واحدة تانية وهتجر وراها العيال.
ميرفت : الكلام دا لما يجوا بقى يا أبو علي ههههههه احنا عاوزين نفرح.
أكرم : لأ قبل ما نفرح ونهيص لازم نحط الكلام دا في دماغنا الجواز مش هيصه وزمبليطه والعروسة للعريس وانتهينا على كده جواز يعني مسؤلية يعني ابقى راجل وقادر افتح بيت واحافظ على بنت الناس اللي اخدتها من حضن أهلها.
علي : حاضر يا بابا بس مش لما توافق الأول.
ميرفت : هيوافقوا يا حبيبي هما هيلاقوا احسن منك فين؟!
______-___
فريدة بتكلم ندى ومشغله الكاميرا.
فريدة : هههههههههههه فلوكه يا ندى! اوعى يا حازم توقعها في المياه.
ندى : اه ما انتي نفسك يعمل كده.
فريدة : هههههههههههه
يا أختي بس اجي عندك وكريم يحدفني في المياه عادي المهم أسافر.
حازم : تعالوا يا فريدة الجو هنا حلو قوي.
فريدة : اه ما أنا شايفه اهو الشمس طالعه والجو واضح إنه دافي هتيجي امتى يا نونه؟
ندى : يا اختي مستعجله على ايه سيبي الواحد يعيش له يومين قبل ما يرتزع في البيت.
فريدة : هههههههههههه والمدرسة يا نونه؟
ندى : انتي مصممه تنكدي عليه ليه يا فريدة؟!
فريدة : هههههههههههه
لا يا حبيبتي متنكديش على نفسك استمتعي كده وخُدي راحتك على الأخر.
ندى : طب اقفلي بقى علشان الأكل وصل.
فريدة : هو انتي كده كل اما اكلمك لـ اما بتاكلي أو هتبدأي أكل هههههههه هتتخني يا ندى.
ندى : بقولك ايه اتخن ولا متخنش عاجبه اخوكي كده يا اختي مكليش دعوة.
فريدة : هههههههههههه كده طيب سلام.
تقفل فريدة مع ندى.
فريدة : جميلة.. جميلة
تعالي امسكي طبقك حطيه على السفرة علشان تاكلي.
جميلة : حاضر.
وتيجي تاخد طبقها.
جميلة : مامي.
فريدة : نعم.
جميلة : هو خالو هيرجع امتى من المكان البعيد اللي سافر له ده؟
فريدة : ايش معنى هههههههه
جميلة : علشان وحشني قوي.
فريدة : اه لما سمعتك طنط ندى هههههههه
جميلة : مش طنط ندى وخالو كانوا متجوزين؟
فريدة : اه يا حبيبتي.
جميلة : طب هما اتجوزوا تاني ليه وهما متجوزين اصلا؟
فريدة : لأ ما هما كان في مشكلة صغننه كده ما بينهم وكل واحد قعد في مكان وبعدين لما اتصالحوا عملنا حفلة علشان يرجعوا لبعض تاني مش احنا حضرنا الحفلة دي؟
جميلة : فهمت يعني هما كانوا متخاصمين واتصالحوا صح كده؟
فريدة : تصدقي إنك اختصرتي أكتر مني
اه يا حبيبتي هو كده.
جميلة : طيب ما تتخاصمي حضرتك وبابي وبعدين اتصالحوا علشان نعمل حفلة كبيرة ونفرح كلنا.
فريدة : لأ نتخاصم ايه احنا عملناها زمان وخلاص انتهينا عاوزانا نعيده ليه بس يا بنتي؟!
جميلة : هو ايه دا يا مامي؟
فريدة : ممكن تاخدي طبقك وتتفضلي كده زي الشاطرة تروحي تاكلي.
جميلة : حاضر بس لما بابي يجي هقوله يخاصمك شويه وبعدين يصالحك علشان تسافري زي خالو وطنط ندى.
فريدة : أنا عاوزه اسافر من غير خصام يا جميلة مالك النهاردا مصممه أنا وبابي نتخانق ليه؟
روحي كُلي بقى يلا.
__________
في التليفون.. 📞
هنادي : طمنتيني يا أمل إنهم وصلوا بالسلامة روحتي لسهر؟
أمل : لأ مروحتش يمكن بكره كده ولا حاجة نروحلها علشان بس النهاردا تلاقيها عاوزه تستريح.
هنادي : عندك حق دا الواحد بس لما يسافر ساعتين البلد بيوصل هناك ينام باقي اليوم هههههه
بس طبعاً مش زي السفر بالطياره.
أمل : عارفه يا هنادي الواحد من اللي بيشوفوا حواليه مبيدعيش غير بالستر والصحة لا مال ولا جاه بينفعوا.
هنادي : عندك حق يا أمل
المهم الستر والصحة طولت عليكي مع السلامة بقى علشان معطلكيش.
أمل : لا أنا كنت قاعدة مورييش حاجة.
__________
في فيلا آسر.
سهر : طب ليه يا حبيبتي مقولتيش لسيف على ميعاد الطيارة طالما هو اللي سأل لك؟!
مليكة : بصراحة خوفت من رد فعل بابي هناك.
سهر : معقوله يا مليكة وهو بابي هيتخانق مثلا مع سيف في المطار؟!
ايه يا بنتي اللي بتقوليه ده؟!
مليكة : مش خناقه بمعنى الخناقه يعني يا مامي بس خوفت يعني يحرجه.
سهر : عمر ما باباكي يعمل كده انتي مش عارفه بابي ولا ايه؟!
مليكة : عارفه بس قلقانه.
سهر : كان هيفرق كتير لو سيف راح استقبل بابي في المطار يلا اهو اللي حصل بقى ومتقلقيش هتعدي بسلام بس سيف يطول باله شويه.
مليكة : آآآه يا قلبي خايفه قوي.
سهر : وطبعا مخوفاه معاكي.
مليكة : أنا مش حابه العلاقة بين سيف وبابي تبقى بالشكل ده ومش عارفه اعمل ايه علشان العلاقة دي تتحسن أنا نفسيًا تعبانه قوي عاوزه ارضي بابي وفي نفس الوقت عاوزه استقر بقى وارجع لبيتي وجوزي.
سهر : هيحصل يا مليكة بس اصبري يا حبيبتي هانت خلاص.
مليكة : أنا خوفي بس من رد فعل بابي.
سهر : متكبريش الموضوع بابي مش هيعمل حاجة متخافيش سبيني بقى انزل لعمتك قاعدة تحت من بدري.
أنت تقرأ
أنت قلبي الجزء الثالث
Werewolf(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
