أنت قلبي الجزء الثالث

الحلقة ٢٧

#انت_قلبي٣
_________
الحلقة ٢٧

في شقة كريم.
فريدة : القهوة يا كريم
كريم.. كريم أنت نمت؟
يفتح كريم عيونه وبصوت ناعس : في حاجه يا فريدة؟
فريدة : أنت طلبت مني قهوة عملتها رجعت لاقيتك نايم.
كريم : منمتش امبارح ساعتين على بعض.
فريدة : خلاص ادخل كمل نومك.
كريم : مش هينفع هاتي القهوة.
فريدة : قدامك اهيه.
كريم : اه طيب.
فريدة : أنت مش مركز خالص هتسوق كده ازاي؟
كريم : هشرب القهوة وافوق.
فريدة : طب ما تسيبك من القهوة وكُل أي حاجه الأول.
كريم : مليش نفس.
قعدت فريدة بتنهيده.
كريم : مبتدخليش تنامي ليه؟
فريدة : مش عاوزه انام.
كريم : نمتي امبارح كويس؟
هزت فريدة رأسها : لأ.
كريم : ليه انا رجعت لاقيتك نايمه.
فريدة : هو انت خرجت بالليل  تاني؟
كريم : ايوه.
فريدة : ليه؟
كريم : رجعت المستشفى.
فريدة : طنط ميرفت في المستشفى؟
كريم : جات معايا امبارح.
فريدة : مين هناك؟
كريم : عمي أكرم وعلي وأنس وحازم.
فريدة : حازم هناك؟!
كريم : ايه الغريب في كده؟
فريدة : لا عادي بس يعني عمي متقبل الموضوع ولا اتخانق معاه؟
كريم : عمي مفيهوش دماغ للخناق يا فريدة.
فريدة : معاك حق.
كريم : أنا نازل محتاجه حاجه؟
فريدة : لا يا حبيبي سلامتك.
كريم : لما جميلة ترجع من المدرسة ابقي تعالي المستشفى.
فريدة : اوك.
كريم يطبع قُبله على جبين فريدة.
فريدة : مع السلامة ياحبيبي.
_______

شادي : اوك يا مراد مش عاوز ترد تمام أنا بقى مش هسيبك إلا لما ترد.
يتصل مرة تانية.
شادي : بقى كده
تقفل التليفون.. اوك
يامراد استلقى وعدك بقى لما تيجي.
_______

بعد كام ساعة مريم راجعه من المدرسة تقرب تركب الاسانسير تلاقي شاب يلحقها بسرعه ويدخل يوقف جنبها.
مريم تبعد عنه.
تيم : بتهربي مني ليه؟
مريم : انت عاوز مني ايه؟
تيم : هنستهبل بقى يا مريم ما انتي عارفه كل حاجه.
مريم : عارفه ايه يا حقير انت ليه فاكرني ايه؟
تيم : لا بقولك ايه الشويتين دول تضحكي بيهم على دماغ عيل صغير مش عليه انا يا ماما.
مريم : شويتين ايه انت بتقول ايه مش كفاية اللي حصل؟!
تيم : بقولك ايه انتي رايحه معايا وعارفه كل حاجه والا تبقي هبله وعبيطه وفي كل الأحوال تستاهلي اللي يجرالك.
مريم : دا انت مش حقير وقليل الأدب وبس انت طلعت بجح كمان!
تيم : بقولك ايه انا رجعتلك الشنطة بتاعك رغم اني اتخرشمت شايفه.
مريم : تستاهل ولو قربت مني هعمل فيك اكتر من كده.
تيم : اسمعي يامريم علشان انا بتخنق بسرعة انتي هتيجي في العنوان دا عارفه ليه علشان لو مجتيش هقول لمامتك وشوفي بقى وقتها هتعمل ايه لأ مامتك ايه انا هقول لـ اخوكي.
مريم : شيل ايدك خليني اخرج.
تيم : العنوان اهوه.
مريم تقطع الورقة وترميها.
تيم : بقى كده.. طيب.
تدخل مريم الشقة بسرعة وتقفل على نفسها.
___________
في المساء.
تفتح سهر عيونها تلاقي آسر.
آسر : هههههههههههه ايه اتخضيتي؟
سهر : انت هنا من امتى؟
آسر : لسه جاي متقلقيش.
سهر : وهقلق ليه؟!
آسر : علشان كنت براقبك وانتي نايمه
ههههههههههههه
سهر : بتضحك ليه مش فاهمه؟!
آسر : بحس إنك بتبقي صاحيه و عينك مفتحه.
سهر : انت بقى جاي بعد العمر دا كله تاخد بالك؟!
آسر : اه بمناسبة العمر بقى احنا عدا على جوازنا كام سنه؟
سهر : هاه !
آسر : هاه ايه شكلك نسيتي.
سهر : لا طبعا فاكره
مليكة أربعة وعشرين وخلفتها بعد اربع سنين يعني الحسبه كلها....
آسر : هههههههههههه مش بقولك ناسيه على العموم انا منستش كل سنه وانتي طيبه يا حبيبتي.
سهر : ايه ده؟!
آسر : ماسك بمناسبة مرور تمانية وعشرين سنه على جوازنا.
سهر : بتهزر صح ملقتش غير الماسك المرعب دا ولا دا من الخضه؟
آسر : هههههههههههه
لا طبعا دول كانوا احلى تمانية وعشرين سنه في حياتي.
سهر : تعرف يا آسر زمان كنت بستنى قوي اليوم دا لكن دلوقت تمانية وعشرين سنه بتفكرني إن بقى عندي خمسين سنه.
آسر : إلا شهر ويومين.
سهر : يعني مفرقتش قوي.
آسر : طب وفيها ايه احنا لسه شباب خمسين واتنين وخمسين دا احلى عمر نعيشه مع بعض.
سهر : بتقول كده علشان مزعلش.
آسر : هههههههههههه ونزعل ليه قومي ألبسي يلا.
سهر : ليه احنا خارجين؟
آسر : ايوه هنتمشى شوية بالعربية و نتعشا عشوة جامده جدااااً.
سهر بابتسامة : بموت فيك.
آسر : وانا كمان يلا بقى.
سهر : طب خمس دقايق اخد شاور واشوف هلبس ايه.
آسر : اوك بس هختارلك انا حاجه على ذوقي.
سهر : أكيد هتبقى حاجه حلوة أنا واثقه في ذوقك اوعى تخيب ظني.
آسر : هههههههههههه حاضر بس انجزي يلا.
_________