#انت_قلبي٣
__________
في التليفون 📞
مراد : طب بس اهدي
وفهميني مالك حصل ايه؟
رغد : أنا قاعدة دلوقت في الشارع ومش عاوزه ارجع البيت.
مراد : طب بطلي عياط علشان افهم بتقولي ايه.
رغد بتمسح دموعها : بقولك أنا قاعدة في الشارع ومش راجعه البيت.
مراد : ايه مش راجعه البيت يعني ايه ليه هتباتي في الشارع؟
رغد : معرفش بس مش راجعه البيت يا مراد.
مراد : طب قوليلي انتي فين دلوقت.
رغد : ليه هتعمل ايه؟
مراد : هجيلك يا رغد نشوف حل للموضوع ده
قوليلي بس انتي فين بالظبط.
_______________
في المستشفى.
فريدة حاضنه ندى وبتبكي.
فريدة : أنا مش عارفه أعمل إيه بجد انتي فوقتي وعارفاني دلوقت؟
هزت ندى رأسها.
ميرفت : لما عمك قالي مصدقتش فكرت إني بحلم.
أكرم : أنا برضو اتلخبطت لما الدكتور قالي معلش يا فريدة سبيها ترتاح دلوقت.
فريدة : هتنامي؟
هزت ندى رأسها.
فريدة : هي يا عمي مبتتكلمش ليه؟
أكرم : ياااه يا فريدة احنا كنا فين وبقينا فين يا بنتي دا كده كويس قوي.
فريدة : عندك حق نامي يا ندى وارتاحي.
الباب يخبط..
أكرم : ادخل.
يدخل حازم أول ما تلمحه ندى تلتفت الناحية التانية بغضب.
أكرم : جاي ليه؟
تقوم فريدة وتقرب من عمها.
فريدة : معلش يا عمي خليه يطمن على ندى ما دا حقه برضو.
أكرم : حقه!
فريدة : معلش علشان خاطري.
أكرم : هي مش طايقه تشوفه اصلا.
حازم : معلش يا عمي حتى لو مش طايقه تشوفني
أنا برضو لازم اطمن عليها عامله ايه يا ندى دلوقت؟
طبعا ندى مردتش.
حازم : أنا فرحان قوي إنك فوقتي وشايفنا دلوقت.
فريدة : حازم تعالى عاوزاك.
خرج حازم مع فريدة.
حازم : عارف انتي عاوزه تقولي ايه بس أنا مش جاي اضايقها ولا اضايق عمي جيت اطمن على مراتي زي ما انتي جيتي تطمني على بنت عمك.
فريدة : تمام وأنا مقولتش حاجه بس خف شويه اليومين دول علشان عمي أنت عارف إنه على اخره
لما ندى تتحسن شويه وتقدر تتكلم وتتحرك ممكن تقعدوا مع بعض وتتفاهموا.
حازم : حاضر يا فريدة.
فريدة : ولازم تتأكد إني مليش يد ابدا في اللي حصل بينكم أكيد أنت عارف السبب كويس قوي.
حازم : عارف يا فريدة بس كنت بريح نفسي يمكن ضميري يستريح شويه أنا آسف على اللي حصل مني.
فريدة : خلاص يا حازم اللي حصل حصل.
حازم : يعني مش زعلانه مني؟
فريدة : مقدرش اقولك إني نسيت ولا حتى مش زعلانه من اللي عملته بس اللي اقدر اقوله دلوقت إني هحاول انسى اللي حصل لإنك اخويا ومليش غيرك.
حازم : ياااه يا فريدة كلامك دا بيعذبني أكتر وبيعرفني قد ايه مكانش عندي قلب علشان أمد ايدي على أختي اللي مليش غيرها في الدنيا.
فريدة بتبكي يقرب حازم ويحتضنها : خلاص أنا آسف حقك عليه سامحيني.
كان كريم جاي فوقف مكانه.
فريدة : خلاص يا حازم هحاول انسى اللي حصل.
يُقبل ايدها : وأنا مش هضغط عليكي أكيد معاكي حق إنك تكرهيني ومتنسيش اللي عملته فيكي.
فريدة : زي ما قولتلك تحاول اليومين دول تاخد جنب كده ومتجيش البيت لحد ما ندى ترجع وأنا برضو هحاول معاها لو ينفع تقعدوا مع بعض تتفاهموا لكن لو رافضه مقدرش اضغط عليها أنت عارف حصلها ايه من اخر مرة اتقابلتوا فيها.
حازم : عارف وأنا ميهمنيش غير انها تبقى كويسه حتى لو بعيد عني.
فريدة : تمام.
يلتفت حازم علشان يمشي : ازيك يا دكتور؟
كريم : تمام.
حازم : تمام يا فريدة أنا همشي بقى.
فريدة : مع السلامة.
أنت تقرأ
أنت قلبي الجزء الثالث
Werewolf(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
