أنت قلبي الجزء الثالث

الحلقة ٨٦

#انت_قلبي٣
________
الحلقة ٨٦

أمام شركة هشام هند واقفة على الناحية التانية منتظرة خروج هشام من جوه.
دا وقت البريك من واحدة لـ اتنين ومفروض هيروح يتغدا مع ياسمين.
أول ما لمحته هند قربت من العربية اللي كان لسه بيشغلها وبتخبط على الازاز.
هشام كان مشغول في التليفون وبعدها انتبه لصوت الخبط على الازاز فنظر الجهه التانية ونزل الازاز علشان يعرف مين اللي واقف بره.
هشام اتفاجىء بهند.
هند بابتسامة : مساء الخير يا هشام بيه.
هشام بحده : عاوزه ايه؟
هند : بقى فيه شاب وسيم زي حضرتك برضه يشوف بنت جميلة زيي يقولها عاوزه ايه؟
هشام : بقولك ايه شوف حالك بعيد عنى.
بتفتح باب العربية وتركب جنب هشام.
هشام : ايه اللي عملتيه ده؟ اتفضلي انزلي يلا.
هند : مش هنزل يا هشام ولازم تسمعني.
هشام : مش هسمع حاجه اتفضلي يلا.
هند : طب رد عليها الأول مش المدام برضه؟
هشام بغضب : أنتي مالك انتي المدام ولا غيرها يخصك في ايه؟!
هند : لا لا يا اتش اهدا كده متتعصبش الشوجو منتشر يا حبيبي وأخاف عليك.
هشام : دا أنتي بجحه قوي.
هند : مش هزعل منك عارف ليه؟
علشان بحبك هشام أنا بقالي سبع سنين محلك سر مبعملش حاجه غير إني بفكر فيك حتى ارتبطت بشاب ومحصلش نصيب علشان معرفتش احبه مفيش في قلبي غيرك.

ياسمين واقفه قدام المحل منتظرة هشام وناظرة في ساعة الموبايل وبتتصل بهشام اللي بيكنسل ومش عارف يخلع من هند ولا عارف يرد على ياسمين علشان مش ضامن هند ممكن تقول ايه أثناء المكالمة.

ياسمين : وبعدين بقى يا هشام بتكنسل ليه معقول
كل دا جاي في الطريق؟!
طب ما ترد وتطمني.
_______
في السجن.
ماهر : دا لو كنت ربيت قطة مش بعيد كنت الاقيها جايه لي السجن لكن البنت اللي ربيتها وعمري ما أخرت عنها حاجه دي لما كانت بتطلب ايه كنت بخرج اجيبه ليها لو الفجر حتى لكن طلعت قليلة الأصل بنتك طالعه كده لمين يا سامية؟!
سامية : سيبك من رغد وخليك في اللي أنت فيه يا ماهر قبل ما ميعاد الزيارة تنتهي كنت عاوزه أقولك ياريت تطلقني علشان مضطرش أرفع قضية خلع وأنت مش ناقص يا حبيبي كفاية القواضي اللي عندك يبقى من سكات كده ومن غير شوشرة تطلقني يا ماهر.
ماهر : حتى أنتي يا سامية؟!
سامية : ايوه حتى أنا
ليه كنت شوفت منك حاجه كويسه حتى البنت اللي ربيتها محافظتش عليها اهي تعبانه في الشغل علشان تدفع بس مصاريف الجامعة وباباها أنت عارفه استفدت أنا ايه من جوازتك دي غير إن بنتي شايفاني بيعتها علشان الفلوس.
ماهر : هديكي كل اللي انتي عاوزاه الفيلا والشركة وكل الفلوس اللي تطلبيها بس خُدي رغد وارجعوا عيشوا في الفيلا وأنا هخرج متقلقيش.
سامية : أنا مش عاوزه حاجه فلوسك دي كانت نقمه عليه مفيهاش بركه لما كنت عايشه مع نجيب في فقر وضنك كانت النفسيه أحسن من كده لكن دلوقت لما بشوف بنتي بحزن عليها وعلى النهاية اللي وصلتها ليها ابعد عننا يا ماهر طلقني وانسانا خالص.
ماهر : عاوزه تتخلي عني في محنتي يا سامية؟!
سامية : أنا أصلًا مش هعرف أعملك حاجه عندك المحامي بتاعك هو يعملك كل حاجه وأنا مش هنسى ليك تربيتك لبنتي بس علشان خاطري كفاية كده
سلام.
وقامت سامية وتركت ماهر قاعد لوحده قرب المحامي وأستأذن هو كمان.
___________