#انت_قلبي٣
___________
الحلقة ١١٧
مليكة لسه واقفه عند البوابة.
يوسف : مامي أنا بلدان قوي.
مليكة تحمله وتدخل جوه : مش قولتلك تدخل جوه واقف معايا ليه؟
يوسف : هو بابي لاح فين؟
مليكة : قولتلك معرفش.
الرجل : يا عم سيبني.
كان سيف مسك الرجل وبعد ما ضربه حاول يستعطفه علشان يتركه يمشي.
سيف : مش هسيبك لازم اعرف أنت مين وكنت جاي تعمل ايه.
علي ومجدي راكبين العربية وعلي بيلف علشان يدخل الشارع اللي ساكنين فيه يلاقوا المشهد ده.
مجدي : استنى كده يا علي أقف هنا دا واحد ماسك واحد بيضربه.
علي : هتنزل تعمل ايه؟
مجدي : هنبعد الراجل دا عنه.
بينزل مجدي ووراه علي.
مجدي بيبعد الشخص اللي مش شايف وجهه : ما تسيبه يا عم أنت بتضربه ليه.
بيلتفت له سيف.
مجدي : سيف!
علي : بتعمل ايه هنا وماسك الراجل ده بتضربه ليه؟!
كان الرجل بيحاول يهرب يمسكه سيف : أقف هنا مش هسيبك الليله لازم اعرف أنت مين وكنت داخل البيت تعمل ايه.
مجدي : بيت ايه؟
سيف : الحرامي ده لاقيته في جنينة الفيلا عندكم وأول ما لمحني طلع يجري.
مجدي : وقعتك مهببه تعالى بقى قول لي كنت جاي تعمل ايه؟
سيف : هو مش هيعترف شكله كده عاوز يعترف في القسم.
الرجل : لأ قسم لأ أنا هقولكم على كل حاجة بس بعدها تسيبوني.
_________
في فيلا كريم.
فريدة : كنت فين؟ ومتكدبش.
زين : كنت سهران مع واحد صاحبي.
فريدة : سهران مع واحد صاحبك بتعملوا ايه يعني بتذاكروا؟!
زين : لأ قاعدين عادي يا مامي بندردش مع بعض.
فريدة : يعني ايه بتدردشوا مع بعض أنت يا ابني معندكش مذاكرة ولا هتنجح كده من غير تعب ولا مجهود؟!
زين : هذاكر حاضر تصبحي على خير.
فريدة : استنى هنا.
زين وقف مكانه : نعم.
قربت فريدة منه : أنت بتشرب سجاير صح؟
زين : لأ.
فريدة : متكدبش ريحة السجاير خارجة من بؤقك
ايه القرف ده؟!
زين : لأ مبشربش.
فريدة : مصمم تكدب برضو مش كده؟!
زين : دي سيجارة واحد صاحبي عزم عليه بيها.
فريدة : واحد صاحبك هاه!
زين : مامي بتعملي ايه؟! على فكرة مينفعش كده.
كانت فريدة بتخرج علبة السجاير من جيب البنطلون.
فريدة : صاحبك بيعزم عليك ولا أنت اللي بتعزم عليهم يا دكتور هاه
يا خسارة وأنا اللي كنت فاكرة إني عرفت اربي وبقول مفيش في أخلاق ولا أدب زين ابني كنت بتسمع الكلام ومريحني عن باقي اخواتك ايه اللي حصل لك كل دا ليه يا ابني حصل ايه علشان تعمل في نفسك كده دا أنا وباباك مموتين نفسنا علشان كم ليه بتعملوا فينا كده؟!
سابتك؟ عادي ايه اللي حصل ما هو ياما هتحب وتتحب الحياة بتوقفش على واحدة ولو لك نصيب معاها لا أنا ولا بابا ولا في مخلوق هيقدر يفرق ما بينكم ليه بتعاند ومصمم متتقبلش الحقيقة.
زين : علشان مره يا مامي.
فريدة : وأنت مفكر إن الدنيا دي هتمشي على مزاجنا لكن كمان مينفعش نعاند ونعترض بالشكل ده ارضى يا حبيبي علشان تلاقي في طريقك الأحسن
أنا وباباك اطلقنا عارف يعني ايه اطلقنا واتجوزت واحد تاني وأطلقت وبعدها اتجوزت أنا وباباك علشان كان لينا نصيب مع بعض أنت عامل في نفسك كل دا ليه بقى؟!
زين : بس أكيد لما انفصلتي عن بابي مكانش الموضوع سهل بالنسبة لك بتقولي دلوقت بس كده علشان الموضوع عدى لكن وقتها مااظنش إنه كان عادي ليه مش قادرين تحسوا بيه وشايفين إن حاجة تافهه قوي ايه يعني حبيت واللي حبيتها قررت تبعد عنك يا تافه دا بدل ما تضحك وتعيش حياتك ولا كأن حاجة حصلت مش هو دا اللي عاوزني اعمله؟!
فريدة : تمام خُد وقتك وازعل واكتئب زي ما أنت عاوز أشرب سجاير ولا حتى مخدرات سيب دراستك ومتروحش جامعتك ولا تدخل امتحاناتك ضيع نفسه وضيع حلمنا وحلم باباك ضيع تعب السنين علشان بنت سابتك وهي اصلا مكانتش بتحبك.
زين : علشان حبيت الدكتور كريم اللي شافت فيه الأب والحبيب وكل حاجة.
فريدة : أخرس خالص متتكلمش على باباك بالأسلوب ده مش ذنبه إن حضرتها اتعلقت بيه.
زين : صحيح ملوش دعوة بالحوار ده هي حبيته كده من غير ما يحاول يشاغلها.
رفعت فريدة ايدها وصفعت زين على وجهه.
زين : بتضربيني؟!
فريدة : اضربك واكسر دماغك كمان طالما بتتطاول على باباك بالأسلوب الزبالة ده أنت فاكر ايه ابوك دا عيل صغير بيلعب معاك؟!
زين : لا راجل كبير ومفروض يبقى عارف هو بيعمل ايه.
فريدة : اطلع اوضتك مش عاوزه ألمحك قدامي.
زين : الصبح بقى هخرج ومش راجع هنا تاني.
فريدة : براحتك يا حبيبي فاكرني همسك فيك واعيط غور في داهيه يلا.
يطلع زين فوق وتقعد فريدة تستريح وتحس إن السكر بدأ يعلى عليها وتقعد تبكي لوحدها.
______________
في قسم الشرطة.
الرجل : يا باشا أنا هقول كل حاجة بس خليهم يبعدوا عني.
مجدي : يعني حرامي وبجح كمان نبعد عنك ايه يا لاا أنت امال لو مكونتش داخل بيتنا يا حرامي.
الضابط : وبعدين بقى ممكن يا أستاذ تتفضل تقعد وتسيبني اشوف شغلي؟
مجدي : حاضر هقعد.
الضابط : روحت هناك تعمل ايه؟
الرجل : يا باشا في واحد اسمه صلاح هو اللي قال لي اروح هناك واقلب الفيلا يعني بما إن أصحابها مش موجودين واللي هناك عيلين صغيرين ومعاهم اختهم يعني مش هيقدر وا يقاوموا.
علي : بقى احنا عيال يا واد أنت؟!
الضابط : وبعدين بقى سيبوه يكمل.
صلاح : هو دا الكلام اللي اتقالي يا باشا وعلى أساسه بدأت احوم حوالين الفيلا لحد ما الاقي اللحظة المناسبة وفي الليله دي بالذات ملقتش أي عربيات خالص جوه عرفت إن الفيلا فاضيه وإن محدش جوه أو على الأقل اللي موجودة جوه هي أختهم ودي ممنهاش خطر يعني بس معرفش إن في حد معاها جوه.
الضابط : كمل.
الرجل : انتهزت الفرصة يعني لما لاقيت البوابة مفتوحه والبواب شكله مكانش موجود لإني مشوفتوش وقولت ادخل اقلب في الفيلا براحتي لحد ما شوفت الأستاذ اللي مسكني ضربني ده.
سيف : دا أقل واجب.
الضابط : أنت تعرفهم منين؟
الرجل : اللي دلني عليهم يا باشا واحد اسمه صلاح ما أنا قولت لحضرتك.
الضابط : صلاح ايه اسمه بالكامل يعني وايه علاقتك بيه؟
الرجل : اعرف إن اسمه صلاح بس يا باشا وعرفته عن طريق ناس صحابي وكنت مزنوق يعني في قرشين فهو دلني على السكه دي وقال لي هيبقى له نسبه يعني دا لو نجحت وقدرت اخد حاجة غاليه من جوه الفيلا.
الضابط : تعرف عنوان الراجل اللي بتقول عليه ده؟
الرجل : اه يا باشا عز المعرفة.
الضابط : طب ادينا العنوان.
خرج مجدي وعلي وسيف من المكتب وفضلوا متحفظين على الرجل جوه.
التليفون بيرن.
علي لسيف : دي مليكة.
سيف : رد عليها طمنها إني بخير لإني سيبت الموبايل هناك.
علي : الو.. اه معانا بس اهدي بس هفهمك...
علي ليهم : عماله تعيط.
سيف : طب ادهالي اكلمها.
علي : اتفضل.
سيف : أنا سيف يا مليكة اهدي يا حبيبتي أنا كويس
اه مسكت الحرامي ده واحنا في القسم اهوه
هنخرج امتى؟
لا معرفش هو بس الراجل ده دلهم على شريكه وراحوا يجيبوه
هنكلمك واحنا خارجين سلام.
________
في شقة كمال ونادين.
كمال قاعد قلقان بيتصل بسيف يطمن عليه ردت مليكة.
في التليفون 📞
كمال : ازيك يا مليكة يا بنتي عامله ايه انتي ويوسف؟
مليكة : بخير يا عمي.
كمال : هو سيف عندك؟
مليكة : لأ سيف في القسم.
كمال : قسم!
قسم ليه يا بنتي حصل ايه؟
مليكة : هحكي لحضرتك على حاجة.
__________
في الصباح.. في فيلا آسر.
مليكة : وصلاح دا يطلع مين هو كمان؟!
نظر مجدي لعلي.
علي : أنا هطلع أنام.. سيف البيت بيتك طبعاً تصبحو على خير.
يرددوا : وأنت من أهل الخير.
سيف : هقوم أنا امشي محتاج حاجة يا مجدي؟
مجدي : لا يا سيف متشكر.
بتخرج مليكة مع سيف توصله.
في الجنينة.
مليكة : ايه اللي في وشك ده؟
وتدوس على دقنه.
سيف : آآآه.
مليكة : دي آثار الخناقة ولا ايه؟
سيف : بتوجعني من بالليل بس مش شايفها دي كدمه صح؟
مليكة : شكلها كده.. ازاي تسيبه يضربك.
سيف : ما هو أكيد كان هيدافع عن نفسه يعني امال هيتلقى كل الضرب ده من غير مقاومة.
مليكة : عاش يا وحش.
سيف : هههههههههههه
هو يوسف نام امتى؟
مليكة : فين وفين لما نام قعد يعيط ومصمم يعرف أنت فين وأنا اصلا وقتها مكنتش أعرف.
سيف : عاوز بس ارتمي على السرير محدش يصحيني.
مليكة : يا حبيبي طب روح علشان تنام هتقدر تسوق العربية ولا اوصلك؟
سيف بابتسامة : لا مش للدرجة دي.. اهو بابا بيتصل سلام يا قلبي.
تشاور له مليكة : مع السلامة يا حبيبي خُد بالك وسوق على مهلك.
يشاور لها وهو بيركب العربية ويخرج من البوابة.
في التليفون 📞
كمال : أنت فين يا ابني؟
سيف : أنا لسه خارج اهو من الفيلا يا بابا.
كمال : انت رجعت على هناك؟
سيف : رجعت علشان كنت راكن العربية قدام الفيلا ودخلت اطمن مليكة لإنها كانت قلقانه.
كمال : طيب يا ابني توصل بالسلامة.
أنت تقرأ
أنت قلبي الجزء الثالث
Werewolf(زواج _ حب _ صداقة) جمعت بين أبطال قصتنا لكن حياتهم مش دايماً هادئة ما تيجو نشوف الجزء الثالث من أنت قلبي و اللي مش متابع معانا من الأول يقدر يدخل على الأجزاء السابقه أو يبدأ معانا هنا 👈 حلقتين في الاسبوع..
